Dagur - 30.05.1986, Síða 12
12 - DÁGUR - 30. iriaí 1986
Myndir og texti: Ingibjörg Magnúsdóttir
„Ég flutti hingað fyrir 24 árum og frá fyrsta degi hef ég ekki
getað hugsað mér að vera annars staðar, “ sagði Ólafur
Guðmundsson. Hann starfar sem handavinnukennari
við Barna- og Gagnfrœðaskólann á Húsavík.
Ólafur er fœddur og uppalinn í Vestmannaeyjum,
hann stundaði sjómennsku og lœrði og vann við húsasmíðar.
Eftir að hann flutti til Húsavíkur
fór hann í Kennaraskólann, þá á fimmtugsaldri,
og lauk kennaraprófi. í tómstundum sínum stundar
Ólafur ýmiss konar smíðar.
Þann 15. maí sl. kom hann með bíl til skráningar
hjá Bifreiðaeftirlitinu á Húsavík.
- Ólafur þú varst að gera svolítið
merkilegt við bíl, viltu ekki lýsa því
fyrir mér?
„Fyrir þrem árum síðan kom sonur
minn heim með öndina í hálsinum og
sagðist hafa fundið svo fallegan bíl,
að vísu væri hann orðinn svolítið
grasivaxinn. Bíllinn var hérna fram í
Köldukinn og sonur minn bað mig að
koma og skoða hann. Ég var náttúr-
lega til í ævintýrið og fór með strák,
ferðin endaði með að ég keypti bíl-
inn á tvö þúsund krónur og við dróg-
um hann heim. Þegar ég var búinn að
koma bílnum inn í bílskúr og yfir
gryfjuna hjá mér sé ég að hann var
verr farinn en ég átti von á, því
grindin var farin undan honum og
það má segja að botninn hafi verið
farinn úr honum. En ég tók mig til og
reyndi að lagfæra þessa hluti.“
Þetta var þrjóska
„Það var mikið verk sérstaklega að
smíða grindina því það þarf að smíða
hana svo rétta og ég hafði aðeins örfá
brot til að fara eftir. Ég hef gripið í
að lagfæra þennan bíl svona með
öðru undanfarin þrjú ár og nú held
ég að bíllinn sé ekki verri en margur
annar. Hann ætti alveg að geta enst
önnur 24 ár, en hann er módel 1962
af Opel 01ympia.“
- Var löngu búið að skrá þennan
bíl ónýtan?
„Hann var skráður ónýtur 1980
eða ’81 svo að í dag þurfti ég að láta
skrá hann sem nýjan bíl. Ég var
búinn að fara með hann í forskoðun
áður til að athuga hvað meira ég
þyrfti að gera við hann því auðvitað
þurfti hann að vera í fullkomnu lagi
sem nýskráður bíll.“
- Er það ekki afskaplega óalgengt
að svona sé gert?
„Satt að segja held ég að ekki sé
mikið um að fólk'vilji leggja þetta á
sig. Standa í því að gera upp gamalt
bílræksni sem búið er að dæma ónýtt
ef það hugsar út í þann tíma sem þarf
að fórna til að koma bílnum á götuna
og svo gæti fyrirtækið mislukkast."
- En af hverju varst þú að þessu?
„Vegna þess að í upphafi þóttist ég
„Helst gera alla
hamingjusama*
- Spjallað við Ólaf á Borgarhóli um nýja, gamla bílinn, kommóðusmíði,
sjómennsku á stríðsárunum, húsið og margt fleira
: : :: ■:: ■■■::■
■'.......................... . ■
,
* :
geta þetta og svo vildi ég sanna að ég
gæti það, þetta var þrjóska.
Ég hef fengið aðstoð góðra manna
t.d. Ingólfs vinar míns í Felli, einnig
hafa synir mínir verið mér ákaflega
hjálplegir, því það er svo margt við
þetta sem maður getur ekki gert
,einn.“
- Til hvers ætlar þú að nota
bílinn?
„Ég veit það ekki, ætli ég noti
hann ekki bara til að eyða peningum
í. Ég á bíl fyrir sem ég nota lítið og
veit að nú nota ég hann helmingi
minna, því notkunin mun dreifast á
báða bílana."
- En þú ætlar að eiga bílinn."
„Alla vega einhvern tíma, þori
ekki að segja hvað lengi.“
- Var þetta ekki dýrt fyrirtæki,
þurftir þú ekki að kaupa mikið í bíl-
inn fyrir utan alla vinnuna?
„Umboðið á Akureyri hefur legið
með gamla varahluti og þeir hafa
verið ákaflega hjálplegir og almenni-
legir, ekki selt þá dýrt. Það er hægt
að hafa gaman af svona ekki síst ef
hægt er að fá unga fólkið til að taka
þátt. Konan mín var mér hjálpleg við
að sauma innan í bílinn, ég þurfti að
fá sæti úr öðrum bíl því sætin voru
svo gjörsamlega búin að ég vildi ekki
hætta lífi mínu með því að setjast á
þau.“
- Hvernig er að eiga bíl sem þú
hefur eiginlega smíðað sjálfur, er
hann ekki eins og barnið þitt? Ertu
ekki hræddur um að það komi rispa á
hann?