Dagur - 27.08.1986, Síða 8

8 - DAGUR - 27. ágúst 1986
af erlendum vettvangi.
„Er áreiðanlega allt í lagi með þig?“
Yfir sig hamingjusöm faðma Thangaraja-hjónin níu ára dóttur sína að sér á flugvellinum í Berlín
eftir áralangan aðskilnað.
Loftbrú fyrir böm
Flóttafólkið frá Sri Lanka hafði árum saman verið aðskilið frá
börnum sínum. Nýlega voru 14 drengir og telpur sótt til samein-
ingar foreldrum sínum á óvenjulegan hátt.
Hún Vasuki litla, sem veröur
sjö ára í október, faðmar systur
sína strax að sér á flugvellinum í
Berlín. Siva bróðir þeirra varð
fimm ára í maí. Hann felur sig
milli fótanna á pabba sínum og
það tekur hann þó nokkurn
tíma að venjast „þessari nýju“.
Sú nýja er Vathany, níu ára, og
elsta barn tamíla-hjónanna
Thangaraja. Hún hefur ekki séð
foreldra sína og systkini í hálft
fjórða ár. Allan þann tíma bjó
hún ein með ömmu sinni í
norðurhluta Sri Lanka. Þegar
móðir hennar fékk brottfarar-
leyfi vantaði fæðingarvottorðið
fyrir Vathany. Hún fékk því
engin ferðaskilríki og varð eftir,
þegar móðir hennar og systkini
yfirgáfu landið.
Sameining Vathany við fjöl-
skyldu sína er að þakka ein-
stakri aðgerð Amnesty Interna-
tional með hjálp þingmanna og
starfsfólks Alternative-flokks-
ins í V.-Þýskalandi. Frá Sri
Lanka voru 14 tamílabörn flutt
til Þýskalands þar sem foreldrar
þeirra höfðu fengið sótt um
dvalarleyfi.
Erfiðleikarnir dundu yfir
Thangaraja-fjölskylduna í maí
1981. Þá stóðu sveitarstjórnar-
kosningar fyrir dyrum og kenn-
arinn Pluapillai Thangaraja
starfaði sem kosningastarfs-
maður fyrir Tamílaflokkinn.
„Dögum saman höfðu hermenn
dregið kjark úr og ógnað fólki á
götunum. Það var augljóst að
þeir ætluðu að reyna að koma í
veg fyrir að flokkurinn fengi
stuðning," útskýrði Thangar-
aja. Á kosningadaginn ruddist
herinn inn á kjörstaðinn, braut
innréttingar og misþyrmdi kjós-
endum jafnt sem starfsfólki.
Kennaranum tókst að flýja.
Frá nágrönnum barst honum sú
fregn að lögreglan leitaði hans.
Strax sama dag settist hann að
hjá bróður sínum í höfuðborg-
inni Colombo. Sár var aðskiln-
aðurinn frá fjölskyldunni, ekki
síst vegna þess að kona hans var
komin að falli. Nokkrum dög-
um síðar fæddist sonurinn Siva.
í júlí 1981 yfirgaf heimilisfað-
irinn Sri Lanka, flaug til Aust-
ur-Berlínar, fór með neðan-
jarðarlest vestur fyrir múrinn og
bað um hæli sem pólitískur
flóttamaður. Ári síðar kom
kona hans á eftir með tvö af
þrem börnum þeirra.
í Berlín fékk fjölskyldan
húsaskjól í dvalarheimili í
Wilmersdorf - fjögur í einu her-
bergi, þröngt reyndar, en hreint
og þrifalegt. Venjuleg skrif-
finnska varðandi dvalarleyfið
tók við. Eins og oftast, létu við-
komandi yfirvöld kanna ástand-
ið í Sri Lanka á umræddum
tíma til að ganga úr skugga um
hvort um pólitískar ofsóknir
hefði verið að ræða.
Allt tók þetta tíma og óvissan
reyndi á taugarnar. Þar við
bættust áhyggjur af eldri dóttur-
inni. Þegar hún svo í ársbyrjun
skrifaði til foreldra sinna að
skólinn hennar hefði orðið fyrir
sprengjuárás og nokkur skóla-
systkini særst, sneri faðir henn-
ar sér ásamt öðrum samlöndum
sínum í sömu aðstöðu til Amn-
esty International. Þá var kom-
ið af stað hjálparaðgerð í sam-
vinnu við fulltrúa Alternative-
flokksins. Loks flugu þrír sendi-
menn til Sri Lanka.
Þrjár vikur liðu áður en þeim
hafði tekist að safna saman
þessum 14 tamílabörnum. Á
flugvellinum í Colombo kom nú
nýtt vandamál upp. Ríkislög-
reglan vildi ekki hleypa hópn-
um úr landi. Fylgdarmennirnir
voru yfirheyrðir og þeim ógnað.
Einn af þeim kvað framkomu
lögreglunnar hafa verið ámóta
og hjá Gestapó.
Síðasta töfin var í Frankfurt,
þar sem fleiri klukkustundir
liðu áður en lögfræðingar utan-
ríkisþjónustunnar höfðu gengið
frá nauðsynlegum plöggum til
að börnin gætu komist inn í
landið og til foreldra sinna. Sól-
arhringum saman höfðu for-
eldrar Vathanys naumast notið
svefns né matar. Loksins rann
þó stundin upp og flugvélin með
börnin um borð lenti á flugvell-
inum í Berlín. „Er áreiðanlega
allt í lagi með þig? Líður þér vel
eftir ferðina?" spurði móðir
Vathanys aftur og aftur, þar
sem hún hélt á henni í fangi sér
og grét af gleði.
Ekki slapp aðgerð þessi alveg
við gagnrýni. Rolf-Peter Lange,
einn af þingmönnum frjáls-
lyndra, kallaði þetta „pólitískt
dómgreindarleysi" og tilkynnti
að hann mundi bera málið upp
á fylkisþinginu í Berlín. Svona
„hálfgerðar mannránsferðir"
væru ekki samrýmanlegar stöðu
þingmanns, sagði hann.
Talsmaður Alternative-flokks-
ins, Heidemarie Bischoff-
Pflanz, ein þeirra sem fóru til
Sri Lanka, svaraði: „Þetta var
eingöngu mannúðarverk, því
börnin höfðu verið aðskilin frá
foreldrum sínum árum saman.
Hitt er svo annað mál, að það er
markmið okkar hér eftir að
tryggja pólitískum flóttamönn-
um framtíðarinnar rétt til að
sameinast fjölskyldum sínum.“
Wildfrívd Kruu.se í STERN 26/1986,
þýð. Magnús Kristinsson.
íþróttÍL
Golf:
Fyrírtækjakeppni
á Króknum
Fyrir skömmu fór fram á golf-
vellinum við Hlíðarenda
keppni milli starfsmanna
Steinullarverksmiðjunnar og
Trésmiðjunnar Borgar. Er
þetta í fyrsta skipti sem keppni
þessi fer fram en áformað að
hún verði árlega.
Keppninni sem stóð yfir tvö
kvöld lauk með sigri Borgarinn-
ar, fjórir bestu menn léku á 264
höggum. Steinullin lék á 282
höggum. Hafa þeir í Steinullar-
verksmiðjunni örugglega hug á
að æfa vel fyrir keppnina á næsta
ári en Borgarmenn hafa mun
meiri breidd og reynslu í þessari
grein í augnablikinu. Bestum
árangri án forgjafar náði Magnús
Rögnvaldsson lék á 84 höggum.
Jón Hreinsson lék með forgjöf á
64 höggum og Björn Sverrisson
knattspyrnukappi var næstur
holu á sjöttu braut, og lék auk
þess mjög vel seinna kvöldið og
höfðu menn á orði að hann ætti
frekar að snúa sér að golfinu.
AUir eru þessir golfspilarar úr
Borgarliðinu. Verðlaun á mótinu
voru gefin að fyrirtækjunum sam-
eiginlega þar á meðal verðlauna-
bikar sem er farandgripur. -þá
Starfsmenn Trésmiðjunnar Borgar sem sigruðu í fyrirtækjakeppninni í golfi
á Króknum. Mynd: -þá
Körfubolti:
Æfingabúðir
í Reykjavík
Körfuknattlcikssamhand ís-
lands og unglingalandsliðs-
nefnd munu gangast fyrir æf-
ingabúðum í körfuknattleik
dagana 29., 30. og 31. ágúst
nk. Æfingabúðirnar eru ætlað-
ar leikmönnum í minni-bolta,
5. flokki, 4. flokki og 3. flokki.
Þjálfarar verða: Jón Sigurðs-
son, Torfi Magnússon, Björn
Leósson og Sigvaldi Ingimundar-
son.
í æfingum og keppni er leik-
mönnum skipt niður eftir aldri og
getu. Æfingarnar fara fram í
USAH
sigraði í
fimmunni
Fimman, árleg frjálsíþrótta-
keppni héraðssambanda á
Norðurlandi, fór fram á Sauð-
árkróki fyrir skömmu. Þar
voru samankomnir tæplega
eitt hundrað íþróttamenn og
háðu þeir skemmtilega keppni.
USAH sigraði í keppninni að
þessu sinni hlaut 287 stig. UMSS
kom næst með 265,5, þá UDN
249, USVH hlaut 144 en HSS rak
lestina.
Að lokinni keppni þáðu kepp-
endur og starfsmenn kaffiveiting-
ar í boði gestgjafanna, Ung-
mennasambands Skagafjarðar.
-þá
Seljaskóla og Fellaskóla í
Reykjavík.
Farið verður yfir öll helstu
undirstöðuatriði körfuknattleiks,
t.d. skot, sendingar og grip,
knattmeðferð og knattrak, varn-
arstöðu og hreyfingar, liðsvörn,
útstig, hindranir o.fl.
Á hverjum degi verða þriggja
til fimm liða mót, einnig verður
keppt í skothittni, vítahittni,
sendingum og knattmeðferð.
Veitt verða verðlaun fyrir sigur í
öllum keppnum. Boðið verður
upp á gistingu og fæði ef óskað er
eftir.
Upplýsingar fást á skrifstofu
Körfuknattleikssambands íslands
í símum 91-83377 og 685949,
einnig gefur Torfi Magnússon all-
ar upplýsingar í síma 91-12523.
Allir eru velkomnir.
Æ
4' KEKTUCKY
W ALL'STARS
Torfi Magnússon verður einn leið-
beinenda á námskeiðinu.