Dagur - 25.09.1986, Side 15
25. september 1986 - DAGUR - 15
Óskum að ráða
starfsfólk strax
í heils- eða hálfsdagsstörf.
Vinnutími frá kl. 9-13 og 13-18 eða 9-18.
Upplýsingar gefur verslunarstjóri. Ekki í síma.
MATVÚRU
MARKAÐURINN
Kaupangi.
óskar að ráða fréttaritara á
Dalvík, Ólafsfirði og Siglufirði
Upplýsingar veitir Gylfi Kristjánsson, frétta-
stjóri, í síma 24222.
Vesturlandabúar eru sífellt að
verða meðvitaðrí um það að
góð vinnuaðstaða og réttar
vinnuaðferðir, auk réttra
hvíldaræfinga, geta skipt sköp-
um um vinnuafköst og starfs-
anda í fyrirtækjum. Sjúkdóm-
ar í stoð- og hreyfikerfi líkam-
ans hafa lengi verið tengdir
daglegum störfum, ekki síst
erfiðum og einhliða störfum,
t.d. í ýmiss konar iðnaði.
Einnig eru slíkir sjúkdómar
algengir meðal skrifstofufólks
og þeir eru að öllum líkindum
valdir að flestum fjarveru-
stundum frá vinnu. Þeir valda
minnkuðum vinnuafköstum
eins og líkum lætur, þegar fólk
er t.d. þjakað af vöðvabólgum,
bak- eða liðaverkjum og öðr-
um þess háttar óþægindum.
Vanlíðan við störf hefur einnig
neikvæð áhrif á andrúmsloft,
bæði á vinnustað og heima
fyrir, með ófyrirséðum
afleiðingum.
Sú starfsemi að reyna að koma
í veg fyrir sjúkdóma af völdum
vinnuaðstæðna hefur gjarnan
verið nefnd vinnuvistfræði, eða
Ergonomi á erlendu máli. Magn-
ús H. Ólafsson, sjúkraþjálfari
hefur sett á stofn fyrirtæki sem
vinnur að þessum málum, en það
hefur hlotið hið mjög svo lýsandi
nafn Forvörn. Fyrirtækið býður
upp á þjónustu sem stefnt er gegn
atvinnu- og slitsjúkdómum í
stoð- og hreyfikerfi starfsfólks:
„Mikilvægast er að fyrirbyggja
atvinnusjúkdóma, koma í veg
fyrir að kvillar fari að taka sig
upp í baki, svo eitthvað sé nefnt,
þvf hafi menn fengið slíkan kvilla
einu sinni er eins víst að hann
taki sig upp aftur og aftur. Ég
reyni sem sagt að finna upp-
sprettuna í stað þess að glíma við
að gera við það sem þegar hefur
bilað. Ég vann við slíkt í ein 15 ár
sem sjúkraþjálfari og í því starfi
kynnti ég mér aðstæður þeirra
sem til mín leituðu. Þetta varð
síðan til þess að ég stofnaði þetta
fyrirtæki í því skyni að aðstoða
fyrirtæki við að koma í veg fyrir
atvinnusjúkdóma starfsmann-
anna. Það er svo með þessa sjúk-
dóma, að bili einn hlekkur getur
það farið að koma fram á ýmsum
öðrum sviðum,“ sagði Magnús í
viðtali við Dag um þetta mál.
Starfsemin er þannig upp
byggð, að gerð er úttekt á vinnu-
aðstæðum með tilliti til áður-
nefndra sjúkdóma og bent á
úrbætur í skriflegri skýrslu. Rætt
er um niðurstöður við stjórnend-
ur fyrirtækjanna og haldnir
fræðslufundir fyrir starfsfólkið.
Þar er bent á orsakir atvinnusjúk-
dóma og heppilegar aðferðir til
að koma í veg fyrir þá eða draga
úr þeim og fækka áhættuþáttum.
Unnt er að fá teknar vídeómynd-
ir á vinnustað til að skýra á ein-
faldan hátt hvað er gert rangt og
hvemig mætti laga það. Síðan
þarf þjálfun þar á eftir. U.þ.b. 6-
9 mánuðum eftir úttektina er
staðurinn síðan skoðaður á nýjan
Ieik og nýrri skýrslu skilað.
Forvörn hefur þegar unnið fyr-
ir allmörg fyrirtæki á Akureyri,
s.s. Iðnaðardeild Sambandsins,
banka í bænum o.fl. fyrirtæki, en
einnig starfað á Hvammstanga,
Blönduósi, Sauðárkróki og á
Grenivík. í frystihúsinu þar hafa
verið teknar upp sérstakar hlé-
æfingar, nokkurs konar leikfimi
með tónlist, og hefur það gefið
mjög góða raun. Frystihúsavinna
getur verið mjög einhæf og þreyt-
andi og er það mál manna sem til
þekkja að árangurinn í frystihús-
inu á Grenivík lofi mjög góðu.
Fólki líður betur í vinnunni,
starfsandi er þar með betri.
Eins og sagði í upphafi eru
Vesturlandabúar að taka aðeins
við sér í þessum efnum og t.d. er
það orðið algengt að stór fyrir-
tæki á Norðurlöndunum hafi
sérstaka sjúkraþjálfara í sinni
þjónustu. Svo mikilvægt er þetta
forvarnarstarf talið. HS
/T
TONLISTARSKOUNN A AKUREYRI
Hafnarstræti 81 • Sími 21788.
Enn er hægt að bæta við nokkrum nemendum í eftir-
töldum greinum:
Forskóla, 5-9 ára.
Harmoniku, möguleiki á láns- og leiguhljóðfærum.
Gítar, mandólín, rafgítar, bassa og málmblásturshljóöfæri.
Skólastjóri.
Sjálfstæðismenn Norðurlandi eystra:
Átta vilja á þing
Átta manns taka þátt í próf-
kjöri Sjálfstæðisflokksins í
Norðurlandskjördæmi eystra
vegna komandi alþingiskosn-
inga en prófkjöríð fer fram
þann 18. október næstkom-
andi. Sjálfstæðisflokkurinn á
nú tvo þingmenn af Norður-
landi eystra.
Þeir sem ætla að skella sér í
slaginn eru: Birna Sigurbjörns-
dóttir, hjúkrunarfræðingur,
Björn Dagbjartsson, alþingis-
maður, Halldór Blöndal, alþing-
ismaður, Margrét Kristinsdóttir,
kennari, Stefán Sigtryggsson,
viðskiptafræðingur, Tómas Ingi
Olrich, menntaskólakennari,
Tryggvi Helgason, flugmaður og
Vigfús Jónsson, bóndi.
Einungis flokksbundnir sjálf-
stæðismenn geta greitt atkvæði í
prófkjörinu. Þar skal kjósa þrjá
menn fæst og fimm mest. Kjör-
nefnd hefur hins vegar heimild til
að bæta fólki á lista þann sem
lagður verður fram í prófkjörinu.
BB.
AKUREYRARBÆR
Starfsfólk vantar
þegar í stað að dagvistum Akureyrarbæjar, m.a.
Pálmholti. Við óskum sérstaklega eftir þroskuðu
fólki, sem hefur annast uppeldi barna á venjulegu
heimili. Vaktaálag. Upplýsingar veitir dagvistar-
fulltrúi á Félagsmálastofnun Akureyrar s. 25880
kl. 10-12.
Dagvistarfulltrúi.
„Mikilvægast að
fyrirbyggja
atvinnusjúkdóma“
- segir Magnús H. Ólafsson, sem stofnað
hefur fyrirtækið Forvörn í því skyni