Dagur - 21.11.1986, Blaðsíða 5

21. nóvember 1986 - DAGUR - 5
„Afskaplega gaman
að spila á harmoniku
//
- Ólöf Jónsdóttir á línunni
Sú tíðindi bárust okkur til eyrna
að kona frá Akureyri hefði sigr-
að í dangslagakeppni sem haldin
var á Hótel Borg. Konan heitir
Ólöf Jónsdóttir og býr ásamt
manni sínum, Emi Baldvins-
syni, í Eikarlundi. Ástæða þótti
til að taka hana tali af þessu
tilefni.
- Sæl Ólöf. Geturðu sagt
okkur frá þessari danslagakepp-
ni?
- Keppnin var auglýst í
Morgunblaðinu og ég sló til.
Það hefur ekki verið mikið um
keppnir af þessu tagi, en tónlist
hefur alla tíð verið helsta áhuga-
mál mitt og ég hef verið að gutla
á hljóðfæri. Mér datt alls ekki í
hug að lagið gæti náð svona
langt. Það heitir Hestamanna-
ræll og Hannes Arason var svo
vinsamlegur að búa til nótur við
það. Síðan glamraði ég það á
píanó og sendi suður, meira að
segja á síðasta degi. Nú, ég gat
ómögulega samið texta við þetta
lag þannig að ég hringdi suður
undir dulnefni og það varð úr að
Jón Sigurðsson samdi texta. Það
voru 120 lög sem bárust í keppn-
ina og þau sem hlutu flest
atkvæði verða gefin út á plötu.
- Voru einhver verðlaun í
boði?
- Já, þau voru 50 þúsund fyr-
ir lagið í fyrsta sæti, 25 þúsund
fyrir lag númer tvö og 10 þúsund
fyrir lagið í þriðja sæti.
- Semurðu mikið af lögum?
- Ég hef verið að dunda við
þetta síðan ég man eftir mér, en
ég sest ekki niður í þeim tilgangi
að semja lag. Ég hef heldur ekki
haft þolinmæði til að læra nótur
og kann lítið að spila, gutla
svona á flest hljóðfæri.
- Er Hestamannaræll saminn
af einhverju sérstöku tilefni, eða
bara fyrir keppnina?
- Jú, það er ákveðið tilefni
þar að baki. Hjónin á Höskulds-
stöðum, Sigurður Snæbjömsson
og Rósa Arnadóttir, gáfu mér
hest fyrir þremur árum. Ég varð
ægilega glöð eins og nærri má
geta því ég hafði ekki átt hest
síðan ég var krakki og hef alltaf
haft yndi af þeim. Lagið varð til
í þessari gleði.
- Áttu þér uppáhaldstónlist?
- Já, það er harmonikutón-
list. Það er afskaplega gaman að
spila á harmoniku, fara á harm-
onikuböll og hlusta á tónlistina.
Hins vegar er lítið úrval af plöt-
um með aðgengilegri harmon-
ikutónlist til og er það miður.
Ég er í Félagi harmonikuunn-
enda og áskrifandi að Harmon-
ikublaðinu.
- Er ekki næsta skrefið að
taka þátt í söngvakeppni sjón-
varpsstöðva í Evrópu?
- Nei, ég er nú hrædd um
ekki. Skilmálarnir eru þannig að
maður þarf að senda fullbúið lag
með flytjendum og það er ekki á
færi svona áhugamanna.
- Segðu mér aðeins frá lífs-
hlaupi þínu. Ertu fædd á Akur-
eyri?
- Nei, ég er fædd í Biskups-
tungum en flutti í Eyjafjörðinn
12 ára. Ég verð ekki Akureyr-
ingur fyrr en eftir eitt ár því mér
skilst að maður verði að vera
búinn að búa hér í 25 ár til þess
að verða löggiltur Akureyring-
ur. En ég lít á þetta sem mína
heimasveit.
- Hvað starfarðu fyrir utan
það að vinna danslagakeppni?
- Ég er húsmóðir núna. Ég
hef ekki fengið mér fasta vinnu
síðan ég flutti aftur í bæinn. Ég
prófaði nefnilega að flytja út á
land, til Egilsstaða. Heimþráin
var dálítið erfið þannig að ég
þarf ekki að flytja aftur úr
bænum.
- Nú gerir þú lítið úr hæfi-
leikum þínum en sigraðir þó 119
lagasmiði. Ertu svona hógvær?
- Ætli ég sé ekki bara feimin.
En ég hef lært að lifa með
feimninni. Ég byrjaði að semja
lög í barnaskóla. Ég vildi alltaf
sleppa sem auðveldast frá nám-
inu og drífa mig á hestbak. Og
ég var ekki lengi að læra ljóð
þegar maður kunni lög við þau
og ef þau voru ekki til staðar,
eða ómöguleg, þá bjó ég bara til
lag.
- Hvernig líst þér á lögin sem
eru hvað mest spiluð núna?
- Mér finnst þetta óttaleg
síbylja á Rásinni. Samt er ég að
hlusta á hana núna, en tónlistin
er mitt áhugamál. Allt sem hægt
er að syngja og dansa.
- Hvað með önnur áhuga-'
mál?
- Það er auðvitað hesta-
mennskan, en ég hef áhuga á
öllu mannlegu. Öllu sem lýtur að
manneskjum. Mig hefur líka
alltaf langað til að verða blaða-
maður. Það hlýtur að vera
spennandi.
- Já, þú verður endilega að
koma í starfskynningu. En hvað '
um börn Ólöf?
- Jú, ég á fjögur börn. Þau
heita Harpa, Sigríður Eva, Erla
Björk og Jón Þorri. Maðurinn
minn á hins vegar fimm börn
þannig að saman gerir það níu
stykki.
- Eruð þið nýlega gift?
- Já, það er rúmlega mánuð-
ur síðan. Það er mikið happ að
eiga góða fjölskyldu. Og ég tel
það líka mikið happ að vera alin
upp í sveit. Það er alveg
ómetanlegt.
- Jæja, þetta eru ágæt loka-
orð og ég þakka þér kærlega fyr-
ir spjallið og til hamingju með
sigurinn.
- Þakka þér fyrir. SS
Iþróttakennarar
á Norðurlandi
Námskeið verður í Glerárskóla laugardaginn 22.
nóv. kl. 10.00.
Leiðbeinendur:
Sigríður Sandholt, Páll Ólafsson,
Hafdís Árnadóttir og Þórir Kjartansson.
Mætum öll. Stjórnin.
Kuldaskór
og stígvél
á börn og
fullorðna,
margar gerðir.
Einnig úrval af
dömu- og herra-
spariskóm.
SIMI
(96)21400
Framsóknarvist
verður haldin að Hótel KEA
sunnudaginn 23. nóv. kl. 20.30.
Allir velkomnir.
Framsóknarfélag Akureyrar.
RESTAURANT
u* rf-|
Matseðill helgarinnar:*
Súpa Mulligatawny
-o-
Marineraðar kjúklingabringur með kampavínssósu
eða
hvítlaukssteik með rauðvínssmjöri
-o-
Skógarberjafromage með appelsínurjóma og líkjör
-o-
Kaffi og konfekt
aðeins kr. 850,-
-o-
Við minnum á okkar fjölbreytta kaffihlaðborð alla daga
sem kostar aðeins kr. 150,-
og kr. 80,- fyrir börn yngri en 10 ára.
Borðapantanir í síma 22525.
Restaurant Laut Hafnarstræti 98.