Dagur - 02.12.1986, Qupperneq 2
_w'ófa/ dagsins.
2 - DAGUR - 2. desember 1986
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SfMI: 24222
ÁSKRIFT KR. 480 Á MÁNUÐI
LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
GESTUR E. JÓNASSON, GESTUR KRISTINSSON
(Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
RÚNAR ÞÓR BJÖRNSSON, STEFÁN SÆMUNDSSON,
ÞÓRHALLUR ÁSMUNDSSON (Sauöárkróki vs. 95-5960 hs. 95-5729)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari._________________________________
Grýla gamla
er komin á ról
Það er stundum haft á orði, að sé einhver
staðhæfing endurtekin nógu oft, þótt ósönn
sé, fari menn smátt og smátt að leggja trúnað
á hana. Þetta hefur Morgunblaðið haft að
leiðarljósi í pólitískum skrifum sínum í gegn-
um tíðina.
Eftir að skoðanakönnun um fylgi stjórn-
málaflokkanna, sem gerð var nýlega, sýndi að
Sjálfstæðisflokkurinn hefur tapað talsverðu
fylgi yfir til hinna flokkanna, hefur Morgun-
blaðið farið hamförum í að sannfæra lesendur
sína um að valkostir í íslenskum stjórnmálum
séu aðeins tveir: Sjálfstæðisflokkurinn annars
vegar og allir hinir flokkarnir hins vegar!
I kostulegri forystugrein blaðsins fyrir
skömmu er fullyrt að kjósendur geti valið á
milli sjálfstæðisstefnu eða vinstri stefnu.
Aðra valkosti eigi þeir ekki. Þessi fullyrðing
stenst auðvitað engan veginn og vart er við
því að búast að margir taki hana trúanlega.
En Morgunblaðið mun ef að líkum lætur
hampa þessari „staðreynd" fram að kosning-
um í trausti þess að áhangendahópurinn hafi
þá stækkað til muna.
Litróf stjórnmálanna er fjölbreyttara en svo
að hægt sé að stilla upp tveimur valkostum
kjósenda. Sjálfstæðisflokkurinn kennir sig við
hægri stefnu og Alþýðuflokkur og Alþýðu-
bandalag við vinstri stefnu. Þannig má með
réttu segja að Sjálfstæðisflokkur sé eini
hægriflokkurinn. Talsverður munur er hins
vegar á stefnu Alþýðuflokks og Alþýðu-
bandalags þótt báðir kenni flokkarnir sig við
vinstristefnu.
Framsóknarflokkurinn er tvímælalaust
þriðji valkosturinn í íslenskum stjórnmálum.
Framsóknarflokkurinn er miðjuflokkur sem
hafnar alfarið öllum öfgum, hvort sem þær
koma frá hægri eða vinstri. Hann er jafnframt
eini stjórnmálaflokkurinn sem byggir á
alíslenskri stefnu. Einhverra hluta vegna kýs
Morgunblaðið að „gleyma" honum eða setja
hann undir sama hatt og hina flokkana.
Kvennalistinn fær einnig vinstri-stimpil
Morgunblaðsins.
Sjálfstæðismenn fullyrða að öll atkvæði
greidd öðrum en þeim sé ávísun á vinstri-
stjórn. Sú staðhæfing stenst ekki. Hins vegar
er sú árátta sjálfstæðismanna, að hræða kjós-
endur með grýlu vinstri stjórnar, vel skiljan-
leg. Þeir hafa gert það hingað til með góðum
árangri. BB.
„ Ég treysti mér ekki
til að æla meira“
- segir Einar Sveinn Ólafsson, verksmiðjustjóri hjá ístess
Einar Sveinn Ólafsson. Nafnið
hljómar ekki kunnuglega.
Andlitið er ekki kunnuglegt
heldur. Enda er maðurinn
ókunnugur, innflytjandi á
Akureyri. Einar er verk-
smiðjustjóri hjá fóðurverk-
smiðjunni ístess og var svo vin-
gjamlegur að svipta af sér hulu
framandleikans í viðtali
dagsins.
- Hver eru tildrög þess að þú
ræðst hingað norður?
„Ég sá auglýsingu um þetta, í
Degi að sjálfsögðu. Það háttaði
þannig til í Grundarfirði þar sem
ég bjó að við töpuðum togara á
nauðungaruppboði, eina byggð-
arlagið sem hefur orðið fyrir því,
og þar fór 30% af þeim kvóta
sem byggðarlagið hafði. Ég vann
hjá Fiskimjölsverksmiðju Grund-
arfjarðar og þar blasti ekkert við
nema stöðvun. Mér fannst það
ekki eiga við mig, ungan
manninn, að setjast niður og
gapa upp í loftið og bíða eftir því
að stjórnvöld gerðu eitthvað. Ég
sótti því um þessa stöðu, var boð-
aður hingað í viðtal og var
ráðinn."
- Hvenær var þetta?
„Þetta hefur verið í júní. Ég
fór út til Noregs í starfsþjálfun í
byrjun júlí og kom heim um
mánaðamótin september/okt-
óber og flutti þá hingað norður.
Það gekk frekar illa að fá hús-
næði og ég var ekki búinn að fá
neinn samastað hálfum mánuði
áður en ég kom heim. Svo datt ég
skyndilega niður á þetta húsnæði
sem ég leigi núna ásamt konunni
minni.“
- Ertu fæddur í Grundarfirði?
„Nei, konan er þaðan. Ég er
fæddur í Vestmannaeyjum en hef
lengst af búið í Reykjavík og
Kópavogi. Ég var í Vélskólanum
og fór upp á Akranes til að klára
smiðjutímann, en síðan fluttist
ég til Grundarfjarðar ’82. Ég ætl-
aði aldeilis að gera það gott sem
vélstjóri og réðst á togarann sem
fór á uppboðið síðar meir. En
það fór loks svo að ég treysti mér
ekki til að æla meira. Þennan
tíma sem ég var á togaranum var
ég sjóveikur upp á hvern dag og
neyddist því til að fá mér vinnu í
landi.“
- En hvernig líkar þér svo á
Akureyri?
„Mér líkar vel að búa hér, en
ég er ekki búinn að fá hitaveitu-
reikning ennþá þannig að það á
kannski eftir að breytast."
- Er ekki hitaveita í Grundar-
firði?
„Nei, við vorum með rafhitun
og maður borgaði hátt í þrjú þús-
und á mánuði fyrir hitann. En
línurnar voru ekki nógu góðar,
spennufall hvað eftir annað og
rafmagnið var alltaf að fara af.
Þetta fór illa með allan rafbúnað,
bæði hjá fyrirtækjum og annars
staðar og olli miklum erfiðleikum
yfir vetrartímann. Þetta hefur
eitthvað breyst til batnaðar
síðan.“
- Ertu smeykur við sögurnar
um skuldir Hitaveitu Akureyrar?
„Fyrst staðan er þannig þá
verða menn að búa við þetta. Én
við megum ekki horfa upp á það
að bæjarfulltrúar eða hönnuðir
sitji áfram í stjómum fyrirtækja
þegar menn eru búnir að gera
glappaskot. Menn verða að hafa
ábyrgð og það er ekki hægt að
haga sér eins og þeir Albert,
Matthías og bankastjórar í Sjón-
varpinu þegar þeir vísuðu allri
ábyrgð frá sér þó þeir hafi ekki
staðið við skyldur sínar. Það er
alltaf talað um það að þegar
menn hafa há laun þá er það
vegna þess að þeir bera svo mikla
ábyrgð. Þeir verða þá að bera
hana.“
- Mér skilst að þú viljir láta
verkin tala, var það þannig í
Grundarfirði?
„Já, hérna finnst mér vanta
frumkvæðið hjá fólkinu. Maður
sér og les að það er verið að opna
hér nýja skíðalyftu, bærinn borg-
ar og síðan er bullandi tap á
rekstrinum. Þegar ég kom til
Grundarfjarðar þá var komið til
mín og ég beðinn um að aðstoða
við að útbúa drif á bíl og dráttar-
vél fyrir skíðalyftu. Ég taldi alveg
fráleitt að vera að einhverju fúski
og sagði þeim að kaupa skíða-
lyftu. Þeir töldu mig vera með
stóra holu í höfðinu, en ég hafði
samband við Bláfjallanefnd og
fleiri og fékk upplýsingar um lyft-
ur og síðan fékk ég tilboð í skíða-
lyftu. Þá buðum við hrepps-
nefndarmönnum, fulltrúum fyrir-
tækja og skíðaáhugamönnm á
fund og kynntum þetta. Eftir það
pöntuðum við lyftuna. Þetta var
’83 og lyftan var orðin skuldlaus í
fyrra og við áttum inni hlut
íþróttasjóðs ríkisins. Hans fram-
lag var ókomið og við áttum 200
þúsund í sjóði. Grundarfjörður
er nú ekki með snjóþyngri stöð-
um á landinu og sennilega stend-
ur engin skíðalyfta á landinu jafn
lágt miðað við sjávarmál. Maður
rennir sér niður úr barnaskólan-
um í lyftuna og fer þaðan upp í
fjall. Skíðafélagið sem var stofn-
að veitir skólanum afnot af lyft-
unni fyrir ekki neitt og þegar
snjór er þá er kennt á skíði í stað-
inn fyrir leikfimi. Öll vinna og
allt í kringum þetta er sjálfboða-
vinna. Nú eru menn að spá í það
að byggja hús og kaupa troðara.
Þetta er enginn baggi á bæjar-
félaginu, heldur alveg óskyldur
rekstur. Ungmennafélagið var í
andarslitrunum og til að lífga upp
á íþróttalífið var það sameinað
skíðadeildinni og jjannig náðum
við að rífa það upp.“
- En hver eru þín helstu
áhugamál?
„Það eru félagsmál og einnig
allt sem er forvitnilegt. Ég er
haldinn þeirri áráttu að vera allt-.
af að vesenast í öllu og gera
eitthvað nýtt, breyta til.“
Og framkvæma hlutina eins og
þið gerðuð í Grundarfirði?
„Já, ekki bara tala, ekki sitja
eins og gömul kona eða karl í
heitum potti og kvarta yfir því
hvað allt sé ómögulegt. Það á að
gera hlutina og segja sína mein-
ingu, vera hreinskilinn.“
- Að lokum Einar, líturðu
björtum augum á starf þitt hjá
ístess?
„Já, ég geri það. Þetta eru ung-
ir og áhugasamir menn sem
standa í þessu. Verksmiðjan er
risin og búið að koma helstu
tækjum fyrir og það er áætlað að
prufukeyra vélarnar 7. janúar.
Það er harðnandi samkeppni í
framleiðslu og sölu á fiskifóðri en
við ætlum að standa okkur.“
- Takk fyrir spjallið og gangi
þér vel.
„Þakka þér fyrir.“
SS