Dagur - 30.12.1986, Blaðsíða 5
30. desember 1986 - DAGUR - 5
AN NALL
1986
— í máli og myndum
<<S^'
K'P'eá^
JANUAR:
3. Alls bárust 6 tilboð í smíði
Leirubrúarinnar svokölluðu. Pað
vakti athygli að lægsta tilboðið
var nærri jafnhátt kostnaðaráætl-
uninni. Það átti Norðurverk hf.
sem vildi vinna verkið fyrir 23,7
millj. króna sem var 99,89% af
kostnaðaráætluninni. Norður-
verk hf. vann síðan að smíði
brúarinnar og einnig að vegagerð
yfir leirurnar, en vegurinn hefur
nú verið opnaður fyrir umferð.
3. Fyrsti Islendingurinn sem
fæddist á árinu var stúlkubarn.
Hún kom í heiminn á sjúkrahús-
inu á Sauðárkróki þegar 19 mín.
voru liðnar af árinu, og voru for-
eldrar hennar Guðrún Helga-
dóttir og Guðmundur Karlsson.
7. Geysileg loðnuveiði var við
Kolbeinsey. Bátarnir fylltu sig
þar yfirleitt í einu kasti. Sjómenn
sögðu að mjög mikil loðna væri á
svæðinu.
8. Taldar voru miklar lýkur á
að Útgerðarfélag N.-Þingeyinga
yrði næsti eigandi togarans Kol-
beinseyjar sem Fiskveiðasjóður
hafði keypt á uppboði, en
Útgerðarfélag N.-Þingeyinga átti
hæsta tilboðið í togarann þegar
sjóðurinn auglýsti hann til sölu.
Síðar féll fyrirtækið frá tilboði
sínu vegna þrýstings frá bönkum
og ráðuneyti eins og Gunnar
Hilmarsson sveitarstjóri á Rauf-
arhöfn sagði. Lyktir málsins urðu
síðan þær að íshaf hf. nýstofnað
fyrirtæki á Húsavfk keypti skipið.
13. Framleiðsluverðmæti út-
flutningsafurða frá Raufarhöfn á
árinu 1985 nam um 535 milljón-
um króna. Það þýðir að hver íbúi
staðarins hafi lagt af mörkum 1
milljón og 235 þúsund krónur í
útflutningstekjum.
14. Togarinn Margrét kom í
fyrsta skipti til heimahafnar á
Akureyri. Hann hét Maí áður en
fyrirtækið Samherji hf. keypti
hann. Skipið fór síðar á árinu er-
lendis þar sem því var breytt
verulega. Margrét kom síðan til
Akureyrar aftur í byrjun des-
ember tilbúin til veiða. í fyrstu
veiðiferð skipsins þá kom hins
vegar upp bilun um borð og
stendur viðgerð enn yfir.
14. „Ég sá ekki aðra leið,“
sagði framkvæmdastjóri Sjúkra-
hússins á Siglufirði eftir að hann
hafði látið leggja mann inn á
sjúkrahúsið í trássi við vilja yfir-
læknis. Maðurinn var útigangs-
maður og fékk ekki inni á hóteli í
bænum þar sem hann var bæjar-
maður.
15. Útgerð togarans Akureyr-
innar gekk mjög vel á árinu 1985.
Aflaverðmæti á árinu nam 207
milljónum króna en alls aflaði
skipið um 5 þúsund tonna.
16. Heildarafli togara Útgerð-
arfélags Akureyrar árið 1985 var
tæplega 20 þúsund tonn sem var
2300 tonna aukning frá árinu
áður.
28. Eigendur stórra vöruflutn-
ingabifreiða á Akureyri stóðu
fyrir aðgerðum til að mótmæla
hækkun þungaskatts á dieselbif-
reiða. Sendibílar, steypubílar,
vöruflutningabílar og vörubílar
óku um Miðbæinn og voru bíl-
flautur óspart þeyttar.
FEBRUAR:
3. Ákveðið var að Kaupfélag
Eyfirðinga tæki að sér rekstur
Kaupfélags Svalbarðseyrar í 6
mánuði, frá 1. febrúar. Á þeim
tíma var unnið að endanlegu
Húsvíkingar endurheimtu togarann Kolbeinsey snemma á árinu. Myndin er
tekin er togarinn kom til Húsavíkur eftir að íshaf hf. hafði eignast hann.
uppgjöri á rekstri Kaupfélags
Svalbarðseyrar og stöðu þess.
4. „Ég ætla að gefa mömmu
minni bílinn,“ sagði Hans Viggó
Reisenhus, 14 ára piltur á Akur-
eyri sem vann Skodabifreið í
bingó hjá Lionsklúbbi Akureyr-
ar.
5. „Þetta er metvertíð hjá okk-
ur þrátt fyrir að við séum búnir
fyrr en venjulega," sagði Árni
Sörensson hjá Síldarverksmiðj-
um ríkisins á Raufarhöfn. Hætt
var að bræða loðnu þar og alls
höfðu verið brædd 81 þúsund
tonn á loðnuvertíðinni.
13. Geysileg veiði var í byrjun
ársins hjá Skagastrandartogurun-
um Örvari og Arnari. Um miðjan
febrúar voru þeir búnir að veiða
if
» *
-v V
4 \
ÍN
\'V
ff '*
'•k.v
\ I "
V
\
Togarinn Margrét bættist í flola Akureyringa og hóf veiðar í desember.
um 1200 tonn af þorski og Örvar
sem hafði fengið um 700 tonn af
þessum afla var þar með búinn að
veiða um þriðjung af þorskkvóta
sínum.
20. Lögreglurannsókn hófst á
rekstri Sjallans á Akureyri.
Rannsóknin var til komin vegna
ábendinga og uppsafnaðra upp-
Iýsinga rannsóknarlögreglunnar.
Ymsir þættir starfseminnar voru
rannsakaðir.
24. Alls bárust 62 tilboð í fjög-
ur raðsmíðaskip sem auglýst
voru til sölu, og voru tvö þessara
skipa í smíðum hjá Slippstöðinni
á Ákureyri. Fór svo að þau skip
komu í hlut Akureyringa og
Blönduósinga.
MARS:
4. Nokkuð var um uppsagnir lög-
reglumanna víðsvegar á landinu.
Á Akureyri sögðu nokkrir upp
störfum og voru ástæður þessara
uppsagna óánægja með launa-
kjör og vaktavinnu fyrst og
fremst.
4. Bændur í Þingeyjarsýslum
samþykktu niðurskurð á um 6000
fjár. Þetta var gert til að reyna að
stemma stigu við riðu á svæðinu.
Riðan var orðin nokkuð algeng
víða og t.d. í Kelduhverfi var
staðfest að riða var í fé frá um
helming bæja.
5. Segja má að kaupæði hafi
runnið á landann í kjölfar tolla-
lækkunar á nýjum bifreiðum sem
lækkuðu um 18-24%. „Það eru
sérstaklega litlu bílarnir sem
rjúka út eins og heitar lunnnur,
það er grimm sala“ sagði starfs-
maður í einu bifreiðaumboðinu á
Akureyri.
12. Nýtt hlutafélag var stofnað
á Akureyri. Hlaut það nafnið
Oddeyri hf. og var tilgangurinn
með stofnun þess að kaupa ann-
að raðsmíðaskipið sem var í
smíðum hjá Slippstöðinni á
Akureyri. Aðalhluthafar eru
Akureyrarbær, Samherji hf. og
K.Jónsson og Co.
24. Það að togarinn Kolbeins-
ey frá Húsavík skyldi selja afla úr
einni veiðiferð erlendis vakti
nokkra athygli og flutti sjónvarp-
ið frétt um málið þar sem einnig
var fjallað um kaup Húsvíkinga á
togaranum. Bæjarstjórn Húsa-
víkur mótmælti þeim fréttaflutn-
ingi og fór þess á leit að fá birta
athugasemd vegna fréttarinnar
en fékk ekki inni með hana,
hvorki í sjónvarpi né útvarpi.
APRIL:
7. Sunnlenskur kraftajötunn sem
var gestkomandi á Akureyri gekk
berserksgang á Hótel Varðborg.
Braut hann allt og bramlaði 'sem
á vegi hans varð s.s. hurðir og
rúður. Ekki lét hann þar við sitja
heldur hélt að Búnaðarbankan-
um sem er í næsta húsi og þar
braut hann stóra rúðu með því að
rífa upp gangstéttarhellu og kasta
henni inn í húsið.
8. „Viðskiptamórallinn er á
svo lágu plani þarna að það er
varla hægt að tala við þessa
menn, því það byggist allt upp á
mútum og þess háttar,“ sagði
Gísli Konráðsson framkvæmda-
stjóri Útgerðarfélags Akureyr-
inga um sölu á skreið til Nígeríu,
en ÚA átti þá hundruð tonna af
óseldri skreið.
10. Mikil ánægja ríkti á
Blönduósi og Kópaskeri eftir að
tilboðin í raðsmíðaskip Slipp-
stöðvarinnar á Akureyri höfðu
verið opnuð og skipunum ráð-
stafað á þessa staði. Ékki voru þó
allir ánægðir. „Tilboðin voru
ekki metin eins og átti að gera og
okkur hefur ekki verið tilkynnt
að þessu máli sé lokið,“ sagði Jón
Sigurðarson þáverandi formaður
Atvinnumálanefndar Akureyrar,
en Akureyrarbær stóð sem kunn-
ugt er að tilboði Oddeyrar hf. í
annað skipið. Síðan gerðist það
að tilboðinu frá Kópaskeri var
hafnað og Oddeyri hf. fékk ann-
að skipið og var það formlega
afhent í fyrri hluta desember.
28. Margrét EA, togari Sam-
herja hf. á Akureyri sem áður hét
Mai, hélt til Noregs, en þar var
skipinu breytt fyrir um 100 millj-
ónir króna, það lengt, sett í það
ný vél o.fl. Skipið kom til Akur-
eyrar eftir þessar breytingar í
byrjun desember, en erfiðlega
hefur gengið að koina skipinu á
veiðar vegna bilana.
28. „Það má segja að þetta séu
tímamótasamningar,“ sagði Jón
Sigurðarson framkvæmdastjóri
Iðnaðardeildar Sambandsins eftir
að samið hafði verið við græn-
lenska aðila um að Iðnaðardeild-
in veitti grænlenskri sútunarverk-
smiðju aðgang að allri þekkingu
sem er fyrir hendi í sútun og
saumum hjá Iðnaðardeildinni.