Dagur - 24.04.1987, Blaðsíða 15
24. apríl 1987 - DAGUR - 15
Hallfreður
Örgumleiðason:
Konur og kosningar
Gleðilegt sumar lesendur vænir.
A dagskránni í dag eru konur
og kosningar. Ég vona að Gísli
Jónsson reiðist mér ekki þótt ég
noti þessa fyrirsögn en hann
skrifaði einmitt bók sem bar
þennan titil ef ég man rétt. En
þegar maður ætlar að fjalla um
konur og kosningar kemur vart
annað til greina en að skíra
greinina á þennan hátt. Ég
hefði kannski átt að hafa undir-
fyrirsögn, t.d. - hvort tveggja
hefur sína galla, en eigi þýðir að
gráta Björn bónda þegar hann
er kominn á prent!
Ef við snúum okkur fyrst að
kosningunum, en ég held að
þær séu flestum hugleiknari um
þessar mundir, þá er engum
dagblöðum um það að fletta að
slagurinn er harður. Emjandi
pólitíkusar grátbiðja lýðinn um
miskunn og fyrirgefningu
synda, lofa bót og betrun og
blessa fjölskylduna, hornstein
þjóðfélagsins. Ástandinu þarf
varla að lýsa, það er engu líkara
en stjórnmálamenn líti á fólkið
sem leir, sem það getur mótað
að vild með orðunum einum.
Ég hef aldrei álitið kjósendur
heimskari en annað fólk,
kannski er ég á villigötum og
ætti að haga orðum mínum var-
lega þegar um fólk á kosninga-
aldri er að ræða. Jafnvel tala
öðrum tungum því aðgát skal
höfð í nærveru sálar og ég trúi
ekki öðru en að kjósendur hafi
sál, þótt pólitíkusar lialdi
annað.
Konur hafa líka sál, það hef
ég sannreynt, og eins virðast
stjórnmálamenn hafa einhverja
vitneskju um það því í návist
kvenna reyna þeir að vera
mannlegir og tala um mjúku
málin. Gott dæmi er orðræða
frjálshyggjupostula þegar hann
reyndi að tala um uppeldismál.
Hann sagði að auðvitað lenti
uppeldið líka á föðurnum, hann
þyrfti að keyra barnið á dag-
heimili og sækja það einnig (þó
það nú væri!) og þetta þótti
honum mikið afrek. Parna léti
karlmaðurinn dýrmætan tíma af
hendi til að sinna barni sínu,
tíma sem kostar peninga. Þessi
armi maður var að sjálfsögðu í
návist kvenna er hann hrein
þessa vitleysu. Eftir á leit hann
stoltur á konurnar og hefur
sennilega búist við miklu hrósi
en konur eru skynsamari en
svo, reyndar langt frá þvf að
vera óskynsamar.
Konur eru kjósendur og kon-
ur eru í framboði, rétt eins og
karlmenn. Það hlýtur að vera
ástæða fyrir þeim ógöngum sem
konur hafa leiðst út í með stofn-
un kvennaflokks en vonandi
finnst lausn á því máli svo kynin
geti sameinast á ný, í eina sæng.
Málefni ættu að ráða afstöðu
manna, ekki kyn. Sumar konur
kjósa konur af því þær eru
konur. Sumar konur kjósa
menn af því þeir eru menn.
Sumir menn kjósa menn af því
þeir eru menn, en fáir menn
kjósa konur af því þær eru
konur. En eins og staðan hefur
verið á undanförnum árum og
fjandsamlegt þjóðfélag þenst út
þá verður sífellt meiri þörf fyrir
konur og skynsemi þeirra. Það
ættu þeir að muna og taka til sín
sem hafa vanrækt konurnar. En
niðurstaða mín er sú að konur
hafa sál og kjósendur hafa einn-
ig sál og það er tími til kominn
að farið verði með þessa þjóð-
félagshópa eins og vitibornar
manneskjur en ekki villuráfandi
sauði.
Listadagar MA
settir í gær
- fjölbreytt dagskrá til 4. maí
Listadagar Menntaskólans á
Akureyri voru settir í Möðru-
vallakjallara í gærkvöld.
Nemendur skólans lásu úr
verkum sínum og léku klass-
íska tónlist en einnig var
opnuð Ijósmyndasýning fram-
haldsskólanna, Ljósbrot, og
Ijósmyndasýning FÁLMA.
Listadagar MA standa til
mánudagsins 4. maí. Lista-
dagar MA hafa fyrir löngu
áunnið sér fastan sess í listalífl
bæjarins enda eru þeir öllum
opnir og dagskráin ævinlega
hin girnilegasta eins og sjá má
hér á eftir.
Mánudagur 27. apríl kl. 20.00.
Bókmenntakynning á vegum
BÓMA. Steinunn Sigurðardóttir les
úr verkum sínum (Tímaþjófurinn).
Kaffihlaðborð 3. bekkjar.
Þriðjudagur 28. apríl kl. 17.00.
Kvikmyndasýning á vegum
KVIKMA í M2. Sýnd verður
franska myndin „Le Bocher". Sýn-
ing á myndvefnaði nokkurra
nemenda skólans verður opnuð á
Möðruvöllum.
Miðvikudagur 29. aprfl kl. 20.30.
Frumsýning LMA á ærslaleiknum
„Bubbi kóngur" eftir Alfred Jerry.
Leikstjóri er Einar Jón Briem. Sýnt
veröur í Samkomuhúsinu (leikhús-
inu).
Kl. 21.00.
Jazztónleikar á vegum TÓMA í
Möðruvallakjallara. Tríó GEYT
leikur. Hljómsveitina sipa Gunn-
laugur Briem trommur, Eyþór
Gunnarsson píanó og Tómas R.
Einarsson bassi. Sérstakur gestur
með_ hljómsveitinni er Stefán S.
Stefánsson saxófónleikari. Leikinn
verður bæði gamall og hefðbundinn
jazz og einnig nýtt og frumsamið
efni.
Fimmtudagur 30. aprfl kl.20.00.
Viðarstaukur.
Kl. 20.00.
Tónlistarhátíð Menntaskólans.
Uppákoma sem enginn má missa af.
Sunnudagur 3. maí kl. 20.30.
Önnur sýning á leikritinu „Bubbi
kóngur" í Samkomuhúsinu.
Mánudagur 4. maí kl. 17.00.
Kvikmyndasýning á vegum
KVIKMA í Borgarbíói. Sýnd verð-
ur myndin „Birdy“. Leikstjóri er
Alan Parker (hann leikstýrði m.a.
„The Wall“ og „Midnight
Express1').
Kl. 20.30.
Kvöldvaka í Möðruvallakjallara.
Úrslit í verðlaunasamkeppni lista-
daga kynnt. Verðlaunaverk lesin,
skoðuð og spiluð, auk annarra
skemmtiatriða. Listadögum slitið.
Gunnar Kvaran.
Martin Berkofsky.
Gunnar Kvaran og
Martin Berkofsky á Akureyri
Gunnar Kvaran sellóleikari og
Martin Berkofsky píanóleikari
halda tónleika á Akureyri sunnu-
daginn 26. apríl og fara tón-
leikarnir fram í sal Tónlistarskól-
ans, Hafnarstræti 81, kl. 20.30.
Á efnisskránni verða 3 verk
eftir Beethoven, sem eru tilbrigði
við þekkt og vinsæl lög, bæði úr
Judas Maccabeus eftir Hándel og
Töfraflautunni eftir Mozart.
Verkin einkennast af léttleika
gáska og fegurð.
Gunnar og Martin fluttu þessa
efnisskrá nýverið í Norræna hús-
inu við mjög góðar undirtektir
áheyrenda.
Þessir ágætu tónlistarmenn
hafa leikið á tónleikum á Akur-
eyri og eru áheyrendum að góðu
kunnir, en þetta eru þeirra fyrstu
sameiginlegu tónleikar þar.
Félag verslunar-
og skrifstofufólks, Akureyri
Slmi 21635 - Skipagötu 14
Félag verslunar- og skrifstofufólks
Akureyri og nágrenni
heldur aðalhmd
mánudaginn 27. apríl kl. 20.30 í Alþýðuhúsinu
4. hæð.
Fundarefni:
Venjuleg aðalfundarstörf.
Önnur mál.
Félagar fjölmennið. Stjórnin.
Notum kosningaréttinn tilað
auka áhrif landsbyggðarinnar
FRAMSOKNARFLOKKURINN