Dagur - 30.12.1987, Blaðsíða 2

2 - DAGUR - 30. desember 1987
Starfsmenn samankomnir eftir að verkhópar höfðu leyst verkefnin.
Brotið blað í námskeiðahaldi Iðntæknistofnunar:
Námskeið í gæðastjórnun
í Steinullarverksmiðjunni
Nýlega var haldið í Steinullar-
verksmiðjunni á Sauðárkróki
námskeið í gæðastjórnun.
Flestallir starfsmenn verk-
smiðjunnar sóttu námskeiðið
sem haldið var í samvinnu við
Iðntæknistofnun. Með þessu
námskeiði er brotið blað í
námskeiðahaldi Iðntækni-
stofnunar. Fram að þessu hafa
þátttakendur þurft að nálgast
námskeiðin hjá stofnuninni í
Reykjavík, en í þessu tilfelli
var námsefnið fært inn í við-
komandi fyrirtæki til starfs-
mannanna.
Iðntæknistofnun hefur í nokk-
urn tíma boðið upp á námskeið
handa stjórnendum fyrirtækja í
gæðastjórnun. í haust komu aðil-
ar frá stofnuninni norður til að
kynna þau fyrir forráðamönnum
Steinullarverksmiðjunnar. Leist
þeim vel á viðfangsefnin sem
byggjast á mikilvægi þess að skila
öllum verkþáttum fullkomlega til
að varan verði í sem allra hæstum
gæðaflokki. Var ákveðið að efna
til námskeiðs með öllum starfs-
mönnum, sníða það að aðstæð-
um í verksmiðjunni og halda það
þar.
A námskeiðinu var farið yfir
allan ferilinn, allt frá því bindi-
efni í framleiðsluna er pantað er-
lendis frá og þar til kaupandinn
fær vöruna í hendur. Var þátttak-
endum skipt í verkhópa sem
glímdu við að leysa hin ýmsu
vandamál fyrirtækis við framleiðsl-
una og þær kröfur sem viðskipta-
vmurtnn gerir.
Að sögn Þórðar Hilmarssonar
framkvæmdastjóra eru bæði
starfsmenn og forráðamenn verk-
smiðjunnar mjög ánægðir með
námskeiðið og í framhaldi hefur
verið ákveðið að stofna starfshóp
upp úr áramótum sem vinna mun
að frekari útfærslu á ýmsum þátt-
um gæðastjórnunar í verksmiðj-
unni. Eitt af því sem út úr því
mun koma er nokkurs konar
vasahandbók sem auðvelda á
starfmönnum í framtíðinni að sjá
til þess að gæði framleiðslunnar
verði sem jöfnust og best. Sagði
Þórður þetta mjög mikilvægan
þátt fyrir fyrirtækið til að standa
sig í samkeppninni á einangrun-
armarkaðnum bæði hér heima og
erlendis. -þá
Sambandið mótmælir
- málsmeðferð viðskiptaráðherra
„Hinn 8. desember sl. tilkynnti Jón Sigurðsson, viðskiptaráð-
herra, Sambandi ísl. samvinnufélaga formlega að hann hefði
ákveðið að hafna tilboði Sambandsins í hlutabréf ríkissjóðs í
Útvegsbanka íslands hf. og hætta að svo stöddu viðræðum um
sölu bréfanna. Segir viðskiptaráðherra það mat sitt, að ekki hafi
koinið fram fullnægjandi tilboð í bréfin, er samrýmist þeim for-
sendum, sem lágu til grundvallar auglýsingunni í júní og stefnu
ríkisstjónarinnar í bankamálum,“ segir í fréttatilkynningu frá
Sambandi íslenskra samvinnufélaga.
„Af þessu tilefni viljum við taka
fram eftirfarandi:
Þær ástæður sem viðskiptaráð-
herra færir fram fyrir synjun sinni
hafa ekki við rök að styðjast.
Ekki verður séð að sala hluta-
bréfanna til Sambandsins og sam-
starfsfyrirtækja þess hafi brotið í
bága við stefnu ríkisstjórnarinnar
í bankamálum.
Engin skilyrði eða fyrirvarar
voru í tilboði ríkissjóðs, þegar
hlutabréfin voru boðin til sölu
með auglýsingunni í júní si.,
enda var heimild ríkissjóðs til þess
að selja bréfin ekki bundin nein-
um skilyrðum eða takmörkun-
um, samkvæmt lögunum um
stofnun hlutafélagsbanka um
Útvegsbanka íslands, öðrum en
þeim sem varða ákvörðun sölu-
verðs.
Af hálfu viðskiptaráðherra
kom heldur ekki annað fram,
þegar bréfið um samþykkt Sam-
bandsins og samstarfsfyrirtækja
þess um kaupin á hlutabréfunum
var lagt fyrir hann, en félögin
uppfylltu öll skilyrði til þess að
kaupa hlutabréf ríkissjóðs í
bankanum.
Við teljum því Ijóst, að raun-
veruleg synjunarástæða viðskipta-
ráðherra fyrir því að standa við
tilboð ríkissjóðs gagnvart Sant-
bandinu sé af pólitískum toga.
Hún og eigi rót sína að rekja til
þess pólitíska uppnáms sem varð
meðal þeirra, sem fram að því að
Sambandið lagði fram boð sitt,
höfðu ekki sýnt hlutabréfakaup-
um neinn áhuga, en vildu fyrir
hvern mun koma í veg fyrir að
viðskiptaráðherra seldi Sam-
bandinu og samstarfsfyrirtækjum
þess hlutabréf ríkissjóðs í bank-
anum.
Forráðamönnum Sambandsins
var ljós sá vandi sem viðskipta-
ráðherra hafði ratað í vegna
þessa pólitíska upphlaups og féll-
ust á ósk hans um óformlegar
könnunarviðræður um ráðstöfun
á hlutabréfaeign ríkissjóðs. Þess-
ar viðræður leiddu ekki til neins
árangurs sem kunnugt er.
Við lítum svo á, að meðferð
stjórnvalda á þessu máli hljóti að
teljast ámælisverð og ekki í sam-
ræmi við góða viðskiptahætti.
Samband ísl. samvinnufélaga
hefir hins vega jafnan ástundað
vinsamleg samskipti við stjórn-
völd og mun gera það hér eftir
sem hingað til.
Þrátt fyrir góða málefnalega
stöðu hafa Sambandið og sam-
starfsfyrirtæki þess ekki hug á
því, að svo stöddu, að efna til
frekari deilna um þetta mál eða
langvarandi málaferla við ríkið út
af sölu hlutabréfanna en bíða
átekta eftir aðgerðum ríkisins um
endurskipulagningu bankakerfis-
ins í samræmi við yfirlýsta stefnu
ríkisstjórnarinnar," segir að
lokum.
verðskuldar jóladrykk af bestu gerð;
malt og appelsín frá Sanitas.
Fram að jólum býður Sanitas upp á handhæga jólapoka
með tólf dósum. Sex dósum af Ijúffengu ogfreyðandi
malti og sex dósum afsvalandi appelsíni sem
þú síðan blandar saman eftir eigin smekk.
Drekktu góða jólablöndu um jólin og
þú kemst í ekta jólaskap.
CÍNTH