Dagur - 30.12.1987, Blaðsíða 4

4 - DAGUR - 30. desember 1987
ÚTGEFANDI: ÚTGÁFUFÉLAG DhGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 560 Á MÁNUÐI
LAUSASÖLUVERÐ 55 KR.
GRUNNVERÐ DÁLKSENTIMETRA 400 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ANDRÉSPÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, KRISTJÁN KRISTJÁNSSON (íþróttir),
PÁLL B. VALGEIRSSON (Blönduósi vs. 95-4070), STEFÁN SÆMUNDSSON,
TÓMAS LÁRUS VILBERGSSON, VILBORG GUNNARSDÓTTIR,
ÞÓRHALLUR ÁSMUNDSSON (Sauöárkróki vs. 95-5960),
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Höfum við
gengið til góðs...?
Það ár sem senn er á enda hefur ekki reynst þjóð-
inni eins hagstætt og árið þar á undan. Afli hefur
ekki reynst jafnmikill og þá og talsvert hefur hallað
undan fæti í efnahagslífinu. Árið sem er að kveðja
getur þó engan veginn tahst slæmt. Það fer eftir
viðmiðuninni sem notuð er hverju sinni. Árið 1986
var eitt mesta góðæri sem um getur í íslandssög-
unni og þess vegna gefur sú viðmiðun ekki rétta
mynd af því ári sem nú er að enda. Það verður ef-
laust skilgreint sem góðæri samkvæmt hinni þjóð-
hagslegu mælistiku, þótt vissulega hafi gnægt
þess og gæftir farið fram hjá mörgum.
í árslok stöndum við frammi fyrir ýmsum
óskemmtilegum staðreyndum. Útflutningsgrein-
arnar berjast í bökkum vegna óhagstæðrar gengis-
þróunar og kostnaðarhækkana innanlands. Okkur
mistókst að kveða niður verðbólgudrauginn fyrir
fullt og allt og hann er farinn að láta á sér kræla að
nýju, þótt hann fari sér hægt enn um sinn. í árs-
byrjun spáði Þjóðhagsstofnun því að verðbólgan
yrði komin niður í eða niður fyrir 10% um þetta
leyti en sú spá hefur langt í frá gengið eftir. Kjara-
samningar eru lausir eftir nokkra daga en ekkert
bólar á þríhliða samkomulagi aðila vinnumarkaðar-
ins, vinnuveitenda og ríkisins. Það má því búast
við harðvítugum deilum á vinnumarkaði á nýja
árinu. Á meðan ekkert lát er á neyslubrjálseminni
og kaupæðinu er innlendur sparnaður í lágmarki.
Við eyðum um efni fram og höldum uppteknum
hætti: Að fjármagna mismuninn með erlendu
lánsfé. Þenslunnar sem þessu fylgir, hefur aðal-
lega gætt á höfuðborgarsvæðinu en landsbyggðin
hefur sem oftar að mestu farið varhluta af öllu
saman.
Þörfin fyrir nýja og öfluga byggðastefnu hefur ef
til vill aldrei verið meiri en nú. Þörfin fyrir það að
landsbyggðarfólk snúi bökum saman og vinni ein-
huga að því að rétta hlut hinna dreifðu byggða hef-
ur sjaldan verið brýnni en nú. Það má ekki láta
hrepparíg og önnur minniháttar atriði verða til
þess að sundra fylkingunni. Þetta verða menn að
hafa hugfast á nýju ári.
En þannig hafa sem sagt mörg mein óðaverð-
bólguáranna tekið sig upp að nýju í þjóðarlíkaman-
um á árinu sem er að líða. Meðferðin fór úr bönd-
um á viðkvæmu stigi, því sjúklingurinn lét sér ekki
segjast. Hann lét ráðleggingar sérfræðinga, um að
fara sér hægt meðan hann væri að ná fullri heilsu,
sem vind um eyru þjóta. Og þess vegna þarf lík-
lega að endurtaka margar mikilvægar og sársauka-
fullar skurðaðgerðir á nýja árinu - aðgerðir sem
hægt hefði verið að komast hjá með skynsamlegri
hegðan. BB.
Hvað er þér minnis
„Samkomulag
stórveldanna
merk stefiiu-
breyting“
- segir Steingrímur
Hermannsson
utanríkisráðherra
„Á alþjóðavettvangi er mér efst í
huga samkomulag stórveldanna
um fækkun kjarnorkuvopna. Það
er ekki fækkunin í sjálfu sér sem
mér finnst ánægjulegust, heldur
stefnubreytingin sem samkomu-
lagið lýsir,“ sagði Steingrímur
Hermannsson utanríkisráðherra
þegar Dagur spurði hann hvað
hann teldi athyglisverðustu
atburði ársins 1987.
„Hér innanlands er mér minn-
isstæðust góð útkoma Framsókn-
arflokksins í alþingiskosningun-
um síðasta sumar. Miðað við
kosningaspár þá var árangur
flokksins framar björtustu
vonum. Myndun ríkisstjórnar-
innar verður einnig lengi í minn-
um höfð. Það vekur hins vegar
ugg í brjósti mér þær blikur sem
eru á lofti í efnahagsmálum þjóð-
arinnar. Ég vona að við berum þá
gæfu að geta unnið saman á
næsta ári að leysa þau verkefni
sem okkar bíða.
Persónulega þá er mér efst í
huga þakklæti til allra þeirra sem
aðstoðuðu mig við framboðið á
Reykjanesi í alþingiskosningun-
um. Góður og víðtækur stuðn-
ingur við mig í þeim kosningaslag
var sérstaklega ánægjulegur og
það eitt mun gera árið 1987 sér-
stakt í liuga mér,“ sagði Stein-
grímur Herniannsson utanríkis-
ráðherra að lokuin. AP
„Góðar
ininningar fiá
Akureyrarferð“
- segir Þorsteinn Pálsson
forsætisráðherra
„Það sem mér er eftirminnilegast
á þessu ári eru líklegast þau skin
og skúrir sem einkennt hafa
stjórnmálin á þessu ári. Myndun
ríkisstjórnarinnar var merkur
áfangi, þó að fæðingarhríðirnar
væru erfiðar,“ sagði Þorsteinn
Pálsson forsætisráðherra er Dag-
ur innti hann eftir því hvað hon-
um væri efst í huga núna á þessu
áramótum.
„Ég á góðar minningar frá ferð
minni til Akureyrar í tilefni af
125 ára afmæli bæjarins. Einnig
má ekki gleyma því að 1987 verð-
ur minnst sem ársins sem
háskólakennsla hófst á Akureyri.
Þetta er merkur áfangi í mennt-
unarmálum þjóðarinnar og óska
ég skólanum alls velfarnaðar í
framtíðinni.“
- En hvað er forsætisráðherr-
anum efst í huga í sambandi við
persónulega atburði?
„Mér er efst í huga þakklæti til
þeirra nokkur hundruð manna er
heiðruðu mig á fertugsafmæli
mínu á þessu ári. Einnig á ég
góðar minningar frá síðasta
sumri er ég ferðaðist um hálendi
íslands og kynntist enn betur
stórbrotinni fegurð landsins
okkar.
Okkar bíða erfið verkefni á
komandi ári á efnahagssviðinu.
Það er því von mín að þjóðin
sameinist í því verkefni að koma
á jafnvægi í lífskjörum hér á
landi,“ sagði Þorsteinn Pálsson
forsætiráðherra að lokum. AP
„Stysta ár sem
ég hef Bfað“
- Hilmir Jóhannesson
sjúkrasamlagsstjóri
á Sauðárkróki
Ég ætla byrja á því að nöldra svo-
lítið og kvarta yfir því hvað árið
var stutt. Því ég hef aldrei lifað
eins stutt ár og þetta.
Mér voru fyrstu mánuðirnir
sérlega ánægjulegir fyrir þá sök
að ég tók að mér að leikstýra Þið
munið hann Jörund hjá Leikfé-
lagi Hofsóss. Vorið skall á fyrr en
oft áður og allt leit vel út þangað
til stjórnmálamennirnir eyði-
lögðu allt með sínu gamla
útburðarvæli í eyru kjósenda.
En náttúran finnur alltaf jafn-
vægi því á eftir kom þetta fágæta
laxveiðisumar, til að vega upp
smáfiskinn sem við drógum í
kosningunum. Eins var það með
jarðargróðann. Hann var óvenju-
mikill; grös, ber og kartöflur
spruttu sem aldrei fyrr. Svar nátt-
úrunnar við þeim bágindum sem
okkur eru sögð af ríkisbúskapn-
um.
Þetta er tímamótaár að því
leyti að nú erum við loksins kom-
in í hóp velferðarríkja. í fyrsta
skipti í ísiandssögunni höfðum
við mannrænu í okkur til að grafa
kjöt, en allir vita að það er ein-
kenni forystuþjóða að eyðileggja
matvæli. Svo undir lok ársins
gerðust þau gleðilegu tíðindi að
þingmenn uppgötvuðu nætur-
vinnuna og allir fjölmiðlar eru að
springa vegna þessarar merkilegu
uppgötvunar. En ég veit ekki
betur en allar aðrar stéttir í land-
inu hafi þurft að vinna bæði nótt
og dag um langan aidur.
Ég er bjartsýnn. Fyrirsjáanlegt
er að næsta ár, hlaupár, verður
talsvert lengra en þetta. Þing-
mennirnir okkar ættu því að geta
komið miklu í verk í næturvinn-
unni. -þá
Bjarni Þór Einarsson
bæjarstjóri á Húsavík:
„Landsmótið
stofiiun
framhalds-
skólans og gott
atvínnuástand“
Ég held ég láti öðrum eftir að
ræða um heimsmálin og haldi mig
við heimavöllinn.
Það er þrennt frá þessu ári sem
ég hugsa að Húsvíkingar muni
aðallega minnast í framtíðinni.
Það er landsmótið og undirbún-
ingurinn fyrir það, þetta var mikil
vinna hjá okkur en gekk vel.
Landsmótið og góða veðrið þá
daga er stórkostleg endurminn-
ing. Það sem næst kemur er
stofnun Framhaldskólans á
Húsavík sem menn eiga eftir að
njóta lengi og minnast þessa árs
fyrir. í þriðja lagi held ég að
þessa árs verði minnst fyrir
óvenjugott atvinnuástand. Miðað
við fjölda skráðra atvinnuleysis-
daga er atvinnuleysi ekki nema
um fjórði hluti af því sem verið
hefur undanfarin ár.
Mikið er af minnisstæðum
atvikum sem hægt er að nefna
eins og vígslu íþróttahallarinnar
17. júní. Jarðskrið varð suður á
Haukamýri og ekki er séð fyrir
endann á því ennþá. Það strand-
aði skip hér í höfninni, þá lá við
miklu tjóni en slapp mjög vel til.
Þetta gerðist í illviðri 31. mars og
ég man dagsetninguna vegna þess
að þetta var á afmælinu mínu.
Á árinu var gerð stefnumörkun
hjá bæjarstjórn í uppgræðslu á
landi Húsavíkur. Þarna er búið
að setja markmið sem eftir á að
vinna að og verða minnisstæð ef
vel tekst til.
Fyrir mig hefur þetta verið