Dagur - 30.12.1987, Page 8
8 - DAGUR - 30. desember 1987
Hattar ★ Knöll ★ Miðnætursnarl
Verð kr. 1.200.-
Húsið opiðkl. 00.15-04.00.
Forsala aðgöngumiða miðvikud
30. des. frá kl. 17-19 og
fimmtud. 31. des. frá kl. 14-16
Ásgeir Leifsson, iönráðgjafi.
yársgleöi
Skriðjöklar
Húsið opnað kl. 22.00.
Verð kr. 650.-
Laugardagur 2. janúar
Hljómsveitin Pass.
Líst vel á að flytja
til Húsavíkur“
- segir Ásgeir Leifsson iðnráðgjafi
Nýlega var ráðinn nýr iðnráð-
gjafi hjá Iðnþróunarsjóði
Þingeyinga. Hann heitir Ás-
geir Leifsson og tekur hann við
starfinu um áramótin. Hann er
fæddur að Laugum í Reykja-
dal, sonur fyrrverandi skóla-
stjórahjóna, Leifs Ásgeirsson-
ar prófessors og Hrefnu Kol-
beinsdóttur. Blaðamaður Dags
leit inn hjá honum og konu
hans, Helgu Ólafsdóttur, á
heimili þeirra í Reykjavík og
ræddi við þau um nýja starfið
og búferlaflutningana.
Fyrsta spurningin sem við
lögðum fyrir Ásgeir var hvernig
INNLAUSNARVERÐ
VAXTAMIÐA VERÐTRYGGÐRA
SPARISKÍRTEINA RÍKISSJÓÐS
Í1.FL.B1986
Hinn 10. janúar 1988 er fjórði fasti gjalddagi vaxtamiða verðtryggðra
spariskírteina ríkissjóðs með vaxtamiðum í 1. fl. B1986.
Gegn framvísun vaxtamiða nr. 4 verður frá og með 10. janúar nk. greitt sem hér segir:
Vaxtamiði með 50.000,- kr. skírteini
kr. 2.805,00
Ofangreind fjárhæð er vextir af höfuðstól spariskírteinanna fyrir tímabilið
10. júlí 1987 til 10. janúar 1988 að viðbættum verðbótum sem fylgja hækkun
sem orðið hefur á lánskjaravísitölu frá grunnvísitölu 1364 hinn 1. janúar 1986
til 1913 hinn 1. janúar nk.
Athygli skal vakin á því að innlausnarfjárhæð vaxtamiða breytist aldrei eftir gjalddaga.
Innlausn vaxtamiða nr. 4 ferfram gegn framvísun þeirra í afgreiðslu Seðlabanka Islands,
Kalkofnsvegi 1, Reykjavík, og hefst hinn 10. janúar 1988.
Reykjavík, 31. desember 1987
SEÐLAB ANKIÍSLANDS
það hefði atvikast að hann sótti
um þetta starf.
„Ég hafði nú verið að vinna
verkefni þarna fyrir norðan í
samvinnu við núverandi iðnráð-
gjafa, Sigurbjörn Porkelsson.
Það tengist verkefni sem ég hef
verið að byggja upp hjá fyrirtæki
mínu, svokölluðum hugmynda-
banka. í þessum þanka eru 109
hugmyndir um ný atvinnutæki-
færi í sveitum. Þar koma fram
flestir þeir punktar sem nauðsyn-
legir eru í sambandi við uppbygg-
inu á nýjum fyrirtækjum t.d.
kostnaður, tækni, menntun,
nálægð við þéttbýliskjarna o.fl.
Hugmyndin er með þessu að
menn geta leitað til fyrirtækisins
með aðstæður heima fyrir og
fundið samsvörun í einhverri
hugmyndinni og athugað hvort
það myndi henta hjá þeim.
Þegar Sigurbjörn nefndi, hvort
ég hefði áhuga á þessu starfi, sá
ég að þetta myndi samræmast
mjög vel þeim verkefnum sem ég
hef verið að vinna að. En það er
best að taka það fram strax að
enn vantar staðfestingu frá
stjórnvöldum um ráðninguna,
þannig að þetta er ekki orðið
formlegt ennþá.“
Helga Ólafsdóttir, kona
Ásgeirs, er lærður meinatæknir
og er formaður Meinatæknafé-
lags íslands. Við spurðum hana
hvort hún væri búinn að fá vinnu
fyrir norðan.
„Þetta er nú svo nýtilkomið, að
við erum ekki almennilega búin
að skipuleggja flutningana. Pað
getur verið að ég verði áfram hér
fyrir sunnan til vors til þess að
börnin geti klárað skólann. Ann-
ars er dálítið gaman að því að ég
sé að flytja út á land, því við í
Meinatæknafélaginu höfum lengi
talað um það að fá einhvern utan
af landi í stjórn með okkur. Nú
flyt ég út á land og þannig er ein-
hver utan af landi kominn í stjórn
hjá okkur!“
- Nú kom fram að maðurinn
þinn er fæddur í S.-Þingeyjarsýsl-
unni, hvaðan ert þú ættuð?
, ..Ég er fædd í Aðalvík í N,-
ísafjarðarsýslu, en flutti fimm ára
gömul til Reykjavíkur. Þar hef ég
átt heima síðan, nema þau ár sem
við hjónin vorum í Þýskalandi.
Annars á ég mikið af ættingjum á
Norðurlandi, þannig sá lands-
hluti gæti næstum því verið mín
heimabyggð.“
- Hvernig líst ykkur á það að
flytja úr höfuðborginni og út á
land, þar sem minna er um að
vera?
Nú litu þau hjónin hvort á ann-
að og brostu. Ásgeir tók nú við
og sagði; „Það fer nú eftir því
hvað þú meinar með „minna um
að vera.“ Það leggst nú bara vel í
okkur. Reykjavík er nú ekki nafli
alheimsins og ég hlakka til að
takast á við ný verkefni.“ Helga
samsinnti þessu og sagði; „Við
vorum fimm ár í Karlsruhe í
Þýskalandi, þannig að við erum
nú vön því að flytja. Þetta verða
sjálfsagt einhver umskipti, en ég
held að það verði ágætt að losna
úr stressinu hér í Reykjavík."
Nú voru börn þeirra tvö, Leif-
ur Hrafn og Ylfa, komin heim og
við spurðum þau hvernig þeim
litist á það að flytjast til Húsavík-
ur. Þau sögðust vera mjög sátt
við það. Það væri gaman að prófa
eitthvað nýtt og kváðust ekki
kvíða því að ekki væri nægjan-
lega mikið um að vera þar. Að
lokum spurðum við Ásgeir til
hvað langs tíma hann væri
ráðinn.
„Samningurinn er til tveggja
ára, en framlengjanlegur ef báðir
aðilar æskja þess. Þetta verkefni
leggst vel í mig og hlakka ég til að
taka til starfa eftir áramótin.“
Að þessum orðum loknum
þökkuðum við fyrir okkur og
óskuðum fjölskyldunni velfarn-
aðar í hinu nýja starfi og hinum
nýju heimkynnum. AP