Dagur - 16.05.1988, Blaðsíða 14

14 - DAGUR - 16. maí 1988
Félag verslunar-
og skrifstofufólks, Akureyri
Sfmi 21635 - Skipagötu 14
Sumarhús
Sumarhús til leigu fyrir félaga verslunar- og
skrifstofufólks Akureyri og nágrenni.
Félagið hefur til umráða hús á eftirtöldum stöðum:
Illugastöðum, Aðaldal og í Vaglaskógi.
Eyðublöð og upplýsingar á skrifstofu félagsins,
Skipagötu 14, sími 21635.
Umsóknarfrestur er til 18. maí 1988.
Unnið verður úr umsóknum.
Þeir sem aldrei hafa fengið hús áður hafa forgang.
Leiga á sumarhúsi er kr. 5.000.
F.V.S.A.
Nauðungaruppboð
á eftirtöldum fasteignum fer
fram í dómsal embættisins,
Hafnarstræti 107, 3. hæð,
Akureyri, á
neðangreindum tíma:
Draupnisgötu 7, M.-hl., Akur-
eyri, þingl. eigandi Pan hf.,
föstudaginn 20. maí 1988, kl.
14.00.
Uppboðsbeiðandi er Iðnlána-
sjóður.
Furuvöllum 13, B.-hl., Akureyri,
þingl. eigandi Norðurljós hf.,
föstudaginn 20. maí 1988,
kl.14.15.
Uppboðsbeiðendur eru: Iðn-
lánasjóður, innheimtumaður
ríkissjóðs, Guðjón Ármann
Jónsson hdl. og Gunnar Sólnes
hrl.
Hafnarstræti 86b, Akureyri,
þingl. eigandi Kristján
Vagnsson, föstudaginn 20. maí
1988, kl. 14.30.
Uppboðsbeiðandi er innheimtu-
maður ríkissjóðs.
Hlíðarendi, Akureyri, þingl. eig-
andi Baldur Halldórsson, föstu-
daginn 20. maí 1988, kl. 14.45.
Uppboðsbeiðendur eru: Inn-
heimtumaður ríkissjóðs og
Bæjarsjóður Akureyrar.
Keilusíðu 10i, Akureyri, þingl.
eigandi Stjórn verkamanna-
bústaða, föstudaginn 20. maí
1988, kl. 15.00.
Uppboðsbeiðandi er Veðdeild
Landsbanka íslands.
Múlasíðu 3b, Akureyri, þingl.
eigandi Stjórn verkamanna-
bústaða, föstudaginn 20. maí
1988, kl. 15.00.
Uppboðsbeiðandi er Veðdeild
Landsbanka íslands.
Ránarbraut 9, Dalvík, þingl. eig-
andi Rán hf., föstudaginn 20.
maí 1988, kl. 15.15.
Uppboðsbeiðandi er innheimtu-
maður ríkissjóðs.
Réttarhvammi 3, Akureyri, tal-
inn eigandi Vinkill sf., föstudag-
inn 20. maí 1988, kl. 15.15.
Uppboðsbeiðandi er innheimtu-
ma^ur ríkissjóðs.
Skák, Hrafnagilshreppi, þingl.
eigandi Hreiðar Hreiðarsson,
föstudaginn 20. maí 1988, kl.
15.30.
Uppboðsbeiðandi er Stofnlána-
deild landbúnaðarins.
Bæjarfógetinn á Akureyri
og Dalvík,
Sýslumaðurinn í Eyjafjarðarsýslu.
Hefur það
bjargað þér

Nauðungaruppboð
annað og síðara,
á eftirtöldum fasteignum fer
fram í dómsal embættisins,
Hafnarstræti 107,3. hæð,
Akureyri, á
neðangreindum tíma:
Hrísalundi 8g, Akureyri, þingl.
eigandi Árni Harðarson, föstu-
daginn 20. maí 1988, kl. 14.00.
Uppboðsbeiðandi er Veðdeild
Landsbanka íslands.
Kaldbaksgötu, skála, A.-hluta,
Akureyri, þingl. eigandi Bílasal-
an hf., föstudaginn 20. maí
1988, kl. 13.45.
Uppboðsbeiðendur eru: Inn-
heimtumaður ríkissjóðs og Iðn-
lánasjóður.
Keilusíðu 8a, Akureyri, þingl.
eigandi Jörundur Þorgeirsson,
föstudaginn 20. maí 1988, kl.
13.45.
Uppboðsbeiðendur eru: Bæjar-
sjóður Akureyrar, Gunnar Sól-
nes hrl., Veðdeild Landsbanka
Islands, Steingrímur Þormóðs-
son hdl., Sigurður G. Guðjóns-
son hdl., Ólafur Birgir Árnason
hdl. og Jón Ingólfsson hdl.
Vallargötu 5, Grímsey, þingl.
eigandi Sigurður Bjarnason
o.fl., föstudaginn 20. maí 1988,
kl. 13.30.
Uppboðsbeiðandi er Ævar
Guðmundsson hdl.
Vestursíðu 2b, Akureyri, talinn
eigandi Gísli Ólafsson, föstu-
daginn 20. maí 1988, kl. 13.30.
Uppboðsbeiðandi er Gunnar
Sólnes hrl.
Bæjarfógetinn á Akureyri
og Dalvík,
Sýslumaðurinn í Eyjafjarðarsýslu.
Vantar blaðbera
í Cáerðahverfi II og
ytri hluta Byggðavegar,
ytri hluta Löngumýrar,
Kringlumýri, Hrafna-
björg, Klettaborg.
Þormóður Jónsson
sjötugur
28. mars 1988
Misjafn er manna háttur. Sumir
nota hvert tækifæri til að kynna sig
og afrek sín. Þormóður Jónsson er
ekki í hópi þessara manna. Hann
varð sjötugur 28. mars sl. í algjörri
kyrrþey suður á Kanaríeyjum, þar
sem hann dvaldi í sólinni, ásamt
konu sinni Þuríði Sigurjónsdóttur,
fjarri öllum þeim sem vildu þakka
honum fyrir farna vegferð.
Þetta er nær lífsskoðun Þormóðs
en í fyrstu sýnist. Það er fjarri skapi
hans að hafa uppi lúðrablástur og
fyrirgang um þau verkefni, sem fall-
ið hafa í hans hlut. Þetta er gagn-
stætt þeirri tímans rás sem við lifum
á, þegar mestu skiptir skvaldur í
fjölmiðlum og á mannamótum, en
kjarni máls og tilgangur látinn
gleymast í málatilbúnaði.
Hér ætla ég mér ekki þá dul að
rekja langfeðgatal Þormóðs. Það
læt ég öðrum eftir, sem hafa meiri
færni til þess en ég. Meginmálið er
úr hvaða jarðvegi lífstré Þormóðs
Jónssonar er sprottið og þau lífsvið-
horf sem sett hafa svipmót sitt á
manngerðina. Hann er sprottinn af
þingeyskri samhyggju og mótaðist
af samvinnuviðhorfum, þegar þau
voru ómenguðust í þessu landi.
Hann er einn þeirra er gekk í lær-
dómssmiðju meistarans frá Hriflu,
sem þótti ágæt menntun á þeirri tíð.
Þar tileinkuðu menn sér nýja sam-
félagsmynd og lífsviðhorf, sem í
senn skóp tilgang og veittu fyllingu í
lífsbaráttunni. Margir þessara
manna töldu sig hafa hlutverki að
gegna til átaka í samfélaginu. Þessir
menn voru tilbúnir að fórna pers-
ónulegum metnaði og meta hlut-
verk sitt fyrir liðheildina, til að
framkvæma lífshugsjónina í köldum
veruleikanum og gera hana hlut-
læga í þjóðfélagskerfinu, sem
áfanga að fjarlægari langsóttum
þjóðfélagsmarkmiðum.
Þormóður Jónsson er samvinnu-
maður í þjóðfélagslegum skilningi á
gamla góða vísu, eins og best þótti á
dögum Björns á Brún og Péturs á
Gautlöndum. Samvinnustefnan er
honum þjóðfélagsleið, en ekki ein-
vörðungu hagsmunasamtök neyt-
enda og framleiðenda. Hann er
einn þeirra mörgu, sem eru af sama
bergi brotnir, og töldu að sam-
vinnustefnan ætti að gegnumsýra
þjóðfélagsdeigluna, með hug-
myndafræði sinni, langt út fyrir
ramma hefðbundinna samvinnu-
samtaka.
Það er í samræmi við þetta grund-
vallarviðhorf, sem Þormóður undi
sér að mestu sína starfsævi við að
vinna að samvinnumálum. Áður en
hann snéri heim til átthaganna, til
að gerast umboðsmaður Samvinnu-
trygginga, hafði hann í störfum sín-
um gengið í skóla hjá þremur svip-
miklum kaupfélagsstjórum á sinni
tíð.
Á Húsavík biðu Þormóðs sundur-
leit verkefni. Eitt þeirra var forysta
fyrir íþróttafélaginu Völsungi. í því
starfi tókst honum að samhæfa
sundurleiían hóp áhugamanna.
Sjálfur hafði hann áhuga fyrir lík-
amsmenntun og var mikill metnað-
armaður í öllum íþróttakeppnum.
Snemma tókust með okkur góð
kynni á Húsavík. Hann tók við for-
mennsku sjúkrahússtjórnar eftir að
ég lét af starfi bæjarstjóra. Síðar
fóru leikar svo, að ég tók við starfi
framkvæmdastjóra Sjúkrahúss
Húsavíkur, og þar vorum við nánir
samstarfsmenn um fimm ára skeið.
Bygging nýja sjúkrahússins á
Húsavík var framúrstefnuátak, sem
átti sér fáa líka hér á landi í sinni
tíð. Þeir möguleikar, sem hið nýja
sjúkrahús skóp, var stærsta tækifæri
landsbyggðarinnar til að ráða bót á
viðvarandi læknaskorti. Þetta var í
raun fyrirmynd að hinu mikla átaki,
sem gert var síðar í uppbyggingu
heilsugæslustöðva og sjúkrastofn-
ana víðs vegar um landið. Á Húsa-
vík voru skilyrði til að samhæfa
háþróaða heilsugæslu, rekstri
sjúkrastofnana á héraðsvísu, sem
gerði gagnkvæmt samstarf lækna
auðvelt, þannig að séð væri fyrir
fagkröfum sjúkrahúss og heils-
ugæslu í senn, með aukinni þjón-
ustu og nægu framboði lækna.
Örlögin höguðu því svo að á
Húsavík brotnaði ísinn. Saman fóru
hugsjónir framsýnna manna, eins
og Páls Kristjánssonar og starfs-
draumar ungu læknanna. Uppgjör-
ið var óumflýjanlegt. Reynslan hef-
ur sannað að rétta leiðin var vaiin.
Þegar samstarf okkar Þormóðs
hófst við sjúkrahúsið var starfsemi
eldra sjúkrahússins, sem næst því
að leggjast niður. Til aðstoðar við
þá ungu lækna, sem brutu ísinn,
réðust tímabundið sérfræðingar af
Borgarspítalanum til að annast
vandasamari verkefni við sjúkra-
húsið. Það tókst að rétta við fjárhag
rekstursins og efla þjónustu stórlega
við erfiðar aðstæður.
Ekki er hægt að minnast á lífs-
hlaup Þormóðs Jónssonar, svo að
lausn læknadeilunnar á Húsavík
beri ekki á góma. Lyktir þessa máls
eru þær að Húsavík og nálægar
sveitir búa við eina bestu og ódýr-
ustu heilsugæslu á landinu. Sjúkra-
húsið er í fremstu röð sjúkrastofn-
ana á sínu sviði. Læknakostur hefur
verið nægur og tryggari á Húsavík,
en almennt gerist utan stærstu þétt-
býlisstaða á íslandi.
í læknadeilunni reyndi mjög á
sjúkrahússtjórn og einstaka stjórn-
armenn persónulega. Þetta á sér-
staklega við um Þormóð Jónsson,
formann sjúkrahússtjórnar. Það var
hlutverk sjúkrahússtjórnar að vera
þeir fáu, sem sáu betur.
Það fer ekki á milli mála, að
sjúkrahússtjórn undir forystu Þor-
móðs Jónssonar var vandanum
vaxin, þegar á reyndi á örlagastund.
Vill nokkur hugsa þá hugsun til
enda, ef sjúkrahússtjórn hefði
brugðist skyldu sinni við stofnunina
og héraðið. Brugðist þeim mörgu,
sem vegferð sína áttu undir ákvörð-
un stjórnarinnar. Það vinnulag og
þau úrræði er dugðu best, er það
sem einkennir Þormóð Jónsson og
marga aðra slíka. Þeir byggja
ákvarðanir sínar á félagslegri rétt-
sýni, sem á rætur í djúpstæðri sam-
félagshyggju, og er hafin yfir tilfinn-
ingasemi og persónulega vild við
sjálfa sig og aðra.
Þetta er sú mikla reisn sem ein-
kennir menn eins og Þormóð
Jónsson, þegar lífsstarf hans er met-
ið og dæmt af sögunni.
Þormóður vinur minn verður
vonandi langlífur, svo sem hann á
ættir til. Þrátt fyrir sjötíu ára mark-
ið hefur hann ekki lokið leik sínum.
Hann hefur af miklum manni að má
og fjarri því að hann standi í víta-
spyrnukeppni um örlög sín.
Ég óska Þormóði heilla á nýjum
vettvangi meðal þingeyskra fræða
og við ritstjórn blaðs Benedikts á
Auðnum, Boðbera K.Þ., sem enn í
dag er félagsblað þingeyskra sam-
vinnumanna.
Þuríði óska ég til hamingju með
bónda sinn sjötugan, um leið og ég
færi henni þakkir fyrir góðan gern-
ing á heimili þeirra í Gamla sýslu-
mannshúsinu í Húsavík, sem enn er
höfðingjasetur, sem á dögum
Júlíusar Hafstein sýslumanns.
Heimkynni þeirra hjóna setur
svip sinn á Húsavík, þar sem bærinn
skiptist við Búðarána. Þetta er svip-
mót varanleikans og minnir á hina
góðu gömlu tíð, þegar í heiðri voru
hafðar fornar dyggðir og upptend-
ruðust þær hugsjónir, sem enn í dag
eru í senn markmið og leiðin að
markinu.
Áskell Einarsson.
Tómstundakönnun æskulýðsráðs:
Heimakærir unglinqar
Hvað gera unglingar á föstu-
dagskvöldi? Þeir eru sjálfsagt á
einhverju bölvuðu flandri,
gætu menn lialdið en svo er nú
ekki ef marka má tómstunda-
könnun Æskulýðsráðs Akur-
eyrar. Þar var spurt um athafn-
ir nemenda í 7.-9. bekk föstu-
dagskvöldið 11. mars og í Ijós
kemur að flestir héldu sig
heima eða voru heima hjá vin-
um sínum.
Úrvinnslu úr síðasta liðnum er
ekki lokið en svarendur til-
greindu hvað annað þeir hefðu
verið að gera. Ljóst er þó að
margt af því hefði mátt flokka
undir hina liðina hér að ofan, t.d.
að horfa á sjónvarp sem væntan-
lega var gert heima o.s.frv.
Svo virðist sem stúlkurnar hafi
verið meira úti á lífinu þetta
föstudagskvöld en piltarnir voru
frekar heima eða fóru í bíó.
Hér á eftir geta menn séð
hvernig svörin dreifðust eftir
kyni: SS
Piltar Stúlkur Alls
Var heima allt kvöldið 35,0% 20,4% 27,7%
Var heima hjá vinum/vinkonum 17,1% 23,5% 20,3%
Fór í félagsmiðstöð, síðan annað 10,0% 17,6% 13,8%
Fór á „rúntinn" 10,0% 13,4% 11,7%
Fór í Miðbæinn 8,5% 14,5% 11,5%
Fékk vini/vinkonur í heimsókn 5,7% 12,0% 8,9%
Fór í bíó og síðan annað 8,0% 7,0% 7,5%
Fór í félagsmiðstöð, síðan heim 4,3% 7,0% 5,6%
Fór í „partý" 5,1% 5,6% 5,4%
Fór í bíó og síðan heim 6,0% 4,2% 5,1%
Fór að vinna 2,3% 3,4% 2,8%
Annað 28,5% 29,1% 28,7%