Dagur - 16.05.1988, Blaðsíða 4

4 - DAGUR - 16. maí 1988
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREVRI, SlMI: 24222
ÁSKRIFT KR. 660 Á MÁNUÐI
LAUSASÖLUVERÐ 60 KR.
GRUNNVERÐ DÁLKSENTIMETRA 465 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ANDRÉS PÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
FRlMANN HILMARSSON (Blönduósi vs. 95-4070),
INGIBJÖRG MAGNÚSDÓTTIR (Húsavfk vs. 41585),
JÓHANN ÓLAFUR HALLDÓRSSON, KRISTJÁN JÓSTEINSSON,
KRISTJÁN KRISTJÁNSSON (íþróttir), STEFÁN SÆMUNDSSON,
VILBORG GUNNARSDÓTTIR,
ÞÓRHALLUR ÁSMUNDSSON (Sauðárkróki vs. 95-5960),
LJÓSMYNDARAR: GUÐMUNDUR HRAFN BRYNJARSSON,
TÓMAS LÁRUS VILBERGSSON,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Upplagseftirlit
tímarita og dagblaða
Auglýsingamarkaðurinn á íslandi er um margt skond-
inn og eitt skemmtilegasta fyrirbærið er sú leynd sem
umlykur upplag tímarita og dagblaða. Einu dagblöðin
hér á landi sem ekki meina auglýsendum aðgang að
slíkum upplýsingum eru Dagur og Morgunblaðið, en
lang flest tímarit og önnur dagblöð en þau sem nefnd
hafa verið láta frá sér fara upplagstölur sem soðnar
eru saman af starfsmönnum viðkomandi fjölmiðils.
Upplagsleyndin er án efa séríslenskt fyrirbæri. Hvergi
í hinum vestræna heimi er að finna dagblað eða tíma-
rit, sem vill standa undir nafni, sem ekki tekur þátt í
opinberu upplagseftirliti. Þá er það líka afar íslenskt
að láta sig hafa það að auglýsa í fjölmiðli sem ekki vill
opinbera upplagstölur sínar og leyfa óháðum aðila að
meta þær.
Þær gleðilegu fréttir bárust fyrir skömmu að yfir
fimmtíu fyrirtæki hafi stofnað samtök sem hafa það að
markmiði að koma á fót virku upplagseftirliti. Þessi
samtök eru á vegum Verslunarráðs íslands. Fyrirtæk-
in fimmtíu taka yfir 80% auglýsingamarkaðarins. Það
jafngildir veltu upp á 2,4 milljarða króna árlega.
Morgunblaðið, félagi Dags í upplagseftirliti, átti á
dögunum viðtal við Sigurð Baldvin Sigurðsson, for-
mann Samstarfs auglýsenda innan Verslunarráðs
íslands, og sagði Sigurður m.a.: „Umræða um stofnun
samtaka auglýsenda hefur farið mjög vaxandi í þjóð-
félaginu á undanförnum árum. Fyrir því eru margvís-
legar ástæður en meginástæðan er sú að auglýsendur
hafa ekki til þessa haft aðgang að traustum upplýs-
ingum um það hvernig fé þeirra til auglýsinga er best
varið. Því er það meginverkefnið að koma hér á virku
upplagseftirliti samfara endurteknum lesendakönn-
unum. Þessar upplýsingar eru nauðsynlegar fyrir
fyrirtækin til þess að ákveða markaðsstefnu sína og
hvernig fé þeirra til auglýsinga er best varið. Við get-
um ekki lengur sætt okkur við að fjölmargir útgefend-
ur dagblaða og tímarita, ásamt öðrum fjölmiðlum
meini okkur að afla þessara upplýsinga á þeirri for-
sendu að við berum saman hráar upplagstölur...."
Án efa munu útgefendur tímarita og dagblaða, sem
enn hafa ekki séð ástæðu til að opna bókhald sitt hvað
varðar upplag, fara að hugsa sitt ráð. Samtök þau sem
Baldvin veitir forstöðu munu í krafti þess fjármagns
sem fyrirtækin innan samtakanna verja í auglýsingar,
eiga nokkuð auðvelt með að þjarma svo að útgefend-
unum að áður en langt um líður liggi fyrir áreiðanlegar
tölur hvað varðar raunverulegt upplag. Hitt er svo aft-
ur annað mál að í kjölfar talnanna er allt eins víst að
töluverð grisjun eigi sér stað í tímaritaflórunni. Einnig
er næsta víst að upplag sumra dag- og vikublaðanna
verður eitthvað minna að vöxtum en nú er látið í veðri
vaka. Dagur fagnar stofnun þessara samtaka. Ef rétt
er á málum haldið munu þau verða fyrirtækjum innan
samtakanna traustur bakhjarl og auðvelda stjórnend-
um þeirrá að vérja auglýsingafé fyrirtækjanna á þann
hátt að það skili umtalverðum árangri. ÁÞ.
„Mér fannst ómögulegt að hefja ferilinn svona.“ Mynd: tlv
„Læt engan ganga yfir mig“
- segir Guðjón Þórðarson þjálfari KA í knattspyrnu í viðtali dagsins
Knattspyrnuvertíðin nálgast og
kominn er fiðringur í áhang-
endur jafnt sem leikmenn. í
fyrstu deild karla leika nú fjög-
ur lið af Norðurlandi og má því
segja að um sannkallaða veislu
verði að ræða fyrir knatt-
spyrnuáhugamenn á svæðinu.
Eins og gengur og gerist, verða
mannabreytingar hjá liðunum
milli ára og er ætlunin hér að
kynna einn nýliðann, Skaga-
manninn Guðjón Þórðarson
sem hefur tekið að sér það erf-
iða hlutverk að þjálfa meistara-
flokk KA í sumar. Það má
segja að KA hafi róið aftur á
sömu mið, því forveri hans í
þessu starfi var sem kunnugt
er, Hörður Helgason frá Akra-
nesi. En hver er Guðjón Þórð-
arson?
„Ég er fæddur og uppalinn á
Skaganum og hef hvergi annars
staðar búið. Reyndar er ég hálfur
Ólafsfirðingur því móðir mín,
Marselía Guðjónsdóttir er
þaðan. Það er gott að búa á
Akranesi og bærinn á sér sínar
góðu hliðar þó að aðrir tali mikið
um rokið þar. Auðvitað er þar
stundum svolítill næðingur og
uppáhaldsáttin okkar er austan-
átt þótt hún komi ekki nógu oft.“
- Hvenær byrjaðir þú að leika
knattspyrnu?
„Ég byrjaði að keppa með ÍA
tíu ára gamall, þá í 5. flokki.
Fyrsti leikurinn var á móti Fram
á gamla malarvellinum undir
Stýrimannaskólanum og við
töpuðum 0:2 okkur til sárra von-
brigða. Þetta er ógleymanlegt því
mér fannst ómögulegt að hefja
ferilinn svona. Á þessum tíma
áttum við við þá erfiðleika að
stríða á Akranesi að við horfðum
yfirleitt í kviðinn á Reykjavíkur-
liðunum því strákarnir þar voru
svo miklu stærri en við. Ég held
við séum nú að lengjast aftur, en
svo held ég það hafi verið til-
hneiging hjá Reykjavíkurliðunum
að velja stærstu strákana í liðin.
Þeir gátu hreinlega gengið yfir
okkur.
Á þessum tíma var yngri-
flokkastarf frekar dapurt og má
segja að árangur á þessum tíma
hafi eingöngu skilað sér fyrir
hörku og harðræði einstakling-
anna. En sem betur fer hefur
þetta breyst geysilega í dag og
knattspyrnufélögin eru að stórum
hluta farin að reka uppeldisstarf-
semi á sínum vegum.“
- Segðu okkur aðeins frá þín-
um knattspyrnuferli og helstu
titlum í gegnum árin?
„Ég byrjaði að spila með
meistaraflokki 1972. Tveim árum
áður urðu þeir meistarar en
þarna voru nýir menn að koma
inn svo ’72 og ’73 voru frekar
mögur ár. Árið 1974 má segja að
nýtt tímabil hafi byrjað í sögu
knattspyrnu á Akranesi þegar
fyrsti erlendi þjálfarinn var
ráðinn, en það var Georg Kirby.
Þá byrjaði tími hörku og harð-
ræðis gagnvart æfingum og má
segja að munurinn á honum og
því sem áður var, sé álíka og
munurinn á norðan- og sunnan-
áttinni hjá ykkur. Það var allt
sem breyttist, allur æfingamáti,
áhuginn jókst, aginn var allur
annar og menn járnuðust upp og
voru tilbúnir til að leggja allt á
sig. Árangurinn varð samkvæmt
þessu því næstu tvö ár urðum við
íslandsmeistarar og komumst
bæði árin í úrslit í bikarnum.
Kirby fór svo frá okkur ’76 en
kom aftur ári seinna og þá unn-
um við aftur íslandsmeistaratitil-
inn. 1978 urðum við bikarmeist-
arar með Kirby, unnum Val í úr-
slitaleiknum 1:0 og lentum í öðru
sæti í íslandsmótinu. Þetta var í
sjöunda skipti sem við lentum í
úrslitum í bikarnum en höfðum
tapað þrjú ár í röð. Á þessum
tíma má segja að um einokunar-
tíma Vals og Akraness hafi verið
að ræða en önnur lið virtust bara
spila um fallsætin.
Áfram spilaði ég með ÍA og
næsti titill er bikarmeistarar ’82
en þá er Kirby aftur á staðnum.
Hann þjálfaði okkur í 5 ár og á
þeim tíma náðum við í 5 titla. Á
eftir Kirby tók Hörður Helgason
við, fyrsti íslendingurinn í 9 ár.
Hann þjálfaði árin ’83, ’84 og ’85
og undir hans leiðsögn unnum
við tvöfalt ’83 og ’84. Þetta er í
fyrsta skipti sem íslensku liði
tekst þetta og held ég að það sé
einsdæmi. 1985 lentum við í
öðru sæti og tel ég að meistara-
þreyta hafi valdið því að við náð-
um ekki fyrsta sæti.“
- Þú tekur sjálfur við þjálfun
liðsins f fyrra, hafðir þú þjálfað
eitthvað áður?
„Ég var nokkrum sinnum
búinn að sjá um undirbúnings-
þjálfun liðsins, það er allt og
sumt. Það er auðvitað erfitt hlut-
skipti að stíga út úr hópnum eftir
fimmtán ára dvöl og taka að sér
þjálfun. Sumum fannst ég skrít-
inn að þora þetta og sömuleiðis
þeir sem réðu mig, en ég er
ákveðinn og læt engan ganga
yfir mig. Það hjálpaði mér líka
heima, að þeir sem þekkja mig
vita að ekki þýðir að vera með
neitt múður. Ég lenti aldrei í
neinum vandræðum hvorki með
aga né annað enda er Akraneslið-
ið þekkt fyrir að vera agað lið.“
- Hefur þú áður dvalið á
Akureyri?
„Nei, ég hef bara komið hingað í
stuttar heimsóknir. Mér líst ágæt-
lega á mig hér og sumarið leggst
vel í mig. Aðstaðan hjá KA er
mjög góð og mér sýnist starf KA
bæði traust og sterkt. Það er
greinilegt að þeir eiga mjög góða
menn að. Þá virðist unglinga-
starfið líka vera mjög gott hjá
þeim.“
- Hvernig líst þér svo á
hópinn?
„KA er frekar ungt og óreynt
lið. Það er aðeins hægt að tala um
einn sem hefur verulega reynslu
en það er Erlingur Kristjánsson.
Ég vildi að ég hefði fleiri slíka.
Þarna eru margir ungir og hörku
góðir knattspyrnumenn. Þeirra
hlutskipti í sumar er að sanna sig
sem sterkir knattspyrnumenn og
deildarspilarar. Mitt verkefni er
að reyna að spila úr þessum hópi
og ég mun gera það eins vel og
mér er gefið.
Helsti veikleiki KA er tví-
mælalaust reynsluleysi liðsins.
Það eru of fáir sem þekkja hinn
harða slag 1. deildar og menn
verða að vera hugarfarslega
sterkir. Helsti kosturinn er sá
hvað hópurinn virðist vera sam-
stilltur og kemur út sem góð
heild, en það er geysilega mikil-
vægur punktur og jafnvel það
sem getur gert gæfumuninn þegar
á reynir."
- Viltu spá einhverju um slag-
inn í sumar?
„Helst ekki. Ég stefni bara á
næsta leik. Reykjavíkurliðin
ásamt Akranesi verða mjög sterk
og ég held að þessi lið verði í
toppbaráttunni. Um botninn vil
ég ekki spá. Það er slæmt hlut-
skipti að verma botninn og ég vil
engum það illt. Eitt er þó víst, að
Leiftur er sýnd veiði en ekki
gefin. Heimavöllurinn á eftir að
hjálpa þeim og þarna eru strákar
með hjartað á réttum stað.“
- Að lokum, ætlar þú að spila
með sjálfur?
„Ég er að vonast til þess að ég
komist hjá því og reikna því ekki
með að spila með. Annars er ég
kominn í ágætis form og ætla að
halda því til öryggis."
Við þökkum Guðjóni fyrir
spjallið og óskum þeim félögum í
KÁ velgengni í sumar. VG