Dagur - 24.05.1988, Qupperneq 4
4 - DAGUR - 24. maí 1988
viðtal dagsins
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 660 Á MÁNUÐI
LAUSASÖLUVERÐ 60 KR.
GRUNNVERÐ DÁLKSENTIMETRA 465 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ANDRÉS PÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÓTTIR, EGGERTTRYGGVASON, EGILL BRAGASON,
FRlMANN HILMARSSON (Blönduósi vs. 95-4070),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, KRISTJÁN JÓSTEINSSON,
KRISTJÁN KRISTJÁNSSON (íþróttir), STEFÁN SÆMUNDSSON,
VILBORG GUNNARSDÓTTIR,
ÞÓRHALLUR ÁSMUNDSSON (Sauðárkróki vs. 95-5960),
LJÓSMYNDARAR: GUÐMUNDUR HRAFN BRYNJARSSON,
TÓMAS LÁRUS VILBERGSSON,
AUGLÝSINGASTJÓRI: FRfMANN FRlMANNSSON
ÚTBREIÐSLUSTJÓRI:
HAFDIS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Að leita langt
yfir skammt
Það hefur ekki farið fram hjá neinum að fisk-
vinnslan hefur átt í töluverðum rekstrar-
örðugleikum undanfarna mánuði. Flestum er
ljóst að þeir erfiðleikar hafa fyrst og fremst staf-
að af rangri gengisskráningu krónunnar, kostn-
aðarhækkunum innanlands og verðfalli á erlend-
um mörkuðum. Þótt færa megi rök fyrir því að
stöðu fiskvinnslufyrirtækja megi bæta að ein-
hverju leyti með aukinni hagræðingu í rekstri og
framleiðniaukningu, er fráleitt að halda því fram
að einhver allsherjarlausn á vanda fiskvinnsl-
unnar sé fólgin í slíkum hagræðingaraðgerðum.
Það segir sig auðvitað sjálft að fiskvinnslan, sem
og aðrar útflutningsgreinar, hefur engan veginn
getað þrifist við þær aðstæður sem ríkt hafa í
íslensku efnahagslífi undanfarna mánuði.
í raun er það einkennilegt að fiskvinnslan skuli
liggja undir svo ósanngjarnri gagnrýni sem raun
ber vitni. Fjölmargir sjálfskipaðir „sérfræðingar"
hafa skilgreint vanda atvinnugreinarinnar í fjöl-
miðlum og fullyrt að hann megi leysa eins og fyrr
segir, með aukinni framleiðni og rekstarhagræð-
ingu. Jafnvel orð Guðjóns B. Ólafssonar forstjóra
Sambandsins, um að vinna megi allan afla
landsmanna í 15 frystihúsum, hafa í þessari
umræðu verið tekin úr samhengi og notuð sem
dæmi um hversu einfalt væri að leysa rekstrar-
vanda fiskvinnslunnar í landinu. Umræða á þess-
um nótum er afar hæpin. Vafalaust má finna
dæmi um offjárfestingu innan fiskvinnslunnar
eins og annarra atvinnugreina, en menn verða
að leita fanga í öðrum atvinnugreinum, aðallega
á höfuðborgarsvæðinu, til að finna orsakir þeirr-
ar þenslu sem ríkir 1 þjóðfélaginu.
Þeir, sem staðið hafa fyrir þessari ósanngjörnu
gagnrýni í garð fiskvinnslunnar í landinu, ættu
að hafa hugfast að til er nokkuð sem heitir rétt
forgangsröð. Staðreyndin er nefnilega sú að mun
brýnna og nærtækara er að auka framleiðni inn-
an fjölmargra annarra atvinnugreina, áður en
kemur að fiskvinnslunni. Þannig mætti eflaust,
ef vilji er fyrir hendi, fækka innflutningsfyrirtækj-
um og verslunum um nokkur hundruð, þ.e. ef
sömu rökum er beitt og notuð hafa verið um fisk-
vinnslufyrirtækin. Á sama hátt mætti fækka
bönkum, sparisjóðum, tryggingafélögum, opin-
berum stofnunum og þannig mætti lengi telja.
Hins vegar ætti flestum að vera ljóst að svo rót-
tækar aðgerðir eru alls ekki raunhæfar, né heldur
æskilegar með tilliti til atvinnuástands.
Fiskvinnslan nýtur engan veginn sannmælis,
svo mikið er víst. Þeir sem einblína á þessa mikil-
vægu atvinnugrein í leit að offjárfestingu leita
svo sannarlega langt yfir skammt. BB.
í
„Þetta verður erfitt en
að sama skapi skemmtilegt“
- segir Gísli Sigurðsson markvörður og
framkvæmdastjóri knattspyrnudeildar Tindastóls
Enn einu sinni er vorið gengið
í garð með öllum sínum uppá-
komum, þ. á m. knattspyrnu-
vertíðinni sem er byrjuð, þó
svo að í Islandsmótinu sé
keppnin aðeins hafín í 1. deild
karla. í vikunni mun svo hefj-
ast keppni í annarri deild karla
og upp úr því í öðrum deildum
karla og kvenna og yngri
aldursflokkum. Umsvifín og
starfíð í kringum knattspyrn-
una hafa farið stöðugt vaxandi
á síðustu árum og eflaust gera
margir sér ekki grein fyrir að
það er heilmikið fyrirtæki að
halda úti einni knattspyrnu-
deild.
Pau félög sem leika í annarri
deild hafa oft og einatt þurft að
bera mestan kostnað við þátttöku
í íslandsmóti, vegna fjarlægða á
milli landshluta og þar af leiðandi
mikils ferðakostnaðar. Hafa sér-
staklega Vestmanneyingar og
ísfirðingar fengið að kenna á því.
í sumar verða 4 norðanlið í fyrstu
deild og ferðakostnaður þeirra
norðanliða er leika í efstu deild-
inni því ekki eins mikill og áður.
í annarri deild leika hins vegar
aðeins 2 norðanlið, Tindastóll og
KS og engin lið hvorki að vestan
né austan. Hvort þeirra um sig
þarf því að fara 8 flugferðir
suður.
Knattspyrnudeild Tindastóls
hefur ráðið sér framkvæmda-
stjóra til að annast starfrækslu
deildarinnar í sumar og er það
enginn annar en markvörður
Tindastólsliðsins Gísli Sigurðs-
son. Dagur leit inn á skrifstofu
Tindastóls í sundlaugarhúsinu
um daginn til að forvitnast um
umfang starfseminnar í sumar.
Er svo mikið starf í kringum
þetta að þörf sé fyrir sérstakan
starfsmann?
„Já af reynslu síðustu ára þykir
það alveg nauðsynlegt. Sérstak-
lega er starfinn ærinn meðan
þetta er allt saman að fara af stað
og það er mjög takmarkað hvað
einstaka stjórnarmenn komast
yfir. T.d. í fyrra bitnaði þetta
mjög á aðalstarfi formanns knatt-
spyrnudeildarinnar Stefáns Loga
Haraldssonar, og þurfti hann af
þeim sökum stundum að vinna
fram á rauða nótt á sínum vinnu-
stað, til að vinna upp í slæpur
vegna fótboltans."
Vel stutt við félagið
- Er mjög kostnaðarsamt að
reka eina knattspyrnudeild?
„Já, mjög. Mér sýnist að heild-
arútgjöld knattspyrnudeildarinn-
ar á þessu ári verði á fimmtu
milijón og aukist gífurlega á milli
ára. Munar þar mestu um að
meistaraflokkurinn leikur í ann-
arri deildinni í sumar og einnig
að nú verður í fyrsta skipti sent
kvennalið til keppni í íslands-
móti, 3. aldursflokkur. Þá eru
einnig inni í þessari heildartölu
tvær utanlandsferðir, en knatt-
spyrnudeildin verður reyndar fyr-
ir litlum útgjöldum vegna þeirra,
þar sem utanlandsfararnir afla að
mestu sjálfir farareyris. Þetta er
Belgíuferðin sem farin var í vor
og meistaraflokksmenn sjálfir
öfluðu fjár til og svo þátttaka 4.
aldursflokks í Norwaycup í Nor-
egi í sumar. Við höfum tvisvar
áður sent lið á þetta mót, sem
haldið er annað hvert ár og nú
sem fyrr munu strákarnir ásamt
foreldrum sínum vinna að fjáröfl-
un.“
- Og hvernig fer svo félagið að
því að fjármagna þetta allt
saman?
„Það er með ýmsu móti. Með
beinni fjáröflun og einnig er vel
Gísli Sigurðsson.
stutt við bakið á okkur, bæði af
bæjarsjóði og eins fyrirtækjum og
einstaklingum í bænum. Einnig
brugðum við á það ráð núna að
skreppa suður í höfuðborgina til
að selja auglýsingar á völlinn og
er ég reyndar ásamt öðrum aðila
nýkominn úr þeirri ferð.“
Alltaf gaman að spila
á Siglufírði
- Hvernig líst þér svo á barátt-
una í deildinni í sumar?
„Það er alveg ljóst að þetta
verður erfitt en að sama skapi
skemmtilegt. Má geta að í deild-
inni nú eru 6 lið sem leikið hafa í
1. deild. Markmiðið hjá okkur
verður að halda sér í deildinni,
að því stefna allir. Allt þar fyrir
ofan verður bónus. Við vitum svo
sem ósköp lítið út í hvað við
erum að fara. Þetta er mjög ungt
og óreynt lið. Við erum t.d. að-
eins 4 sem vorum með 1984 þegar
liðið lék í fyrsta skipti í annarri
deildinni. En ég hef trú á strák-
unum og einnig þeim nýju leik-
mönnum sem bættust í hópinn í
vor. Þannig að ég reikna með að
þeir sem koma á völlinn fái þó
nokkuð fyrir aurinn og er bjart-
sýnn á að vallargestum fari veru-
lega fjölgandi í sumar. Það er
klárt mál að stemmningin í kring-
um íþróttirnar vex eftir því sem
keppnin verður harðari og metn-
aðarfyllri."
- Nú er fyrsti leikurinn úti á
Siglufirði á laugardaginn og þú
lékst einmitt eitt sumar á Siglu-
firði. Verður þessi leikur kannski
skemmtilegri fyrir þær sakir?
„Ég veit það ekki, ég hef nú
reyndar spilað með Tindastóli út
frá síðan. Annars finnst mér alltaf
gaman að spila á Siglufirði, þó að
mölin sé síður en svo skemmti-
leg. Það er ákaflega mikilvægt
fyrir okkur að ná hagstæðum
úrslitum úr þessum leik. Jafntefli
í það minnsta, a.m.k. ekki að
tapa.“ -þá