Dagur - 30.06.1988, Blaðsíða 16

TEKJUBREF• KJARABREF
Ö2>
FJARMAL ÞIN - SERGREIN OKKAR
Akureyri, fímmtudagur 30. júní 1988
rp)ÁRFESriNCARFÉLAGIÐ
Ráðhústorgi 3, Akureyri
Samherji hf. vill nýtt skip:
„Við höfum lagt til
atlögu við keifið"
- segir Þorsteinn Már Baldvinsson
Samherji hf. á Akureyri er nú
að vinna að því að fá annað
skip fyrir Þorstein EA, sem
skemmdist mikið i hafís síðast-
liðinn vetur eins og kunnugt
er. Þorsteinn Már Baldvinsson
framkvæmdastjóri Samherja
segir að þeir hafi nú fastmótað-
ar hugmyndir um hvað fyrir-
tækið ætli að gera.
„t>að er hins vegar ekki víst að
valdakerfi þeirra sem búa í
Reykjavík sé sammála okkur,“
sagði Þorsteinn Már. Hann segir
að hugmyndir þeirra gangi út á
það að láta smíða nýtt skip í stað
Þorsteins.
„Við höfum tekið þá ákvörðun
að reyna að fá því framgengt að
við fáum að byggja nýtt skip fyrir
Þorstein. Það er hins vegar úti-
iokað að við munum bíða í heilt
ár eftir svari frá Fiskveiðisjóði.
Það gengur ekki að óhapp eins og
henti okkur í vetur skuli ekki
rúmast innan kerfisins. Það er
útilokað að sætta sig við það.
Samherji getur ekki beðið í heilt
ár eftir svari sem kannski verður
nei. Það er ekki hægt að fara
þannig með fjárhag fyrirtækisins,
ef svarið verður neikvætt, þá
verðum við fyrir miklu fjárhags-
legu tapi til viðbótar við óhapp-
ið.“
Þorsteinn Már segir að allir séu
sammála því að ekki borgi sig að
gera við Þorstein EA, það væri
óskynsamleg fjárfesting að gera
við yfir tuttugu ára gamalt skip,
þess vegna kemur ekkert annað
til greina en fá annað skip.
„Við ætlum okkur að leggja til
atlögu við kerfið með það að
markmiði að láta smíða nýtt skip
fyrir okkur. Ég vil ekki trúa því
að þetta kerfi sé orðið svo fast-
læst að þau fyrirtæki sem eru í
gjaldeyrisskapandi greinum hafi
engan rétt til að eyða honum. Ég
tel að málið snúist að miklum
hluta um þetta þ.e. ekki tilflutn-
ing á veiðiréttindum, heldur um
það að þeir sem afla gjaldeyris
hafi einhvern ráðstöfunarrétt yfir
honum, að það séu ekki ein-
göngu innflytjendur í Reykjavík
sem hafi þennan ráðstöfunar-
rétt.“
Þorsteinn kveðst ekki vita hve-
nær málin skýrast, en þeir séu
byrjaðir „slaginn". „Við erum
lagðir af stað. Hvort það verður
mánaðar ganga eða fimm mán-
aða ganga það veit ég ekki nú.
það er hrein fjarstæða að endur-
byggja Þorstein og ég trúi því
ekki enn að við búum orðið við
þannig kerfi sem ekki getur gert
ráð fyrir þannig óhöppum,“ sagði
Þorsteinn Már að lokum. kjó
Leitað skjóls.
Mynd: TLV
Óhjákvæmilegt að ráðast
í dýpkun Dalvíkurhafnar
„Það situr allt við það sama og
við höfum ekkert grænt Ijós
fengið frá ráðuneytinu um að
við megum fara að vinna að
þessu máli,“ segir Júlíus
Snorrason formaður hafnar-
nefndar Dalvíkurbæjar vegna
dýpkunar hafnarinnar á Dalvík
sem ráðast þarf í fyrr en
seinna.
Engin fjárveiting er á fjárlög-
um 1988 vegna dýpkunar í Dai-
Sauðárkrókur:
Harður árekstur
- bílbeltin björguðu
Harður árekstur varð á Sauð-
árkróki síðla sl. þriðjudags-
kvöld, á gatnamótum Knarra-
stígs, Skólastígs og Freyju-
götu. Bifreið, sem ekið var frá
Knarrastíg og inn á Skólastíg,
fékk bifreið sem kom eftir
Freyjugötu í hliðina bílstjóra-
megin, með þeim afleiðingum
að hún kastaðist til um nokkra
metra. Fkki urðu nein alvarleg
meiðsl á fólki, en bflarnir eru
báðir nánast ónýtir.
Hjá ökumanni bifreiöarinnar
sem kom eftir Freyjugötu brotn-
uðu framtennur og sauma þurfti
nokkur spor í andliti. Farþegar í
þeim bíl sluppu án meiðsla, svo
og farþegar hins bílsins. Mesta
mildi var að ekki urðu meiri
meiðsl, sérstaklega á ökumanni
bifreiðarinnar sem ekið var inn á
Skólastíg, sem fékk hinn bílinn í
bílstjórahurðina. Báðir ökumenn
voru í bílbelti, svo og farþegar í
framsæti. -bjb
víkurhöfn, aðeins veitt 500 þús-
und krónum til hafnarinnar. Eigi
að ráðast í framkvæmdir nú þarf
leyfi samgönguráðuneytis, vilji
bærinn fjármagna þessa fram-
kvæmd þangað til fjárveiting
fæst. Nú þegar gæta togarar stað-
arins grunns í höfninni og Júlíus
er ekki bjartsýnn á næsta vetur,
verði ekkert að gert. Nýr togari
kemur til Dalvíkur í haust og rist-
ir hann dýpra en þeir togarar sem
fyrir eru þannig að búast má við
að þetta skip eigi í erfiðleikum
með að athafna sig í höfninni.
Samkvæmt þeim athugunum
sem fram hafa farið þarf að taka
30-40.000 rúmmetra af efni úr
höfninni og kostnaður er talinn
10-11 milljónir króna. Júlíus seg-
ir að ekki sé nóg að dæla sandi úr
höfninni heldur þurfi einnig að
nota gröfuskip við dýpkunina.
„Það er náttúrlega ekki nokk-
urt einasta ástand að þegar fjarar
út þá standa skipin á botni. Og ég
er voðalega smeykur um að þeg-
ar kemur fram á næsta vetur
muni okkur ekki takast að koma
nýja skipinu inn í höfnina," segir
Júlíus.
Bæjaryfirvöld á Dalvík hafa
kynnt samgönguráðherra og
þingmönnum kjördæmisins þetta
vandamál sem við blasir en ekk-
ert bólar enn á viðbrögðum.
en
,Við getum ekki annað
vonað að okkur verði gert kleift
að ráðast í þessar framkvæmdir.
Þetta er mjög bagalegt fyrir stað
eins og Dalvík og auðvitað er
grátlegt til þess að vita að ráða-
menn skuli ekki skynja hvaða
þýðingu þetta hefur fyrir staðina.
Á höfnunum lifa staðirnir að
stórum hluta,“ segir Júlíus. JÓH
Dauft yfir
söluá
nýjum
bílum
- gengisfellingar-
skrekkurinn aö líða hjá
Bílasalar á Akureyri eru sam-
mála um að erfitt sé nú að selja
nýja bfla. Kippurinn sem í
söluna kom áður en til gengis-
fellingar kom hefur nú fjarað
út og allt að því viðburður að
nýir bílar seljist. „Fólk bíður
eftir hvað Jón Baldvin gerir
næst,“ sagði Sigurður Valdi-
marsson umboðsaðili Ingvars
Helgasonar á Akureyri.
Oddur Óskarsson hjá Höldi hf.
sagði lítið til af ’88 árgerðinni og
þeir væru allir uppseldir. Beðið
er eftir nýjum bílum af árgerð
1989. „Það er að komast á jafn-
vægi, menn hafa losnað við
skrekkinn í kjölfar gengisfelling-
arinnar, enda flestir á nýjum
bílum. Það er talsvert af pöntun-
um fyrirliggjandi varðandi kaup á
nýjum bílum, en helsta vanda-
málið er að losna við gamla
bílinn. Það er ekki svo auðvelt,“
sagði Oddur.
„Það hefur verið talsvert um
afhendingar hjá okkur að undan-
förnu, en við erum farnir að
merkja að samdráttur er á næsta
leiti,“ sagði Valdemar Valsson
hjá Bílasölunni Stórholti. Hann
sagði þó að þeir hefðu afhent
svipaðan fjölda nýrra bíla í þess-
um mánuði og í sama mánuði í
fyrra. „Mér sýnist að næsti mán-
uður muni vera daufur hvað sölu
á nýjum bílum varðar,“ sagði
hann.
Sigurður Valdimarsson sagði
fólk almennt hrætt við að festa
kaup á nýjum bílum og mjög erf-
itt væri að losna við eldri bíla.
Hann taldi markaðinn alls ekki
mettaðan, áhugi væri mikill, en
kaupmáttur hefði minnkað svo
mikið að fólk hætti sér ekki út í
bílakaup. Til marks um það sagði
Sigurður að vanskil hefðu stór-
aukist og væru mun meiri en í
fyrra. mþþ
Austurland:
Minni vegaframkvæmdir
en undanfarin ár
Framkvæmdir á Austurlandi á
vegum Vegagerðarinnar verða
minni á þessu ári en undanfar-
in ár. I norðurhluta umdæmis-
ins verða lagðar klæðingar á
tvo vegarkafla alls um 8,6
kflómetra.
Þeir vegarkaflar sem lagt verð-
ur bundið slitlag á í sumar eru
annars vegar 4 kílómetra langur
vegarkafli við Seyðisfjörð og hins
vegar 4,6 kílómetra langur kafli á
Upphéraðsvegi, í gegnum Hall-
ormsstaðaskóg. Fjárveiting til
fyrrnefnda verksins er um 13,8
milljónir en til þess síðarnefnda
verða veittar 12,9 milljónir. Hluti
þessara fjárhæða fer þó til
greiðslu eldri skulda.
Eins og undanfarin ár verður
það vinnuflokkur frá Vegagerð-
inni á Akureyri sem sér um lagn-
ingu slitlagsins á þessu svæði. Að
sögn Guðjóns Þórarinssonar
rekstrarstjóra Vegagerðarinnar á
Austu'rlandi er gert ráð fyrir að
verkið verði unnið á bilinu 4.-10.
júlí.
Auk þessara verkefna verða
meðal annars gerðar endurbætur
á veginum upp úr Vopnafirði auk
þess sem vegarkafli á Jökuldals-
heiði verður lagfærður. ET