Dagur - 15.09.1988, Blaðsíða 15

íþróttir
15. september 1988 - DAGUR - 15
segir Birgir Björnsson, þjálfari 2. deildar liðs Þórs
Eins og kunnugt er hefur
handknattleiksdeild Þórs ráðið
þjálfara fyrir komandi keppnis-
tímabil. Þjálfara þennan ætti
að vera óþarfi að kynna en
hann heitir Birgir Björnsson
og er handknattleiksunnend-
um að góðu kunnur. Birgir er
einn af kunnustu handknatt-
leiksmönnum Islendinga en
hann var um árabil leikmaður
með FH og íslenska landslið-
inu í handknattleik og snéri sér
síðan að þjálfun og þjálfaði
m.a. KA-liðið í nokkur ár.
Birgir hefur nú hafið störf hjá
Þór og hann féllst á stutt spjall
við blaðið um handknattleik
og ýmislegt sem honum
tengist. Fyrsta spurningin var
hvernig tilfinning það væri að
vera kominn til starfa hjá Þór
eftir að hafa starfað svo lengi
hjá KA.
„Það er ágætistilfinning. Ég tel
mig búa yfir ýmsu sem ég get
miðlað og þegar þeir báðu mig að
hjálpa sér gerði ég það með
glöðu geði.“
- Hvenær tókstu til starfa?
„Æfingarnar byrjuðu 10. ágúst
og undirbúningur er nú kominn í
fullan gang. Það hefur gengið
ágætlega, ég er kominn með um
20 manna hóp. Ég hef yngri
mennina með því Þór ætlar að
senda 2. flokk karla í íslandsmót
í vetur og ég sé einnig um að
þjálfa þá. Strákarnir í 2. flokki
koma líka til með að spila stórt
hlutverk í meistaraflokki í vetur.
Félagið missti mikinn mannskap
eftir síðasta tímabil en það eru
nokkrir eftir þannig að þetta
verður byggt á blöndu af eldri og
yngri mönnum. Þeir yngri verða
þó í meirihluta."
- Nú var sú ákvörðun tekin að
fá ekki nýja menn í stað þeirra
sem fóru heldur að byggja á yngri
mönnum frá félaginu. Hvernig
líst þér á það?
„Mér líst vel á það. Það hefði
auðvitað gert róðurinn léttari að
fá nýja menn en þá hefðu ein-
hverjir af þeim sem ég er að
reyna að byggja upp orðið útund-
an. Ég er ekkert svartsýnn, þetta
tekur tíma, einhverja mánuði
eða ár, en það skilar sér. Stóra
spurningin er bara hvort þessir
strákar fari ekki eitthvað annað
um leið og þeir verða orðnir
góðir.“
- Hvernig líst þér á veturinn?
„Ég get ekkert sagt um það
strax. Við leggjum áherslu á að
halda okkur í deildinni en ég get
ekki sagt neitt um möguleikana á
því fyrr en ég sé hvernig við
stöndum miðað við hin liðin. Ég
hef ekkert séð til hinna liðanna
og auk þess erum við með alveg
nýtt lið þannig að allt tal um
möguleika verður ekkert annað
en ágiskanir.
Aðspurður segist Birgir telja
að það taki u.þ.b. tvö ár að
byggja liðið upp þannig að raun-
hæft sé að stefna að sæti í 1.
deild. En er Akureyri nógu stór
til að eiga tvö 1. deildar lið?
„Já, alveg tvímælalaust. En
það er auðvitað erfitt ef við miss-
um alltaf mennina suður um leið
og þeir komast í „landsliðs-
klassa“.
- Hvað er til ráða?
„Það er lítið hægt að gera
nema að auðvelda þessum strák-
um á einhvern hátt að komast á
landsliðsæfingar fyrir sunnan. En
það má líka benda á að eftir því
sem við getum meira því meira
tillit verður tekið til okkar og þá
er ekki fráleitt að hingað komi
Knattspyrna:
Róbert og Rutter
í leikbann
- Trausti ekki með Víkingi gegn Völsungi
Tveir Siglfiröingar voru dæmd-
ir í eins leiks bann á fundi aga-
nefndar KSÍ á þriðjudag.
Róbert Haraldsson og Steve
Rutter hlutu báðir gult spjald í
leik KS og ÍBV um síðustu
helgi og þar sem báðir höfðu
hlotið þrjú slík áður getur
hvorugur þeirra leikið með KS
gegn Þrótti um næstu helgi.
Aðeins einn 1. deildarleikmað-
ur var dæmdur í leikbann að
þessu sinni. Það var Trausti
Ómarsson, Víkingi, en honum
var vísað af leikvelli í leik Vík-
ings og Þórs um síðustu helgi.
Trausti leikur því ekki með Vík-
ingum gegn Völsungi á laugar-
daginn.
JHB
SL-mótið:
Báðir markmenn
KA meiddir
Ægir Dagsson, markvörður 3.
flokks karla hjá KA mun leika
sem markvörður með meistara-
flokki félagsins gegn ÍA um
næstu helgi þar sem báðir
markmenn meistaraflokks eru
frá vegna meiðsla.
Haukur Bragason, aðal mark-
maður liðsins hefur átt við meiðsl
í hné að stríða í sumar. í vikunni
þurfti hann að gangast undir upp-
skurð vegna þessa og leikur því
ekki meira með þetta keppnis-
tímabil.
Jónas Guðmundsson meiddist
á læri á æfingu nýlega og nær ekki
að leika gegn ÍA, en vonir
standa til þess að hann verði orð-
inn góður fyrir leikinn gegn Val í
síðustu umferð. VG
meira af liðum, t.d. landsliðum,
og verði hér í æfingabúðum.“
- Nú tókstu aðeins að þér
þjálfun í eitt tímabil. Hefði ekki
verið æskilegt að hafa meiri tíma
til að byggja upp liðið?
„Það er rétt að ég tók aðeins
að mér að þjálfa liðið í vetur og
síðan kemur í Ijós hvernig það
gengur. Ég geri mér fulla grein
fyrir að það er í fyrsta lagi eftir
tvö ár sem vænta má verulegs
árangurs en ég er hins vegar
búinn að standa í þessu í 35-40 ár
og er ekki tilbúinn að binda mig
til lengri tíma í einu.“
- Eitthvað sem þú vilt bæta
við þetta?
„Ekki nema það að ég vonast
til að geta átt góða samvinnu við
KA í vetur hvað varðar æfinga-
leiki og annað enda er það nauð-
synlegt bæði fyrir okkur og þá.
Ég á reyndar ekki von á öðru en
að það gangi vel. Ég hef ekki hitt
þjálfarann þeirra ennþá en ég hef
trú á að við höfurn leikið hvor
gegn öðrum í Evrópukeppninni
1972, hann þá með Partizan
Belovar og ég með FH.“ JHB
Birgir Björnsson, þjálfari Þórs í handknattleik, á æfingu fyrir skömmu.
Mynd: TLV
- kom inn á í hálfleik og skoraði jöfnunarmarkið
Eyjólfur Sverrisson stóð sig vel
í sínum fyrsta landsleik í knatt-
spyrnu með U-21 árs landslið-
inu sl. þriðjudag gegn Hollend-
ingum á Valbjarnarvelli í
Laugardal. Þetta var fyrsti
leikur liðsins í Evrópukcppn-
inni. Leiknum lauk með jafn-
tefli, 1:1, og skoraði Eyjólfur
jöfnunarmark Islendinga þeg-
ar fimmtán mínútur voru til
leiksloka, en Eyjólfur kom inn
á eftir leikhlé í stað Ólafs
Kristjánssonar FH-ings og fór í
stöðu vinstri tengiliðs, sem
hann hefur ekki áður spilað.
Fyrri hálfleikur var dapur af
hálfu íslendinga og um miðjan
hálfleikinn náðu Hollendingar að
skora, og var það mjög fallegt
mark. Leikur íslands breyttist
mikið í seinni hálfleik, eftir að
Eyjólfur kom inn á. Þá kom
Valsarinn Steinar Adolfsson inn
á um miðjan seinni hálfleikinn og
breytti leik liðsins enn meir. Þeg-
ar stundarfjórðungur var svo til
leiksloka kom jöfnunarmark
Eyjólfs. Hann vann skallaeinvígi
við einn Hollending og skallaði
boltann fyrir fætur Rúnars Krist-
inssonar sem tókst að koma bolt-
anum inn í teig Hollendinga. Þar
var Eyjólfur kominn, tók
boltann, lék framhjá einum varn-
armanni og þrumaði í marknet
Niðurlendinganna.
í samtali við Dag sagðist
Eyjólfur vera ánægður með að
hafa skorað mark í sínum fyrsta
landsleik. „En það hefði verið
skemmtilegra að vinna Hollend-
inga, þetta eru áþekk lið og við
eigum að geta unnið þá, þótt
þetta séu allt atvinnumenn. Auð-
vitað hefði maður viljað spila all-
an leikinn, en það er ekkert við
því að gera. Maður ætlaði nú
varla að trúa því að maður hafi
skorað, það var rosaleg tilfinn-
ing,“ sagði Eyjólfur.
Eyjólfur hefur skorað sex
mörk í þrem leikjum með lands-
liðinu, akkúrat helming af mörk-
um liðsins og í tveim leikjanna
hefur hann ekki spilað allan
leiktímann. Það eru því allar lík-
ur á að hann leiki með landslið-
inu 28. þessa mánaðar í Finn-
landi gegn heimamönnum í
Evrópukeppninni. Það má
a.m.k. mikið gerast hjá Júrí
Sedov landsliðsþjálfara ef hann
velur ekki Eyjólf í þann leik.
-bjb
Eyjólfur Sverrisson í leik með Tindastól fyrr í sumar. Mynd: -bjb
Knattspyrna:
Ejjólfur stóð sig
vel með U-21 árs liðinu
„Allt tal um möguleika
er aðeins ágiskanir“