Dagur - 21.07.1989, Blaðsíða 6

Eru göngurnar að koma í árnar?
A annað hundrað laxar í
Aðaldal á Qórum dögum
- fiskurinn tekur nú um alla á
„Þetta gengur vel. Við erum
búnir að vera í tvo daga og
hollið er komið með 50 laxa á
land þannig að það er að ræt-
ast úr hér í Aðaldalnum. Við
verðum ekki varir við neinar
stórar göngur en fiskurinn
virðist ganga jafnt og þétt og
hann veiðist um alla á,“ sagði
Orri Vigfússon, veiðimaður í
Laxá í Aðaldal, í gær en svo
virðist sem loksins sé að lifna
yfir veiðinni í ánni. Á land eru
komnir hátt á fimmta hundrað
fiskar, þar af um 120 á síðustu
fjórum dögum. Ekki er jafn líf-
legt í öðrum laxveiðiám á
Norðurlandi þessa vikuna en
alls staðar er veiði mun betri
en í síðustu viku.
„Jú, þetta er eins og sæmilega
gott holl fær þegar best lætur hér
í Aðaldal. Nú eru komnir nokkr-
ir 20 punda en enginn slær 23
punda metið. Við erum mjög
vanir hér í ánni, veiddum hér
hátt á annað hundrað fiska í fyrra
en gerum okkur ánægða með 80
fiska núna miðað við það sem
okkur var spáð,“ sagði Orri.
Umsjón:
Jóhann Ólafur
Halldórsson.
A^eiðildóin
Netaför í Vopnafírði
Af Vopnafjarðaránum eru þau
tíðindi að komnir eru um 160 úr
Selá og nærri 200 úr Hofsá. Þar
hefur veiði verið frekar dræm
síðustu daga og franskir veiði-
menn í Selánni hafa haft lítið upp
úr krafsinu. Veiðimenn í ánni
telja sig verða vara við net úti fyr-
ir árósunum og segja að margir
fiskar komi með netaför.
Fjórðungur á einum degi
Skyndilegur kippur kom í
Fnjóská í fyrradag. Þá komu 5
laxar á land, eða fjórðungur
heildarlaxveiðinnar í sumar. í
Eyjafjarðará er að hefjast besti
veiðitíminn en þar hefur verið
óveiðandi sökum leysinga. Með
minnkandi vatni gæti þó ræst úr.
I Miðfirði er betri veiði en í
síðustu viku. Björn Barkarson
sagði 500 fiska komna á land og
batnaði veiðin dag frá degi. Svip-
aða sögu er að segja úr Vatnsdal
og Víðidal en þar spá menn
sterkum göngum í dag með stór-
streyminu. JÓH
Friðrik Steinsson, ungur veiðimaður frá Sauðárkróki, gerði nýlega góða ferð
í Laxá í Skefilsstaðahreppi á Skaga. Hann kom til baka með þrjá væna laxa,
sá stærsti vó 20 pund, sá næsti 14 og minnsti var 10 pund. Hér sést Friðrik
með veiðina góðu. Mynd: jóh
Amnesty International:
Fangar mánaðaríns
Mannréttindasamtökin Amn-
esty International vilja vekja
athygli almennings á máli eftir-
farandi samviskufanga. Jafn-
framt vonast samtökin til, að
fólk sjái sér fært aö skrifa bréf
til hjálpar þessum föngum, og
sýna þannig í verki andstöðu
sína gegn því, aö slík mann-
réttindabrot séu framin.
íslandsdeild Amnesty gefur
einnig út póstkort til stuðnings
föngum mánaðarins. Hægt er að
gerast áskrifandi að þessum kort-
um með því að hringja til skrif-
stofunnar, Hafnarstræti 15, virka
daga kl. 14-ló í síma 16940.
Sri Lanka: Kayathiri Vino
Sangaralingam er 10 ára gömul
og kemur frá Nallur í Jaffna-hér-
aði. Hún „hvarf“ við handtöku
árið 1987. Samkvæmt frásögn
vitna var Kayathiri Sangara-
lingam handtekin 12. nóvember
1987 ásamt móður sinni og tveim-
ur eldri systrum, að því er virðist
vegna gruns um að vera stuðn-
ingsmenn aðskilnaðarsinna Tam-
ila. Þær voru handteknar af Ind-
versku friðargæslusveitinni á Sri
Lanka.
Ættingi mæðgnanna, sem spurð-
ist fyrir um þær í búðum Ind-
versku friðargæslusveitarinnar
sama dag og þær voru handtekn-
ar, var í haldi stutta stund og
sagðist þá hafa séð Kayathiri en
náði ekki tali af henni. Þrátt fyrir
þetta hafa yfirmenn Indversku
friðargæslusveitarinnar þráfald-
lega neitað að Kayathiri eða fjöl-
skylda hennar sé í vörslu þeirra.
Fyrirspurnum ættingja til yfir-
valda á Sri Lanka og á Indlandi
hefur ekki verið svarað.
Frá árinu 1983 hefur Amnesty
skráð yfir 800 tilfelli þar sem fólk
hefur „horfið" á Sri Lanka. Mik-
• II meirihluti þessa fólks var
handtekinn og hafður í haldi hjá
öryggissveitum Sri Lanka en frá
árinu 1987 er Indverska friðar-
gæslusveitin talin bera ábyrgð á
mörgum þessara tilfella. Nýlega
var liðsforingja í friðargæslu-
sveitinni stefnt fyrir rétt vegna
málaferla út af „horfnum" ein-
staklingi. Liðsforinginn neitar að
mæta fyrir rétti.
Vinsamlegast skrifið kurteisleg
bréf og látið í Ijós áhyggjur ykkar
af handtöku Kayathiri Sangara-
lingam. Farið fram á hlutlausa
rannsókn á högum og dvalarstað
fjölskyldunnar. Skrifið bréf til:
President R. Premadasa
Presidental Sexretariat
Republic Square
Colombo 1
Sri Lanka
Kúba: Manuel Gonzáles og Lidia
Gonzáles García eru félagar í
ólöglegúm stjórnmálaflokki og
sitja í fangelsi fyrir að prenta
fréttabréf flokksins.
Hjónin Manuel Gonzáles og
Lidia Gonzáles García ásamt
syni sínum Manuel Gonzáles og
tengdadóttur Isis Pérez Montes
de Oca, voru leidd fyrir rétt 26.
janúar 1989 í kjölfar handtöku
þeirra nokkrum dögum áður.
Þau voru ákærð fyrir „leyni-
lega prentun"; og fjölföldun á
Franqueza (Hreinskilni) - frétta-
bréfi hins ólöglega Mannrétt-
indaflokks á Kúbu. Flokkurinn
var stofnaður um mitt ár 1988 en
Kommúnistaflokkur Kúbu er eini
löglegi stjórnmálaflokkur
landsins.
Fréttir herma að þau hafi ekki
fengið tækifæri til að ráðfæra sig
við lögfræðing fyrir réttarhöldin
og einnig er sagt að réttarhöldin
hafi farið fram utan venjulegs
vinnutíma.
Manuel Gonzáles var dæmdur
í 12 mánaða fangelsi og Lidia
Gonzáles García í 9 mánaða
fangelsi. Sonur þeirra, Manuel
fékk 6 mánaða fangelsi og eigin-
kona hans, Isis, var sektuð.
Frá því í nóvember 1988 hafa
nokkrir félagar í Mannréttinda-
flokki Kúbu verið handteknir og
sakaðir um glæpsamlegt athæfi,
svo sem leynilega prentun
almennar óeirðir og fyrir að til-
heyra ólöglegum samtökum.
Sumir hafa verið sektaðir og aðr-
ir hafa verið dæmdir í allt að 12
mánaða fangelsi.
Amnesty telur að allir með-
limir Mannréttinaflokks Kúbu
sem nú eru í haldi séu samvisku-
fangar, þar sem þeim er haldið
vegna tilrauna þerira til að neyta
réttar síns til félaga- og tjáning-
arfrelsis.
Amnesty telur sig þetta mál
varða þar sem starfshættir dóm-
stóla falla ekki að alþjóðlegum
viðmiðunum um sanngjörn rétt-
arhöld.
Manuel Gonzáles og sonur
hans eru í opnu fangelsi og Lidia
Gonzáes García er í endurhæf-
ingarbúðum í Havana sem sér-
staklega eru ætlaðar konum.
Vinsamlegast skrifið kurteis-
legt bréf og farið fram á að þau
verið látin laus tafarlaust og án
skilyrða.
Su Exccllcncia Comandante en
Jefe Dr. Fidel Castro
Presidente de la República
Ciudad de la Havan
Cuba
Fréttir af fangamálum:
í aprílmánuði fréttist að 97
fangar, sem Amnesty hafði
vanda af, voru látnir lausir. Á
sama tíma tóku samtökin að sér
ný mál 96 fanga. Tveir mánaðar-
fangar hafa verið látnir lausir á
árinu. Það eru þeir Kevin Des-
mond de Souza frá Singapúr og
Peter Chilo Bwalya frá Zambíu.
Af dauðarefsingum er það að
frétta, að í marsmánuði voru 33
dæmdir til dauða í 12 löndum og
195 menn voru teknir af lífi í sjö
löndum.
Ástand fjallvega
Kortið hér að ofan er gefíð út í samvinnu Vegagerðar ríkisins og Náttúruverndarráðs. Það sýnir ástand hinna ýmsu
fjallvega landsins þann 20. júlí sl. Vegir á skyggðum svæðum eru lokaðir allri umferð þar til annað verður auglýst.
Nýtt kort verður gefið út 27. júlí nk.