Dagur - 21.07.1989, Blaðsíða 16

Opnunartími í sumar
Bautinn opinn alla daga frá kl. 9.00-23.30
Smiðjan opin alla daga bæði í hádeginu og á kvöldin
Skipagata 13. Deilur hafa stadið um þetta hús í tíu ár.
Mynd: KL
Skipagata 13:
Ekkí hafa enn tekist
sættir um að rífa húsið
Hríseyjarhreppur:
Bið á kaupum nýrrar
Hríseyjarferju
- ferjur í Noregi hafa hækkað um 20-50%
frá áramótum
Nú er orðið Ijóst að ekkert
verður af kaupum nýrrar ferju
fyrir Hríseyinga og Grímsey-
inga í bili. Með afgreiðslu láns-
fjárlaga síðari hluta vetrar fékk
Hríseyjarhreppur heimild fyrir
láni að upphæð um 35 milljón-
ir króna til kaupa á nýrri ferju
sem þjóna skyldi Grímseying-
um og Hríseyingum. Þetta lán
fór á þeim tíma langt með að
nægja fyrir ferju en vegna
gengisþróunar og þess að nú er
komið fram á ferðamannatím-
ann og ferjur hafa hækkað í
verði erlendis, vantar talsvert
upp á að endar nái saman.
„Nei, það er út af fyrir sig ekki
búið að leggja þetta mál í salt en
tíminn er bara vondur núna og
maður þarf ekki að reikna með
neinum kraftaverkum. Pessi skip
hafa hækkað um 20-50% frá því
um áramót þannig að tíminn er
óhagstæður,“ sagði Guðjón
Björnsson, sveitarstjóri í Hrísey, í
samtali við blaðið í gær.
Um áramót bauðst mjög hent-
ugt skip sem ekki þarf að breyta
svo unnt só að taka það í notkun
hér á landi. Ákveðið var hins
vegar að bíða þess að Alþingi
afgreiddi lánsfjárlög áður en
nokkuð yrði ákveðið um kaup.
„Jú, lánsloforðið kom dálítið
seint. Menn hefðu kannski átt að
vera kaldir og þykjast vita að það
kæmi. Eftirá er kannski hægt að
segja að það hafi verið aðal
mistökin," sagði Guðjón.
Ljóst er nú að 35 milljóna lán
sem hreppurinn hefur heimild
fyrir dugir ekki og segir Guöjón
að nú sé verið að kanna hvernig
fá megi lánsheimild hækkaða.
Aðspurður um hvort þetta mál
komi á ný fyrir Alþingi á kom-
andi vetri segir Guðjón að svo
verði eflaust. „Þessum kaupum
hefur ekki verið frestað heldur
verður maður að viðurkenna
með sjálfum sér að þetta er ekki
góður tími,“ sagði Guðjón
Björnsson. JÖH
Deila hefur lengi staðið milli
Akureyrarbæjar og eigenda
Skipagötu 13 um hvort fjar-
lægja eigi húsið. Um áramót
komu nýir eigendur sem neita
einnig að láta fjarlægja það og
hefur bærinn höfðað mál á
hendur þeim. Þar með er þó
ekki öll sagan sögð því slíkur
málarekstur getur tekið ein-
hver ár ef um áfrýjanir verður.
Forsaga málsins er sú að árið
1978 var lóðum á hafnarbakkan-
um, sem þá var, sagt upp. Þarna
stóðu skemmur í eigu Kaupfé-
lagsins, hús sem kallað var Eim-
skipafélagshúsið ogSkipagata 13.
Kaupfélagið samdi strax um að
láta fjarlægja sín hús, en Eim-
skipafélagshúsið var fjarlægt
bænum að kostnaðarlausu eftir
málaferli.
„Eigandi Skipagötu 13 var
mjög tregur til að fara að kröfum
okkar og vildi fá bætur,“ sagði
Hreinn Pálsson bæjarlögmaður.
Seinna tók hlutafélag við eigninni
og það hélt áfram við kröfur fyrri
eiganda þangað til það missti
húsið á nauðungaruppboði um
Ráðstafanir til bjargar
loðdýraræktmni
í gærmorgun var haldinn fund-
ur í Reykjavík um vanda loð-
dýraræktenda og fóðurstöðva.
Á fundinum voru fulltrúar
lánastofnana og tveir ráðherr-
ar, og varð niðurstaðan sú að
fulltrúar bankanna tóku vel í
að halda áfram að veita bú-
greininni afurðalán og fram-
lengja lausaskuldir þar til í
haust. Bráðasta vandanum
hefur því verið bægt frá þessari
búgrein í bili.
Á fundinum voru fulltrúar
þriggja banka; Landsbanka ís-
lands, Búnaðarbanka íslands og
Samvinnubankans. Einnig voru
fulltrúar frá Sambandi Spari-
sjóða, Stofnlánadeilda landbún-
aðarins, framleiðnisjóðs, Byggða-
stofnunar, og tveir ráðherrar,
þeir Steingrímur Hermannsson,
forsætisráðherra, og Steingrímur
J. Sigfússon, landbúnaðarráð-
herra.
Niðurstaða fundarins var loð-
dýrabændum hagstæð á fleiri en
einn hátt. Við úthlutun afurða-
lánanna verður sú regla notuð að
ný lán verða ekki notuð til að
greiða upp eldri afurðalán, og fá
bændur því peninga í hendur til
að greiða fóðurstöðvunum. Þetta
atriði var, að sögn kunnugra, lífs-
nauðsynlegt, því ef nýju lánin
hefðu gengið upp í eldri skuld-
bindingar, þá hefðu ýmsir loð-
dýrabændur ekki haft bolmagn til
að fóðra dýrin áfram fram á
haustið.
Bankamenn tóku einnig mjög
jákvætt í að fella niður dráttar-
vexti lána, sem í vanskilum eru,
en lánin verða sett á tiltekna
samningsbundna vexti. Mun þar
vera átt við sambærlega vexti og
eru á víxlum og skuldabréfum.
Uppgjöri eldri afurðalána verð-
ur frestað fram á haustið, en ætl-
unin er að leggja vanda búgrein-
arinnar til afgreiðslu Alþingis.
Þangað til verða málefni hvers
einstaks loðdýrabónda skoðuð af
viðkomandi lánastofnunum, og
ráðstafanir gerðar til að þeir geti
haldið í horfinu um sinn. EHB
Akureyri:
Mikil aðsókn að
tjaldstæðunum
- hvert metið slegið á fætur öðru
síðustu áramót. „Hæstbjóðandi
var Verðbréfasjóðurinn hf. og ég
ritaði lögmanni hans bréf og
benti á að húsið væri búið að
standa þarna í óþökk bæjaryfir-
valda í um 10 ár,“ sagði Hreinn.
Ekki var sæst á að fjarlægja
húsið og í júní var höfðað mál
fyrir bæjarþingi Reykjavíkur af
háifu Akureyrarbæjar á hendur
Verðbréfasjóðnum, þar sem þess
er krafist að húsið verði fjarlægt
að viðlögðum dagsektum og öðru
sem lög gera ráð fyrir.
Áður hafði Akureyrarbær leit-
að til Sakadóms og farið fram á
að húsið yrði fjarlægt með opin-
berri málsókn. „Málið lá lengi í
salti hjá ríkissaksóknara þangað
til hann svaraði í fyrrahaust að
hann teldi réttara að fara í
einkamál fyrir bæjarþingi eins og
við erum að gera núna. Ég vona
að þetta sé á réttri leið en málið
getur þó tekið einhver ár ef það
fer alla leið, því báðir aðiiar eiga
rétt á að áfrýja dómi,“ sagði
Hreinn Pálsson. KR
Undanfarið hefur verið mjög
mikið að gera á tjaldstæðunum
á Akureyri. Hvert aðsóknar-
metið hefur verið slegið á fæt-
ur öðru og virðast íslendingar
vera í meirihluta gestanna.
Aðstaða til þvotta og eldunar
hefur verið bætt og hefur það
mælst vel fyrir.
í byrjun sumars var fremur lít-
ið um að vera á tjaldstæðunum
og í júní var fjöldi gesta um 1400
en á sama tíma í fyrra 1700
manns. Júlí fór ágætlega af stað
með batnandi veðri og um síð-
ustu helgi gistu 1012 manns tjald-
stæðin. Laugardagurinn var met-
dagur og þá voru 391 á svæðinu,
þar af 229 íslendingar. Aðfara-
nótt miðvikudags var metið held-
ur betur slegið en þá dvöldu 600
manns á tjaldstæðinu og næstu
nótt á eftir var fjöldinn um 500
manns.
Að sögn tjaldvarða hefur verið
mikið um hópa útlendinga á
svæðinu vegna þess hversu lítið
er fært á hálendinu. íslendingar
eru duglegir við að elta góða
veðrið og hafa því ekki látið sig
vanta og verið í meirihluta í allt
sumar.
Aðstaða fyrir ferðamenn hefur
batnað mjög í sumar og komið er
upp skýli þar sem hægt er að
standa í eldamennsku og var
þvottavél keypt á svæðið í vor.
Þetta mun hafa mælst mjög vel
fyrir og hefur aðstöðunni verið
hrósað mikið. KR
Frekar lélegur afli hjá handfærabátum:
Smáufsinn þvælist fyrir
triUukörlum á Siglufiröi
Afli smábáta á Eyjafjarðar-
svæðinu hefur verið heidur
tregur að undanförnu, sam-
kvæmt upplýsingum Dags.
Handfærabátar á Dalvík fengu
töluvert af ýsu á dögunum en
nú er aftur ördeyða og bátarnir
halda sig í höfn. Nokkrir stærri
bátar frá Dalvík hafa róið norð-
ur í Grímsey og fengið þar dá-
góðan afla. Þeir eru yfírleitt
nóttina ytra og hafa 2-3 tonn
upp úr krafsinu.
Af trillum í Ólafsfirði er það
að frétta að þær hafa mjög lítið
aflað að undanförnu, „þetta hef-
ur verið alveg steindautt, ekki
bein að fá,“ voru orð tíðinda-
manns Dags í Ólafsfirði í gær.
Svipaða sögu er að segja frá
Siglufirði. Þar er að vísu nokkuð
um smáufsa sem þvælist fyrir
færakörlunum. Þeir eru ekki
beint hrifnir af ufsanum og kepp-
ast við að leita að þeim gula. Énn
sem komið er hefur hann lítið
gert vart við sig, en menn binda
vonir við að úr rætist. óþh

Það er gaman að fá bréf frá
góðum vini.