Dagur - 19.09.1989, Blaðsíða 11

hér & þar
Þriðjudagur 19. september 1989 - DAGUR - 11
öös.* .«? vjfffi'.- KiiflA*:: -
-------------- Námsgagnastofnun:
Sagnorð
- ný bók eftir
Magnús Jón Árnason
Hjá Námsgagnastofnun er komin
út bókin Sagnorð eftir Magnús
Jón Árnason. Bókin er einnota
verkefnabók í íslensku ætluð 7.-
9. bekk grunnskólans til glöggv-
unar og greiningar sagnorða í
íslensku. Sagnorð henta vei sem
þjálfunar- og ítarefni við Málvísi
1-3 sem Námsgagnastofnun gefur
út. Áður hafa komið út hjá
Námsgagnastofnun verkefna-
bækurnar Fallorð og Orðhákur 1.
og 2. eftir sama höfund.
Fjöldi teikninga og orðtaka-
þrauta eftir Kolbein Árnason eru
í bókinni. Sagnorð er 72 bls. í
brotinu A-4, sett og prentuð í
Prentsmiðjunni Rún hf.
Rokksöngkonan Cyndi Lauper
sletti heldur betur úr klaufunum í
samkvæmi sem haldið var í New
York fyrr í sumar. Þar tók hún
uppá því að dansa djarfan dans
við karlkyns fatafellu sem
skemmti gestum á staðnum.
Cyndi kom í samkvæmið með
fyrriverandi unnusta sínum Dave
Wolff, sem nú er umboðsmaður
söngkonunnar og ku hann hafa
orðið ansi reiður yfir uppátæki
ungfrúarinnar. Pó skötuhjúin
hafi hætt við fyrirætlaðan hjúskap
á síðasta ári, komu þau saman í
þetta 500 manna samkvæmi sem
haldið var um borð í skemmti-
ferðasnekkju. Skömmu eftir
miðnætti stóðu þau uppi á svöl-
um og horfðu niður á dansgólfið
þar sem karlkyns fatafellur léku
kúnstir sínar.
Einn dansaranna tók þá til við
að núa olíu á líkama sinn á miðju
gólfi og ekki var að sökum að
spyrja, Cyndi hljóp af stað,
sparkaði af sér skónum og byrj-
aði að dansa við hann. Áhorfend-
ur tóku andköf meðan þeir
horfðu á ósköpin, því daman
gerði það að leik sínum að lyfta
kjólnum upp yfir höfuð með
þeim afleiðingum að undirföt
hennar voru öllum sýnileg. Hún
hélt áfram að dansa á mjög
kynæsandi hátt í 20 mínútur með
ýmsum tilþrifum.
Pað ku ekki vera líkt fröken
Lauper að haga sér svona, að
sögn kunnugra, því stúlkan er
víst mjög hógvær að eðlisfari.
Wolff, fylgisveinn hennar, fylgdist
með öllu ofan af svölunum, og
þegar Cyndi kom til baka, dreif
hann hana út og heyra mátti
hávært rifrildi í a.m.k. 10 mínút-
ur á eftir. En Cyndi, sem gaf fata-
fellunni fingurkoss að skilnaði,
sagði að Wolff ætti ekkert með
að skipta sér af þessu, „við erum
ekki trúlofuð lengur og hann hef-
ur ekkert með mig að gera.“
íhlutun á
vrnnustöðum
- Nýr þáttur í
starfsemi SÁÁ
Iniutun á vinnustöðum nefnist
nýr þáttur í starfsemi SÁÁ sem
tekinn var upp fyrir skömmu.
Hér er um að ræða þjónustu sem
einkum er beint til stjórnenda og
starfsmanna fyrirtækja í formi
fræðslufunda, upplýsingamiðlun-
ar og viðtölum við einstaklinga.
í tilkynningu frá SÁÁ segir
m.a.:
„Eðli og umfang áfengis- og
vímuefnavanda er flóknara og
meira en svo að almenningur fái
þar hönd á fest. Þrátt fyrir þann
mikla árangur sem náðst hefur í
meðferð áfengissjúkra hér á
landi, vantar enn mikið á
aðgengilegar upplýsingar um eitt
stærsta heilbrigðisvandamál
þjóðarinnar. Spurningar um slíkt
vakna ekki síst inni á vinnustöð-
um og oft eru bæði stjórnendur
og starfsmenn í erfiðri aðstöðu.
Enginn vafi er á að áfengisneysla
veldur mörgum fyrirtækjum
miklum skaða, bæði beinu fjár-
hagslegu tjóni og einnig félags-
legum truflunum á vinnustað.
Oft er hin raunverulega orsök
vandans dyggilega falin og erfitt
að komast að rótum hans.
Til að bæta úr þessu hefur
SÁÁ tekið upp nýjan þátt í þjón-
ustu sinni, íhlutun á vinnustöð-
um, þar sem forsvarsmönnum og
starfsmönnum fyrirtækja og
stofnana er boðið upp á eins kon-
ar vinnustaðaþjónustu. Starfs-
maður SÁÁ heimsækir fyrirtæk-
in, heldur fundi með stjórnend-
um og/eða starfsmönnum þar
sem farið er í gegnum hvenær
áfengisneysla verður vandamál,
þróun alkóhólisma, áhrif á fjöl-
skyldu og félagsleg tengsl, hvað
er til ráða, hvaða meðferðarúr-
ræði bjóðast, hvaða árangurs má
vænta o.s.frv." í framhaldi af
almennri fræðslu gefst svo kostur
á einkaviðtölum, námskeiðum,
fjölskyldufræðslu o.fl. Þegar er
búið að halda vinnustaðafundi af
'þessu tagi hjá ýmsum stærri fyrir-
tækjum og hefur þeim hvarvetna
verið vel tekið.
í stofnskrá SÁÁ segir að leitast
skuli við að útrýma fordómum
gagnvart alkóhólisma og koma á
framfæri upplýsingum um eðli
áfengis og annarra vímuefna,
áhrif þeirra á líkama og sál og
gera þannig hverjum og einum
auðveldara að vega og meta
ástandið hverju sinni. Vinnu-
staðaþjónusta SÁÁ er enn einn
liður í að ná þessu markmiði og
opna umræðuna um áfengisvand-
ann enn meira en verið hefur til
þessa.
Allar nánari upplýsingar veitir
Jóhann Örn Héðinsson á skrif-
stofu SÁÁ í Reykjavík, sími
82399.
Cyndi Lauper
slettír úr klaufimum