Dagur - 17.11.1989, Blaðsíða 16
Akureyri, föstudagur 17. nóvember 1989
Bautinn getur séð um
allt til veislunnar
Húsnæði, veitingar og starfsfólk.
Tökum á móti bókunum fyrir JAÐAR og Laxdalshús.
Hafið samband í síma 21818.
Tímaritið Frjáls verslun:
Meðallaim hjá Samheija
rúmar 4 milljónir króna
- KEA langstærsta fyrirtækið á Norðurlandi eystra
Tímaritið Frjáls verslun birti
fyrir skömmu lista yfir stærstu
fyrirtækin á íslandi árið 1988.
Sambandið trónir á toppnum
sem fyrr en KEA er lang-
stærsta fyrirtækið á Norður-
iandi eystra miðað við veltu og
starfsmannafjölda og er KEA í
sjöunda sæti á landslistanum.
Leikfélag Akureyrar:
Mjög góð aðsókn
að Húsi
Bemörðu Alba
Leikfélag Akureyrar auglýs-
ir nú næst síðustu sýningar-
helgi á Húsi Bernörðu Alba
eftir Garcia Lorca. Upphaf-
lega átti aðeins að vera ein
sýning um helgina, i kvöld,
en vegna mikillar aðsóknar
var ákveðið að hafa auka-
sýningu annað kvöld. Sýn-
ingarnar hefjast kl. 20.30
bæði kvöldin.
Sigurður Hróarsson, leik-
hússtjóri, sagðist í samtali við
Dag hafa bundið miklar vonir
við þetta leikrit en þó væri
ekki hægt að segja annað en
að aðsókn hefði farið fram úr
björtustu vonum. Eftir fremur
hæga byrjun hefur Hús Bern-
örðu Alba fyllt leikhúsið hvað
eftir annað og greinilegt að
lofsamleg ummæli leikhús-
gesta hafa spurst út.
Æfingar eru að hefjast á
jólaleikriti Leikfélags Akur-
eyrar. Það er barna- og fjöl-
skylduleikritið Eyrnalangir og
annað fólk eftir Kristfnu og
Iðunni Steinsdætur. Frumsýn-
ing verður 26. desember, ann-
an í jólum. SS
S-Þingeyjarsýsla:
Heimtur
þokkalegar
en heyfengur misjafn
Heimtur munu hafa verið
allþokkalegar í Suður-Þing-
eyjarsýslu í haust. Einhver
reytingur af fé hefur fundist
síðan menn fóru að ganga til
rjúpna og fjáreigendur hafa
því heimt einstaka kind. Tíð
hefur verið það góð fram að
þessu að féð hefur farið
ágætlega með sig.
Stefán Skaftason, ráðunaut-
ur í Straumnesi í Aðaldal
sagði, í samtali við Dag, að
niðurstöður úr rannsóknum á
fóðurgildi heysýna væru að
byrja að berast. Væru niður-
stöðurnar æði misjafnar og
virtust fara eftir sveitum. Mið-
að við þær niðurstöður sem
komnar eru, er fóðurgildi
heysins gott í Mývatnssveit en
slakt í Aðaldal og hjá bændum
út við sjóinn. IM
Næstu fyrirtækin í röðinni á
Norðurlandi eystra miðað við
veltu eru Útgerðarfélag Akur-
eyringa, Kaupfélag Þingey-
inga, Álafoss og Samherji.
Þegar litið er á meðallaun
starfsmanna fyrirtækjanna er
Samherji hf. í efsta sætinu á
Norðurlandi eystra og jafnframt í
öðru sæti yfir landið allt. Með-
allaun 65 starfsmanna þar á árinu
1988 voru ríflega 4 milljónir
króna. Aðeins Borgarfógeta-
skrifstofan í Reykjavík skákar
norðlensku útgerðarköppunum
en meðallaun 5 starfsmanna
skrifstofunnar voru yfir 4,3 millj-
ónir. Að öðru leyti eru fyrirtæki í
sjávarútvegi í efstu sætunum yfir
meðallaun, t.d. Skagstrendingur
hf. í fimmta sæti og Oddeyri hf. í
sjötta sæti.
Lítum þá aftur á listann yfir
stærstu fyrirtækin á Norðurlandi
eystra. Eftirfarandi fyrirtæki eru
í 6.-20. sæti: K. Jónsson & Co.,
Fiskiðjusamlag Húsavíkur,
ístess, Slippstöðin, Höldur-Bíla-
leiga Akureyrar, Kísiliðjan,
Magnús Gamalíelsson, Hrað-
frystistöð Þórshafnar, John
Manville, Krossanesverksmiðj-
an, Jökull-Fiskiðja Raufarhafn-
ar, Kaupfélag N-Þingeyinga,
Kaupfélag Langnesinga, Raf-
veita Akureyrar og Efnaverk-
smiðjan Sjöfn.
Þess má geta að Dagur og
Dagsprent skipa 29. sætið á þess-
um lista yfir veltu fyrirtækja á
Norðurlandi eystra. Þegar litið er
á lista yfir fjölmennustu fyrirtæki
landsins í fjölmiðlun, bókaútgáfu
og auglýsingagerð voru Dagur og
Dagsprent í 10. sæti árið 1988 en
Morgunblaðið var á toppnum
með meira en fimm sinnum fleiri
starfsmenn en dagblaðið á lands-
byggðinni. SS
Umhleypingar er rétta orðið yfir veðurfar síðustu sólarhringa. Eftir hlýjan
sunnanvind fór ’ann að snjóa af krafti á Akureyri í gær. Út með Eyjafirði var
hins vegar auð jörð í gær og rigning. Mynd: kl
j oc iiius ycgiii auu juiu í g<ci ug ngiiiiig,
Stofn- og rekstrarkostnaður skóla á herðum sveitarfélaga frá 1. jan. nk.:
„Menn hafa uppi ákveðnar efasemdir“
- segir Guðmundur Ingi Leifsson, fræðslustjóri Norðurlandsumdæmis vestra
Með breytingu á verkaskipt-
ingu ríkis og sveitarfélaga um
næstu áramót færist stofn- og
rekstrarkostnaður skóla alfarið
yfir í sveitarfélögin. Laun
kennara og skólastjóra greið-
ast hins vegar áfram úr ríkis-
sjóði. Guðmundur Ingi Leifs-
son, fræðslustjóri Norður-
landsumdæmis vestra, segir að
þrátt fyrir að Jöfnunarsjóður
sveitarfélaga verði efldur veru-
lega sé því ekki að neita að
forsvarsmenn smærri sveitar-
félaga hafi nokkrar áhyggjur af
því að skólarnir verði þeim
þungur baggi. Á móti segir
Guðmundur að létti á sveitar-
félögunum með tilfærslu
sjúkrasamlaganna yfir á herðar
ríkisins.
„Ég held að menn hafi uppi
ákveðnar efasemdir um að þetta
gangi upp. Menn hafa hvað eftir
annað horft upp á að Jöfnunar-
sjóður sveitarfélaga hafi verið
skertur án þess að verkefni hafi
verið færð frá sveitarfélögunum,"
segir Guðmundur.
Skólabyggingar og viðhald
skólamannvirkja kemur nú í hlut
sveitarfélaganna. Guðmundur
Ingi segir að í sumum sveitar-
félögum á Norðurlandi vestra
horfi menn til mjög kostnaðar-
samra endurbóta á skólum. „Ég
nefni í því sambandi Siglufjörð.
Þar höfum við yfir 70 ára gamalt
barnaskólahús sem þarfnast
endurbóta. Samkvæmt lögunum
koma endurbætur á skólanum
allar í hlut Siglfirðinga og óneit-
anlega verða þær nokkuð stór biti
fyrir ekki stærra sveitarfélag,"
segir Guðmundur Ingi. óþh
Meistarafélag byggingamanna Norðurlandi:
Mótmælir sölu Iðngarða
undir verslunarhúsnæði
„Meistarafélag byggingamanna
Norðurlandi átelur atvinnu-
málanefnd Akureyrarbæjar
um sinnuleysi, hvað varðar
atvinnuuppbyggingu, eins og
núverandi ástand sannar.“
Þannig hljóðar hluti ályktunar
fundar Meistarafélagsins á Hótel
KEA 15. nóvember sl. „Atvinnu-
málanefnd hefur að okkar mati
ekki verið vakandi fyrir því að fá
ný atvinnutækifæri til bæjarins.
Hún hefur jú hleypt hugmynda-
samkeppni af stokkunum en
óneitanlega dettur manni í hug
með hana að verið sé að byrgja
brunninn þegar barnið er dottið
ofan í,“ sagði Sigurður Jónsson,
hjá Meistarafélagi bygginga-
manna, þegar hann var inntur
frekari skýringa á áðurgreindri
ályktun. „Vissulega hefur
atvinnumálanefnd fjallað um
atvinnuástandið í bænum á fund-
Halldór Ásgrímsson, sjávarútvegsráðherra,
á aðalfundi LÍÚ í gær:
V01 hækkun ísfískálags
Halldór Ásgrímsson, sjávarút-
vegsráðherra, telur að hækka
beri ísfiskáiag í kvótanum úr
15% og færa það til upphaflegs
horfs. Þetta kom fram í ræðu
hans á aðalfundi LÍÚ í gær.
Með þessu móti telur sjávarút-
vegsráðherra að áhugi manna á
sölu óunnins fisks úr landi
minnki. Halldór sagði í ræðu
sinni að til greina kæmi að tak-
marka útflutning á óunnum fiski
með skömmtun sem yrði f hönd-
um aflamiðlunar er stjórnað yrði
sameiginlega af hagsmunaaðilum
í sjávarútvegi. „Það fyrirkomulag
í tengslum við hæfilegt álag á
kvótann er án efa skásta leiðin
sem völ er á í þessu efni,“ sagði
ráðherra.
Um þá hugmynd að selja eða
bjóða allan afla upp á markaði
innanlands sagði Halldór:
„Vissulega er mögulegt að fara
þessa leið og láta hana jafnvel
aðeins ná til ákveðinna tegunda.
Með slíku fyrirkomulagi mynd-
um við hins vegar hætta á að
rjúfa rótgróin viðskiptasambönd
og viðskiptaleiðir. Með þessari
leið er ferskleika og gæðum
ísfisksins einnig stefnt í hættu,
enda hætt við að krafa um sölu
innanlands lengi í mörgum tilfell-
um þann tíma, sem líður frá því
að fiskur er veiddur, þangað til
hann kemur til neytandans."
óþh
um en nú fyrst, þegar það er orð-
ið mjög slæmt, fer að heyrast
eitthvað frá nefndinni," segir
Sigurður.
Á fundinum á Hótel KEA
beindi Meistarafélag bygginga-
manna Norðurlandi spjótum að
bæjaryfirvöldum á Akureyri. í
ályktun fundarins er því mótmælt
að Iðngarðar, sem Akureyrarbær
stóð að uppbyggingu á, skuli
seldir undir verslunarhúsnæði.
„Hver er hugur bæjaryfirvalda til
nýsköpunar í iðnaði? Ér það með
því að selja einu Iðngarðana sem
til eru á Akureyri?,“ er spurt í
ályktun fundarins.
Sigurður J. Sigurðsson, forseti
bæjarstjórnar Akureyrar, segir
að atvinnumálanefnd hafi metið
það svo að tilraun með Iðngarð-
ana hefði ekki tekist og ekki væri
skynsamlegt að bærinn ætti hús-
næði til útleigu á sama tíma og
töluvert framboð væri á húsnæði
í bænum. „Menn höfðu mikinn
áhuga á þessu og álitu að þetta
fyrirkomulag væri rétt skref. Ég
held hins vegar að menn hafi
komist að raun um að þetta væri
ekki raunhæfasti kosturinn, skyn-
samlegara væri að nýta fjármagn-
ið til einhverrar almennari þjón-
ustu við atvinnulífið." óþh