Dagur - 16.06.1990, Blaðsíða 17
efst f hugo
Laugardagur 16. júní 1990 - DAGUR - 17
Val bæjarlistamanns
Nú að afstöðnum vorkosningum, þegar
stjórnmálamennirnir hafa myndað meiri-
hiuta hver á sínum stað eftir gengi hvers
og eins flokks, þá fer sá tími í hönd að
flokkarnir verða að efna stóru loforðin,
Við hér á Akureyri höfum fengið okkar
meirihluta Sjálfstæðisflokks og Alþýðu-
bandaiags. Ekki ætla ég að tjá mig um
væntanlegt samstarf flokkanna, vona
aðeins að það leiði til framfara og betra
mannlífs í bænum okkar. Hitt vil ég'
nefna, sem gladdi mig óneitanlega, að
innfæddur Akureyringur skyldi veijast til
bæjarstjóra. Ég vil bjóða nýjan bæjar-
stjóra, Halldór Jónsson, velkominn, þvi
alltof lengi höfum við Akureyringar þurft
að bíða þess að innfæddur Akureyringur
veldist til þessa starfs, maður með hald-
góða þekkingu á þörfum og óskum
bæjarsamfélagsins samhliða góðri
menntun. Ég vænti mikils af nýja bæjar-
stjóranum okkar og óska þess að honum
farnist vel í starfi og að hann verði okkur
Akureyringum til gagns og heilla.
Oft hefur mig furðað á því, að þá þegar
stjórnunarstöður hér í bæ hafa verið
auglýstar, skuli veljast til þeirra utanað-
komandi menn og konur, en ekki heima-
menn þrátt fyrir að kunnátta, menntun
og hæfni hafi verið fyrir hendi. Mér hefur
virst sem heimamaðurinn hafi sjaldnast
verið gjaldgengur til stóru átakanna.
Hvaða kenndir liggja á bak við slíkt skal
ósagt látið, en ég varpa þessu fram
mönnum til umhugsunar.
Nýlega var bæjarlistamaður Akureyrar
valinn til sex mánaða. Menningarmála-
nefnd Akureyrar valdi unga konu, hæfi-
leikaríka listakonu að sögn, til bæjar-
listamanns. Ég vil óska henni til ham-
ingju með vegsemdina og óska þess að
listagyðjan verði henni hliðholl, en hitt vil
ég þó nefna, að ég vildi sjá að annar
listamaður hefði orðið fyrir valinu. Það er
mín skoðun, að frekar hefði átt að veljast
til starfsins innfæddur Akureyringur, sem
unnið hefur að list sinni hér á Akureyri.
Meðal umsækjanda voru slíkir lista-
menn, listamenn sem hafa þraukað af
eyðimerkurgöngu listalífs á Akureyri,
listamenn sem eru orðnir sem kaktusar í
eyðimörk þeirrar menningarstefnu sem
hefur veriö rekin af bæjaryfirvöldum
Akureyrar. Nú þegar bæjaryfirvöld vökn-
uðu og veittu fjármagni til bæjarlista-
manns, hefði átt að velja nestor þeirra sem
sóttu um, en ekki umsækjanda sem
aðeins hefur dvalið og starfað að list
sinni á Akureyri í mjög stuttan tíma. Oft-
ast er nú svo að tíminn vinnur með lista-
mönnum og framtíðin er þeirra, en á
augnabliki vals til bæjarlistamanns var
ekki valið rétt að mínu áliti. Gengið var
framhjá þeim listamönnum sem hafa
þjónað bæjarfélaginu lengst og dyggast
og slíkt ber ekki að gera.
Að lokum vil ég beina þeirri ósk og von
til nýs meirihluta í bæjarstjórn Akureyrar
og tii Halldórs Jónssonar, bæjarstjóra,
að endurskoða og bæta hlut Akureyrar-
bæjar til menningarmála og lista. Margt
þarf að bæta og lagfæra. Akureyri á ekki
og má ekki vera sem örfoka melur í
heimi menningar og lista.
Óli G. Jóhannsson
Gísli Ólafsson frá Eiríksstöð-
um hneigðist meir til skáld-
skapar en stritvinnu, eins og
þessi vísa sýnir:
Brags við þvætting þagna hlýt.
Þeim er ei stætt að ríma
sem eftir mætti mega skít
moka að hættutíma.
Oft bjuggu menn við kalt við
dorgveiðar á Mývatni og varð
sem víðar, annaðhvort að
duga, eða drepast. Sigurður
Jóhannesson kvað:
Norðanhríðar hraglandinn
herðir gríðartökin,
við skulum stríða maður minn
meðan þýð er vökin.
í nánd við samkomuhúsið að
Breiðumýri, Reykjadal,
stendur skógreitur. Aldraður
maður sem vann að gróður-
setningu fyrstu sprotanna,
kvað:
Þeir hverfa svona einn og einn
úr aldamótasveit.
Loks verður ekki eftir neinn
sem ól upp þennan reit.
Hann mun þó dafna og anga enn
í árdagssólar glóð
ef æskan um hann annast enn
af ást á landi og þjóð.
Jón Þorsteinsson á Arnar-
vatni mun hafa haft ungan
fola fyrir augum er hann
kvað:
Litli Rauður Sokkason,
svelli þér lífsins straumur.
Þú ert ennþá eintóm von,
ofurlítill draumur.
Enginn veit, hvort verður ber
vísirinn sem við fundum,
en það er gott að gera sér
góðar vonir siundum.
Ég hef h'ka þráreynt það
þegar kólu blómin
að vonin mín í vettlings stað
vermdi fingurgóminn.
Og enn kvað Jón:
Sérhver þjóð á þroska sinn,
þrá og heita strauma
og hún verndar vísirinn,
von og kæra drauma.
Fyrsti vorgróðurinn:
Hvílíkt undra fjör og frjó,
finndu lundsins angan.
Strjúktu grundar laufaló,
og leggðu hana undir vangann.
Jakob Ó. Pétursson kvað
þessa mannlýsingu:
Oft hann nudd og ónot hlaut,
oft hann studdi menn til dáða,
oft hann ruddi öðrum braut,
ef að buddan fékk að ráða.
Næstu vísu orti Jakob í orða-
stað óheppins manns.
Er ekki von maður verði reiður,
vanþakklæti eru heimsins laun.
í stað þess að sýna mér sæmd
og heiður,
sendu þeir mig á Litla-Hraun.
Magnús Guðjónsson, Ósi við
Steingrímsfjörð leit í eigin
barm:
Lífs á sprangi linast ei,
liðkar ganginn hraður.
Sjái hann vanga á sætri mey,
svo er Mangi glaður.
Þungt er yfir flestum vísum
Kristjáns Ólasonar, svo sem
þessum:
Hvers vegna ég ekki er
alltaf sæll og glaður?
Það ber við, að þelsárt mér
þykir að vera maður.
Svik.
Varla yrði vængjahaf
vonarinnar mikið
ef að flest sem auðnan gaf
okkur reynist svikið.
Hvers vegna?
Góða, mjúka, gróna jörð,
græn og fögur sýnum,
því er alltaf einhver hörð
arða í skónum mínum.
Vinur minn rétti að mér eftir-
farandi vísur sem Brynjólfur
Ingvarsson kvað að loknu út-
varpserindi.
Baldur Hermannsson,
hættu nú.
Er Hitler risinn að nýju?
Hvernig í ósköpum ælir þú
upp svona drullugri spýju.
Hvíslast og læsist um
hrellda sveit
hrollur af ræðu þinni.
Var þér alvara ? Enginn
það veit.
Órótt er mörgum sinni.
Hún má vara sig þessi þjóð
ef þínir líkar fá völdin
kyrjandi botnlausan
ofstækisóð
yfir landslýð á kvöldin.
Þá kemur bjórvísa sem
sveitamaður sendi.
Góðir landar, okkur er
ærinn vandi á höndum,
ef á að blanda bjórinn hér,
í böli fjandans stöndum.
Veiðileyfi
Sala veiðileyfa í Eyjafjarðará og Hörgá hefst í verslun-
inni Eyfjörð þriðjudaginn 19. júní kl. 9.00 árdegis.
Sala á þriðja svæði í Eyjafjarðará er í höndum ferða-
þjónustu bænda á Hrísum og Öldu hf. í Melgerði.
Veiðifélög Eyjafjaröarar og Hörgár.
KONUR
á Akureyri og nágrenni
Grill og gaman í Naustaborgum 19. júní kl.
19.00.
Minnst 75 ára afmælis
kosningaréttar kvenna.
Komið með matarbita, drykkjarföng og áhöld.
Grill og kol á staðnum.
Sérstaklega er auglýst eftir nafni á svæðið sem
konur plöntuðu trjám í fyrir 5 árum.
Skemmtidagskrá og leikir.
Sýnum að konur af öllum árgerðum og stærðum
geta komið saman og gert sér glaðan dag.
UNDIRBÚNINGSNEFNDIN.
Samstarfsaðili
Fyrirtæki í Reykjavík leitar fjársterks
aðila á Akureyri er áhuga hefði á að
setja upp og reka verslun með yfirgrips-
mikinn vöruflokk, er teljast má til nýj-
unga hér á landi. Góð arðsemi og hröð
velta.
Þjálfun verslunarstjóra býðst erlendis.
Innrétting þarf að lúta staðli framleiðenda.
Stefnt er að opnun verslana samtímis á tveim
stöðum auk Reykjavíkur.
Æskilegt stærð húsnæðis 50-70 m .
Áhugasamir leggi nöfn með uppl. inn á afgr.
Dags, merkt: „Snarir í snúningum" fyrir 22. júní
1990.
HÚSHÆPISSTOFNUN RÍKISINS
T/EKNIDEILD
Útboð
Hreppsnefnd Grýtubakkahrepps óskar eftir til-
boðum í byggingu parhúss við Melgötu nr. 4, á
Grenivík.
Húsið er 194 rrf að grunnfleti og um 695 m3.
Verkið tekur til allrar vinnu við gröft á grunni, upp-
steypu og frágang utan húss og innan svo og frá-
gang lóðar.
Verkið skal hefjast í júlí nk. og verktími verður 15
mánuðir.
Útboðsgögn verða afhent væntanlegum bjóðendum
á skrifstofu Grýtubakkahrepps á Grenivík og hjá
Tæknideild Húsnæðisstofnunar, Suðurlandsbraut
24,108 Reykjavík, fráog með miðvikudeginum 20.
júní 1990.
Tilboðin verða opnuð á sömu stöðum föstudaginn 6.
júlí 1990 kl. 14.00 stundvíslega, að viðstöddum
þeim bjóðendum er þess ó'ska.
F.h. Hreppsnefndar Grýtubakkahrepps.
Tæknideild Húsnæðisstofnunar.
HÚSNÆÐISSTOFNUN
RÍKISINS
SUÐURLANDSBRAUT 24 -108 REYKJAVÍK ■ SÍMI - 696900