Dagur - 22.11.1990, Qupperneq 14

14 - DAGUR - Fimmtudagur 22. nóvember 1990
Munið
kynningarfundinn
í kvöld
Prófkjörskandídatar takast á
í Alþýðuhúsinu kl. 20.30.
Veitingar — Skemmtiatriði — Allir velkomnir.
Ókeypis aðgangur.
Alþýðuflokksfélögin á Akureyri.
B0KABÚÐ
JOP
►NASAR
Hafnarstræti 108 - Sími 96-22685

Jólabœkumar Jlœda að
Komið og skoðið hjá okkur
Sögu Akureyrar
jólahókina okkar í ár!
Tesco Tesco Tesco
Tesco vörur í úrvali
Alltaf eitthvað nýtt!!!
Búðin er að fyllast
af ýmsum jólavörum svo sem:
Bökunarvörum,
hreinlætisvörum,
jólaskrauti og kertum,
kalkúnum,
svínakjöti, nýju og léttreyktu,
hangikjöti
og svo nýjum og ferskum
réttum frá Kjarnafæði hf.
Opið mánud.-föstud. 10.30-18.30
Laugard. 10.00-14.00

□
MARKAÐUR
FJÖLNISGÖTU 4b
ritdómur
f
Saga Akureyrarkirkju
- eftir Sverri Pálsson
í þessari glæsilegu bók, sem
Sóknarnefnd Akureyrarkirkju lét
skrá í tilefni af 50 ára afmæli kirkj-
unnar, er rakin saga kirkna þeirra
sem verið hafa guðshús þessa
bæjarfélags frá upphafi. Fyrst er
rætt um Hrafnagilskirkju sem var
fyrsta sóknarkirkja Akureyringa,
síðan byggingu nýrrar kirkju í
Fjörunni, þá núverandi stórkirkju
okkar og hins frumlega safnaðar-
heimilis sem nú er að komast í
not. Einnig er Minjasafnskirkj-
unni, sem stendur á hinum forna
kirkjugrunni, gerð skil.
Petta er mikil saga og skráð allt
frá smæstu atburðum til hinna
stærstu. Nafn höfundar er næg
trygging fyrir því að hér sé stað-
reyndum fylgt svo sem verða má.
Sú vinna er liggur að baki bókar-
innar, og kemur m.a. fram í 40
bls. heimudaskrá, er ótrúlega
mikil. Myndir í bókinni eru marg-
ar (um 300) og sumar í glæstum
litum. Skrá um nöfn þeirra
manna er við sögu koma þekja 17
blaðsíður. Mun margur Akureyr-
ingur finna þar sér nákomna
aðila.
Petta er baráttusaga því að
ekki reyndist átakalaust að sam-
einast um stað og gerð kirkn-
anna. Við erum sjaldnast ein-
huga, íslendingar. Saga elstu
kirkjunnar í Innbænum er hálf-
gerð slysasaga frá upphafi til
enda. Nægir að minna á stríðið
um turninn; hann var fyrst
byggður yfir inngang á austur-
stafni sem var sjálfgjört vegna
staðarvalsins. En gömul hefð var
að inn skyldi ganga frá vestri.
Þeirri hefð eða skyldu var fram-
fylgt síðar og turninn færður mót
brekkunni - sem breytti útliti
kirkjunnar mjög til hins verra.
Þetta er raunar furðuleg kvöð
með vesturinngöngu; kemur ekki
lífið úr austri eins og sólin og
gengur til vesturs í hinsta næt-
urstað? Þá var kirkja þessi her-
numin og lítilsvirt sem geymsla á
stríðsárunum. Hún grotnaði
niður, einnig vegna þakleka, og
var síðast rifin.
Nýja kirkjan, sem margir
kenna við séra Matthías, varð
einnig að ganga í gegnum nokkr-
ar fæðingarþrautir. En hér stend-
ur hún nú, vegleg og tigin, á feg-
ursta útsýnisstað og verður
andlit bæjarins út á við. Flestra
sem við sögu kirkjunnar koma er
getið; frá sóknarprestum til
þeirra er hljóðlátust störf vinna
henni til þrifa. Guðjón Samúels-
son húsameistari taldi kirkjuna
langveglegustu og fegurstu kirkju-
byggingu sem reist hefði verið á
íslandi af Iúterskum söfnuði. Ég
hygg að það gildi enn, þrátt fyrir
margt nývirkið síðan.
Sverrir Pálsson hefur tekið
starf sitt mjög alvarlega og unnið
af ást og alúð að kirkjusögunni.
Hann er mikill og samviskusamur
sagnaritari og kann að nýta allar
fáanlegar h úmildir, bæði skráðar
og munnleg ir frá hinum mörgu
er kunna e m skil á sögunni. Og
hinar fjcíriörgu myndir er hann
hefur saman safnað gefa bókinni
ómetanlegt heimildagildi og
styðja hina viðamiklu sagnfræði.
Maður kemst ekki hjá að fyllast
stolti er maður handleikur slíkan
kjörgrip, stolti vegna stórhugs
þeirra er að útgáfunni standa,
afreks höfundar og vandaðrar
vinnu bókagerðarmanna. Gamla
P.O.B. stendur enn fyrir sínu.
Akureyringar verða ekki í
vandræðum með jólagjafir í ár,
því ásamt þessari glæsibók er
nýkomin á markað önnur; 1.
bindi af Sögu Akureyrar eftir Jón
Hjaltason, cand.mrg. Það er
annað stórvirki sem okkur
varðar.
Þökk sé miklum verkmönnum
með anda listar í hug og höndum.
Kristján frá Djúpalæk.
SppSSSiii
Gallerí Delfí:
Sýning
Bemharðs
Steingríms-
sonar opin
Bernharð Steingrímsson hefur
opnað málverkasýningu í Gall-
erí Delfí, í verslunarmiðstöð-
inni Sunnuhlíð á Akureyri. Á
sýningunni eru 33 verk, bæði
olíumálverk og vatnslitamynd-
ir.
Bernharð stundaði nám við
Myndlista- og handíðaskóla
íslands á árunum 1968-1972.
Hann hefur haldið 4 einkasýning-
ar síðan hann lauk námi.
Sýning Bernharðs í Gallerí
Delfí er opin frá kl. 14 til 16 alla
daga en sfðasti sýningardagur
verður 2. desember. Á það skal
þó bent að sýningin verður lokuð
sunnudaginn 25. nóv vegna við-
halds í verslunarmiðstöðinni.
Bernharð hefur rekið Gallerí
Delfí frá því í apríl á þessu ári og
leigir hann salinn m.a. til sýning-
arhalds.