Dagur - 01.12.1990, Blaðsíða 8
8 - DAGUR - Laugardagur 1. desember 1990
UMSJÓN: KRISTÍN KJARTANSDÓTTIR OG HJÖRDÍS HALLDÓRSDÓTTIR
Á dögunum tóku nokkur akureyrsk ungmenni sig saman um
að sýna rokkþyrstum Akureyringum flóru bílskúrsbanda hér
í bæ. Þessu hrintu þau í framkvæmd með því að standa fyrir
rokktónleikum í Dynheimum þann 10. nóvember síðastlið-
inn og komu þar fram fjölmargar ólíkar hljómsveitir. Við á
Unglingasíðunni mættum á staðinn þetta laugardagskvöld og
þegar við gengum inn í danssal Dynheima mætti okkur væg-
ast sagt rafmagnað andrúmsloft. Svona stemmning eins og
þarna var er sjaldséð hér á Akureyri og má segja að þarna
hafi Akureyringar fengið að kynnast rokktónleikamenningu
eins og hún gerist hvað skemmtilegust. Eins og áður sagði
voru hljómsveitirnar af ólíkum toga og sama gildir um aldur
hljómsveitameðlima. Okkur tókst að ná taki á nokkrum
hinna yngstu og drógum þá í viðtal.
o
>
3
3
Q
Viðar Einarsson, söngvari Ommu Dýrunnar, ásamt
öðrum gítarleikara hljómsveitarinnar. Mynd: Goiii
Valur Halldórsson 16 ára,
trommur.
- Hvað er Amma Dýrunn
gömul?
Valur: Við erum búnir að starfa
mikið saman í svona 3 og 1/2 ár
en ekki alltaf undir sama nafni.
Hin eiginlega Amma Dýrunn er
búin að starfa í svona hálft ár.
- Hafið þið spilað á mörgum
stöðum?
Valur: Já við höfum mikið komið
fram. Til dæmis á Uppanum, í
Sjallanum, á skólaböllum. Svo
höfum við spilað í Hrútafirði og
Hörgárdal.
- Hvernig viðtökur hafið þið
fengið?
Valur: Mjög góðar, þær hefðu
samt mátt vera betri í kvöld.
- Hvernig tónlist spilið þið?
Valur: Við notum lög eftir aðra
á dansprógrammi sem við spilum
á böllum - mest rokklög. Svo eig-
um við eitthvað af frumsömdu
efni.
- Hvernig var dagskráin í kvöld?
Valur: Við tókum 3 frumsamin
lög og svo eitt blúslag sem heitir
„3 vikur á Spáni“.
- Á hvaða aldri eru hljómsveit-
armeðlimir?
Valur: Við erum frá sextán og
upp í tuttugu og þriggja ára.
- Og hafið þið allir svipaðan tón-
listarsmekk?
Valur: Nei, ég get ekki sagt það.
Við höfum mjög ólíkan tónlist-
arsmekk en það háir okkur samt
ekkert þegar við erum að spila.
- Hvernig tónlistarsmekk hefur
þú?
Valur: Ég hlusta mikið á íslenska
tónlist eins og Sálina og
Nýdönsk. Svo hlusta ég líka á
þungarokk.
- Hvernig finnst þér tónlistar-
menningin á Akureyri vera?
Valur: Mér finnst hún alveg
ágæt, ástandið var hrikalegt.
Núna er mikið af bílskúrsbönd-
um starfandi og sífellt er verið að
stofna nýjar grúppur.
- Er Amma Dýrunn bókuð næstu
tíu árin?
Valur: Ég veit það nú ekki, núna
á næstunni erum við að fara að
spila í Sjalianum og kannski á
Uppanum.
- Hafið þið einhverja peninga
upp úr þessu?
Valur: Það er ekki mjög langt
síðan að við fórum að taka pen-
inga fyrir að spila en núna fáum
við svona ágætis upphæðir, þetta
er samt engin gróðastarfsemi.
- Ætlar Amma Dýrunn að slá í
gegn?
Valur: Auðvitað!
Viðar Einarsson 19 ára, söngur.
- Hvenær byrjaðir þú í Ömmu
Dýrunni?
Viðar: Um seinustu páska.
- Er gaman að vera í hljómsveit?
Viðar: Þrælgaman, þetta er fínt
hobbý - gefur mér andlega og
líkamlega útrás.
- Hvernig finnst þér tónlistarlífið
á Akureyri vera í dag?
Viðar: Mér finnst það gott. Tón-
listarlíf hefur farið vaxandi í vet-
ur og fjölbreytni í músíkinni auk-
ist. Unglingar eru líka farnir að
sækja svo mikið í gömlu rokklög-
in, kallar eins og Chuck Berry og
fleiri eru að komast í tísku. Ung-
lingar eru líka farnir að leita svo-
lítið meira sjálfstætt fyrir sér í
tónlistinni, hlusta ekki lengur bara
á það sem er í útvarpinu eða vin-
irnir hlusta á.
- Eru textar mikilvægir í lögum
nú til dags?
Viðar: Já, það held ég. Ég vil
a.m.k hafa einhvern boðskap í
þeim. Ég tel líka mikilvægt að
hljómsveit lifi sig inn í það sem
hún er að gera, þannig verður
það mun skemmtilegra fyrir
áheyrendur að horfa og hlusta á.
- Hvernig tónlistarsmekk hefur
þú?
Viðar: Ég hlusta mikið á klass-
íska tónlist og djass. Svo hlusta ég
á Sting, Deacon Blue, Prefab
Sprout og fleiri góðar. Þar fyrir
utan hlusta ég á afríska tónlist.
- Er erfitt að verða sér úti um
æfingahúsnæði á Akureyri?
Viðar: Yfirleitt er það svo, það
var samt ekki mikið vandamál
fyrir okkur.
- Hvaðan er nafnið á hljómsveit-
inni komið?
Viðar: Amma Dýrunn er skírð
eftir ömmu hans Begga (Bergþór
Rúnar Friðriksson).
Mynd: Golli
Exit
Magnús Rúnar Magnússon 16
ára, trommur.
Baldvin Ringsted Vignisson 16
ára, gítar.
Jóhann Elvar Tryggvason 16 ára,
söngur.
Aðalsteinn Jóhannsson 16 ára,
bassi.
- Hvað er Exit gömul hljóm-
sveit?
Baldvin: Svona eins árs, með
hléum.
- Hvernig datt ykkur í hug að
stofna hljómsveit?
Aðalsteinn: Það var nú Balla
(Baldvin) sem datt þetta fyrst í
hug.
Baldvin: Þetta gekk frekar auð-
veldlega, við vorum allir saman í
bekk í Glerárskóla, nema
Jóhann, og þess vegna var ekkert
erfitt að finna hljóðfæraleikara.
- Spilið þið eitthvað af frum-
sömdu efni?
Magnús: Það skiptist svona til
helminga, frumsamið og ófrum-
samið efni.
- Hvaða lög takið þið eftir aðra?
Jóhann: Bara það sem okkur
dettur í hug, lög sem okkur finnst
flott.
- Spilið þið sömu músík og þið
hlustið á?
Allir: Já.
- Og hvernig músík hlustið þið á?
Magnús: Allskonar tónlist.
Hljómsveitin Exit á sviði.
Baldvin: Þungarokk.
- Er þungarokk í tísku núna?
Allir: Já!
Jóhann: Ég er búinn að hlusta á
þungarokk í mörg ár.
Magnús: Þetta er samt ekki
tískubóla sem springur strax.
Aðalsteinn: Það eru bara allir að
átta sig á að þetta er besta tónlist-
in.
- Hafið þið komið oft fram áður?
Baldvin: Fjórum sinnum, og svo
komum við fram í Glerárskóla en
þá kunnum við bara ekki neitt.
- Hvernig fannst ykkur að koma
fram í kvöld?
Baldvin: Gaman.
Jóhann: Stressandi, maður er
búinn að hristast í allan dag.
Baldvin: Stressið hverfur samt
um leið og maður er kominn upp
á svið.
- Hvernig var dagskráin hjá
ykkur?
Aðalsteinn: Við tókum 4 lög, þar
af tvö frumsamin. Hin lögin voru
með Black Sabbath og Motör-
head.
- Voruð þið ánægðir með við-
tökurnar?
Allir: Já, miðað við hvað allir
hinir voru góðir.
Magnús: Okkur fannst þetta ekki
nógu gott, við vorum búnir að
æfa þetta miklu betur.
- Æfið þið alltaf mikið?
Jóhann: Við æfðum mjög vel fyr-
ir þessa tónleika, svona 3-4 sinn-
um í viku - sem er ekki nógu oft.
- Hafið þið þá eitthvert húsnæði
til að æfa í?
Jóhann: Já, það var ekkert mál
að redda því, við töluðum bara
við Dyna (Steindór Steindórs-
son).
- Langar ykkur til að verða
frægir?
Allir: Já!
Að lokum vildu strákarnir hvetja
fólk til að stofna hljómsveitir og
svo báðu þeir allir að heilsa
ömmu hans Baldvins.
, Svöitu
kaggarnir
Arnar „Kaggi“ Tryggvason 19
ára, trommur.
Konráð W. Sigursteinsson 19
ára, gítar.
- Hvað eru Svörtu kaggarnir
gamlir?
Konni: Svona fjögurra mánaða.
- Hafið þið æft mikið?
Arnar: Nei, ekki nema í síðustu
viku.
- Hvernig tónlist spilið þið?
Konni: Rokk.
Arnar: Miklu frekar rokkabillí
(Konni samsinnti þessu eftir smá
jsras).
- Hafa hljómsveitarmeðlimir lík-
an tónlistarsmekk?
Konni: Kiddi (Kristján Ingimars-
son, bassi) og Arnar hafa frekar
ólíkan tónlistarsmekk ég er
svona mitt á milli þeirra.
Arnar: Við mætumst þó allir í
rokkabillíinu.
- Spilið þið mikið af frumsömdu
efni?
Arnar: Bara frumsamda tónlist,
við nennum ekki að spila neitt
annað.
- Hverjir semja?
Konni: Ég og Kiddi semjum
mest, Arnar semur svo trommu-
takta við lögin.
- Hvernig tónlistarsmekk hafa
unglingar á Akureyri?
Konni: Þokkalegan.
Arnar: Smekkurinn nær þó ekki
yfir allar tegundir tónlistar. Djass
er ekki mjög vinsæll hjá yngri
unglingum.
Konni: Blús er samt í tísku á
Konráð W. Sigursteinsson gítarleik-
ari Svörtu kagganna. Mynd: Golll
Akureyri.
Arnar: Bróðir minn, Ingi
Tryggvason, er bara 14 ára en
hiustar samt á allar mögulegar
tónlistartegundir, líka klassík.
Unglingarnir eru miklu opnari
fyrir alls konar músík en áður
var.
- Er mikið að gerast í tónlistarlíf-
inu á Akureyri?
Konni: Alltof lítið.
Arnar: Ég held að tónlistarlífið
fari vaxandi. Það eru margar
grúppur í bænum sem þarf bara
að virkja.
Konni: Það þarf eitthvað fyrir-
bæri eins og Ólund til að drífa
tónlistarlífið af stað.
Arnar: Það vantar fleiri tónleika
eins og voru í kvöld.
- Er einhver hljómsveit í bænum
sem þið teljið efnilega?
Arnar: Mér fannst Exit standa sig
mjög vel á tónleikunum sem voru
í kvöld.
Konni: A.m.k. miðað við aldur.
Arnar: Það eru sumar af þessum
hljómsveitum að byrja að skapa
sér nafn, Amma Dýrunn er orðin
nokkuð þekkt í bænum.
- Eru Svörtu kaggarnir töffara-
hljómsveit?
Arnar: Já, tvímælalaust.
- Eru Svörtu kaggarnir kyntákn?
Konni: Já!
Arnar: Ég er alla vega suddaleg-
asta kyntákn í nokkurri hljóm-
sveit á Akureyri.
hvaðerumaðvera
[ Síðuskóla mun fara fram hæfileikakeppni þann 4. des-
ember og tveimur dögum seinna fer fram hin eiginlega opn-
unarhátíð félagsmiðstöðvarinnar. Einhvern tímann í byrj-
un desember ætla krakkarnir þar að byrja á að föndra jóla-
skraut.
í félagsmiðstöðinni í Glerárskóla ætla krakkarnir að vera
með dansspuna á opnu húsi í byrjun desember.
Á þriðjudögum verður jólaföndur í Lundarskóla fram að
jólum og einnig verður reynt að hafa tískusýningu á opnu
húsi einhvern tímann fyrir jól.
Allar nánari upplýsingar fáið þið hjá umsjónarmönnum
félagsmiðstöðvanna.