Dagur - 01.12.1990, Blaðsíða 24
Leikfélag Sauðárkróks:
Lélegaðsókn
„í sal
hans hátignar“
- menningardauði
í Skagafirði
Síðustu sýningar Leikfélags
Sauðárkróks á dagskrá úr
verkum Jónasar Árnasonar,
sem nefnd er „í sal hans há-
tignar“, eru um helgina. Að
sögn Skúla Gunnarssonar,
varaformanns leikfélagsins,
hefur aðsókn verið dræm og
fjöldi sýningargesta ekki kom-
inn nema rétt á annað hundr-
aðið eftir fjórar sýningar.
„Það er eins og fólk hafi engan
tíma lengur til að fara í leikhús
og svona léleg aðsókn hefur að-
eins eitt í för með sér, að leikfé-
lagið lendir í rekstrarerfiðleik-
um. Kostnaður við sýningu sem
þessa er um hálf milljón króna
fyrir utan alla vinnuna sem að-
standendur sýningarinnar gefa,“
sagði Skúli og bætti við að svo
virtist sem einhver menningar-
dauði hefði hafið innreið sína í
Skagafjörð, því flestar listgreinar
virtust þar eiga undir högg að
sækja. KK
Helgarveðrið:
Suðaustan- og
vestanátt
„Tilveran er ykkur h!iðholl,“
sagði veðurfræðingurinn á
Veðurstofu íslands, þegar
hann var spurður um helgar-
veðrið.
„í dag verður suðaustan átt og
hægur vindur. Lífið leikur við
ykkur Norðlendinga. Á sunnu-
dag gengur hann í vestanátt.
Skýjað verður en engin úrkoma.
Þið fáið norðanátt á mánudag og
trúlega verður éljagangur en
strax á þriðjudaginn verður kom-
in suðvestan átt og allt sem fyrr,“
sagði veðurfræðingurinn. ój
Lögreglan á Akureyri er með klippurnar á lofti þessa dagana og eiga þeir
bfleigendur sem ekki hafa fært bfla sína til skoðunar yfir höfði sér að fá
heimsókn lögreglunnar. Mynd: Golli
Deilurnar á Öxnadalsheiði:
Kærur á flóra veiðimenn
væntanlegar innan tíðar
Kærur hafa ekki verið lagðar
fram enn á hendur fjórum
mönnum vegna rjúpnaveiða á
Oxnadalsheiði fyrir skömmu.
Skotveiðifélag Akrahrepps og
Akrahreppur ætla að kæra
fjóra rjúpnaveiðimenn vegna
meintra óleyfilegra veiða á
heiðinni en Skotveiðifélagið
tók heiðina á leigu af hreppn-
um og telur sig því í rétti til að
skipuleggja veiðar á heiðinni
og selja veiðimönnum leyfi.
Þetta vilja margir veiðimcnn
hins vegar ekki sætta sig við.
Akrahreppur og Skotveiðifé-
lag Akrahrepps ætla að standa
sameiginlega að þessum mála-
rekstri gegn veiðimönnunum
fjórum en þeir eru allir félags-
menn í Skotveiðifélagi Eyjafjarð-
ar. Broddi Björnsson segir að
þeir hafi að undanförnu aflað
ýmissa þeirra gagna sem látin
verði fylgja kærunni þegar hún
verður lögð inn. Reiknað er með
að þetta mál fari áfram í dóms-
kerfinu.
Aðspurður segist Broddi von-
ast til að ekki taki langan tíma að
afgreiða þetta mál í kerfinu og
niðurstaða fáist þannig sem fyrst.
JÓH
Sakadómur Akureyrar:
Kona úrskurðuð í gæsluvarð-
hald vegna gruns um íkveikju
Kona hefur, í Sakadómi Akur-
eyrar, verið úrskurðuð í hálfs
mánaðar gæsluvarðhald vegna
brunans í húsi nr. 86a við
Hafnarstræti á Akureyri síðast-
liðinn laugardag. Á meðan
vinnur rannsóknarlögreglan að
frekari rannsókn á upptökum
eldsins.
Eins og fram hefur komið
vegna brunans sem varð að Hafn-
arstæti 86a á Akureyri síðastlið-
inn sunnudag þá kom eldurinn
upp í eldhúsi miðhæðarinnar. Að
sögn rannsóknarlögreglunnar á
Akureyri benti allt til þess að eld-
ur hefði kviknað út frá eldavél-
inni. Við frekari rannsókn vakn-
aði sá grunur að um íkveikju væri
að ræða. Yfirheyrslur yfir hús-
ráðendum leiddu síðan til þess að
konan var handtekin og hefur nú
verið úrskurðuð í tveggja vikna
gæsluvarðhald í Sakadómi Akur-
eyrar.
Eldur kom upp í húsinu um
hádegisbil síðastliðinn laugardag
en slökkviliði tókst fljótt að ráða
niðurlögum hans. Tveir menn
voru í húsinu þegar eldurinn kom
upp en þá sakaði ekki. íbúðin á
miðhæðinni var hins vegar mann-
laus. JÓH
Bruni í Miðfirði:
Kviknaði í
reykkofa
Aðfaranótt föstudags kviknaði
í reykkofa og gömlum fjárhús-
um á bænum Ytra-Bjargi í
Miðfirði. Slökkviliðið á
Hvammstanga var kallað á
staðinn og slökkti eldinn.
Að sögn var ekki búið að
hengja jólahangikjötið upp til
reykingar, en bjúgu o.fl. steiktist
í eldinum. Neistaflug var mikið, en
vindur stóð ekki á íbúðarhús.
Reykkofinn skemmdist mikið í
eldinum og hluti af fjárhúsum
sem hann stendur við, en hætt er
að nota. Slökkviliðinu gekk
greiðlega að slökkva eldinn.
SBG
Dalvík:
Framkvæmdum við höfnina lýkur í dag
í dag Iýkur framkvæmdum við
grjótfyllingu, fyrirstöðugarðs,
fyrir norðan norðurgarð í Dal-
víkurhöfn. Framkvæmdir hóf-
ust í sumar og er áætlaður
heildarkostnaður um 30 millj-
ónir króna.
Hér er um að ræða töluvert
viðamikla framkvæmd og má
ætla að um 30 þúsund rúmmetr-
um hafi verið ekið í grjótfylling-
una. Efnið var fengið í landi
Sauðaness, norðan við Dalvík.
Vörubílstjórafélagið Múli og
Jarðverk hf. unnu verkið.
Að sögn Kristjáns Þórs
Júlíussonar, bæjarstjóra á
Dalvík, er grjótvörnin fyrsti
Sorphaugar Akureyrar:
HoUustuvemd gerði athugasemdir
því sorp hafði ekki verið urðað
- „tilfallandi ástand,“ segir heilbrigðisfulltrúi
Eftirlitsmaður frá Hollustu-
vernd ríkisins gerði athuga-
semdir við rekstur sorphauga
Akureyrarbæjar eftir að hafa í
tvígang athugað ástandið þar. I
seinna skiptið sem eftirlits-
maðurinn fór á haugana hafði
sorpið ekki verið urðað og var
þá m.a. nýlega búið að losa
sláturúrgang og einnig voru
þar tunnur sem menn óttuðust
að innihéldu hættuleg efni.
Að sögn Valdimars Brynjólfs-
sonar heilbrigðisfulltrúa, sem fal-
ið var að svara athugasemdum
Hollustuverndar, var hér um til-
fallandi ástand að ræða á sorp-
haugunum. Af einhverjum ástæð-
um var ekki búið að urða sorpið
daginn sem eftirlitsmaðurinn
kom í seinna skiptið og athuga-
semdir hans því skiljanlegar.
Valdimar sagði að Heilbrigðis-
eftirlitið fylgdist reglulega með
því hvort sorpið væri urðað og
ástandið væri yfirleitt gott á
haugunum. Veikindi eða aðrar
ástæður geta þó raskað reglulegri
urðun en oftast er ýtt yfir ruslið
jafnóðum.
„Málið er það að sorphaugarn-
ir eru opnir og menn geta komið
þangað með sorp hvenær sem er.
í þessu tilfelli hafði nýlega verið
komið með sláturúrgang og
aðkoman því ljót. Varðandi
tunnurnar þá voru þær flestar
tómar og hættulítil efni í hinum,“
sagði Valdimar.
Hann sagði að full þörf væri á
því að koma upp móttökustöð
fyrir hættulegan úrgang á Akur-
eyri og það væri reyndar skylda
samkvæmt nýrri mengunarvarn-
areglugerð.
„Ef við komum hættulegum
efnum af haugunum þá held ég
að ástandið verði að teljast við-
unandi. Síðan er það spurningin
hvað gert verður í framtíðinni,
hvort farið verður út í sorpbögg-
un eða eitthvað annað,“ sagði
Valdimar. SS
áfangi af nauðsynlegum fram-
kvæmdum við höfnina. Hann
segir mikilvægt að fáist fjármunir
í áframhaldandi framkævmdir,
uppfyllingu á svæðinu innan
grjótvarnagarðsins og byggingu
brimvarnagarðs austan þessarar
grjótfyllingar. Kristján Þór segir
brimvörnina mikilvæga til að
loka fyrir öldu inn í höfnina.
Hann segir menn óttast að fyrir
aldurs sakir geti endi suðurgarðs
farið að gefa sig og því verði að
hlífa honum eins og kostur sé.
Brimvarnargarður hafi allt að
segja í því. óþh
Ólafsfjörður:
Skeljungur með
tilboð í hótelið
Olíufélagið Skeljungur hefur
gert tilboð í meirihlutaeign
Olafsfjarðarbæjar í Hóteli
Ólafsfjarðar. Ekki hefur verið
tekin afstaða til tilboðsins, en
búist er við að hluthafar muni
innan skamms ákveða hvort
þeir nýta sér forkaupsrétt á
hlut bæjarins í hótelinu.
Það sem fyrir Skeljungi vakir
er að byggja bensínstöð á lóð
Hótels Olafsfjarðar. Málið hefur
verið til umræðu í Ólafsfirði, en
Bjarni Kr. Grímsson, bæjar-
stjóri, segir að engin ákvörðun
liggi fyrir, hvorki hjá bæjarráði
né bæjarstjórn, um hvort bærinn
sé tilbúinn til að selja Skeljungi
tæplega 70% hlut sinn í hótelinu.
Væntanlega verður boðað til
hluthafafundar á næstunni þar
sem hluthafar taka ákvörðun um
hvort þeir nýta sér forkaupsrétt
að hlut bæjarins í hótelinu.
Ákveði hluthafar að nýta sér
ekki forkaupsréttinn eru, sam-
kvæmt heimildum Dags, taldar
meiri líkur en hitt að Ólafsfjarð-
arbær selji hlut sinn í hótelinu til
Skeljungs, ekki síst vegna erfiðr-
ar fjárhagsstöðu hótelsins. Á
undanförnum árum hefur bærinn
oft þurft að leggja fram fjármagn
til að rétta rekstur hótelsins við.
óþh