Dagur - 09.11.1991, Blaðsíða 20

20 - DAGUR - Laugardagur 9. nóvember 1991
Kvikmyndasíða
Jón Hjaltason
Heyrt á skotspónum:
Borðar Lindubuff fyrir íjórar milljónir
Kvikmyndarisinn Warner Bros á
um þessar mundir í viðræðum við
Miramax Film um að framleiða
og dreifa bandarískri útgáfu af
Tie Me Up! Tie Me Down og
Cinema Paradiso. Bræðurnir
Bob og Harvey Weinstein, en
þeir eiga Miramax, komu þessum
tveimur kvikmyndum á framfæri
í Bandaríkjunum á sínum tíma
og græddu vel. Ekki er þó búist
við að þeir leggi fram fjármuni í
kvikmyndagerðina sjálfa, það
gerir Warner Bros, en bræðurnir
munu sennilega verða fram-
Ieiðendur myndanna og ef til vill
hafa hönd í bagga með kynningu
þeirra og sölu. Vestra ímynda
fræðingar sér að þetta geti orðið
upphafið að meiri samvinnu milli
þessara tveggja fyrirtækja þar
sem Warner Bros myndi leggja
fram peninga og dreifa myndum
er bræðurnir framleiddu.
Nú liggja þeir í því Walt
Disney-menn. Enginn kvik-
myndaframleiðandi hefur hamast
jafn ákaft gegn því og þeir að
auglýsingar væru sýndar á undan
kvikmyndum í bíóhúsum. Hins
vegar hafa stjórnendur fyrir-
tækisins verið staðnir að því að
bjóða vöruframleiðendum óbein-
ar auglýsingar í bíómyndum
sínum. Dæmið lítur einhvern
veginn svona út - við skulum
heimfæra það upp á súkkulaði-
verksmiðjuna Lindu. Segjum að
stjórnarmenn þar vildu láta
Lindubuffi bregða fyrir í bíó-
mynd frá Walt Disney. Fyrir
slíka þjónustu yrðu þeir að
greiða 1200 þúsund. Ef Sigurður
í Lindu vildi nú einnig láta vöru-
merki buffsins koma fram myndi
það kosta dálítið meira eða um
2,4 milljónir. En sagan er ekki
öll; fyrir tæpar fjórar milljónir
hefði Sigurður getað komið buffi
ofan í Patrick Swayze í Ghost
eða einhverja skjaldbökuna í
Teenage Mutant Ninja Turtles.
Ráðamenn í Bandaríkjunum
hafa nú lagt til að kvikmyndafyr-
irtækjum verði gert að skyldu að
nafngreina í kynningartexta bíó-
mynda þá aðila er greiða fyrir að
láta framleiðsluvörur sínar birt-
ast á hvíta tjaldinu. Sem dæmi
um myndir hlaðnar óbeinum
auglýsingum hafa verið nefndar
toppgróðamyndir eins og Home
Alone, Pretty Woman og Total
Recall að ógleymdum þeim
tveimur sem hér eru nefndar á
undan. Auðvitað segja kvik-
Fyrir fjórar milljónir íslenskra króna hefði Schwarzencgger étið eitt Lindu-
buff.
myndafurstarnir þetta allt á mis-
skilningi byggt, til dæmis hafi
aðeins verið greitt fyrir tvær
óbeinar auglýsingar í Ghost og
að reglan sé sú að um 75 til 80%
þeirra vara er birtist í kvikmynd-
um sé þar vegna aðstæðnanna og
enginn greiði neitt fyrir. Mér
þykir rétt að taka fram að Lindu-
menn hafa ekki (enn) hlaðið á
mig fé fyrir að geta þeirra í þessu
sambandi.
Francis Ford Coppola er í
þann veginn að gera þriggja ára
samning við Columbia Pictures.
Honum hefur gengið illa með
fyrirtæki sitt Zoetropa Prods, en
það var lýst gjaldþrota fyrir um
ári síðan. Upp af rústum þess reis
American Zoetropa en það fyrir-
tæki mun væntanlega verða
samningsaðili Columbia og
sennilega fá framleiðslurétt að
kvikmyndum Coppolas og
Columbia-manna. Drakúla-
mynd Coppolas, með þeim
Winona Ryder og Anthony
Hopkins, er rétt ókomin á mark-
að og er óháð samningi leikstjór-
ans við Columbia. Vonir standa
til að hún muni ganga betur en
Guðfaðirinn III sem olli aðstand-
endum sínum hjá Paramount
Pictures nokkrum vonbrigðum
þrátt fyrir að hún halaði inn
nálega fjóra milljarða íslenskra
króna í Bandaríkjunum einum.
Allt í steik hjá MGM-Pathe
Communications. Einu sinni var
MGM öflugasta kvikmyndafyrir-
tæki heims, nú er það risi á
brauðfótum og mjólkurkýr lög-
fræðinga. ítalinn Giancarlo
Parretti, sem náði tangarhaldi á
fyrirtækinu í fyrra, hefur verið
settur af sem framleiðslustjóri.
Alan Ladd yngri tók við starfinu.
Síðan var Parretti einnig hrakinn
úr forsæti stjórnarnefndar MGM.
Á bak við þessar aðgerðir stóð
helsti lánadrottinn MGM, franski
bankinn Credit Lyonnais.
Parretti undi þessu illa og kallaði
saman stjórnarfund tryggra sam-
starfsmanna sinna. Par mættu,
auk Parrettis, eiginkona hans og
Yoram Globus. Samþykkt var í
einu hljóði að setja Parretti aftur
í embætti stjórnarformanns. Nú
eru málsaðilar búnir að grafa
skotgrafir og stefnur og bótakröf-
ur ganga á víxl. Það er svo annað
mál hvort Louis B. Mayer, stofn-
andi MGM, liggur enn kyrr í
gröf sinni.
Forsvarsmenn Kvikmyndaklúbbs Akureyrar, frá vinstri: Albert Guðmunds-
son, Hrefna Harðardóttir, Astrid Margrét Magnúsdóttir og Óskar Árnason.
Mynd: Golli
Kvikmyndaklúbbur Akureyrar:
Vetrarstarfið hafið
Eftir sumarlangan dvala tekur
Kvikmyndaklúbbur Akureyrar
nú aftur til starfa. Þegar þetta
birtist mun klúbburinn hafa sýnt
að minnsta kosti eina kvikmynd,
Tvenna tíma (En hándfull tid)
gerða af norska leikstjóranum
Martin Asphaug. Á döfinni eru
margar athyglisverðar sýningar.
Stjórnendur klúbbsins hafa
staðið í stórræðum við að fá
norður valdar kvikmyndir af
Kvikmyndahátíðinni í
Reykjavík. Efstar á óskalistanum
eru Homo Faber eftir Pjóðverj-
ann Volker Schlöndorff, með
BÓNUSSKÓR
Vandaðir dömu-
og herra-„götuskór"
Verð aðeins kr. 2.790
Svart leður og rúskinn
st. 41 -46
Svart leður og rúskinn
Svart leður
st. 36-41
Brúnt leður m/2 spennum
st. 36-41
Beinn innflutningur - lægra verð
SKÓHÚSIÐ
Verslunarmiðstöðinni Kaupangi, sími 27019
Sam Shepard í aðalhlutverki,
nýjasta mynd Carlos Saura, Ay,
Carmela en leikkonan Carmen
Maura fékk einmitt Felix-verð-
launin árið 1990 fyrir persónu-
sköpun sína í Carmela og hin
magnaða Reise Der Hoffnung
eða Vegur vonar sem fékk
Óskarinn 1991 sem besta erlenda
kvikmyndin. í Vegi vonar bregð-
ur leikstjórinn Xavier Koller upp
svipmynd af blásnauðum
Tyrkjum í leit að betri heimi.
Af öðrum kvikmyndahátíðar-
myndum er Kvikmyndaklúbbur
Akureyrar hefur í sigtinu má
nefna Ever smile, New Yersey,
Hidden Agenda eða Launráð
sem Ken Loach leikstýrir, og síð-
ast en ekki síst franska myndin
Trop Belle Pour Toi (Of falleg
fyrir þig), leikstjóri Bertrand
Blier en aðalhlutverkið er í hönd-
um hins þekkta Gérard
Depardieu Kvikmyndaklúbbur-
inn er einnig á höttunum eftir
Cyrano de Bergerac en þar fer
Depardieu einnig með aðalhlut-
verk en sú mynd er ekki á
umræddri kvikmyndahátíð í
Regnboganum.
Að sögn Hrefnu Harðardóttur,
stjórnarmanns í Kvikmynda-
klúbbi Akureyrar, verður reynt
að fá kvikmyndahátíðarmyndirn-
ar frá Reykjavík eins fljótt og
kostur er. „Verði einhver dráttur
á því stendur okkur til boða
franska myndin La Petite
Voleuse, (Litli þjófurinn) sem
Claude Miller leikstýrir eftir
handriti Francois Truffaut." Að
sögn Hrefnu mun sú mynd örugg-
lega verða sýnd hér á Akureyri,
spurningin er aðeins hvort það
verður á undan kvikmyndahátíð-
armyndunum eða eftir.
Sem endranær verða sýningar
kvikmyndaklúbbsins í Borgar-
bíói og þá utan venjulegs sýning-
artíma bíósins. Peir sem vilja
gerast meðlimir í klúbbnum geta
skrifað nöfn sín á lista sem liggur
þar frammi fyrir hverja félags-
sýningu. Félagsmenn fá afslátt af
miðaverði og í framtíðinni munu
ýmis hlunnindi, svo sem afsláttur
hjá myndbandaleigum, fylgja
félagsskírteini. Hrefna segir
mikilvægt að sem flestir áhuga-
menn um kvikmyndir gangi í
félagið, það standi á hálfgerðum
brauðfótum og þrífist nær
eingöngu vegna styrks frá menn-
ingarmálanefnd Akureyrarbæjar.
Gérard Depardicu og Anne Brochet í Cyrano de Bergerac en það er ein
þeirra mynda sem Kvikmyndakiúbbur Akureyrar ætlar að fá norður í vetur.