Dagur - 14.03.1992, Page 10

10 - DAGUR - Laugardagur 14. mars 1992
Guðmundur Guðmundsson lagði land undir fót í september á síðasta
ári og tók þá við starfí sveitarstjóra Raufarhafnarhrepps. Yarla er
hægt að segja að hann hafí tekið við blómlegu búi því fjárhagur sveit-
arfélagsins var knappur og aðhald á flestum sviðum framundan. En
lífíð er ekki bara peningar og á Raufarhöfn er margt í blóma, til dæmis
mannlíf og félagslíf. Blaðamenn Dags brugðu sér þangað fyrir nokkru
og ræddu þá við sveitarstjórann um málefni hreppsins og horfurnar
framundan.
Iiótel Norðurljós er í eigu Raufarhafnar-
hrepps og er fyrirhugað að ráðast í endur-
bætur á hótelinu í sumar. Skrifstofa sveit-
arstjóra er í þessu húsi. Á myndinni til
vinstri tróna tankar Síldarvcrksmiðja
ríkisins á Raufarhöfn en frá því í byrjun
febrúar hefur verið mikið að gera í loðnu-
bræðslunni.
„Hér er ekki ástæða til
neinnar svartsýni"
- segir Guðmundur Guðmundsson, sveitarstjóri á Raufarhöfn
Guöshúsið og grunnurinn. Sjávarútvegurinn er grunnatvinnuvegur á Raufarhöfn og ofan á þann
grunn byggja menn öflugt félags- og menningarlíf. Eins og fram kemur í viðtalinu við Guðmund
á sveitarfélagið erfitt með að mæta sveiflum í sjávarútvegi því atvinnulífið á staðnum er einhæft.
Pegar blaðamenn Dags skruppu til
Raufarhafnar í lok janúar voru máttar-
stólpar byggðarlagsins lamaðir, engin
loðna hafði komið til bræðslu og togarinn
'oilaður. Sfðan þá hefur þetta breyst til
batnaðar og hjól atvinnulífsins eru farin að
snúast af fullum krafti. Sjávarútvegurinn
er geysilega mikilvægur fyrir byggðarlagið
og afkoma fólks í landi er háð sveiflum á
sjó.
Guðmundur var fyrst spurður um fjár-
hag Raufarhafnarhrepps og framkvæmdir
á vegum sveitarfélagsins.
Byggin8 íþróttahúss á óskalista
„Okkur er uppálagt að vera með aðhalds-
stefnu og það liggur í hlutarins eðli að
tekjur sveitarfélagsins fara töluvert eftir
atvinnuástandinu. Á síðasta ári var léleg
grásleppuveiði, sem skilaði sér í minni
tekjum til sveitarfélagsins. Gjöld af loðnu-
bátum sem hingað koma eru allverulegur
hluti af tekjum hafnarsjóðs og það er ljóst
að árið 1991 er heldur rýrt að þessu leyti.
Helstu framkvæmdir sveitarfélagsins á
síðasta ári voru við vatnsveitukerfið í
þorpinu. Petta voru býsna miklar fram-
kvæmdir og er þeim að mestu lokið. Þá
hefur verið unnið við endurbætur á félags-
heimilinu, en það á stórafmæli á næsta ári
og tímabært að gera átak í því að endur-
bæta það.
Það er einnig á döfinni að gera endur-
bætur á hótelinu hér fyrir ofan okkur,“
sagði Guðmundur, en skrifstofa sveitar-
stjóra er í sama húsi og Hótel Norðurljós.
„Þá er á óskalista hjá okkur að reyna að
fara af stað með byggingu íþróttahúss,“
hélt Guðmundur áfram. „Það er ekkert
íþróttahús af löglegri stærð til í Norður-
Þingeyjarsýslu þannig að þetta er mjög
brýnt og knýjandi verkefni. Það mun fara
eftir því hvernig umsókn okkar hjá Jöfn-
unarsjóði sveitarfélaga verður afgreidd
hvort við getum byrjað á íþróttahúsinu á
þessu ári eða hvort það verður að bíða til
næsta árs.“
„Munum ekki fara út í aukna
skattheimtuu
Almennt um fjárhaginn sagði Guðmundyr
að hreppurinn sigldi þokkalega lygnan sjó
og hagaði seglum eftir vindi.
„Við reynum að fara í framkvæmdir eft-
ir því sem við getum. Við munum ekki
fara út í aukna skattheimtu og það verður
sama hlutfall og áður í útsvari og fast-
eignagjöldum. Hins vegar er búið að
hengja á okkur fjárskuldbindingar vegna
bandormsins, lögguskattinn svokallaða,
sem rýrir framkvæmdafé okkar um á aðra
milljón króna.“
Guðmundur vék næst að málefnum aldr-
aðra:
„í fyrra var tekið í notkun dvalarheimili
aldraðra. Við erum aðilar að Félagsheimili
aldraðra sf. sem Húsavíkurbær og sveitar-
félög í Suður-Þingeyjarsýslu og allt norður
á Raufarhöfn standa að. Félagsskapurinn
rekur Hvamm á Húsavík og er með dag-
vistarþjónustu á Kópaskeri, fyrir utan
dvalarheimilið hér. Nú á að fara af stað
með dagvistarþjónustu fyrir aldraða í einni
af þessum íbúðum og tengist hún þeirri
félagslegu heimaþjónustu sem var endur-
skipulögð síðastliðið haust.“
Þá komum við aftur inn á sjávarútveg-
inn. Raufarhafnarhreppur er stærsti hlut-
hafinn í Jökli hf., sem gerir út Rauðanúp,
og Fiskiðju Raufarhafnar og Jökull er
stærsti hluthafinn í rækjuverksmiðjunni
Geflu á Kópaskeri.
„Jökull og Fiskiðjan eru kjölfestan í
athafnalífinu hér,“ sagði Guðmundur, en
fyrirtækin börðust lengi í bökkum og voru
byrði á sveitarfélaginu fyrstu árin en nú
eru þau rekin með blóma og hafa verið
mikil lyftistöng fyrir byggðarlagið.
Samgöngur bærilega traustar
Hann minntist einnig á annað fiskvinnslu-
fyrirtæki á Raufarhöfn, Hólmstein Helga-
son hf. sem gerir út einn bát og vinnur
afla.
„Hér er þó nokkur smábátaútgerð og
grásleppuveiðin hefur gegnt allstóru hlut-
verki,“ sagði Guðmundur og ræddi einnig
um Síldarverksmiðjurnar í þessu sam-
hengi.
„Raufarhafnarhreppur rekur grunn-
skóla, alveg upp í tíunda bekk, hér er leik-
skóli og hér fyrir ofan okkur allstórt hótel
sem hreppurinn eignaðist fyrir nokkrum
árum. Hótel Norðurljós er rekið sem
sumarhótel. Síðan má nefna áhaldahús,
sundlaug, vatnsveitu, hafnarsjóð og svo
framvegis.“
Fyrst talað er um vatnsveitu væri hægt
að rifja upp langar og strangar deildur um
vatnsból hreppsins en Guðmundur sagði
að þau mál væru nú komin í þokkalegan
farveg. Búið væri að byrgja bólið og neyslu-
vatnið stæðist allar heilbrigðiskröfur. Hins
vegar þyrfti að horfa til framtíðar í þessum
málum.
- Hvað með samgöngumálin? Eru
traustar samgöngur til og frá Raufarhöfn?
„Já, alveg bærilega traustar. Vegurinn
er meginsamgönguæðin hérna vestur fyrir
og það þarf ekkert að kvarta yfir veginum
ef honum er þokkalega við haldið. Reynd-
ar var búið að gefa ádrátt um það í stjórn-
kerfinu að lagt yrði bundið sitlag á veginn
milli Kópaskers og Raufarhafnar í kjölfar
sameiningar Presthólahrepps og Öxar-
fjarðarhrepps, en við höfum ekkert heyrt
af þvf.
Flugsamgöngur eru hér ágætar. Flug-
félag Norðurlands flýgur hingað fjórum
sinnum í viku og við erum ekkert illa sett
hvað samgöngur varðar þótt Raufarhöfn
sé afskekktur staður að sjá á landakorti.
Nú, eftir að Ríkisskip var lagt niður
þurfa skipafélögin að stokka upp hjá sér
en ég vona að samgöngur á sjó verði áfram
góðar.“
„Þykist sjá ýmsa möguleika
í ferðaþjónustu“
- Samgöngur tengjast ferðamálunum
óhjákvæmilega. Þú segir að Raufarhöfn sé
I