Dagur - 30.04.1992, Blaðsíða 16
Hádegistilboð alla daga
Súpa og salatbar ásamt okkar nýbökuöu brauöum fylgja öllum aöalréttum og pizzum
Frí heimsendingarþjónusta allan daginn
Alvöru veitingahús
VEITIHIGAHUSID
Glerárgötu 20 • 26690
Kísiliðjan í Mývatnssveit:
Atta milljóna rekstrartap í fyrra
Kísiliöjan í Mývatnssveit var
gerð upp með um átta milljón
króna tapi árið 1991 og er það
í fyrsta sinn í mörg ár sem ekki
er hagnaður af rekstri fyrir-
tækisins. Þetta kom fram á
aðalfundi Kísiliðjunnar sem
haldinn var á Hótel Reynihlíð í
gær. Róbert B. Agnarsson,
sem ráðinn hefur verið bæjar-
stjórí í Mosfellsbæ, lét af störf-
um sem framkvæmdastjóri
Kísiliðjunnar en við stöðunni
tók Friðrik Sigurðsson, fyrr-
verandi framkvæmdastjóri
Isno.
Á árinu 1991 voru samtals
framleidd 23 þúsund tonn af full-
unnum kísilgúr, eða 12% minna
en árið áður. Mest hefur verk-
smiðjan framleitt 29,4 þúsund
tonn árið 1985. Framleiðsla síð-
astliðin fimm ár hefur að meðal-
tali verið 25 þúsund tonn á ári. Á
árinu 1991 var samtals flutt út
23,3 þúsund tonn og er þar um að
ræða 6% samdrátt frá fyrra ári.
Mest hefur verksmiðjan flutt út
27,7 þúsund tonn 1985. Útflutn-
ingur kísilgúrs hefur að meðaltali
Sinubrunar bannaðir eftir daginn í dag:
Grimmt tekið á brotum
Frá og með morgundeginum,
1. maí, er sinubruni með öllu
bannaður. Nokkuð hefur verið
um sinubruna að undanförnu
enda jörð þurr á láglendi eftir
snjóléttan, eða nánast snjó-
lausan, vetur.
Frumvarp til nýrra laga um
sinubrennslu hefur ekki verið
afgreitt frá Alþingi en styðjast
verður þá við bókstaf eldri laga.
Kristján Theódórsson, hrepp-
stjóri Eyjafjarðarsveitar, segir að
samkvæmt lögum þurfi bændur
að biðja um leyfi hreppstjóra til
sinubrennslu fram til 1. maí en
aðeins tveir bændur hafi í vor
beðið um slíkt leyfi. Engu að síð-
ur hefur talsvert verið um sinu-
brennslu í sveitinni í vor.
„Ég held að við munum taka
grimmt á þessu þegar bann verð-
ur komið í gildi. Við byrjuðum
svolítið í fyrra að reka horn í síðu
þeirra sem brenndu þá og vænt-
anlega verðum við ekki blíðari
núna,“ sagði Kristján. JÓH
Hafnirnar á Dalvík og í Ólafsfirði:
Bæjarstjórnimar sam-
þykktu samemingu
Bæjarstjórnir Dalvíkur og
Ólafsfjarðar hafa samþykkt
hugmyndir hafnarstjórna
beggja staða um sameiningu
hafnanna á Dalvík og Ólafs-
firði. Stefnt er að því að undir-
ritaður verði stofnsamningur
um Hafnarsamlag Dalvíkur og
Ólafsfjarðar er taki giidi í byrj-
un næsta árs.
Bjarna Kr. Grímssyni, bæjar-
stjóra í Ólafsfirði, og Kristjáni
Þór Júlíussyni, var falið af bæjar-
stjórnunum að ganga frá stofn-
samningi um sameiginlegt hafn-
arsamlag, sem lagður verður fyrir
bæjarstjórnirnar til samþykktar í
sinni endanlegu mynd.
Áður en gengið verður endan-
lega frá stofnsamningnum verður
gerð úttekt á fjárhagsstöðu hafn-
arsjóðanna, sett upp fram-
kvæmdaáætlun fyrir hafnirnar
o.fl. óþh
verið 24 þúsund tonn á ári síð-
ustu fimm árin. Innanlandssala á
árinu var 50 tonn.
Rekstrartekjur á árinu 1991
námu, að frádregnum útflutnings-
kostnaði, 372,6 milljónum en
voru 414,7 milljónir árið 1990.
Lækkun rekstrartekna milli ára
er 10%, en tekjur á selt tonn
kísilgúrs lækkuðu um 4,4%.
Gengisþróun var óhagstæð Kísil-
iðjunni.
Rekstrargjöld án fjármagns-
gjalda voru 397 milljónir króna,
en voru 382 milljónir 1990.
Hækkun rekstrargjalda milli ára
er 3,7%. Hækkun á hvert tonn
kísilgúrs var 10% en á sama tíma
hækkaði byggingarvísitala um
8%. Mesta hækkun einstakra
kostnaðarliða var 42% hækkun á
verði jarðgufu frá 1. jan. ’91.
Þannig hækkaði jarðgufureikn-
ingurinn um 8,7 milljónir króna
milli ára, en það er Landsvirkjun
sem selur Kísiliðjunni jarðgufu
úr Bjarnarflagi.
Tap Kísiliðjunnar fyrir fjár-
munatekjur og fjármagnsgjöld
voru 24,5 milljónir króna 1991 en
árið áður var hagnaður 31,9
milljónir. Tap fyrir tekjuskatt var
7,2 milljónir árið 1991 en hagn-
aður 18,4 milljónir árið 1990.
Tekjuskattur nam 800 þúsundum
og er Kísiliðjan því gerð upp með
átta milljón króna tapi, í fyrsta
sinn um langt skeið. Árin 1983-90
var samfelldur hagnaður á rekstri
Kísiliðjunnar.
Heildareignir Kísiliðjunnar
eru taldar 842 milljónir, sicamm-
tímaskuldir nema 41 milljón en
langtímaskuldir 787 þúsund
krónum. Eiginfjárhlutfall er um
95%. Veltufjárhlutfall er 8.8.
IM
f
Mynd: Golli
Skemmdir unnar á tröppum
Akureyrarkirkju
í gær var lögreglunni á Akur-
eyri tilkynnt um skemmdir er
unnar voru á kirkjutröppunum
aðfaranótt miðvikudagsins. Svo
virðist, sem sést á myndinni, að
mótorhjóli hafi verið ekið niður
tröppurnar. Er hjólið hefur far-
ið fram af hverjum palli hefur
það tekið niðri og brotið úr pall-
brúninni. Leiðin niður kirkju-
tröppurnar er „vörðuð" á þenn-
an hátt. Lögreglan hefur málið
til úrvinnslu þar sem talið er að
viðgerð sé kostnaðarsöm. ój
Þrotabú P0B á Akureyri:
Þrír vilja kaupa prentsmiðjuna
- viðræður í gangi við Landsbankann
Þrír aðilar eiga nú í viðræðum
við Landsbankann um kaup á
eignum þrotabús Prentverks
Odds Björnssonar á Akureyri.
Bankinn, sem á um 70% af
kröfum í búið, keypti rekstur
og lausafé prentsmiðjunnar og
rekur hana nú undir nafninu
Prentverk POB.
í Óskastundinni á Stöð 2:
„Ekki öruggur fyrr en ég heyrði úrslitin“
segir Stefán Helgason, munnhörpuleikari
„Ég er mjög ánægður. Þetta
var bara svipað og leiksýning,
maður er að hengjast og svo
tekur maður andköf og gerir
þetta,“ sagði Stefán Helgason,
munnhörpuleikari frá Húsavík
sem sigraði í kraftakeppninni í
Óskastund Stöðvar 2 sl. þriðju-
dagskvöld. Stefán var í gær
staddur á hóteli í Reykjavík er
Dagur ræddi við hann og hafði
frestað heimferð sinni um tvo
daga meðan hann væri að
skoða atvinnutilboð sem hon-
um höfðu borist í framhaldi af
keppninni.
Stefán sagðist ekki hafa verið
öruggur með sigur í keppninni.
Þegar Óskastundarþættirnir voru
sýndir í vetur var hann að leika
gæslumann í Gaukshreiðrinu
heima á Húsavík og sá því fæsta
keppinauta sína koma fram.
„Það eina sem ég vissi var að ég
var eini hljóðfæraleikarinn í
kraftakeppninni og var ekkert
öruggur fyrr en ég heyrði úrslit-
in.“
Stefán hefur aðeins tvisvar
komið fram og spilað opinber-
lega á krómatíska munnhörpu
heima á Húsavík. í annað skiptið
lék hann með Guðmundi heitn-
um Ingólfssyni á jasskvöldi.
Hann segist þó hafa átt það til að
draga oftar upp bluesmunnhörp-
una sem hann lék á í lok þáttar-
ins.
Það var ekki fyrr en 1985 sem
Stefán fór að leika á munnhörpu,
en þá uppgötvaði hann Toots
Thilemann, munnhörpuleikara
sem hann telur þann besta í
heimi. „Ég varð svo hrifinn að
mér datt í hug að reyna við þetta
Stefán Helgason.
og er bara sjálfmenntaður.“
Stefán hefur samt leikið á
hljóðfæri fyrir Húsvíkinga frá því
hann var smápatti. Innfæddir
muna eftir honum með harmoniku
á stúkuböllunum í barnaskólan-
um fyrir rúmlega 30 árum, þó
maðurinn sé aðeins fertugur. Eft-
ir að Bítlarnir komu fram í sviðs-
ljósið hefur Stefán spilað á
trommur með mörgum húsvísk-
um hljómsveitum.
Stefán staðfesti aðspurður að
hann hefði fengið mörg atvinnu-
tilboð í framhaldi af þátttöku
sinni í keppninni en vildi ekki
ræða frekar um þann þátt á þessu
stigi, en viðurkenndi að hann
væri að skoða boðin betur. „En
það er ekki það að mig langi að
flytja suður,“ sagði sigurvegar-
inn. IM
Jakob Bjarnason hjá Lands-
bankanum sagði að starfsemin
væri óbreytt hjá prentsmiðjunni
en verið væri að skoða reksturinn
og endurskipuleggja hann.
„Það eru viðræður í gangi um
áframhaldið en við förum rólega
af stað. Við stefnum að því að
selja reksturinn sem fyrst en auð-
vitað er húsið líka inni í mynd-
inni enda er þetta prentsmiðju-
hús,“ sagði Jakob, en Lands-
bankinn leigir húsnæðið af þrota-
búinu.
Kröfur í þrotabú POB nema
um 120 milljónum króna og þar
sem Landsbankinn er langstærsti
kröfuhafinn sá hann sér hag í því
að kaupa reksturinn svo hann
stöðvaðist ekki og freista þess að
endurskipuleggja hann og selja
innan fárra mánaða. Flestir
starfsmenn POB voru í framhaldi
af því endurráðnir tímabundið.
Jakob sagði að það myndi
væntanlega skýrast á næstu vik-
um hvort viðræður við áhuga-
sama kaupendur leiddu til ein-
hverrar niðurstöðu. SS