Dagur - 05.05.1992, Blaðsíða 6

6 - DAGUR - Þriðjudagur 5. maí 1992
Miðstj órnarfundur Framsóknarflokksins:
Víðs 1] arri fer að tekist hafi
að ná fram öllum fyrirvöru m
„Nú er Ijóst að öll EFTA-
ríkin, að Islandi undanskildu,
hafa sótt eða hyggjast sækja
um aðild að Evrópubandalag-
inu. Innan fárra ára standa
Islendingar einir eftir af
EFTA-þjóðunum. Ég tel víta-
vert að undir þessum kringum-
stæðum hafi ríkisstjórnin ekki
hafíð könnun á því hvar við
stöndum. Ég er þeirrar
skoðunar að hægt sé að breyta
EES-samningnum og hefja
tvíhliða viðræður við Evrópu-
bandalagið,“ sagði Steingrím-
ur Hermannsson, formaður
Framsóknarflokksins, m.a. í
lokaorðum sínum á miðstjórn-
arfundi flokksins, sem haldinn
var í Reykjavík um helgina.
Svo sem fram kemur í frétt
annars staðar í blaðinu samþykkti
miðstjórnarfundurinn ályktun
þar sem fram kemur að fram-
sóknarmenn eru mótfallnir aðild
íslendinga að hinu evrópska
efnahagssvæði, nema að fimm
veigamiklum skilyrðum uppfyllt-
um. I ályktuninni er einnig ítrek-
uð sú afstaða framsóknarmanna
að EES-samningurinn verði
vandlega og hlutlaust kynntur
fyrir þjóðinni og síðan borinn
undir þjóðaratkvæði.
Samþykkt
miöstjórnarfundarins
í samþykkt miðstjórnarfundarins
um hið evrópska efnahagssvæði
segir m.a.:
„Á undanförnum flokksþing-
um og fundum miðstjórnar hafa
framsóknarmenn rætt ítarlega og
ályktað um þátttöku íslendinga í
hinu evrópska efnahagssvæði.
Framsóknarmenn leggja áherslu
á aðild að alþjóðlegu samstarfi.
Þeir vilja að íslendingar stuðli
með því að friði og bættu mann-
VINNINGAR FJÖLDI VINNINGSHAFA UPPHÆÐÁHVERN VINNINGSHAFA
1. 5af5 1 . 2.751.275,-
Z. 4af5* $ 3 159.490,-
3. 4a15 143 5.771,-
4. 3af 5 4.249 453,-
Heildarvinningsupphæð þessa viku: 5.979.795.-
upplvsingar:SImsvari91-68151 1lukkulIna991002 i
- sem settir voru í upphafi EES-viðræðnanna
lífi um heim allan og beiti sér
gegn hverri þeirri vá sem að
mannkyni steðjar. Framsóknar-
flokkurinn styður einnig víðtækt
viðskiptafrelsi, enda eru íslend-
ingar mjög háðir alþjóðlegum
viðskiptum.
Framsóknarmenn leggjast ein-
dregið gegn aðild að Evrópu-
bandalaginu en studdu hins vegar
þátttöku íslendinga í viðræðum
EFTA-ríkjanna við Evrópu-
bandalagið á sviði viðskipta,
þjónustu, fjármagns- og fólks-
flutninga en með þeim fyrirvör-
um sem nauðsynlegir eru smá-
þjóð sem vill varðveita sjálfstæði
sitt og fullveldi, sérstaklega full
yfirráð yfir Iandinu og auðlindum
þess. Um þessa fyrirvara var full
samstaða í ríkisstjórn Steingríms
Hermannssonar og þeim var lýst
af forsætisráðherra og formanni
Framsóknarflokksins þegar á
fundi leiðtoga EFTA-ríkjanna í
Osló vorið 1989. Þeir voru síðan
lagðir fram sundurliðaðir í upp-
hafi viðræðnanna. Meginfyrirvar-
arnir voru:
1. Engar fjárfestingar erlendra
aðila í fiskveiðum og frumvinnslu
sjávarafurða.
2. Engar fjárfestingar erlendra
aðila í orkulindum.
3. Eignarhald erlendra aðila á
landi takmarkist við nauðsyn-
legt land vegna atvinnureksturs.
4. Engar yfirþjóðlegar stofnan-
ir aðrar en sameiginlegur
dómstóll.
5. Heimild til að takmarka
fólksflutninga til landsins.
Auk þessa hefur áhersla verið
á það lögð að ekki komi til greina
að skipta á aðgangi að auðlindum
landsins fyrir aðgang að markaði.
Þegar samningar hófust var og
fullyrt að landbúnaðarafurðir
væru utan samningsins, ekki síst
að kröfu EB.
í þeim samningum, sem nú
hafa staðið í þrjú ár, um myndun
hins evrópska efnahagssvæðis,
Steingrímur Hermannson í ræðustóli á miðstjórnarfundinum. Hann gagn-
rýndi ríkisstjórnina harðlega fyrir framgöngu hennar í samningaviðræðunum
um EES. Mynd: BB
hafa aðeins full yfirráð yfir fiski-
miðunum fengist viðurkennd
skýlaust. Yfirráð yfir orkulindum
landsins eru því aðeins virt að
opinberir íslenskir aðilar einir
hafi rétt til virkjana, enda er þá
ekki þegnum hinna ýmsu aðildar-
ríkja mismunað. Fjárfesting
erlendra aðila í landi er hins veg-
ar á engan hátt takmörkuð í
samningnum. Heimild til að tak-
marka fólksflutninga til landsins
er óbein og óljós.
Samkomulag virtist um það að
hafna yfirþjóðlegum stofnunum
öðrum en sameiginlegum dóm-
stóli. Hann hefur nú verið felldur
út og er meðferð deilumála óljós.
Sömuleiðis virðast áhrif EFTA-
ríkjanna á ákvarðanir EB afar
takmörkuð, þótt þær varði EES,
og jafnvel kunni að reynast erfitt
fyrir EFTA-ríkin að hafna slík-
um ákvörðunum. Einnig eru efa-
semdir um gildi samningsins
gagnvart íslensku stjómar-
skránni.
Af þessu má sjá að víðs fjarri
fer að tekist hafi að ná fram öll-
um þeim fyrirvörum sem settir
voru í upphafi viðræðnanna. Auk
þess hefur verið fallist á að veita
erlendum þjóðum heimild til
fiskveiða í fiskveiðilögsögu
landsins. Loks hefur listi yfir þær
landbúnaðarafurðir, sem falla
skulu undir ákvæði um frjáls við-
skipti, stöðugt lengst án þess að
hagsmuna íslendinga hafi verið
gætt, að því er virðist.
Jafnframt er það staðreynd að
grundvöllur hins evrópska efna-
hagssvæðis hefur gjörbreyst frá
því samningar hófust. Öll EFTA-
ríkin, önnur en ísland og Lichten-
stein, hafa ákveðið að sækja um
aðild að EB. Það vekur upp þá
mikilvægu spurningu hver staða
íslands verður þá og hvers virði
samningurinn.
Ekki verður heldur fram hjá
því litið að þegar er hafinn sterk-
ur áróður fyrir inngöngu íslands í
Evrópubandalagið. Áðildin er
boðuð með þeirri blekkingu að fá
megi viðurkennda sérstöðu
íslands og yfirráð yfir fiskimiðum
landsins. Engu er skeytt um aðra
hagsmuni þjóðarinnar eða yfir-
lýstan samruna ríkja Evrópu-
bandalagsins í eitt samveldi með
vaxandi miðstýringu og minnk-
andi áhrifum smáríkjanna.
Þótt ekki verði lagst gegn
opinskárri umræðu um aðild að
Evrópubandalaginu má niður-
staðan vera öllum augljós. Aðild
að Evrópubandalaginu hlýtur að
leiða til afsals sjálfstæðis og full-
veldis íslensku þjóðarinnar. Jafn-
vel umsókn gæti orðið til þess að
fóturinn festist í gildrunni og
verði ekki til baka dreginn.
Þegar um þátttöku íslendinga í
samstarfi Evrópuþjóðanna er að
ræða er mikilvægast að koma í
veg fyrir að íslendingar sogist inn
í Evrópubandalagið," segir í
samþykkt miðstjórnarfundarins.
Lagst gegn aðild að EES,
nema...
í ályktun miðstjórnarfundarins
um evrópska efnahagssvæðið er
sem fyrr segir lagst gegn aðild
íslands að því, nema allir þeir
fyrirvarar sem fram koma hér að
ofan nái fram að ganga.
Niðurstaðan er því sú að ef
engar veigamiklar breytingar
verða gerðar á EES-samningnum
á næstunni - og það er afar ólík-
legt þar sem Jón Baldvin Hanni-
balsson hefur þegar undirritað
hann fyrir íslands hönd - telja
framsóknarmenn ekki koma til
greina að ísland gerist aðili að
evrópsku efnahagssvæði. BB
Skák
Norðurland eystra:
Kjördæmismóti í skólaskák lokið
Akureyringar í efstu sætum
Nýlokið er keppni í skólaskák
á Norðurlandi eystra. Fyrst
voru haldin sýslu- og kaup-
staðamót þar sem sigurvegarar
frá skólunum leiddu saman
hesta sína og síðan var efnt til
kjördæmismóts. Lítum á
helstu úrslit.
Á Akureyri sigraði Halldór
Ingi Kárason, Lundarskóla, í
yngri flokki, Birkir M. Birkisson,
BÓKHALDSÞJÓNUSTA
TOK BÓKHALDSKERFI
Bókhaid fyrir einstaklinga og fyrirtæki.
Skattframtöl - VSK uppgjör.
Ritvinnsla — vélritun.
BIRGIR MARINÓSSON
Norðurgötu 42 • Akureyri • Sími 96-21774.
Síðuskóla, varð annar og Sigur-
björn Haraldsson, Barnaskóla
Akureyrar, þriðji. í eldri flokki
var Helgi P. Gunnarsson, GA,
sjálfkjörinn.
í Eyjafirði sigraði Ragnar
Ólafsson, Laugalandi, í yngri
flokki, og í 2.-3. sæti urðu Erling-
ur Guðjónsson, Hrísey, og Húni
Heiðar Hallsson, Húsabakka. í
eldri flokki sigraði Kristófer Mar-
inósson, Hrísey, Tryggvi Her-
bertsson, Dalvík, varð annar og
Karl Ingi Atlason, Húsabakka,
þriðji.
í Norður-Þingeyjarsýslu sigr-
aði Bjarki Fannar Karlsson,
Lundi í Öxarfirði, í yngri flokki
og Jón Þormar Pálsson, Raufar-
höfn, varð annar. í eldri flokki
sigraði Hjörtur Bjarki Halldórs-
son, Lundi í Öxarfirði.
í Suður-Þingeyjarsýslu sigraði
Orri Freyr Oddsson, Húsavík, í
yngri flokki og Björn Halldórs-
son, Húsavík, í eldri flokki.
Kjördæmismótið var haldið á
Húsavík 29. apríl sl. í yngri
flokki urðu úrslit þessi: 1. Hall-
dór Ingi Kárason, Lundarskóla á
Akureyri, 2Vi v. 2. Orri Freyr
Oddsson, Húsavík, 2 v. 3. Bjarki
Fannar Karlsson, Lundi í Öxar-
firði, l'/i v.
í eldri flokki urðu þessir efstir:
1. Helgi P. Gunnarsson, Gagn-
fræðaskóla Akureyrar, 3 v. 2.
Hjörtur Bjarki Halldórsson,
Lundi í Öxarfirði, 2 v. 3. Björn
Halldórsson, Húsavík, 1 v.
Efstu menn í hvorum flokki á
kjördæmismótinu unnu sér rétt N-Þingeyjarsýslu
til þátttöku á íslandsmótinu í
skólaskák sem fer fram í Reykja-
vík 7.-10. maí næstkomandi. Til
gamans má geta þess að á síðasta
ári sigraði Akureyringurinn Þór-
leifur Karlsson í eldri flokki á
íslandsmótinu.
Stjórnendur skólaskákar í
kjördæminu voru Guðmundur
Víðir Guðmundsson, Akureyri,
Albert Sigurðsson, Eyjafirði,
Stefán Benediktsson, S-Þingeyj-
arsýslu, og Angantýr Einarsson,
SS
Hraðskákmót hjá SA:
Rúnar sigraði enn og aftur
Það fór eins og flesta grunaði
að Rúnar Sigurpálsson neitaði
að láta Amaro-bikarinn af
hendi. Hann sigraði örugglega
í hraðskákmóti um bikarinn,
en Rúnar hefur verið nær
ósigrandi í hraðskák undan-
farna mánuði.
Rúnar fékk ll'/i vinning af 12
mögulegum. í öðru sæti varð
Þórleifur Karlsson með 10 vinn-
inga, Sigurjón Sigurbjörnsson
varð þriðji með 8>/2 vinning,
Jakob Þór Kristjánsson fjórði
með 8 vinninga og Jón Björgvins-
son fimmti með 7'/2 vinning. SS