Dagur - 05.05.1992, Síða 11
Þriðjudagur 5. maí 1992 - DAGUR - 11
Tónlist
Kórarnir fimm sungu nokkur lög sameiginlega.
Mynd: IM
Fyrsta landsmót kvennakóra
Merkilegur menningar- og lista-
atburður gerðist í Aðaldal dag-
ana 2. til 3. maí. Haldið var
fyrsta landsmót kvennakóra í
Hafralækjarskóla og í félags-
heimilinu Ýdölum. Mótið sóttu
fimm kórar víða að af landinu og
voru þátttakendur rétt tæplega
eitt hundrað og fimmtíu. Undir-
búningur mótsins var í höndum
stjórnar Kvennakórsins Lissýjar í
Suður-Þingeyjarsýslu. Því lauk
með tónleikum, sem haldnir voru
sunnudaginn 3. maí í Ýdölum.
Fyrsti kórinn, sem fram kom
einn, var Kvennakórinn Ljósbrá
úr Rangárvallasýslu undir stjórn
Margrétar Runólfdóttur. Kórinn
er lítill, ekki skipaður nema tólf
konum. Hann flutti tvö lög, bæði
án undirleiks, og skilaði þeim
mjög bærilega. Góður agi var í
kórnum, tónninn merkilega þétt-
ur miðað við smæð hans og
hljómar yfirleitt hreinir. Hins
vegar kom fyrir, að tónar lágu
heldur ofarlega fyrir raddgetu
kórsins og urðu því óáheyrilegir.
Næst kom fram Kvennakór
Siglufjarðar. Hann var skipaður
tuttugu og átta konum og er
söngstjóri hans Elías Þorvalds-
son. Kórinn flutti þrjú lög. Flutn-
ingur hans var yfirleitt allgóður
og gjarnan yfir það. Sérlega tókst
vel gríska lagið Nú lækkar sól og
einnig hlutar syrpu úr söngleikn-
um West Side Story, sem kórinn
flutti af ákveðni og umtalsverðu
öryggi. Fyrir kom, að í söng kórs-
ins skorti snerpu og einnig gætti
þess nokkuð, að efstu tónar lágu
heldur ofarlega, svo að þeir urðu
sárir.
Freyjukórinn í Borgarfirði
undir stjórn Bjarna Guðráðsson-
ar var næstur. Undirleikari hans
var Fríða Lárusdóttir. í kórnum
eru tuttugu og fimm konur og
flutti hann fjögur lög. Flutningur
kórsins var yfirleitt áferðarfalleg-
ur og fór vel yfir það stig sérstak-
lega í hollenska þjóðlaginu Fisk-
markaðurinn við texta eftir Þór-
dísi Sigurbjörnsdóttur, sem kór-
inn flutti án undirleiks af öryggi
og fallega. Einnig var góður
flutningur á Do, re, mí í syrpu
laga úr Söngvaseið Rodgers og
Hammersteins. Hins vegar hafði
kórinn ekki nóg tök á öðrum
hlutum syrpunnar. Þar, og á
nokkrum öðrum stöðum, urðu
hljómar á stundum nokkuð
óhreinir og innkomur ekki nógu
nákvæmar. Einnig var kórinn of
nærri mörkum getu sinnar hvað
tónhæð snerti.
Kvennakór Suðurnesja undir
stjórn Sigvalda Snæs Kaldalóns
var þriðji á dagskránni. Kórinn
flutti fimm lög. Best tókst fyrsta
lagið, Kvöldljóð, sem kórinn réði
vel við og túlkaði af innileika. í
öðrum lögum kórsins gætti þess
nokkuð, hann náði ekki nógu vel
tónhæð. Einnig urðu langir liggj-
andi tónar gjarnan flatir og líflitl-
ir og fyrir kom, að nokkurs aga-
leysis virtist gæta til dæmis í
sambandi við innkomur og af-
slætti.
Fimmti og síðasti kórinn var
heimakórinn, Kvennakórinn
Lissý. Hann var skipaður fimm-
tíu og fimm konum. Söngstjóri
hans er Margrét Bóasdóttir. Kór-
inn flutti fimm lög. Hljómur
kórsins var þéttur og agi góður.
Flutningur hans var yfirleitt mjög
áheyrilegur og iðulega meira en
það. Svo var til dæmis með lagið
Við eigum samleið eftir Sigfús
Halldórsson við Ijóð Tómasar
Guðmundssonar og einnig lag
Gunnars Reynis Sveinssonar, I
nótt dreymdi mig hamingjuna,
við texta Þ. Þorgeirssonar, sem
kórinn flutti án undirleiks af
öryggi og næmni. Hins vegar
gætti þess nokkuð, að kórinn réði
ekki alveg nógu vel við hæstu
tóna og einnig kom rétt aðeins
fyrir, að innkomur voru ekki
nógu góðar, svo sem í laginu í
grænum mó eftir Sigfús Halldórs-
son við texta Gests Guðfinnsson-
ar.
Allir kórarnir sameinaðir
sungu þrjú lög í upphafi tónleik-
anna og önnur þrjú í lokin.
Söngstjórarnir stjórnuðu hver
sínu lagi, nema söngstjóri heima-
kórsins, Margrét Bóasdóttir, sem
stjórnaði fyrsta og síðasta laginu.
Söngur sameinaða kórsins var
góður og hreinn. Eftirtektarvert
var, hve vel tókst undirleikslaus
flutningur lagsins Hver á sér
fegra föðurland, eftir Emil Thor-
oddsen við ljóð Huldu, sem Mar-
grét Bóasdóttir stjórnaði. Þá
nýttist vel geta kórsins til túlkun-
ar í formi styrkbreytinga í laginu
Chi puo vederla úr óperettunni
Anna Bolena eftir G. Donizetti,
sem Bjarni Guðráðsson stjórn-
aði, og skemmtilegur var líka sá
þróttur, sem kórinn náði undir
stjórn Sigvalda Snæs Kaldalóns í
flutningi lagsins Kvennaslagur
eftir Sigfús Einarsson við ljóð
Guðmundar Guðmundssonar.
Aðalundirleikari kóranna á
píanó var Ragnar Þorgrímsson.
Væntanlega hefur undirbúnings-
tími fyrir tónleikana verið naum-
ur, en nokkuð var um ónákvæmni
í leik Ragnars. Almennt studdi
hann samt vel við flutninginn og
gaf honum lit og aukið líf.
Tónleikarnir voru mjög vel
sóttir og góður rómur var gerður
af frammistöðu kóranna. Af því
var ljóst, að Þráinn Þórisson,
skólastjóri á Skútustöðum í
Mývatnssveit, mælti fyrir munn
viðstaddra, er hann flutti stutt
þakkarávarp í tónleikalok og
benti á það, að þeir væru menn-
ingarsögulegur stórviðburður.
Það voru þeir sannarlega. Þeir
voru lok fyrsta landsmóts kvenna-
kóra, sem haldið hefur verið hér
á landi. Það vekur því nokkra
furðu og einnig spurningar um
fréttamat fjölmiðla, að fulltrúar
þeirra voru næsta fáir mættir.
Það virðist vera frétt, sem er
verð þess að lagt sé í umtalsverð-
an kostnað, ef einhver úr Reykja-
vík fer út fyrir bæjarmörkin og
heldur ræðu á baráttudegi verka-
lýðsins. Það er ekkert við það að
athuga, að greint sé frá slíku, en
það er einkennilegt, að það skuli
ekki vera frétt verð sömu eða
jafnvel minni fyrirhafnar, þegar
hálft annað hundrað kvenna
kemur saman til þess að iðka
menningu og list og hafa flestar
lagt á sig löng ferðalög, jafnvel
allt sunnan úr Rangárvallasýslu,
á eigin kostnað. Þó má heita víst,
að sá atburður er líklegri til þess
að gleymast ekki, til þess að
marka varanleg spor og til þess
að verða uppspretta afreka í
þjóðlífinu, en ræðan.
Haukur Ágústsson.
Heilræði
Varúð!
Geymið lyf þar sem
börn ná ekki til
Sumarbúðirnar við
Vestmannsvatn
Innrítun er hafin
og er virka daga kl. 17-18.30.
Síminn er 96-27540.
STARFSMANNAFÉLAG
AKUREYRARBÆJAR auglýsir
kosningu um miðlunar-
tillögu ríkissáttasemjara
Kosningin veröur á skrifstofu STAK þriðjudaginn 5.
maí og miövikudaginn 6. maí kl. 10-20 báða dag-
ana.
Stjórn STAK.
Einmenningskeppni
Firmakeppni
Einmenningskeppni Bridgefélags Akureyrar,
sem jafnframt er firmakeppni félagsins, verð-
ur í kvöld og hefst stundvíslega
kl. 19.30 í Hamri.
Allir spilaáhugamenn velkomnir.
Bridgefélag Akureyrar.
'■ Auglýsing frá
i; menntamálaráðuneytinu
Auglýst er eftir umsóknum um störf
námstjóra í grunnskóladeild mennta-
málaráðuneytisins.
Um er að ræða þrjár stöður sem ráðið er í til
tveggja ára til að sinna sérstökum verkefnum.
Verkefnin fela einkum í sér að afla upplýsinga
um stöðu mála á neðangreindum sviðum, gera
tillögur um umbætur og fylgja þeim eftir. Enn-
fremur felst í starfi námstjóra að fylgjast með
námi og kennslu í grunnskólum landsins, skóla-
þróun, eftirlit, miðlun upplýsinga svo og ráðgjöf.
1. Unglingastigið (ein staða). Megináhersla er
lögð á nám og kennslu í þremur efstu bekkjum
grunnskóla og tengsl grunnskóla og framhalds-
skóla.
2. Neytendafræðsla, hollusta og heimilisfræði
(ein staða). Áhersla er lögð á almenna hollustu
og heilbrigði, að efla neytendafræðslu á sem
flestum sviðum grunnskólanáms svo og að fylgja
eftir uppbyggingu heimilisfræðikennslu.
3. Náttúrufræði, einkum eðlis- og efnafræði (ein
staða). Áhersla er lögð á nám og kennslu eðlis-
og efnafræði í grunnskólum. Verkefnið felur
einnig í sér að fylgjast með og efla líffræði-
kennslu, umhverfisfræðslu, tækni og vísindi.
Auglýst er eftir fólki sem hefur menntun í upp-
eldis- og kennslufræðum og reynslu af störfum í
skólakerfinu. Störfin krefjast frumkvæðis, sjálf-
stæðra vinnubragða og skipulagshæfni. Mjög
reynir á samstarf við aðra.
Ráðið er í þessar stöður frá 1. ágúst 1992.
Um laun og kjör fer samkvæmt launakerfi ríkis-
ins.
Umsóknarfrestur er til 25. maí nk.
Umsóknir ásamt upplýsingum um menntun og
fyrri störf sendist menntamálaráðuneytinu, Sölv-
hólsgötu 4, 150 Reykjavík.