Dagur - 21.08.1992, Page 5
Föstudagur 21. ágúst 1992 - DAGUR - 5
Fréttir
Akureyri:
Umferðarfræðsla fyrir
5 og 6 ára böm
Dagana 24.-27. ágúst fer fram
umferðarfræðsla fyrir 5 og 6
ára börn á Akureyri. Þetta er
þriðja árið í röð sem börnum á
Akureyri gefst kostur á að
sækja námskeið umferðarskól-
ans.
Að fræðslunni standa Skipu-
lagsnefnd Akureyrar, lögreglan
og Umferðarráð í samvinnu við
grunnskólana á Akureyri, en
fóstrur og lögreglumenn annast
kennsluna. Hafa börnum sem
fædd eru árin 1986 og 1987 verið
send bréf þar sem námskeiðið er
kynnt og þau hvött til að mæta.
Kennslan byggist á því að
leiðbeina börnunum um ákveðin
atriði er varða umferðina. Lögð
er áhersla á að tengja umferðar-
reglurnar við aðstæður barnanna
hverju sinni og fjallað er ítarlega
um reglur fyrir gangandi fólk,
hjólreiðar barna og hjólreiða-
hjálma. Einnig er rætt um notkun
bílbelta og bílstóla og nauðsyn
endurskinsmerkja.
Reynt er að ná sem best til
barnanna m.a. með því að nota
Ieikbrúður, söng og kvikmyndir.
Einnig er mikið lagt upp úr því
að börnin fái tækifæri til að tjá
sig.
Foreldrar og aðrir uppalendur
eru sérstaklega boðnir velkomnir
með börnum sínum enda eru þeir
hvattir til að fylgja umferðarregl-
um svo að börnin fái tækifæri til
að tileinka sér þær. KR
Söluhæsti „þýski“ bjórinn
Að undanförnu hefur verið rætt
um að ákveðin þýsk bjórtegund
„Becks“ hverfi úr hillum ÁTVR.
Hefur komið fram að bjór þessi
sé söluhæsti og mest seldi bjór á
íslandi. Vegna þessa vill Viking
Brugg hf. benda á að Löwenbrau
er og hefur verið mest seldi bjór á
íslandi allt frá árinu 1989 og til
þessa dags.
Löwenbrau er bruggaður með
einkaleyfi frá Löwenbrau verk-
smiðjunum í Munchen og er því
þýskur bjór. Hann hefur það þó
fram yfir hinn þýskabruggaða
Becks, sem og allar aðrar erlend-
ar tegundir að vera bruggaður á
íslandi úr okkar ómengaða vatni
og skapa um leið atvinnu í land-
inu. En tölur ÁTVR eru sem hér
segir:
Ar tegund magn %
89-92 Löwenbrau 6.360.485 ltr. 28,6
89-92 Becks 4.192.848 ltr. 18,9
Prósentustigið er hlutfall af
heildarsölu á tímabilinu en hún
var samtals 22.176.734 ltr. frá
mars 1989 til júlí 1992. Löwen-
brau hefur haft yfirhöndina öll
árin en forystan var mest 1989.
Fréttatilkynning
Risahvönnin er nú komin í hvamminn austan viö Lystigarð Akureyrar.
Mynd: GT
Risahvönn breiðist út
frek og getur valdið útbrotum
Risahvönnin neðst í Lystigarð-
inum á Akureyri hefur breiðst
út og er nú komin í hvamminn
austan við Eyrarlandsveg. Að
sögn Harðar Kristinssonar
grasafræðings er risahvönnin
gjörn á að dreifa sér í órækt og
verður oft nokkuð frek.
„Risahvönnin eða Bjarnarkló-
in inniheldur safa sem getur vald-
ið útbrotum,“ sagði Hörður
Kristinsson, grasafræðingur hjá
Náttúrufræðistofnun Norðurlands,
aðspurður um hvort plantan væri
eitruð. Ekki könnuðust grasa-
fræðingar hins vegar við að safinn
gæti valdið þriðja stigs bruna þeg-
ar hann kæmist í snertingu við húð
og sól skini á en slíkt mun vera til-
fellið um sum skandinavísk
frændsystkini risahvannarinnar.
Skák
Gausdal International:
Gylfi og Jón Garðar ofarlega
Jón G. hársbreidd frá alþjóðameistaratitli
Jón Garðar Viðarsson og Gylfi
Þórhallsson úr Skákfélagi
Akureyrar tóku þátt í sterku
alþjóðlegu móti í Noregi á
dögunum, Gausdal Internat-
ional. Þeir fengu báðir 5 vinn-
inga úr 9 skákum og urðu í 24.
sæti ásamt nokkrum öðrum
keppendum en alls tóku 82
skákmenn þátt í mótinu. Þetta
er mjög góður árangur hjá
þeim og Ijóst að þeir hækka í
stigum fyrir þetta mót og fyrra
mótið sem þeir tóku þátt í á
sama stað.
Gylfi Þórhallsson sagði í sam-
tali við Dag að Jón Garðar hefði
verið hársbreidd frá því að
krækja í fyrsta áfanga að alþjóða-
Atskák í Noregi:
Siguijón
áttundi
Samhliða alþjóðlega skákmót-
inu í Gausdal var haldið annað
mót með minni spámönnum.
Þar tefldu Sigurjón Sigur-
björnsson frá Skákfélagi Akur-
eyrar og Smári Ólafsson frá
Skákfélagi UMSE.
Tefldar voru 7 umferðir eftir
Monrad kerfi. Smári fékk 4Yz
vinning og Sigurjón 4. Norðmað-
ur sigraði í mótinu en árangur
þeirra Smára og Sigurjóns er við-
unandi.
Sigurjón tók síðan þátt í
atskákmóti um síðustu helgi og
stóð sig mjög vel. Hann varð í 8.
sæti með 6 vinninga af 9 mögu-
legum. SS
meistaratitli. Hann tefldi við
tékkneska stórmeistarann Jansa í
síðustu umferðinni og þurfti jafn-
tefli til að ná áfanganum en því
miður fyrir Jón Garðar tapaði
hann skákinni.
Jón Garðar tefldi við fimm
alþjóðameistara og einn stór-
meistara. Skákin við Jansa var sú
eina sem hann tapaði. Andstæð-
ingar hans voru með 2450 Elo-
stig að meðaltali og ljóst að Jón
Garðar hefur safnað stigum í
sarpinn.
Gylfi lenti á móti tveimur stór-
meisturum og afrekaði það að
leggja sænska stórmeistarann
Ernst að velli í ævintýralegri og
glæsilegri fórnarskák. Ernst var
næst stigahæsti maður mótsins
með 2570 stig. Gylfi tapaði hins
vegar fyrir' rússneskum stórmeist-
ara. Andstæðingar hans höfðu
2400 stig að meðaltali og Gylfi
hækkar einnig í stigum.
Árangur Jóns Garðars og
Gylfa er mjög góður. Sigurvegar-
inn, Savchenko frá Úkraínu,
alþjóðameistari sem tryggði sér
stórmeistaraáfanga, fékk 7 vinn-
inga og þeir félagar voru því ekki
langt undan með sína 5 vinninga
hvor.
Fjórir aðrir íslendingar tóku
þátt í mótinu, strákar úr skák-
skólanum. Einn þeirra, Matthías
Kjeld, fékk verðlaun í flokki 18
ára og yngri en hann fékk 4 vinn-
inga.
Jón Garðar fór beint í Islands-
mótið í Reykjavík þegar hann
kom til landsins en tveir félagar
að auki úr Skákfélagi Akureyrar,
Jón Árni Jónsson og Margeir
Pétursson, tefla í landsliðsflokki.
SS
Gylfi Þórhallsson og Jón G. Viðarsson náðu ágætis árangri á skákmótinu í
Gausdal.
„Sumir eru hins vegar í hrein-
ustu vandræðum með risahvönn-
ina sem veður uppi í görðum; það
er ekkert spaug því þær eru mjög
frekar eins og margar aðrar jurtir
af sveipjurtaætt," sagði Hörður
Kristinsson, aðspurður um
ágengni risahvannarinnar þegar
hún breiðist út.
Risahvönn (Heracleum) getur
orðið um 3 m há og er skyld
hvönninni (Angelica) en einnig
eru spánarkerfill (Myrrhis
odorata) og skógarkerfill
(Anthriscus silvestris) ættkvíslir
af sveipjurtaætt. „Kerfillinn veð-
ur líka um allt og eyðir því sem
fyrir er enda er hann hálfgert ill-
gresi,“ sagði Hörður Kristinsson
um þessa freku ætt sem einnig er
skyld kúmenjurtinni (Carum
carvi).
Garðaeigendur víða eru farnir
að rækta risahvönn þrátt fyrir
ákveðni hennar í órækt en varla er
ástæða til að óttast hana því að
sögn Elínar Gunnlaugsdóttur,
grasafræðings í Lystigarðinum,
hefur þar ekki orðið vart við
óþægindi í húð af völdum safa úr
risahvönn. GT
Protabú Serkja
á Blönduósi:
Framleiðslu-
tækin seld á
sjö milljónir
- verða sett upp í Uruguay
Skriflegir samningar liggja nú
á boröi bústjóra þrotabús
Serkja á Blönduósi, Þorsteins
Hjaltasonar, um kaup á fram-
leiðslutækjum verksmiðjunn-
ar. Söluverð er tæpar 7 millj-
ónir.
„Báðar vélarnar eru seldar til
Brasilíu, en þær verða settar upp
í Uruguay. Kaupverðið, tæpar
sjö milljónir, er mjög gott, sér-
staklega þegar litið er til þess að
hæst var boðið hér innanlands
krónur ein og hálf milljón. Kaup-
andinn tekur vélarnar niður og
ber kostnaðinn af því verki sem
og flutningskostnaðinn til Suður-
Ameríku. Samningurinn er undir-
ritaður og staðfestingargjald á að
berast á næstu dögum. Banka-
ábyrgð verður veitt fyrir kaupun-
um um mánaðamótin október/
nóvember, en þá fara vélarnar,“
sagði Þorsteinn Hjaltason. ój
Launavísitalan
hækkar um 0,1%
Launavísitala fyrir ágústmán-
uð hefur verið reiknuð út hjá
Hagstofu íslands.
Launavísitalan er reiknuð mið-
að við meðallaun í júlí sl. Er hún
130,2 stig eða 0,1% hærri en í
fyrra mánuði
Samsvarandi launavísitala sem
gildir við útreikning greiðslu-
marks fasteignaveðlána tekur
sömu hækkun og er því 2.848 stig
í september 1992. KR
Bridds
Vísa-bikarkeppnin:
Dregið í þriðju umferð
Dregið hefur verið í þriðju
umferð í Visa-bikarkeppni
Bridgesambands Islands og er
frestur til að Ijúka umferðinni
til mánudagsins 13. september.
Eftirtaldar sveitir mætast í
þriðju umferðinni og á sveitin
sem talin er upp á undan heima-
leik:
1. Gísli Hafliðason, Rvk
- Málningarþjónustan Self.
2. Sigfús Þórðarson, Selfossi
- Nýherji, Rvk.
3. Gunnl. Kristjánsson, Rvk.
- Eðvarð Hallgrímss. Rvk.
4. Guðlaugur Sveinsson, Rvk.
- Tryggvi Gunnarsson, Ak.
5. Stefanía Skarphéðinsd. Skógum
- Suðurlandsvídeó, Rvk.
6. Eiríkur Hjaltason, Rvk.
- Guðmundur Eiríksson, Rvk.
7. Símon Símonarson, Rvk.
- Magnús Ólafsson, Rvk.
8. VÍB, Rvk.
- Raftog, Rvk.
Fjórir síðustu leikimir í annarri
umferð voru spilaðir í síðustu
viku. Sveit Símonar Símonarson-
ar sigraði sveit Tryggingamið-
stöðvarinnar Rvk. 150-54 og sveit
Raftogs sigraði sveit Roche Rvk.
með eins impa mun í æsispenn-
andi leik 98-97. Þá sigraði sveit
Eiríks Hjaltasonar sveit Arneyj-
ar, Sandgerði 127-34 og sveit
Tryggva Gunnarssonar sigraði
sveit Arnórs Ragnarssonar,
Garði 115-62. -KK
Ólympíumótið
að heQast
í dag, föstudag, fer landsliðið í
bridge til Salsomaggiore á Ítalíu
til að taka þátt í Olympíumóti í
bridge. Mótið stendur í tæpa
viku.
Alls taka 60 þjóðir þátt í mót-
inu sem hefst sunnudaginn 23.
ágúst. Spilað verður í tveimur
riðlum og fjórar efstu þjóðirnar
úr hvorum riðli spila síðan til
úrslita fjóra síðustu daga
mótsins. Spilaðir eru 20 spila
leikir, þrír á dag. Mótinu lýkur
laugardaginn 5. september.
Landslið íslands skipa: Guð-
laugur R. Jóhannsson, Guð-
mundur Páll Arnarson, Jón Bald-
ursson, Sigurður Sverrisson, Þor-
lákur Jónsson og Örn Arnþórs-
son. Fyrirliði án spilamennsku er
Björn Eysteinsson.
Upplýsingar um gang mótsins
verður hægt að fá á skrifstofu
Bridgesambands íslands í síma
91-689360 (Sveinn Rúnar) frá kl.
13.00 til 17.00.