Dagur - 21.08.1992, Blaðsíða 9
Föstudagur 21. ágúst 1992 - DAGUR - 9
„Við erum agalega
ánægðar með okkur“
- segja Hlín og Gyða, tvær Kjarnakvenna á Akureyri
Einn er sá hópur kvenna hér í
bæ sem er í hressari kantinum
og lætur sér ekki muna um að
hittast í leikfími og heilsurækt
þrisvar sinnum í viku. Hópur-
inn kallar sig Kjarnakonur og
dregur nafn sitt af því að hann
hittist gjarnan í Kjarnaskógi og
hleypur saman nokkra hringi.
Hópurinn, sem æfir undir
stjórn Eddu Hermannsdóttur,
hefur nú ákveðið að taka þátt í
skemmtiskokki í Reykjavík-
urmaraþoni um helgina.
Blaðamaður Dags hitti þennan
hressa hóp þar sem hann var að
byrja á æfingu í íþróttahöllinni
fyrr í vikunni og urðu Hlín
Gunnarsdóttir og Gyða Haralds-
dóttir fyrir svörum.
„Hópurinn myndast í kringum
leikfimina hjá Eddu og við sem
hér erum æfum flestar þrisvar í
viku allt árið um kring,“ segir
Hlín og Gyða bætir við að í fyrra-
sumar hafi hópurinn byrjað að
hlaupa saman í Kjarnaskógi.
„Stefnan var sett á Skemmti-
skokkið í Reykjavíkurmaraþon-
inu og þá urðum við að fá okkur
boli eins og öll alvöru lið. Bolirn-
ir kölluðu á nafn og þá kom upp
nafnið Kjarnakonur,“ sagði
Gyða og lét það svo fylgja með
að hér væri lím kjarnorkukonur
að ræða sem trimmuðu í Kjarna
svo nafnið kæmi af sjálfu sér.
Hópurinn samanstendur af
konum frá rúmlega tvítugu og til
tæplega sextugs og sagðist Hlín
vera í síðarnefnda hópnum. „Ég
hef trimmað í 20-30 ár og er búin
að vera hjá Eddu frá því að hún
byrjaði og svo hef ég bara fylgt
hópnum," sagði Hlín. Þegar
Gyða var spurð hvort hún segði
sömu sögu brosti hún og benti
blaðamanni á að hún væri nú
ekki búin að trimma í 30 ár. Ég
er búin að vera í leikfimi hjá
Eddu í nokkur ár og síðustu ár
hefur alltaf eitthvað verið á
sumrin. Ég kom bara inn í þetta í
fyrra og setti stefnuna strax á
Skemmtiskokkið með stelpun-
um. Mér fannst reyndar alveg
ömurlegt að fara út og hlaupa og
alveg hræðilega erfitt en gat ekki
verið minni manneskja en hinar
stelpurnar og því var bara að láta
sig hafa það,“ sagði Gyða og
hafði mjög gaman af, svona eftir
á. Hlín sagðist aldrei hafa hlaup-
ið fyrr en í fyrra þrátt fyrir að
hafa trimmað í öll þessi ár. „Mér
finnst alveg stórkostlegt að geta
þetta. Ég var alveg viss unrt að ég
gæti í fyrsta lagi aldrei hlaupið og
svo að ég myndi fá í hnéin og
meiða mig. Þetta er svo vel upp-
byggt hjá Eddu að manni er aldrei
ofboðið og þess vegna er þetta
hægt,“ sagði Hlín.
Þær voru báðar sammála um
að það væri mjög gefandi og
skemmtilegt að stunda þessa
heilsurækt. „Maður hefði varla
trúað því hvað maður fær mikið
út úr því að hlaupa og skokka
þegar örlítið er komið af stað.
Maður fær vellíðan út úr því,“
sagði Gyða og Hlín bætti við að
gamanið fælist að miklu leyti í
því að sjá að þetta er hægt og að
finna framfarirnar.
JSá hópur sem fer til Reykja-
Þetta eru ekk knattspyrnulið Kjarnakvenna, heldur sá fríði flokkur sem verður í cldlínunni í skemmtiskokkinu í
Reykjavíkurmaraþoni um helgina. Myndir: sv
víkur telur um 25 manns og segja
þær stöllur að það verði reynt að
nýta ferðina á annan hátt líka,
fara út að borða, kanna sund-
aðstöðu borgarinnar o.s.frv.
Stefnan er sett á að bæta persónu-
leg met frekar en að berjast um
verðlaunasæti í Skemmtiskokk-
inu og númer eitt er að hafa gam-
anið af. SV
Hlín Gunnarsdóttir og Gyða Haraldsdóttir eru hæstánægðar með lífíð í
trimminu.
Myndlist
Grafík í Safíiahúsinu
Laugardaginn 15. ágúst opnaði
Þorgerður Sigurðardóttir sýningu
í sýningarsal Safnahússins á
Húsavík. Á sýningunni eru fjöru-
tíu grafíkverk og akrýlverk unnin
með ýmiss konar tækni, dúkristu,
ætingu o.s.frv. og litun á bakhlið
glers. I mörgum grafíkverkanna
notar listamaðurinn liti til þess að
auka á styrk þeirra og tjáningu.
Verkin á sýningu Þorgerðar
eru mörg hver afar skemmtilega
unnin. Þau sýna glögglega, að
hún hefur gott vald á þeim
miðlum, sem hún notar við tján-
ingu sína í þeim verkum, sem eru
á þessari sýningu. Línur eru
sterkar og ákveðnar en þó gjarn-
an fínlegar og formbygging í
flestum verkanna vel grunduð og
markviss. Notkun lita er smekk-
leg og verkar lífgandi og lyftandi
í verkunum.
Nokkur verkanna á sýningu
Þorgerðar drógu að sér athygli
undirritaðs umfram önnur. Þar er
fyrst að nefna seríu, sem ber heit-
ið Við jökulröndina. Þetta eru
þrjár myndir, nr. 1 til 3, unnar í
svartar, fínlegar línur á gráhvítan
bakgrunn. Sérlega er mynd núm-
er tvö skemmtilega gerð og slá-
andi um það mótív, sem lista-
maðurinn er að fást við. í fjórum
myndum, númer 5 til 8 notar Þor-
gerður djarflega liti, einkum í
myndum nr. 5, Kvöldskin og nr.
8, Áningarstaður, þar sem hún
beitir gullnum blæ á áhrifamikinn
hátt og gefur myndunum allt að
því ójarðneskan blæ. Tvær
myndir, nr. 16 og nr. 32 bera
heitið Turnar öræfanna og eru
aðskildar með rómverskum I og
II. í þessum myndum hefur lista-
manninum tekist einkar vel að
draga fram form með sterkum og
ákveðnum línum, sem verka lað-
andi á áhorfandann. Hið sama
gildir um myndir nr. 25 og 26,
sem bera heitið Við Ófærufoss II
og III.
Myndgerð Þorgerðar er stíli-
seraður natúralismi. Víða gengur
hún talsvert langt í stíliseringu
sinni, en langoftast þó af fullri
smekkvísi og án þess að missa
sjónar á því myndefni, sem hún
er að fjalla um. Þetta gefur verk-
unum tón, sem er sannur og
ljúfur.
í sýningarskrá segir Þorgerður
Sigurðardóttir að myndirnar,
sem eru á sýningu hennar í
Safnahúsinu á Húsavík, séu „eins
konar óður til sköpunarverksins
og skapara himins og jarðar“, og
einnig, að í verkunum sé að finna
taug er tengi hana við uppvaxtar-
árin á Norðurlandi, en hún er
uppalin á Grenjaðarstað í Aðal-
dal. Þessi orð eiga vel við verkin
á sýningu Þorgerðar. Þau eru
Ijúfleg kveðandi um fegurð ver-
aldarinnar og hlý kveðja til
heimahaganna.
Sýning Þorgerðar stendur til
25. ágúst.
Haukur Ágústsson.
Greinasafii um fisk-
veiðistjómun 1992
Stjórn fiskveiða við ísland er eitt
umdeildasta hagsmunamál þjóð-
arinnar og því er samantekt úr
dagblöðum og tímaritum mikil-
vægur upplýsingabrunnur um
þetta málefni. Miðlun hf. - Fjöl-
miðlavaktin heldur áfram útgáfu
greinasafns um fiskveiðistjórnun
sem hófst árið 1989. Nú kemur út
greinasafn fyrir fyrri hluta árs
1992 (janúar-júní).
Bókin er ítarleg heimild um
ólík sjónarmið, því í henni eru
birtar allar greinar, ritstjórnar-
greinar, viðtöl og fréttir úr fjöl-
mörgum blöðum. Efni er raðað í
tímaröð, sem ásamt aðgengilegri
skrá yfir allar greinar og höf-
unda, auðveldar uppflettingu á
þeim ummælum eða greinum
sem óskað er.
Bókin um Fiskveiðistjórnun
1992 (fyrri hluti) kostar kr. 5.700
og fæst, ásamt eldri bókum, aðeins
á skrifstofu Miðlunar hf.
(Frcttatilkynning)
Harmonikusnillingarnir
Örvar Kristjánsson,
Grettir Björnsson
og félagar
í fullri þenslu og feikna stuöi laugardagskvöld.