Dagur - 06.10.1992, Blaðsíða 7

Þriðjudagur 6. október 1992 - DAGUR - 7
Blak, 1. deild:
KA náði ekki að klára dæmið
- tapaði 2:3 fyrir Þrótti Reykjavík
Það munaði einungis hársbreidd að KA næði að leggja Þrótt. Þeir kræktu
þó í 2 stig þrátt fvrir tap.
íslandsmótið í blaki hófst á
föstudagskvöldið með tveim
leikjum í 1. deild karla. HK og
Þróttur Neskaupstað áttust við
í Digranesi og sigruðu HK-
menn 3:0. Þróttarar frá
Reykjavík komu hins vegar í
heimsókn í KA-húsið. Alls
þurfti 5 hrinur til að fá fram
úrslit í þeim leik og á endanum
voru það gestirnir sem fóru
með sigur af hólmi, unnu síð-
ustu hrinu 15:9. Samkvæmt
hinum nýju reglum um stiga-
gjöf þar sem gefið er fyrir
hverja unna hrinu, fá Þróttarar
3 stig en KA-menn 2.
Stefán Jóhannesson þjálfari KA.
Eins og eðlilegt er virkuðu
bæði lið taugaspennt í byrjun en
KA-menn byrjuðu mun betur og
höfðu yfir 10:7 eftir skamma
stund. Þá skoruðu Þróttarar 4
stig í röð og komust yfir en með
góðri baráttu í lokin náði KA að
vinna sigur í hrinunni.
Næsta hrina var svipuð. KA
byrjaði mun betur. Komst í 11:4,
en þá hætti allt að ganga upp hjá
liðinu meðan Þróttarar röðuðu
inn stigum. Þessi hrina var í raun
hin skemmtilegasta í leiknum.
Bæði lið sýndu góða takta. Bar-
áttan var góð og mikil stemmning
jafnt innan vallar sem utan.
Þróttur náði að jafna 11:11 eftir
mikil átök en með góðum enda-
spretti náðu KA-menn að vinna
15:11.
Þriðja hrina virtist ætla að
ganga alveg eins og hinar tvær.
KA byrjaði mjög vel og komst í
5:0 og 10:6., Síðan náði Þróttur
að jafna 11:11 og nú bjuggust
flestir við að KA mundi hrista af
sér slenið og sigra, enda höfðu
þeir til þess góða möguleika.
Staðan var 14:13 fyrir KA og
hefði þeim nægt eitt stig til að
sigra í leiknum 3:0. Það tókst
hins vegar ekki og Þróttarar unnu
hrinuna. Við þetta mótlæti var
sem allur vindur væri úr KA-
mönnum og fjórðu hrinunni töp-
uðu þeir 15:9 eftir að hafa haft
yfir 7:3. Oddahrinunni töpuðu
þeir með sama mun og það voru
því gestirnir sem fögnuðu sigri í
leikslok þrátt fyrir að hafa verið
undir 2:0.
„Einbeitingin brást hjá
okkur,“ sagði Stefán Jóhannes-
son þjálfari KA og var af skiljan-
legum ástæðum fremur óhress
með úrslitin. Bjarni Þórhallsson
fyrirliði tók í sama streng og
sagði hávörnina hafa verið ákaf-
lega lélega. Leifur Harðarson
Þróttari var hins vegar ánægður.
„Þetta var jafn og spennandi leik-
ur og sýnir hvað deildin í vetur
verður spennandi. Liðin eru að
ég held jafnari en verið hefur
lengi. Við vorum lengi í gang og
spiluðum undir getu lengi
framanaf, en þetta hafðist á
úthaldinu,“ sagði Leifur.
KA-menn geta nagað sig í
handarbökin. Þeir höfðu tækifæri
til að klára dæmið en tókst það
ekki. Liðið virtist ekki ná upp
stemmningu eftir að sigurinn
hafði gengið þeim svo naumlega
úr greipum í 3. hrinu. Uppgjaf-
irnar fóru allt of oft forgörðum
hjá KA. Einnig skoruðu Þróttar-
ar 15 stig úr uppgjöfum, meðan
KA-menn skorðuðu 5. Bjarni
Þórhallsson var bestur KA-
manna og einnig átti Stefán
Magnússon góðan leik, sérstak-
lega í 3. hrinu. Ólafur H. Guð-
mundsson stóð uppúr liði Þróttar
og „gamla brýnið“ Jason ívars-
son kom inná á mikilvægum
augnablikum og virtist hleypa
kjarki í sitt lið. HA
Stig KA: Bjarni Þórhallsson 12, Stefán
Magnússon 8, Gunnar Svanbergsson 7,
Magnús Aðalsteinsson 5, Pétur Olafsson
3, Stefán Jóhannesson 3 og Kristján
Gunnarsson 1.
Stig Þróttar: Ólafur H. Guðmundsson
13, Einar Hilmarsson 10, Sigtryggur
Magnússon 7, Leifur Harðarson 7,
Bjarki Guðmundsson 6, Guðjón Valsson
4, Jason ívarsson 4 og Jón Ó. Valdimars-
son 1.
Dómnrar: Svanlaugur Þorsteinsson og
Sigurður Harðarson.
Haraldur Leifsson og félagar hans hjá Tindastól máttu þola tap í sínum
fyrsta leik á keppnistímabilinu. Hið unga lið Tindastóls átti þó ágætan leik.
Körfubolti, úrvalsdeild:
Tindastóll byijaði með tapi
- Vals Ingimundarsonar sárt saknað
Keppni í þeim íþróttum sem
stundaðar eru yfir vetrartím-
ann er nú að hefjast þessa dag-
ana. Nokkuð er síðan hand-
boltinn fór af stað, blakið hófst
á föstudaginn og á sunnudag-
inn var komið að körfuboltan-
um. Þá voru 3 leikir í úrvals-
deildinni á dagskrá og einn
þeirra var viðureign Tindastóls
og Hauka í „Síkinu“ á Sauðár-
króki. Hér var um hörku leik
að ræða og var viðureignin
bæði jöfn og spennandi. Svo
fór þó að lokum að heima-
menn urðu að játa sig sigraða,
en lokatölur leiksins urðu
93:103.
Leikurinn var jafn í byrjun en
þó höfðu Haukarnir heldur frum-
kvæði í leiknum og voru yfir
19:15 eftir 10 mínútna leik. Um
miðjan hálfleikinn fór heldur að
síga á ógæfuhliðina hjá Tindastól
og Haukar juku forskot sitt. Þeg-
ar 5 mínútur voru eftir til leikhlés
var staðan 21:42 fyrir Hauka og
útlitið orðið dökkt hjá Tindastól.
Þá tóku þeir góðan sprett og
náðu að minnka muninn í 5 stig
fyrir hlé, 49:54.
Jafnræði var með liðunum
framanaf seinni hálfleik. Munur-
inn hélst svipaður og í hálfleik, 7
til 10 stig og þegar 5 mínútur
voru eftir af leiknum var staðan
90:82 fyrir Hauka. Þrátt fyrir
mikla baráttu Tindastólsmanna
slepptu Haukar ekki taki sínu og
sigruðu í leiknum 103:93. Bæði
lið sýndu góða takta í leiknum og
léku skemmtilegan körfubolta.
Bandaríkjamennirnir tveir,
Chris Moore og John Roads,
voru yfirburðarmenn á vellinum
hvor í sínu liði og voru stigahæstu
menn vallarins. Hér er þó um
fremur ólíka leikmenn að ræða.
John Roads er nokkuð stærri en
Cris Moore, en sá síðarnefndi
kvikur og sterkur.
Sturla Jónsson aðstoðarþjálfari
Hauka sagði eftir leikinn að þeir
hefðu rennt nokkuð blint í sjó-
inn er þeir komu til Sauðárkróks
og ekki vitað hverju þeir ættu
von á, ekki síst eftir að þeir fréttu
að Valur Ingimundarson yrði
ekki með. „Það kom mér á óvart
hvað ungu strákarnir hérna voru
sterkir og sýndu mikið áræði,“
sagði Sturla. Hann taldi liðin
vera jöfn að getu og keppnin
milli þeirra yrði hörð í vetur.
Páll Kolbeinsson sagðist vera
ánægður með leik liðsins þrátt
fyrir tap. Ekki síst af því að Val
hefði vantað. „Ungu strákarnir
stóðu sig frábærlega og liðið þarf
ekki að kvíða vetrinum. Við get-
um unnið hvaða lið sem er,“
sagði Páll. Bestu menn leiksins
voru auk Bandríkjamannanna
i tveggja þeir Ingvar Ormarsson
hjá Tindastól og Jón A. Ingvars-
I son hjá Haukum. GBS/HA
Stig Tindastóls: Chris Moore 31, Ingvar
Ormarsson 19, Karl Jónsson 12, Páll Kol-
beinsson 11, Haraldur Leifsson 8, Pétur
V. Sigurðsson 8 og Björgvin Reynisson
4.
Stig Hauka: Johan Roads 40, Jón A.
Ingvarsson 20, Pétur Ingvarsson 19, Jón
Ö. Guðmundsson 9, Bragi Magnússon 9,
Sigfús Gissurarson 6 og Tryggvi Jónsson
2.
Ingvar Orntarsson var ásamt Chris
Moore besti maður Tindastóls í
leiknum á sunnudaginn.