Dagur - 21.10.1995, Blaðsíða 13

DAGUR - Laugardagur 21. október 1995 - 13
POPP
MACNUS ÓEIR ÚUPMUNDSSON
n
A
Islenskir plötupunktar
■ Hér á síðunni var fyrir margt löngu skýrt fré hátiðarútgáfu Harðar Torfa
á hans tveimur fyrstu plötum, Hörður Torfason syngur eigin lög og Án þín,
á einni geislaplötu i tilefni af 50 ára afmæli hans. Er ástæða til að minna
frekar á hana nú, þar sem trúbadoratónlistin er aftur orðin vel gjaldgeng
hjá yngri mönnum á borð við Halla Reynís o.fl.
■ Gunnari Jöklí, þeim fornfræga trommara með Trúbrot og fleirum, tókst
að láta draum sinn rætast nú síðsumars eftir að hann hafði flutt heim frá
Sviþjóð, að senda frá sér plötu undir eigin nafni. Nefnist platan Hamfarir
og inniheldur tiu lög, sem öll eru eftir Gunnar.
■ H-spenna er nafn á safnplötu þar sem ýmsir íslenskir tónlistarmenn láta
ljós sitt skína. Þar fara einna fremst í flokki Unun og Páll Óskar með hið
kraftmikla lag Ástin dugir, sem upprunalega er úr smiðju popptónskálds-
ins Georgio Moroder.
■ Þeir Karl trommari og Birgir söngvari og gitarleikari, sem um árabil
voru saman í Fildrunni, en hafa síðustu tvö árin eða svo starfað saman í
66, eru nú i gegnum dreifingu frá Skífunni, að senda frá sér sína aðra
plötu. Nefnist hún í sveitinni, sem óneitanlega vekur grunsemdir um að
eitthvað verði mn „kántrí" að ræða á henni.
Erlendir punktar
■ U2 vinna nú hörðum höndtun að nýrri plötu með sinum gamla samstarfs-
manni, Brian Eno. Það verður þó sérstætt við hana, að ekki verður um
raunverulega U2 plötu að ræða, heldur kalla þeir sig Passangers á henni.
Meira um hana væntanlega síðar.
■ Margumtöluð plata með Bitlunum, sem geyma mun m.a. lagið Free As A
Bird eftir Lennon og hann raulaði inn á band, en hinir þrír hafa siðan spil-
að inn á og tekið upp, er nú væntanleg 19. nóvember nk. Titillinn verður
The Beatles Anthology Vol 1.
■ t nóvember verður líka gamli Eaglesboltinn, Don Henley, með útgáfu á
.. sinum bestu og vinsælustu lögum. Kallast hún Actual Miles og er ekki
'^óliklegt að þar fylgi eitthvað nýtt með gömlu smellunum.
„Laun heimsms eru van-
þakklæti," er hugsun sem
margir listamenn og þá ekki
hvaö síst tónlistarmenn hafa
upplifað með trega gegnum
tíðina. Eftir að hafa lagt huga
og hjarta í verk sín og í mörg-
um tilfellum stefnt fjárhags-
legri framtíð 1 hættu, er upp-
skeran oftar en ekki rýr hjá
mörgum tónlistarmanninum,
óverðskuldað auðvitað í flest-
um tilfellum að eigin mati.
Slík verk, plötur í tilfellum
tónlistarmannanna, fá þó oft
góða umfjöllun og skaparar
þeirra metnir að verðleikum
hjá þeim sem fást við að
kryfja tonhst til mergjar, en
hinn almenni tónlistarunn-
andi, sem þegar allt kemur til
alls er sá sem einna mestu
máli skiptir, lætur sér það
bara ekki nægja. (Undan-
tekningar eru auðvitað sem
betur fer á því, en svo getur
atburðarásin líka verið þver-
öfug. Vond umfjöllun á plötu,
en góð sala.) Hallur Ingólfs-
son er ágætt dæmi um mann
sem lagt hefur mikið á sig við
sköpunarverk sín, ytra sem
innra, en e.t.v. ekki uppskor-
ið alveg eins vel og vonast
var til og hann hefði átt skil-
ið. Árið 1992 var Hallur
fremstur í flokki í hljomsveit-
inni Bledding Volcano, sem
sendi frá sér ansi athyglis-
verða plötu, Damcrack. Með
frekari þróun og manna-
breytingum varð Bleeding
Volcano að annarri sveit,
Þrettán, þar sem Hallur var
sem fyrr potturinn og
pannan. Kom frá Þrettán
platan Salt á síðasta ári, sem
tvímælalaust var ein sú
metnaðarfyllsta á ytra sem
innra borði, sem út kom á ár-
inu, þrátt fyrir að vera ekki
unnin við bestu aðstæður.
Þrátt fyrir sitt metnaðarfulla
og kröftuga rokk (sem af
svipuðu tagi hefur reynst svo
kjörið til vinsælda á síðustu
árum) sem birtist á bæði
Damcrack og Salt, urðu ein-
tökin aðeins um nokkur
hundruð sem seldust af
hvorri plötu hérlendis. Nú
hins vegar gætu þó hlutirnir
eitthvað vera að snúast Halli
í hag, ef að líkum lætur.
Upphefð
í útlöndum
1. september kom platan Salt
með Þrettán út á Benelux-
svæðinu og er nú að koma
líka út í Bretlandi á næstunni.
Hafa þær fréttir nú borist frá
Belgíu að eitt helsta neðan-
jarðarrokkritið þar, hafi fjallað
um plötuna og gefið henni þá
bestu einkunn sem það hefur
gefið nokkurri plötu það sem
af er árinu. Staðfestir þetta
álit m.a. Poppsíðu Dags á
plötunni og má telja líklegt
að þessi hrifning belgíska
ritsins, sem kemur víst út í
37.000 eintökum, muni ýta
vel undir söluna á henni. Það
er síðan aldrei að vita nema
að hjólin fari að snúast hér
heima líka með útgáfu nýju
plötunnar, Serpentyne, sem
leit dagsins ljós á föstudag-
inn var, hinn 13. Það er sem
sagt ekki nóg með að hljóm-
sveitin nefnist Þrettán, held-
ur kemur platan sem sagt út
á þrettánda degi mánaðar og
inniheldur 13 lög. Ef umsjón-
armanni Popps misminnir svo
ekki, þá var það sama upp á
teningnum með Salt, 13. maí
kom hún út í fyrra og geymir
hún 13 lög. Finnst þarna
sjálfsagt einhverjum skýring-
in vera komin á að ekki hafi
gengið betur en þetta eins og
fyrr var rakið. Það er hins
vegar ástæða til að vísa slíku
bulli á bug, því um ofurdellu
frá Ameríku er að ræða. Svo
er ekki, eins og áður sagði er
farið að rofa til hjá Halli,
a.m.k. utanlands. Hefur hann
nú sett saman almennilega
sveit í kringum gerð plötunn-
ar, fjögurra manna, og er hún
byrjuð að fylgja útgáfunni
eftir.
Hin margfræga söngkona
Hole, eiginkona og síðan
ekkja Kurts Cobain, Courtn-
ey Love, slapp með vægan
dóm þegar úrskurðað var í
árásarkæru annarrar söng-
konu, Kathleen Hanna í Bik-
ini Kill, gegn henni. Var Co-
urtney í dómnum, sem féll
fyrir um hálfum mánuði, að
vísu fundin sek og gert að
sæta eins árs fangelsi vegna
árásarinnar á Hanna, sem
átti sér stað á tónleikastað
við Seattle 4. júlí í sumar. En
vegna þess hve Courtney var
samvinnuþýð var gildistök-
unni slegið á frest til allt að
tveggja ára af dómaranum,
þar sem söngkonan mun á
þeim tíma gangast undir
meðferð til að hemja og læra
að hafa stjórn á skapsmun-
um sínum. Takist það jafn-
framt því að hún „haldi sig á
mottunni", fellur dómurinn
úr gildi. Vakti það athygli að
dómarinn setti sig í föðurleg-
ar stellingar þegar hann las
hinni 32 ára Courtney sinn
mildaða dómsboðskap. Sagð-
ist hann vera að taka tillit til
áfalls hennar vegna sjálfs-
morðs Cobain og hún yrði að
leita hjálpar til að ná sér fylli-
lega af því. Þá yrði hún líka
að gera sér betur grein fyrir
þeirri ábyrgð sem fylgdi
Courtney Love ásamt Kurt Cobain og dótturinni Frances þegar allt lék
enn ílyndi.
frægðinni og því, að hún væri
móðir ungrar dóttur, sem
mikillar umhyggju þyrfti
með. Tók Courtney sem sagt
þessum ráðleggingum vel og
lofaði bót og betrun. Hins
vegar sagði hún við blaða-
menn eftir að dómsmálinu
lauk í Washington, þar sem
það fór fram skammt frá höf-
uðstaðnum D.C., að hún væri
ekki ein um sökina varðandi
árásina á Hanna, en sín rök
hefðu orðið undir.
Uasi
tiwssa'
'EpO©acBis^
Háværar raddir em nú uppi
um það að Pearl Jam muni
fyrir komandi áramót senda
frá sér nýja plötu, þá fjórðu í
röðinni. Um nafn hennar er
ekki vitað, en það er vitað að
þeir Eddie Vedder og félagar
hafa á síðustu vikum unnið
við fínpússningu á a.m.k. tíu
lögum fyrir plötuna. Hefur
þessi vinna m.a. farið fram í
hljóðveri í Chicago, þangað
sem þeir héldu í sumar eftir
að tónleikaferð þeirra um
Bandaríkin fékk snöggan
endi af ýmsum ástæðum.
Þeirra helst var stríðið sem
Pearl Jam átti í við helsta
sölu- og miðadreifingaraðil-
ann í Bandaríkjunum, Tic-
ketMaster, vegna verðlags-
ins, sem hljómsveitinni þótti
vera allt of hátt fyrir aðdá-
endur sína. Ekki er vitað með
vissu hvernig því stríði lykt-
aði, nema hvað að Pearl Jam
hefur nú ákveðið að taka upp
þráðinn þar sem frá var horfið
í sumar, með nokkrum tón-
leikum í næsta mánuði. Það
mun síðan líka vera í deigl-
unni, eins og reyndar haldið
hefur verið fram frá því að
Mirror Ball kom út í sumar, að
tónleikaplata með Pearl Jam
og Neil Young saman, komi
út áður en árið er liðið. Á
þetta að vera „kvittun" fyrir
þátttöku Pearl Jam á Mirror
Ball, svo bæði útgáfa þeirra,
Epic og Reprise, útgáfa Yo-
ungs, gætu unað glaðar við
sitt. Ef og þegar af útgáfu
tónleikaplötunnar verður,
munu á henni vera upptökur
frá tónleikum sem Pearl Jam
og Neil Young hóldu í Dublin,
deginum áður en stóra stund-
in á Readinghátíðinni rann
upp. í ofanálag hafa svo ein-
stakir meðlimir áfram ýmis
járn í eldinum, m.a. hefur
Vedder hug á að sögn að
taka upp lag eftir hinn sér-
staka Captain Beefheart.