Dagur - 17.07.1996, Blaðsíða 6

6 - DAGUR - Miðvikudagur 17. júlí 1996
- landbúnaðarráðherrar Noregs og Svíþjóðar eru konur
Á nýloknum fundi landbúnaðar-
ráðherra Norðurlandanna, sem
haldinn var á Húsavík, voru tvaír
konur í hópi ráðherranna. Annika
Ahnberg, landbúnaðarráðherra
Svía, og Gunhild Öyangen, land-
búnaðarráðherra Noregs. Þær
héldu báðar erindi á ráðstefnunni
um landbúnaðarmál í sínum
heimalöndum, um stöðu mála í
þeim efnum í dag og ekki síður
stefnumörkun og framtíðarsýn í
landbúnaði. Báðar vildu ráðherr-
amir undirstrika mikilvægi land-
búnaðar ekki bara í Noregi og
Svíþjóð heldur á Norðurlöndunum
öllum þrátt fyrir að þær byggju
við ólíkt atvinnuumhverfi, þar
sem Svíþjóð er í Evrópusamband-
inu en Noregur ekki.
Gunhild Öyangen, landbúnað-
arráðherra Noregs, þekkir land-
búnaðinn vel, þar sem hún er upp-
alin í sveit í Þrændalögum. Hún
brautskráðist frá Háskóla í Noregi
með áherslu á tungumál, en hefur
nú verið landbúnaðarráðherra
Noregs í samtals níu ár, tvö tíma-
bil og hlé á milli. Gunhild segir
mikla áherslu hafa verið lagða á
umhverfisvæna landbúnaðarfram-
leiðslu á síðustu árum, m.a. með
því að spoma við lyfjagöfum til
dýranna. Þá hefur styrkjakerfi til
bænda allt verið stokkað upp og
vonast menn eftir enn meiri hag-
ræðingu í framleiðslunni. Land-
búnaður í Noregi er að langmestu
leyti kjöt- og mjólkurframleiðsla
auk afurða unnum úr mjólk og
vaxandi grænmetisræktunar. Gun-
hild er hér á landi í þriðja sinn,
hefur áður komið til Reykjavíkur
og skoðaði þá Þingvelli og næsta
nágrenni Reykjvíkur og Austfirði
hefur hún heimsótt og nú Húsa-
vík. „Svo nú hef ég fengið að sjá
sýnishom af mörgum ólíkum
stöðum á Islandi, hver öðrum fal-
legri og ég er ekki hér í síðasta
sinn,“ sagði Gunhild Öyangen.
Annika Ahnberg, landbúnaðar-
ráðherra Svíþjóðar, starfaði hjá
neytendasamtökum í heimalandi
sínu áður en hún varð ráðherra í
mars á þessu ári. „Ég hef alltaf
haft áhuga á landbúnaðarmálum
og verið meðvituð um mikilvægi
landbúnaðar þótt ég sé borgar-
bam. Landbúnaður í Svíþjóð er
mismunandi eftir því hvort við er-
um í suður- eða norður-Svíþjóð.
Norðar í Svíþjóð er aðallega
SP *
Gunhild Öyangen, landbúnaöarráðherra Noregs, Guðmundur Bjarnason og Annika Ahnberg,
landbúnaðarráðherra Svíþjóðar. Mynd: GKJ
mjólkurframleiðsla en fjölbreytt-
ari framleiðsla í suðurhlutanum
þar sem láglendið er mest. Ég hef
sérstakan áhuga á lífrænni og vist-
vænni ræktun í landbúnaði og tel
slíka ræktun vera það sem koma
skal og í því sambandi má geta
þess að Riksdagen, sænska þjóð-
þingið, hefur sett sér það markmið
að árið 2000 þá verði 10 prósent
af öllum sænskum landbúnaði
vistvænn og að þessu er markvisst
unnið í dag. Það er að mínu mati
forréttindi að fá að stýra þessum
mikilvæga málaflokki sem land-
búnaðurinn er. Ég er á Islandi í
fyrsta sinn og er alveg stórhrifin,
náttúran er stórbrotin og íslenski
hesturinn ógleymanlegur. Ég kem
alveg örugglega aftur,“ segir
Annika Ahnberg. GKJ
(Jmferðarhornið
Akstur á malarvegum!
Til skamms tíma þekktu íslenskir ökumenn ekki a&ra gerð slitlags en mölina. Akstursþjálfun, leikni og
ökuhra&i tóku mi& af því.
Nú er öld önnur. Möíin víkur ó&um fyrir bundnu slitlagi, malarvegum fækkar. En um lei& virðast mal-
arvegir kalla á æ fleiri slys og óhöpp. Og e.t.v. veldur tilkoma bundna slitlagsins einhverju þar um.
Hinum góðu vegum fylgir aukinn ökuhraði jafnt á möl sem malbiki og tækifærum til þjálfunar í akstri
á malarvegi fækkar.
Okumenn geta lagt sitt a& mörkum til aukins umferðaröryggis
með því að hafa þetta í huga:
A) Leyfóur hámarkshraði á malarvegi er 80 km/klst„ Ýms-
ar aðstæður (sjá liði B - D) lækka hámarkshraðann enn
frekarl
B) Yfirborð malarvega er laust í sér. Einkum safnast lausa-
möl í vegkanta og beygjur. Lausamölin er mjög varasöm!
C) Flestir malarvegir eru gömul mannvirki og því mjóir og
krókóttir með blindhæðum, þröngum brúm og ræsum!
D) Malarvegum fylgir grjótkast. Meiri hraði eykur grjótkast!
Fundur landbúnaðarráðherra Norðurlandanna á Húsavík:
Tvær konur í ráðherrahópnum
Akið varlega - forðist slysin
Al MCKIMAD ^óðhústorgi 5 • 600 Akureyri
ALIVlLlNlNAK Sími 462 2244 • Fox 462 3631
„Fimm ráð gegn
fíkniefnum“:
Atakgegn
fíkniefnaneyslu
á útihátíðum
Yfír sumartímann eru ungmenni
utan aðhalds skóla, hafa meira fé
milli handanna og leita uppi fjör
og ævintýr Þá byrja margir ung-
lingar að neyta ólöglegra fíkni-
efna í skjóli útihátíða sem oft
endar með sorglegum hætti. Um
síðustu áramót létust 2 ungmenni
vegna neyslu á E-pillunni, sem
þau komust fyrst í kynni við á
útihátíðum, það sama ár.
Fjölmiðlar skýrðu frá að eftir
síðasta sumar hafi „dóp flætt um
landið“ og ntargir unglingar
prófað þá í fyrsta sinn eiturlyf.
E-pillan er með hættulegustu
efnum sem selt hefur verið sem
fíkniefni, líkamlegar og andlegar
afleiðingar af neyslu þess eru
rnun alvarlegri en talið var í
fyrstu. Við neyslu E-pillunnar
verður neytandinn fyrir miklurn
líffæraskemmdum og sálarangist
sem oft endar með sjálfsmorði.
Flestir neytendur E-pillunnar er
ungt fólk, jafnvel einstaklingar
sem aldrei hafa neytt annarra
fíkniefna.
Þeir sem selja dóp svífast
einskis fyrir ágóðahlut en nteð
ábyrgðarleysi þeirra og glæpa-
starfsemi valda þeir óbætanlegu
tjóni á iífi og heilsu mörg hundr-
uð bama og unglinga. Fíkniefna-
salar eru einn ljótasti bletturinn á
okkar samfélagi!
Nú er að hefjast samstarf
Vímulausrar æsku - foreldrasam-
taka, Fræðslumiðstöðvar í fíkni-
vömum og IUT-æskulýðssam-
taka um átak til að fyrirbyggja
eiturlyfjaneyslu unglinga á úti-
hátíðum. Átakið nefnist 5 ráð
gegn fíkniefnum - líf bamsins er
í hættu og byggir á áskorun og
ráðgjöf til foreldra unglinga.
Fjölmiðlakynning, auglýsingar
og bæklingur, sem allir foreldrar
14 og 15 ára unglinga fá sent,
verður uppistaðan í átakinu en
auk þess mun væntanleg umræða
kalla á fleiri aðila sem hafa með
málefni unglinga að gera.
Það er von þeirra sem að
átakinu standa að löreldrar, fjöl-
miðlar og þeir aðilar sem
skipuleggja útihátíðir sumarsins,
taki þátt í ábyrgri umræðu og
starfi saman að vímuvömum, áð-
ur en skaðinn er skeður.
(Fréltalilkynning)
Utboð
Krossanes - þekja og lagnir
Hafnarstjórn Akureyrar óskar eftir tilboðum í þekju,
lagnir og Ijósamasturshús á stálþil í Krossanesi.
Verkefnið er fólgið í því að leggja ídráttarlagnir fyrir raf-
magn og vatn, smíða og koma fyrir tengibrunnum og
steypa um 1150 fermetra af þekju og eitt sambyggt
Ijósa- og vatnshús.
Verkinu skal lokið eigi síðar en 15. október 1996.
Útboðsgögn verða afhent á Vita- og hafnamálastofn-
un, Vesturvör 2, Kópavogi og á skrifstofu Akureyrar-
hafnar, Oddeyrarskála við Strandgötu frá og með mið-
vikudeginum 17. júlí, gegn 5.000 kr. greiðslu.
Tilboð verða opnuð á sömu stöðum miðvikudaginn 31.
júlí, 1996 kl. 11.
Hafnarstjórn Akureyrar.