Dagur - 17.07.1996, Qupperneq 15
IÞROTTIR
Miðvikudagur 17. júlí 1996 - DAGUR - 15
FROSTI EIÐSSON
Knattspyrna:
Ottó Karl í KA
KA-menn hafa fengið góðan
liðsstyrk í knattspyrnulið sitt
því í fyrradag gekk tengilið-
urinn Ottó Karl Ottósson í
þeirra raðir frá Stjörnunni.
Ottó Karl er uppalinn KR-
ingur en skipti yfir í Stjömuna
fyrir tveimur árum. Hann átti
þá tvo 1. deildarleiki að baki
með KR en lék 16 leiki með
Stjörnunni í 1. deild sumarið
1994 og skoraði eitt mark.
Hann tók sér frí frá knattspyrnu
í fyrra en hóf að leika aftur með
Stjömunni í vor og kom inná
sem varamaður í tveimur leikj-
úm liðsins í 1. deild í sumar.
Hann á að baki einn leik með
U21 landsliðinu. SH
Bikarslagur
Akureyrarliða
- verður sami hasar og 1992?
Erkifjendurnir, Þór og KA,
mætast í 8-liða úrslitum Mjólk-
urbikarkeppni KSÍ annað kvöld
og má búast við að hart verði
barist og allt lagt í sölurnar til
þess að knýja fram sigur.
Þær em ávallt fjörugar viður-
eignir þessara liða og ekki síst í
bikarkeppninni. Síðast mættust
liðin í Mjólkurbikamum fyrir fjór-
um árum og þá í 16-liða úrslitum.
Þórsarar sóttu ntun meira í leikn-
um en KA nýtti færin sín og segja
má að allt hafi verið á suðupunkti.
Páll Gíslason, sem nú leikur með
Þór, skoraði fyrra mark KA en
Gunnar Már Másson það síðara í
2:0 sigri en Bjarni Sveinbjömsson
klúðraði vítaspymu sem Þórsarar
fengu. Liðin mættust einnig í 16-
liða úrslitum fyrir níu árum og þá
sigruðu Þórsarar í vítaspyrnu-
keppni eftir hörkuspennandi við-
ureign. SH
Athafnasvæði Skotfélags Akureyrar í Glerárdal:
Fyrirhugað að setja upp
trappvöll og riffilbraut
Fyrirhugað er að setja upp
olympískan trappvöll og riffil-
braut samkvæmt ströngustu
kröfum sem gerðar eru til slíkra
valla í Evrópu á athafnasvæði
Skotfélags Akureyrar í Glerár-
dal.
Erindi þess efnis, frá Hannesi
Haraldssyni, formanni Skotfélags
Akureyrar, var tekið fyrir á fundi
bæjarráðs á dögunum, þar sem
hann sótti um leyfi til skipulags-
breytinga á svæði félagsins. Erind-
inu fylgdi nýr uppdráttur af svæð-
inu, unnin af Ivari Ragnarssyni,
byggingafræðingi á Akureyri. Um-
hverfisnefnd tók málið fyrir og
leggur til fyrir sitt leyti að orðið
verði við erindinu en málið er nú í
höndum skipulagsnefndar og eru
allar líkur á að af þessu verði.
Fyrirhugaður riffilvöllur verður
niðurgrafinn og glæsilegur. Um er
að ræða 300 m braut í U-laga
gryfju og hönnunin er slík að ekki
verður mögulegt að skjóta upp fyr-
ir brúnina. Farið verður eftir staðli
Heimssambands skotíþróttamanna
við byggingu vallarins.
Trappvöllur er annars konar og
meginuppistaðan er sjálfvirkur
skífuþeytir, sem skýtur diskum í
mismunandi áttir. Fimm skotstöð-
ur eru fyrir aftan vélina og skot-
maður færir sig milli palla eftir
hvert skot.
Áætlað er að trappvöllurinn
verði settur upp síðar í sumar og
byrjað verður að ryðja jarðveg fyr-
ir riffilvöllinn og hann mótaður í
haust en næsta vor hefjast fram-
kvæmdir. SH
Umdeilt atvik í síðustu bikarviðureign KA og Þórs. Gunnar Már Másson,
sem þá leiddi sóknarlínu KA, og Lárus Sigurðsson, fyrrum markvörður
Þórs, kijást um boltann langt úti í vítateig Þórsara. Gunnar Már náði bolt-
anum og skoraði en Lárus iá óvígur eftir og Þórsarar heimtuðu aukaspyrnu
en fengu ekki. KA sigraði 2:0. Mynd: Golli.
Heimasíða Liverpool-klúbbsins flutt:
Boltinn í beinni á netinu
Jaðarsvöllur n.k. laugardag:
Opna Ariel Ultra-mótið
Næstkomandi laugardag verður
opið golfmót, Ariel Ultra-mótið,
á Jaðarsvelli á Akureyri. Keppt
verður í karla-, kvenna- og ung-
lingaflokki, með og án forgjafar.
Ariel Ultra-mótið er 18 holu
golfmót, þar sem aukaverðlaun
verða veitt fyrir að vera næst holu
á öllum par 3 brautum vallarins,
dregið verður í happdrætti í lok
móts og ef leikin er hola í höggi á
4. eða 18. braut er Ping golfsett í
verðlaun.
Að venju verður Greifamót á
morgun á Jaðarsvelli og er þetta
fimmta mótið í sumar. SH
Liverpool-klúbburinn á íslandi
hefur verið með öfluga starfsemi
undanfarið ár og frá síðustu ára-
mótum hefur klúbburinn haft
heimasíðu á alnetinu með góðum
viðtökum. Nú hafa yfír 5000
heimsóknir verið skráðar.
Heimasíða Liverpool-klúbbsins
er komin með nýtt heimilisfang
og er það eftirfarandi:
http ://www.est.is/Li verpool
Flutningurinn var nauðsynlegur
vegna þess að ísmennt, þar sem
síðan var áður, hefur hætt allri
þjónustu við einkanotendur. Jón
Geir Sigurbjömsson hefur haldið
síðunum við í samvinnu við
Liverpool-klúbbinn á Islandi og
hafa þær verið geymdar á Akur-
eyri. Síðumar verða áfram á Akur-
eyri en hjá nýjum aðilum, EST.
Þar er að finna yfirlit yfir leiki
Liverpool fyrir tímabilið 1996-97
og ýmsar fréttir, úrslit o.s.frv.
Klúbburinn hefur gert tvo mjög at-
hyglisverða samninga við stærstu
Liverpool-heimasíðu á netinu.
Annar samningurinn er um frétta-
öflun og tryggir hann Liverpool-
aðdáendum nýjustu fréttir, þýddar
á íslensku og uppfærðar daglega
frá og með 15. júlí og út þetta
tímabil. Hinn samningurinn er við
fyrirtækið Intemation og er
kannski öllu athyglisverðari. Hann
felur í sér einkarétt á beinum út-
sendingum frá knattspymuvöllum
á Englandi á intemetinu í vetur.
Þetta er algjör nýjung en þetta er á
svokölluðu „java“ formi og var
þetta prufukeyrt á meðan á EM
stóð. Klúbburinn fylgdist með úr-
slitaleiknum á netinu, samhliða
beinni útsendingu sjónvarpsins og
reyndist kerfið mjög vel. Enn hefur
ekki verið gefin út dagskrá fyrir
þessar beinu útsendingar en
stefnan er sú að vera með alla
heimaleiki Liverpool í vetur „í
beinni." (Úrfréttatilkynningu)
Með kork og kút
Jafnvel fremsta sundfólk heims þarf að nota hjálpartæki í
lauginni. Hér sést japanska sundkonan Hitomi Kashima á
æfingu fyrir Ófympíuleikana en hún mun keppa í 100 og 200
m flugsundi og þykir líkleg til að blanda sér í baráttuna um
gullið í 200 metrunum þrátt fyrir að hún sé aðeins 16 ára.
Hundrað ár eru síðan Ólympíuleikarnir voru endurvaktir í
þeirri mynd sem nú þekkist en árið 1896 voru þeir haldnir í
Aþenu í Grikklandi. Þá voru keppendur alls 280 frá 13 lönd-
um og keppt var um 45 gullverðlaun. Þróunin hefur verið
hröð og í Barcelona fyrir fjórum árum voru keppendur 9.465
frá 159 löndum og keppt um 260 gullverðlaun. Nú mæta um
10.800 íþróttamenn til leiks og þar af eru 3.800 konur og er
það 40% aukning frá því fyrir fjórum árum. Fulltrúar 197
þjóða munu keppa um 271 gullverðlaun í 26 íþróttagreinum.
Barkley kærður
fyrir barsmíðar
Körfuknattleiksmaðurinn
Charles Barkley var sl. föstudag
kærður fyrir líkamsárás á 23
ára New York-búa, sem fer
fram á 50.000 dollara eða 3,5
milljónir króna í skaðabætur.
I ákærunni kemur fram að
Barkley barði manninn nokkrum
sinnum í höfuð og andlit á
skemmtistað í Cleveland, þar sem
Barkley var að skemmta sér með
félögum sínum í Draumaliði III.
Barkley ber því við að maðurinn
hafi verið dónalegur við fylgdar-
konu sína og hafi síðan ráðist á sig
og hann hafi aðeins verið í sjálfs-
vöm. SH
Charles Barkley í baráttu við Oscar
Schniidt frá Brasilíu í æflngaleik á
dögunum.
Maður bað sér konu á
Ólympíuleikvanginum
Til að fjármagna byggingu nýja
Ólympíuleikvangsins í Atlanta,
The Centennial Olympic Park,
voru seldir 325 þúsund múr-
steinar fyrir 35 dali eða tæpar
2500 krónur stykkið. Þannig
söfnuðust rúmlega 800 milljónir
króna til byggingarinnar.
Hver og einn múrsteinn er
áletraður með persónulegum
skilaboðum frá kaupandanum.
Jeff Speer er einn þeirra sem
keypti sér hlut af Ólympíuleik-
vanginum með þessum hætti og
hann vildi með þessu sanna ást
sína fyrir kærustu sinni, Joy Di-
amond. Á múrstein hans var áletr-
unin: „Joy, viltu giftast mér.“
Hann laumaðist síðan með kær-
ustuna inn á leikvanginn að kvöld-
lagi, kraup á kné og bauð henni
demantshring á sama tíma og hún
skoðaði áletrunina. Með tárin í
augunum tók Joy bónorðinu og
öryggisvörður tók myndir af par-
inu áður en hann fylgdi þeim út af
leikvanginum. SH