Dagblaðið Vísir - DV - 08.04.1995, Side 35

LAUGARDAGUR 8. APRÍL 1995
43
Sterka kynið
saekir fram
„Sérhver karlmaður verður að byggja upp á mörgum árum þá kyní-
mynd sem karlmannlegt stolt og sjálfstraust standa á.“
I yfirstandandi kosningum hefur
mikið verið rætt um kvenfrelsi,
launajöfnuð kyrijanna, jafnrétti og
kvennabaráttu. Stjórnmálaflokk-
arnir hafa stundað yfirboð í þess-
um málaflokkum enda eru konur
naumur meirihluti kjósenda. Flest
bendir til þess að konum í hópi
þingmanna muni fjölga eitthvað á
næsta þingi og sennilega verða þær
komnar í meirihluta innan tveggja
áratuga. Það sama hefur gerst í
öðrum starfsstéttum. Konur eru að
taka yfir Háskólann hægt og bít-
andi. Meirihluti nýútskrifaðra
lækna og sálfræðinga er konur.
Konum fjölgar ört í lögfræðinga-
og prestastétt. Æ fleiri konur láta
að sér kveða í verkfræði, arkitekt-
úr og viðskiptafræði. Bestu rithöf-
undar þjóðarinnar eru konur.
Margir karlaklúbbar hafa á liðnum
árum opnað konum leið inn í helg-
ustu vé sín. Karlveldið er víða á
hröðu skipulagslausu undanhaldi.
Brotin sjálfsmynd
Nökkvi læknir hefur um langt
skeið velt því fyrir sér hvaða áhrif
þessi þróun muni hafa á stolta
kynímynd íslenskra karla. Testost-
erón, karlhormónið, hefur töfra-
áhrif á vöxt og þróun heila og vöð-
vafrumna frá upphafi vega í lífi
sérhvers karls. Litlir strákar verða
gjörólíkir jafnöldrum sínum af
gagnstæðu kyni fyrir áhrif þessa
undraefnis. En testósterón, typpi
og pungur eru engin trygging fyrir
karlmannleika í sálfræðilegri
merkingu þess orðs. Sérhver karl-
maður verður að byggja upp á
mörgum árum þá kynímynd sem
karlmannlegt stolt og sjálfstraust
standa á. Margt getur fariö úr-
skeiðis í þeirri uppbyggingu. Oft
koma stórir brestir í grunninn sem
sjálfsmyndin hvílir á. Afleiðingar
verða þær að karlmaður getur ver-
ið sem klipptur af síðum blaðs lík-
amsræktarmanna en hefur aðeins
örþunna skel karlmennsku í kring-
um sig. Bak við skurnina er lítill
drengur rammvilltur í völundar-
húsi kynferðis og kynímyndar. All-
ur efi eða athugasemdir varðandi
kynhlutverk þessa litla pilts gera
hann ákaflega óöruggan og full-
komlega varnarlausan.
Brothætt sálartetur
Margt bendir til þess karlar séu
verr undir lífið búnir til sálarinnar
en konur. Drengjum er mun hætt-
ara við alls konar andlegum og fé-
lagslegum erfiðleikum en stúlkum,
s.s. stami, martröðum, næturmigu,
ofvirkni, hegðunarvanda og náms-
erfiðleikum. Á fullorðinsárum
þjást karlar oftar en konur af
margs konar persónuleikaröskun,
ofsóknaræði, geðklofa og kynferð-
islegum öfuguggahætti. í enda-
lausri leit karla að sjálfum sér er
þeim mun hættar við alkóhólisma,
eiturlyfjaneyslu, spilafíkn og sjálfs-
morðum en konum. Karlmenn
leggjast fremur í andfélagslega
hegðun, glæpastarfsemi og ofbeldi
en konur. Ýmsir streitusjúkdómar,
eins og hjartaslag, leggja fleiri
karla en konur að velli. Margir
karlar þurfa stöðugt á konu að
halda líkt og öryggisneti í hring-
leikahúsi mannlegrar tilveru.
Þrisvar sinnum meiri líkur eru á
því að nýskildir karlar deyi skyndi-
lega en konur skömmu eftir skiln-
að. Um 40% meiri líkur eru á því
að ekklar fái hjartaslag en aðrir
karlar á sama aldri. Sjálfsmorðst-
A laáknavaktmni
íðni piparsveina er mun hærri en
ógiftra kvenna. Karlmanni sem
nýlega hefur misst móður sína er
mun hættara við sjálfmorði en öðr-
um. Þetta sýnir að karlar eru ákaf-
lega háðir félagsskap við konur og
geta ekki án þeirra verið. Einstæð-
um konum vegnar í raun mun bet-
ur enda virðast þær sjálfum sér
nægar.
Minnkandi
völd og áhrif
Sumir karlar verða í sífellu aö
standa vörð um eigin kynímynd og
leika töffara eða kalda kalla til að
sýnast einhvers virði. Yfirburðir
karla í valdakerfi þjóðfélagsins
hafa verið mörgum trygging og
staðfesting eigin karlmennsku. Það
er Nökkva lækni mikið umhugsun-
arefni hvaða afleiðingar það hafi á
karlmannsímynd komandi kyn-
slóða þegar meirihluti þingmanna
og ráðherra verður konur. Þá er
hætt við að geðrænum einkennum
karla fjölgi enn frekar og æ stærri
brestir komi í karlmennskuske-
lina. í raun bendir flest til þess að
konur séu hið sterka kyn. Það er
svo aftur snjallt herbragð að segj-
ast vera eitthvað allt annað og
sækja fram meðan karlmenn ugga
ekki að sér í skjóli ímyndaðra yfir-
burða sinna.
Uppboð
Eftirtaldar bifreiðir verða boðnar upp að Dalvegi 7 (áhaldahúsi Kópavogs-
kaupstaðar) laugardaginn 8. apríl 1995 kl. 13.30.
FX-485, GI-090, GZ-048, HH-533, HK-984, HN-366, HO-445, IP-952,
IV-530, JÖ-633, LG-047, KS-964, HY-475.
Einnig verður seld Nikon myndavél og skuldabréf útg. 23.1.1990, upphaf-
lega að fjárhæð kr. 110.000.
Greiðsla við hamarshögg. Ávísanir aðeins teknar gildar með samþykki gjald-
kera.
Sýslumaðurinn i Kópavogi
7. apríl 1995
Leikskólar Reykjavíkurborgar
Leikskólastjórar
Stöður leikskólastjóra við leikskólana Fálkaborg við
Fálkabakka og Efrihlíð við Stigahlíð eru lausar til
umsóknar.
Umsóknarfrestur er til 18. apríl nk.
Leikskólakennaramenntun áskilin.
Nánari upplýsingar gefur Bergur Felixson fram-
kvæmdastjóri í síma 552-7277.
Dagvist barna
Hafnarhúsinu, Tryggvagötu 17, sími 552-7277
OTVIRÆÐIR
YFIRBURÐIR
í TÆKNI
ST1LL OG GLÆSILEIKI
Meistaramót Reykjavíkur
Dorgveiði
Á Reynisvatni í Reykjavík er hafið meistaramót
Reykjavíkur í dorgveiði. Mótið er opið öllum lands-
mönnum og eru glæsileg verðlaun í boði.
1. verðlaun: Veiði og viðlegubúnaðurfrá Seglagerð-
inni Ægi ásamt áletrun með nafni vinn-
ingshafa á glæsilegan farandbikar.
2. verðlaun: Flugustöng með hjóli, ásamtflugukast-
kennslu.
3. verðlaun: Kvöldverðurfyrirtvoáveitingastaðnum
Við Tjörnina.
Verðlaunin eru veitt fyrir stærstu fiska sem veiddir
verða í vetur í dorgveiði.
Opið er alla virka daga þegar veður leyfir frá kl.
13.00-19.00 og um helgar frá kl. 10.00-19.00.
Veiðileyfið kostar kr. 2.000 og eru fimm fiskar inni-
faldir I veiðileyfinu.
Veiðimenn fá inneignarnótu nái þeir ekki að klára
veiðikvótann þann dag sem veiði hefst og gildir hún
þar til kvótinn, 5 fiskar, er tæmdur.
Mótinu lýkur um leið og ís tekur af vatninu.
Reynisvatn