Þjóðviljinn - 20.08.1972, Blaðsíða 5

■ •.
Sunnudagur 20. ágúst 1972 ÞJODVILJINN — SIÐA 5.
Sjónvarpið
vinnur að
I kvikmyndun
1 leikrits Jónasar
I Arnasonar
Lási fjósamaður hefur akveðið að flytjast burt óg er á leiðinni með dót sitt i mjólkurbilinn.
Þaö var mikið um að
vera hjá Katrínarkoti og
Hausastöðum á Álfta-
nesi einn daginn i vik-
unni þegar okkur bar þar
að garði. Þarna var
mættur heill hópur frá
sjónvarpinu til þess að
mynda leikrit Jónasar
Árnasonar, ,,Táp og
fjör", sem eitt sinn var
sýnt i Iðnó. Því miður
gekk heldur skrykkjótt
hjá hópnum að mynda
vegna veðurs. Það rigndi
mikið af og til, en það er
ekki gert ráð fyrir að
rigning sé þegar leikritið
fer fram, auk þess sem
það gerist allt á einum
degi og búið er að mynda
hluta ígóðu veðri, þá má
ekki allt vera orðið
blautt af regni 5 mínút-
um siðar. En nóg um
það, við snerum okkur
„Ég er haldinn sjúklegri skemindarfýsn”, segir Mikki töffari
(Arni Blandon). „Einmitt þaö, já”. Lási fjósamaður (Bessi
Bjarnason).
að leikstjóranum.
Magnúsi Jónssyni, í
einni rigningarhrinunni
og spjölluðum við hann
stundarkorn.
— Jæja, þetta gengur ekki
of vel. Veðrið er að angra okk-
ur einsog þú sérð, og við höf-
um orðið fyrir nokkrum töfum
þess vegna. Upptakan er
svona 4ra daga vinna, og við
erum þegar búin að vinna einn
dag, og ef veðrið skánar, þá
fer þetta nú að ganga.
— Fellur þetta leikrit vel að
sjónvarpsmyndagerð?
— Já, alveg sérstaklega.
Það gerist allt utanhúss, svo
það hlýtur eiginlega að falla
betur til sjónvarpmyndagerð-
ar en leikhússflutnings. bað
má i þvi efni nefna, að það
sem hægt er að sýna með
myndavélinni verður oft að
koma orðum að i leikhúsflutn-
ingnum, einmitt vegna þess að
það gerist utanhúss.
— Hvað eru mörg hlutverk i
myndinni?
— Þau eru fimm. Aðalhlut-
verkið, Lási fjósamaður,
verður leikið af Bessa Bjarna-
syni. Ebbi bróðir hans verður
leikinn af Baldvin Halldórs-
syni. Jana kona Ebba er leikin
af Margréti Guðmundsdóttur,
og Mikki töffari er leikinn af
Árna Blandon, ungum og upp-
rennandi leikara; og loks er
það svo mjólkurbilstjórinn,
sem Jón Sigurbjörnsson leik-
ur. Þetta er eins og þú sérð
hópur úrvals leikara, og ég
vona að myndin takist eins vel
og efnið gefur tilefni til, en það
er mjög gott. Alveg bráð-
skemmtilegt, eins og þeir ef-
laust muna sem sáu leikinn i
Iðnó á sinum tima.
— Hvað eruð þið búin að æfa
þetta stykki lengi?
— Við byrjuðum æfingar
uppúr miðjum júli, og það hef-
ur verið æft stift siðan og
gengið mjög vel.
— Ekki eru þetta nú sömu
leikarar og léku i leikritinu
þegar það var sett upp i Iðnó?
— Neþþað er bara einn með
núna sem lék i þvi þá, það er
Jón Sigurbjörnsson.
— Veiztuhvenær sjónvarpið
ætlar að sýna þessa mynd?
— Nei, mér er nú ekki kunn-
ugt um það; ég hef þó grun um
að það verði i haust frekar en i
vetur.
— Þurfti ekki að breyta
handritinu eitthvað fyrir
myndatökuna frá þvi sem var
á sviðinu?
— Jú, dálitið þurfti að
breyta, og eins styttist það
nokkuð. Það er meira sam-
þjappað en áður. Og eins kem-
ur hér til þetta sem ég nefndi
áðan, að með myndavélinni er
hægt að sýna svo margt sem
segja þurfti á sviðinu. Við höf-
um unnið að þessar breytingu
isamráði viðhöfundinn, Jónas
Árnason, leikararnir og ég.
— Þetta er gamanleikrit er
ekki svo?
— Jú, það er rétt og það
meira að segja bráðfyndið,
enda eftir Jónas.
Nú stytti snögglega upp, og
þar með var leikstjórinn
Magnús Jónsson rokinn til,
enda var hver þurr stund not-
uð til myndatöku. Við stöldr-
uðum aðeins við og tókum
myndir og fylgdumst með
upptökunni.
Vissulega er þetta gaman-
leikur, og ég held að það sé al-
veg óhætt að lofa sjónvarps-
áhorfendum þvi, að þeir fá
Frh. á bls. 15
Magnús Jónsson, leikstjóri.
Mikki töffari er leikinn af
Arna Blandon.