Þjóðviljinn - 21.05.1974, Side 5
Þriöjudagur 21. mai 1974. ÞJÓÐVILJINN — SIÐA 5
Hörð átök um þingsœtin:
Sparkar Albert
Ellert í Reykjavík?
i þessari viku eru
stjórnmálaf lokkarnir að
ganga frá framboðsiist-
um til alþingiskosninga,
en framboðsf restur
rennur út að kvöldi 29.
maí. Víða er nú hart
deilt i kjörnefndum og á
kjördæmaþingum, og
komast færri að í vonar-
sæti en vilja. Erfitt er
hins vegar að afla
öruggra upplýsinga því
frá „kærleiks-
heimilum" stjórnmála-
flokkanna koma sögurn-
ar í mörgum útgáfum,
allt eftir því við hvaða
deiluaðila er rætt.
Mjög óljósar fréttir berast
frá krötum, þvi eigi vita þeir
svo gjörla, hverjir vilja stiga i
vænginn viö þá. Þegar sam-
einingarmáliö var enn viö lýöi
þá á gamall flokksmaður að
hafa sagt við Gylfa: „Okkur
vantar ekki frambjóðendur
heldur atkvæöi”, en nú mun
eitthvað hafa dregið úr lið-
styrk frá SFV, svo krata-
broddarnir geta haldið áfram
að bitast um sætin. 1 Reykja-
neskjördæmi eru haröar deil-
ur og á fundi um helgina mun
Jón Armann Héðinsson hafa
haldið velli i fyrsta sæti. I
annað sæti kom Kjartan Jó-
hannsson verkfræðingur og
siðan Karl Steinar Guönason
úr Keflavik i þriðja. Sá sem
var i öðru og var landskjörinn,
Stefán Gunnlaugsson, hafnaði
i f jórða sæti. Tók hann þvi ílla
að hafna svo neöarlega og
Karl Steinar mun hafa lýst
yfir að ekki dygði að bjóða sér
minna en fyrsta eða annað
sætið.
Ihaldið i Reykjanesi mun
hins vegar troða upp með
óbreyttan lista hvað fyrstu
þrjú sætin snertir þ.e. Matt-
hias, Oddur og ólafur, en i
fjórða sæti er talað um tvituga
skipherradóttur Guðfinnu
Helgadóttur, en Axel Jónsson
sem var i þvi sæti hættir. En
þó sagt sé að kjörnefnd hafi
ákveðið þetta, munu þó ein-
hver átök eftir á kjördæmis-
þingi, þvi Suðurnesjamenn
telja sig illa afskipta.
Hjá framsókn deila þeir Jón
Skaftason og Hannes blaða-
fulltrúi Jónsson, og mun hinn
siðarnefndi reyna að hrekja
Jón úr sætinu, en óvist hvort
Hannes vill taka við þvi sjálf-
ur ef vinnst, eða hvort aðrir
séu einnig um hituna.
Tekur Albert sæti Ellerts?
Albert í baráttu
I Reykjavik berst Albert
harðri baráttu fyrir öruggu
sæti, eins og vegfarendur i
höfuðborginni hafa áþreifan-
lega orðið varir við. Ellert
knattspyrnumaður óttast
mjög þessa samkeppni á
vellinum og mun hafa hætt við
að fara utan með unglinga-
landsliðinu af ótta við að
Albert sparkaði sér af lista á
meðan. Þá er enn óljóst hvort
nægilega mörg sæti losni á
listanum til að leysa þessar
framboðsraunir. Guðmundur
H. Garðarsson mun enn einu
sinni kominn af stað og telur
sig hafa beðið fullan biðtfma.
Þá eru ýmsir illir út af þvi að
ekkert prófkjör skuli hafa ver-
ið.
Framsóknarmenn i Reykja-
vik gátu ekki losað um á sín-
um lista meö þvi að flytja Ein-
ar Agústson á Suðurland, þvi
þar mun ákveðið að Þórarinn
Sigurjónsson á Laugardælum
verði i fyrsta sæti, Jón R.
Hjálmarsson i öðru, Jón
Helgason f Seglbúðum i þriðja
og Páll Zophaniasson i Vest-
mannaeyjum i fjórða. Hins
vegar hafa heyrst raddir um
það, að búið sé að sparka
TómasiKarlssyniaf listanum i
Reykjavik, en sjálfur lýsir
hann þvi yfir að hann sé i
framboði.
Þorði ekki utan.
Af Austurlandi berast þær
fréttir frá framsóknarmönn-
um að Vilhjálmur á Brekku
verði i fyrsta sæti, Tómas
Arnason i öðru og Halldór Ás-
grimsson i þriðja, hins vegar
fékk Kristján Ingólfsson sem
var i fimmta sæti ekki
stuðning. Þá munu nokkuð
mikil átök hjá ihaldsmönn-
um, sem gjarnan vilja losna
við Sverri Hermannsson, sem
þeir telja vera búinn að tala
nógu lengi á Alþingi i bráð.
Þá er ljóst, að Samtökin og
Möðruvallahreyfingin stefna
að sameiginlegum fram-
boðum sem viðast, en litið
farið að ræða um frambjóð-
endur. Þá er og litið vitað
hvort Hannibal, Björn og Kar-
vel nái pólitisku landi hjá
krötum eða hvort þeir verða
einir á reki i hafróti alþingis-
kosninganna.
strikaður út
Alfreð
Illa horfir nú með framboð
Alfreðs Þorsteinssonar, sem
skipar annað sætið á lista Fram-
sóknarflokksins i Reykjavik.
Alfreð, sem var i fjórða sæti i
siðustu borgarstjórnarkosningum
og þvi varamaður i borgarstjórn,
komst upp i annað sætið við það
að Einar Agústsson, utanrikis-
ráðherra,fór úr borgarstjórn.
Nú finnst mörgum framsóknar-
mönnum undarlegt, að hinn sér-
kennilegi stjórnmálamaður, Al-
freð Þorsteinsson, skuli þannig
næsta fyrirhafnarlitið lenda i
öðru sæti.
Þjóðviljinn hefur fregnað, að til
standi að strika nafn Alfreðs
Þorsteinssonar skipulega af
atkvæðaseðlum þeim sem kross
fá við B.
Alfreð verður víst tæplega tal
inn vinsæll maður innan Fram-
sóknarflokksins. Hann er einhver
dyggasti fylgisveinn Tómasar
Karlssonar og töskuberi Kristins
Finnbogasonar, framkvæmda-
stjóra Timans,— en Kristin kalla
ungir framsóknarmenn og
möðruvellingar fjárglæframann
af verstu tegund.
Alfreð hefur heldur ekki verið
vandur að meðölum við að ota
sinum tota innan flokksins —
þykjast margir eiga um sárt að
binda eftir óprúðmannlega fram-
komu iþróttafréttaritarans og
Tómasar Karlssonar — en þeir
tveir eru mest áberandi af Varð-
bergs- og varins-lands-liðinu
innan Framsóknarflokksins.
Flokksbundnir framsóknar-
menn hafa nú um hrið unnið að
þvi að fá fólk til að strika nafn Al-
freðs út af atkvæðaseðlum sinum
— eða þá að sitja heima á kjör-
dag.
Hvernig sem útstrikanaher-
ferðin tekst, þá mun ljóst, að
framboð Alfreðs kemur sér vel
fyrir möðruvellinga, sem nú taka
til sin æ fleiri kjósendur Fram-
sóknarflokksins.
Nýr umboðsmaður
í Kópavogi
Hólmfriður Jónsdóttir og Þórmundur Hjálm-
týsson Bræðratungu 7.Simi 42073.
Æskilegt að kvartanir hafi borist fyrir kl. 11,
svo að þær verði afgreiddar milli kl. 11 og 13.
Þjóðviljinn
Myndlistaklúbbur Seltjarnarness opnaði i gær málverkasýningu í
félagsheimili kaupstaðarins. Myndina tók Sdór i gær af fólkinu,
sem á myndir á sýningunni.
Reglur um
innflutning
I fréttatilkynningu frá við-
skiptaráðuneytinu segir: ,,að
vegna gjaldeyrisástandsins hafi
rikisstjórnin ákveðið i samráði
við Seðlabankann að setja það
skilyrði fyrir gjaldeyrissölu
vegna innflutnings, að innflytj-
andi greiði til banka 25% umfram
andvirði vörúnnar. Verði inn-
borgun þessi bundin i 90 daga i
Seðlabankanum, en endurgreiðist
siðan innflytjanda með 3%
vöxtum. Ýmsar mikilvægar
rekstrarvörur og hráefni verða
undanþegnar þessu skilyrði. Inn-
borgunarreglur þessar taka gildi
frá og með 20. mai og gilda til
septemberloka.”
Ætla má að ráðstafanir þessar
séu gerðar til að draga fé úr
umferð i þeim tilgangi að minnka
þenslu og skefjalausan inn-
flutning. Td. munu um 3.500 bilar
hafa verið fluttir inn fyrstu þrjá
mánuði ársins, Samkvæmt
þessum innborgunarreglum ber
t.d. bilainnflytjendum að greiða
25% umfram andvirði hvers bils
tilbanka og láta það fé standa i 90
daga. Ákvörðun þessi er einn
liðurinn i yfirlýstri stefnu rikis-
stjórnarinnar um viðnám við
verðbólgu.
28 félög sóttu
ii ni tryggingaleyfi
Samkvæmt lögum sem sett
voru i vetur um starfsemi
tryggingafélaga bar öllum þeim
sem stunda vilja þá iðju aö sækja
um leyfi til þess fyrir 1. mars sl.
Tryggingaeftirlitiö fjallar svo um
umsóknirnar og hefur frest til 1.
september til að skila áliti.
Erlendur Lárusson hjá
Tryggingaeftirlitinu tjáði blaðinu
að alls hefðu eftirlitinu borist 28
umsóknir. Er það nokkur fækkun
frá þvi sem fyrir er því i greinar-
gerð meö lagafrumvarpinu voru
taldir upp um 45 aðilar sem að
undanförnu hafa annast
tryggingasölu i landinu. Af þeim
væru þó nokkrir sem i reynd hafa
lagt niður starfsemi sina.
Af þeim 28 sem sóttu um leyfi er
um helmingur félög sem þegar
starfa i samræmi við nýju lögin
og hlotið hafa viðurkenningu.
—ÞH
Alþýðubandalagið
G-listinn Kópavogi
Listi Alþýðubandalagsins, G-listann, vantar fólk til starfa fram að
kjördag og á kjördag. Hafið samband við kosningaskrifstofuna i
Þinghól,simi 41746.
Alþýðubandalagið Suðurlandi
Fundur verður haldinn i kjördæmisráði Alþýðubandalagsins i Suður-
landskjördæmi fimmtudaginn 23. mai i Þóristúni 1 Selfossi og hefst kl
14.
DAGSKRA:
1. Tekin ákvörðun um framboöslista tilalingiskosninga 30. júni n.k.
2. önnur mál.
Alþýðubandalagið Reykjaneskjördæmi
Fundur verður haldinn i kjördæmisráði Alþýðubandalagsir.s i Reykja-
neskjördæmi n.k. fimmtudag að Hlégarði i Mosfellssveit. Fundurinn
hefst kl. 3 e.h.
DAGSKRA:
1. Ákvörðun um framboð til alþingiskosninga 30. júni. 2. önnur mál.
Fulltrúar i kjördæmisráðinu eru hvattir til að sækja fundinn.-Stjórnin.
Kjörskrá til
alþingiskosninga
á Selfossi
sem fram eiga að fara 30. júni n.k. liggur
frammi almenningi til sýnis á skrifstofu
Selfosshrepps Eyrarvegi 8, Selfossi frá 16.
mai til 8. júni n.k. frá kl. 10-12 og 13-16
mánudaga til föstudaga. Kærur yfir kjör-
skránni skulu berast skrifstofu sveitar-
stjóra eigi siðar en 8. júni n.k.
16. mai 1974,
Sveitarstjóri Selfosshrepps.