Þjóðviljinn - 21.09.1982, Blaðsíða 7

Þriðjudagur 21. sqptember 1982 ÞJÓÐVILJINN — SIÐA 7
Fjöldamorðin í Beirút:
Verk kristmna falangista
en ábyrgðin ísraelsmanna
Sumarið bar um heiminn
samfelldan flaum ótíðinda af
innrásarstríðinu í Líbanon og
nú hafa fregnir borist sem eru
verri en allt sem á undan var
komið. Rétt fyrir helgi voru
framin svívirðileg fjöldamorð
á mörg hundruð varnarlausra
manna í flóttamannabúðum
Palestínumanna í vesturhluta
Beirút, sem Israelsher hafði
hertekið nokkru fyrr. Kristnir
falangistar voru þar að verki,
en það fer ekki á milli mála, að
atburðirnir skrifast á reikning
ísraelsku herstjórnarinnar -
nú síðast í gærmorgun stað-
festu ísraelsk blöð, að ísra-
elskir hermenn hefðu leyft
hinum kristnu fasistum að
fara inn í búðirnar.
ísraelar höfðu reynt að neita
því, að þeir hafi leyft vopnuðum
falangistum að halda inn í flótta-
mannabúðirnar og þeir sendu, að
því er fregnir herma, menn á vet-
tvang til að stöðva blóðbaðið.
Það er reyndar ólíklegt, að ísra-
elskir ráðamenn hafi viljað að
slíkir atburðir gerist - þetta er
ekki sagt vegna oftrúar á mannúð
þeirra, heldur vegna þess að þeir
vita vel hvað fjöldamorð í
Vestur-Beirút svo til fyrir framan
ísraelsher á leið inn í Vestur Beirút: öll grið voru rofin.
augu sjónvarpsvéla alþjóðlegra
fréttastofnana þýða. Líklegt er,
að ísraelskt umsáturslið hafi leyft
kristnum vopnuðum sveitum að
fara inn í búðirnar undir því yfir-
skini að þeir væru að „leita að
vopnuðum mönnum“ svo nefnt
sé orðalag sem líka hefur skotið
upp kolli í fréttum. En hvernig
sem þau atvik urðu í smáatriðum
er hitt víst, að ekkert mun afsaka
ísraelska ráðamenn í þessu máli.
Þeir höfðu sent her sinn fyrir
nokkrum dögum inn í Vestur-
Beirút undir því yfirskini, að þeir
ætluðu að halda uppi friði og
koma í veg fyrir blóðbað í kjölfar
þess, að skjólstæðingur ísraels-
manna Gemayei, nýkjörinn for-
seti Líbanons, var myrtur fyrir
rúmri viku. Og þeir höfðu, eins
og allir vita, vikum saman látið
eldi rigna yfir Beirút til að fylgja
eftir þeirri kröfu sinni, að allir
vopnaðir menn í liði Palestínuar-
aba yrðu á brott þaðan.
Arafat, og aðrir leiðtogar
PLO, reyndu á sínum tíma að
semja um að Palestínumenn
skildu eftir nokkurn hluta hers
síns í Beirút og vísuðu m.a. til
þess að vopnaðar sveitir Palest-
ínumanna hafa ekki síst haft því
hlutverki að gegna að vernda
konur, börn og gamalmenni fyrir
ofsóknum og morðum. Og það
sem í Beirút gerðist fyrir helgi er
staðfesting á því að það var og
hefur verið full ástæða til að ótt-
ast um þetta fólk - ekki síst fyrir
einkaherjum kristinna maróníta,
svonefndra falangista, sem taka
reyndar nafn sitt eftir fasistasam-
tökum Francos á Spáni. ísraelar
hafa veitt falangistum, sem og liði
hins kristna majórs Haddads
margskonar stuðning, pólitískan
og hernaðarlegan og báru í því
ástandi sem skapast hafði í
Beirút, fulla ábyrgð á lífi og lim-
um þeirra varnarlausu Palestínu-
manna sem þar voru eftir skildir.
Þessu gera margir sér grein
fyrir í ísrael sjálfu. I forystugrein
í Jerusalem Post í gær segir t.d. á
þá leið að „sektin og smánin hvíl-
ir á okkur“... „Hvorki herinn né
ríkisstjórnin geta gefið sér synd-
akvittun með því að þykjast ekk-
ert hafa vitað né með því að ásaka
aðra“.
Fordæming
Fordæmingin á fjöldamorðun-
um er víðtæk og almenn um allan
heim. Inn í hana koma svo til-
lögur og kröfur Arabaríkja og
Sovétríkjanna um brottför ísra-
elshers frá Líbanon og endur-
heimt hernumdu svæðanna úr
hans höndum. Frelsissamtök Pal-
estínumanna, PLO, og ýmis Ar-
abaríki, vilja einnig kalla Banda-
ríkjamenn til ábyrgðar á því sem
gerst hefur - með tilvísun til þess
að Bandaríkjamenn höfðu aðal-
hlutverki að gegna í því að knýja
fram samninga um brottför Pal-
estínusveita frá Beirút. Einnig
vegna þess, að í því efni (að eyði-
leggja styrk PLO í Líbanon) voru
bandarísk stjórnvöld vafalausjt á
sama máli og þau ísraelsku. ÁB
Svíþjóð
Vinstri
sigur
Olof Palme næsti forsœtisráðherra
Olof Palme, sigurvegarinn í sænsku kosningunum, teiknaður sem róm-
verskur keisari af Steve Mendelson hjá Washington Post.
Sex ára valdatíma borgara-
flokkanna í Svíþjóð lauk í gær
með kosningasigri
Jafnaðarmanna: flokkur Olofs
Palme hlaut tæp 46% atkvæða
og 166 þingsæti á meðan
borgaraflokkarnir hlutu
samanlagt 163 þingsæti. Olof
Palme kemur því til með að
mynda hreina stjórn
Jafnaðarmanna er njóta mun
stuðnings Kommúnistaflokks-
ins, VPK, sem hlaut 5,5%
atkvæða og 20 þingsæti.
Sigur Jafnaðarmanna sýnir að
sænskir kjósendur treysta þeim
betur til þess að bregðast við vanda
efnahagskreppunnar en borgara-
flokkunum. Það sem trúlega hefur
vegið þyngst í kosningunum er vax-
andi atvinnuleysi í Svíþjóð og sá
niðurskurður, sem stjórn borgar-
aflokkanna hafði beitt á hið félags-
lega tryggingakerfi, sem hefur ein-
kennt sænska velferðarþjóðfé-
lagið. Einnig voru hugmyndir Jafn-
aðarmanna um launþegasjóði
mjög í sviðsljósinu, en samkvæmt
þeim hugmyndum átti að mynda
sterka sjóði með skattlagningu á
umframgróða og með launaskatti
er síðan yrðu notaðir til að verka
gegn kreppunni með fjárfestingum
er sköpuðu fleiri atvinnutækifæri.
Sænskir atvinnurekendur hafa
undanfarna mánuði stýrt mikilli
auglýsingarherferð gegn þessum
hugmyndum, og er talið að þeir
hafi veitt til hennar um 100 miljón-
um sænskra króna. Herferðin virð-
ist hafa skilað nokkrum árangri,
því samkvæmt skoðanakönnunum
virðist ekki vera meirihlutafylgi
fyrir þessum hugmyndum meðal
kjósenda Jafnaðarmanna, en borg-
araflokkunum hefur greinilega
mistekist að gera þetta að aðalmáli
kosninganna.
Atvinnuleysi
Jafnaðarmenn hétu því fyrir
kosningar að þeirra fyrsta verk í
ríkisstjórn yrði að taka upp barátt-
una gegn atvinnuleysinu, sem er
tæp 4% um þessar mundir auk all-
mikils dulins atvinnuleysis. Sett
verður upp sérstök fjárfestingará-
ætlun er miðar að því að skapa
aukin atvinnutækifæri í iðnaði og
byggingariðnaði. Þáhafa Jafnaðar-
menn hugmyndir um sérstakar við-
ræður við atvinnurekendur um
skiptingu á hagnaði með það fyrir
augum að taka hluta hagnaðarins í
sérstakan fjárfestingarsjóð til
eflingar atvinnulífinu. Ekki hefur
verið ákveðið hvenær hugmynd-
inni um launþegasjóðina verður
hrint í framkvæmd, en bæði Ulf
Adelson, formaður Hægri flokks-
ins og nokkrir stór-
atvinnurekendur hafa lýst því yfir,
að þeir séu ekki til viðtals um
launþegasjóði í einni eða annarri
mynd.
Tryggingakerfið
Innan almannatryggingakerfis-
ins hafa Jafnaðarmenn gefið lof-
orð: greiðsla sjúkradagpeninga á
að koma til fyrr en áður, atvinnu-
leysisbætur skulu hækkaðar, líf-
eyrir á aftur að verða verðtryggður
og framlag ríkisins til barnagæslu
sveitarfélaganna verður hækkað í
sama hlutfall og það var fyrir tíð
stjórnar borgaraflokkanna. Tekna
til þessara atriða ætla Jafnaðar-
menn að afla með því að hækka
virðisaukaskattinn um 2% og með
því að hækka sérstakan atvinnu-
rekendaskatt um 0.5%. Barn-
mörgum fjölskyldum verður bætt
fyrir þessa hækkun á virðisaukask-
attinum með auknum barna-
bótum.
Fjárfestingar
Jafnaðarmenn hyggjast koma
sænsku efnahagslífi upp úr öldu-
dalnum með opinberum fjárfest-
ingum. Þeirhafagert sérstaka áætl-
un um fjárfestingar í samgöngum,
orkuframleiðslu, íbúðarbygging-
um, rannsóknum og umhverfis-
vernd, og hyggjast verja til þessara
mála 2 miljörðum s.kr. Reiknað er
með að þessar fjárfestingar muni
skapa 30-40 þús. atvinnutækifæri á
næstu 3 árum.
Þessi fögru áform gætu þó að
einhverju leyti strandað á þeim
mikla halla sem er á fjárlögum
ríkisins, en sanikvæmt spá ríkis-
endurskoðunarinnar er gert ráð
fyrir að útgjöld ríkisins á þessu ári
fari 78 miljarða s.kr. fram yfir tekj-
ur og er það met í sögu sænska
ríkiskassans. Taliö er að loforð
Jafnaðarmanna muni auka á þenn-
an halla um 10 miljarða á næsta ári
ef ekkert verði að gert, en Jafnað-
armenn halda því fram að með
auknum hagvexti munu skatttekj-
ur ríkisins sjálfkrafa hækka og mis-
muninn ntuni þeir síðan taka með
því að afnema ýmis þau forréttindi
sem stjórn borgaraflokkanna veitti
stóreignamönnum og atvinnurek-
endum á stjórnartíma sínum.
Afstaða
kommúnista
Kommúnistaflokkurinn, VPK,
sem hélt sínu fylgi og náði mun
betri árangri í kosningunum en
spáð hafði verið, hefur gagnrýnt
áform Jafnaðarmanna um hækkun
á virðisaukaskattinum og jafn-
framt haft uppi kröfuna um að
virðisaukaskattur verði afnuminn á
matvörum. Ólíklegt þykir þó að
Kommúnistaflokkurinn vinni að
falli stjórnar Jafnaðarmanna.
Kommúnistar hafa lýst sig fylgj-
andi hugmyndinni um launþega-
sjóði. Þeir vilja að í stjórn sjóðanna
verði kosið með almennum kosn-
ingum, og að þeir verði notaðir til
þess að koma atvinnulífinu undir
félagslega stjórn.
Þótt Olof Palme taki ekki við
blómlegu búi úr hendi Thorbjörns
Falldins, þá er þessi sigur vinstri-
manna í Svíþjóð gleðileg tíðindi á
tímum þegar borgaraflokkarnir
hafa náð völdum í Danmörku og
Noregi og hægri öflin Cru að ná
völdum í V-Þýskalandi.