Þjóðviljinn - 07.10.1982, Blaðsíða 10

10 SIÐA — ÞJÓÐVILJINN Fimmtudagur 7. október 1982
Kjördæmisráðstefna Aiþýðubandalagsins á Vestfjörðum:
Kjarajöfnun — Mlnni sóun
— Traustara atvinnulíf —
Það er svarið við
alþjóðlegri efnahagskreppu
Frá kjördæmisráðstefnunni að Reykjánesi: Kjartan Ólafsson, ritstjóri í ræðustól; séra Baldur Vilhelmsson, í
Vatnsflrði, Guðvarður Kjartansson, Flateyri, fráfarandi formaður kjördæmisráðs, og Kristinn H. Gunn-
arsson, Bolungarvík, sem kjörinn var formaður kjördæmisráðs næsta árið.
Fyrir nokkru var kjördæmisráð-
stefna Alþýðubandalagsins á Vest-
fjörðum haldin í Reykjanesi við
Isafjarðardjúp.
Margar álvklanir voru sam-
þykktar og kjörin ný stjórn kjör-
dæmisráðsins. Stjórnina skipa:
Kristinn H. Gunnarsson, Bolung-
arvík, formaður, Elín Magnfreðs-
dóttir ísafirði, Gísli Skarphéð-
insson, ísaRrði, Finnbogi Her-
mannsson, ísafírði og Gunnar Sig-
urðsson, Bolungarvík. Varamenn í
stjórnina voru kjörin: Lára Jóns-
dóttir, Bolungarvík, Svanhildur
þórðardóttir, ísafírði, Guðmund-
ur Skúli Bragason, ísafirði, Jón
Baldvin Hannesson, ísafírði og
Baidur Vilhelmsson, Vatnsfírði.
Fráfarandi formaður kjördæm-
isráðsins, Guðvarður Kjartansson,
Flateyri, og þau sem með honum
sátu í stjórn höfðu gegnt störfum í
þrjú kjörtímabil og máttu því ekki
taka endurkjöri samkvæmt fíokks-
lögum Alþýðubandalagsins. - Hér
fer á eftir stjórnmálaályktun
ráðstefnunnar:
Á því ári sem nú er að líða hefur
þjóðarbúskapur okkar íslendinga
orðið fyrir alvariegri áföllum en við
höfum átt að mæta um langt skeið.
Þorskafli var á fyrri hluta ársins um
fjórðungi minni en sömu mánuði á
síðasta ári. Loðnuafli er nánast
enginn á þessu ári og samdráttur í
heildarframleiðslu sjávarafurða
talinn verða 15-20%.
Þessi mikli framleiðslusam-
dráttur hjá okkar helsta atvinnu-
vegi væri einn út af fyrir sig býsna
alvarlegt mál, en hcr við bætast
ógnvænleg áhrif þeirrar hcims-
kreppu í efnahags- og atvinnulífi,
sem nú þegar hefur haft lamandi
áhrif á alla efnahagsþróun nálægra
ríkja og m.a. leitt til varanlegs
atvinnuleysis 30 milj manna. Hér
hjá okkur hafa áhrif kreppunnar
komið fram í mun takari viðskipta-
kjörum út á við síðustu 3-4 árin en
áður var, í mjög vaxandi
markaðsörðugleikum á ýmsum
sviðum okkar útflutnings nú á
þessu ári, og síðast en ekki síst í
stórkostlegri vaxtahækkun á okkar
erlendu skuldum.
Allt útlit er fyrir að tekjutap
þjóðarbús okkar muni á þessu ári
nema 20.000- - 30.000,- krónum á
sérhverja meðalfjölskyldu í
landinu.
Það er minna til skipta úr þjóðar-
búinu heldur en verið hefur á
undanförnum árum. Við slíkar að-
stæður skiptir höfuðmáli að gætt sé
sjónarmiðs kjarajöfnunar þegar
óhjákvæmilegum byrðum er jafn-
að niður. Kjördæmisráðstefnan
minnir á tillögur Alþýðubanda-
lagsins um tekjuöflun í sérstakan
kjarajöfnunarsjóð, sem síðan yrði
notaður m.a. til greiðslu láglauna-
bóta og til þess að greiða úr fjár-
hagsvanda þeirra sem byggja eða
kaupa íbúð í fyrsta sinn.
Ráöstefnan metur nokkurs þau
ákvæði í bráðabirgðalögum
ríkisstjórnarinnar, sem varða leng-
ingu orlofs og greiðslu láglauna-
bóta, en harmar að ekki skuli þar
gengið lengra í átt til kjarajöfnunar'
svo sem Alþýðubandalagið lagði
til.
Sjávarútvegsmál
Kjördæmisráðstefnan telur að
nú sé brýnni þörf en oftast áður á'
tilfærslu fjármuna frá gróða-
fyrirtækjum í verslun, viðskiptum
og margs konar þjónustu til
framleiðsluatvinnuveganna. í
þessum efnum skal minnt á marg-
þættar tillögur Alþýðubandalags-
ins og hvatt til áframhaldandi bar-
áttu fyrir þeim. Kjördæmisráð-
stefna Alþýðubandalagsmanna á
Vestfjörðum minnir á að þótt
sjávarafli dragist saman á þessu ári
þá verður sjávarútvegur um
ófyrirsjáanlega framtíð uppistaðan
í íslensku atvinnu- og efnahagslífi.
Ráðstefnan minnir á þá ómetan-
legu þýðingu sem útfærsla land-
helginnar og uppbygging fiskveiði-
flotans og vinnslustöðvanna á síð-
ustu 10-12 árum hefur haft.
Nú þarf að leggja megináherslu á
aukna hagkvæmni í veiðum og
vinnslu og alveg sérstaklega á
bætta meðferð og nýtingu aflans á
öllum stigum. Aukinni stjórnun sé
beitt í því skyni að tryggja fyrsta
flokks meðferð á hráefnr á öllum
vinnslustigum og til þess að koma í
veg fyrir að dýrmætir markaðir séu
settir í hættu vegna skorts á vöru-
vöndun.
Tæknivæðing á komandi árum
þarf að miða að því að vinnslan
skili hámarksafrakstri með sem
minnstum tilkostnaði og því að
fólkið sem við framleiðsluna vinn-
ur njóti aukinna frístunda, styttri
vinnutíma að óskertum tekjum.
Þess sé jafnan gætt að veiði úr
hverjum fiskistofni sé í samræmi
við vaxtargetu stofnsins.
Sjálfstæðismál
Alþýðubandalagsmenn á Vest-
fjörðum mótmæla þeim hug-
myndum sem komið hafa fram um
gífurlega aukin umsvif bandaríska
Natóhersins hér á landi.
Það er ljóst að núverandi áætl-
anir um byggingu flugstöðvar á
Keflavíkurflugvelli taka ekki mið
af þörfum íslendinga, heldur er
fyrst og fremst markmiðið að nýta
þessi mannvirki í þágu hersins í
stríðstímum, enda á fjármagnið að
koma þaðan. Þess er vænst að
stjórnvöld sjái að sér og endur-
skoði áætlanir þessar með það fyrir
augum að byggð verði ný flugstöð
sem henti íslendingum og með ís-
lensku fjármagni.
Benda má á að minni flugstöð
þjónar fyllilega þörfum íslendinga
og fyrir það fé sem þannig sparaðist
mætti gera ýmsar brýnar úrbætur á
flugvöllum um allt land.
Varað er eindregið við því að
bandaríski herinn fái aukið svæði
til umráða; sérstaklega þegar þetta
svæði býður upp á uppbyggingu
flotastöðvar í framtíðinni eins og
Helguvík gerir. Olíugeyma hersins
má endurnýja með öðrum hætti en
þeim að reisa risastóra olíubirgða-
stöð í Helguvík.
' Bent skal á að allt í kringum ís-
land eru kjarnorkukafbátar á
sveimi. Þessir kafbátar eru ógnun
við öryggi íslendinga. Fiskimiðum
okkar er ógnað af geislavirkum
efnum, sem borist geta frá kafbát-
um þessum. Lífi á landi og sjó er
ógnað af stöðugri árekstra- og
sprengihættu. Aukin umsvif hers-
ins hér auka umferð kafbátanna
við landið.
Ráðstefnan telur sjálfstæði og
öryggi íslensku þjóðarinnar ógnað
af veru bandaríska Natóhersins á
Miðnesheiði og leggur til að varn-
arsamningnum verði sagt upp og
íslendingar segi sig úr Nató.
Að sjálfstæði þjóðarin'har steðj
la fleiri hættur. Með tilkomu er-
lendra auðhringa inn í atvinnulíf
okkar er efnahagslegt sjálfstæði í 1
hættu. Reynsla Islendinga af auð-
hringnum Alususseætti að vera víti
til varnaðar í framtíðinni. Alþýðu-
bandalagið á Vestiýörðum styður
aðgerðir iðnaðarráðherra, Hjör-
leifs Guttormssonar, til að ná fram
úrbótum á samningum við Alu
susse. Auðhringurinn hefur þráast
við og bíður aúðsýnilega eftir nýj-
um ráðherra. Iðnaðarráðherra hef-
ur hins vegar sýnt mikla þolinmæði
og vandaðan málflutning og ætti
ríkisstjórnin því að geta fylgt því
því eftir með róttækum aðgerðum
eins og einhliða hækkun orkuverðs
til álversins í Straumsvík.
Kjördæmisráðstefnan lýsir yfir
eindregnum stuðningi sínum við
þær nýju friðarhreyfingar sem nú
eiga vaxandi fylgi að fagna víða í
heiminum.
Ráðstefnan lýsir yfir for-
dæmingu sinni á innrásarstríði
ísraelsmanna í Libanon, og bendir
á að vandamál Palestínumanna
verða ekki leyst með útrýmingu
heillar þjóðar, heldur á friðsam-
legan hátt, með samningum milli
PLO, samtaka landlausra Palest-
ínumanna, og ísraelsstjórnar.
Þá lýsir ráðstefnan yfir fullum
stuðningi við baráttu pólsku
verkalýðssamtakanna, Solidar-
nosc, og mótmælir harðlega of-
beldi pólsku herstjórnarinnar.
Atvinmi- og
byggðamál
Höfuðeinkenni atvinnulífs á
Vestfjörðum er einhæfni þess.
Fiskveiðar og fískvinnsla eru
undirstaða byggðar og atvinnulífs.
Enn sem komið er, er þó næg
atvinna í þessum greinum og þarf
jafnvel að flytja inn erlent vinnu-
afl. Þrátt fyrir gott atvinnuástand
er mikil tilfærsla á fólki. Einhæfni
atvinnulífsins veldur því að það
fólk sem ekki treystir sér til þess að
stunda þessa hörðu samkeppnis-
vinnu, á ekki annars kost en að
flytja brott til þeirra staða, sem
bjóða upp á fjölbreyttari atvinnu.
Með tilkomu vesturlínu mætti
ætla að skapaðist grundvöllur fyrir
ýmisskonar iðnrekstur, sem ekki
hefur verið um að ræða áður, má í
því sambandi nefna frekari full-
vinnslu ýmiss konar sjávarafla.
Enda þótt mikla tilfærslu á fólki
sé um að ræða í sjávarplássum á
Vestfjörðum er þó ekkert sem
bendir til verulegrar byggðarösk-
unar. Hins vegar vofir nú sú hætta
yfir sumum sveitum Vestfjarða,
þar sem bændur eiga í miklum
örðugleikum einkum við
ísafjarðardjúp og í Strandasýslu
norðanvérðri. Leggst þar á eitt
versnandi árferði, vandamál of-
framleiðslu og verðbólga og ekki
síst samgönguörðugleikar. Það er
því brýn nauðsyn að nýta hverja þá
möguleika, sem fyrir hendi eru til
að koma í veg fyrir byggðaeyðingu,
má í því sambandi nefna loðdýra-
rækt og hlunnindabúskap.
Aðgerðir stjórnvalda til lausnar
á vandamálum landbúnaðarins
verða að taka mið af tvennu. Ann-
ars vegar að samdráttur sauð-
fjárframleiðslunnar valdi ekki
byggðaröskun og hins vegar að
kjör þeirra lakast settu í bændastétt
verði ekki skert frá því sem nú er.
Til þess að ná þessum markmiðum
ber m.a. að styðja sérstaklega upp-
byggingu nýrra búgreina og loð-
dýraræktar sem virðist kjörin bú-
grein í vestfirskum byggðum.
Enn fremur verður að knýja á
um það að allir þeir sem við land-
búnað starfa njóti þeirra Iífskjara
sem eru sambærileg við það sem
gerist annars staðar í þjóðfélaginu,
bæði hvað varðar ráðstöf-
unartekjur og félagslega aðstöðu.
Enn á ný skal ítrekað hversu
góðar samgöngur eru þýðingar-
miklar fyrir dreifðar byggðir Vest-
fjarða. Breytt rekstrarfyrirkomu-
Skipaútgeraðar ríkisins er vissu-
lega til bóta og ber að fanga því.
Varðandi samgöngubætur á
landi brjóta arðsemisútreikningar
Vegagerðar ríkisins oft í bága við
byggðasjónarmið og byggða-
stefnu. Þess vegna ber að varast að
láta slíka útreikninga verða ein-
ráða við ákvörðun um röð fram-
kvæmda.
Að lokum skal minnst á mikil-
vægi flugsamgangna á Vest-
fjörðum og nauðsyn á bættri að-
stöðu við flugvelli m.a. með tilliti
til öryggis.
Bráðabirgðalögin
Kjördæmisráðstefna Alþýðu-
bandalagsins á Vestfjörðum hefur
fjallað um bráðabirgðalög og
stefnuyfirlýsingu ríkisstjórnar-
innar frá 21. ágúst s.l.
Ráðstefnan minnir á að Alþýðu-
bandalagið stóð að setningu þess-
ara bráðabirgðalaga í trausti þess
að þau fengju meirihlutastuðning á
Alþingi. Síðan hefur komið fram
að tvfsýnt virðist um nauðsynlegan
stuðning við lagasetninguna á
þingi.
I tilefni þess vill ráðstefnan
leggja áherslu á að úr því fáist
skorið hið fyrsta er Alþingi kemur
saman hvort meirihlutastuðningur
sé fyrir hendi. Ráðstefnan hvetur
til þess að allt Alþýðubandalags-
fólk hefji kosningaundirbúning nú
þegar og verði viðbúið alþingis-
kosningum hvenær sem er.“
Laus staða
heilsugæslulæknis
Laus er til umsóknar staða heilsugæslu-
læknis við Heilsugæslustöð Kópavogs frá og
með 1. janúar 1983.
Umsóknir ásamt ýtarlegum upplýsingum um
læknismenntun og lænknisstörf sendist
ráðuneytinu á þar til gerðum eyðublöðum
sem fást í ráðuneytinu og hjá landlækni fyrir
10. nóvember 1982.
Heilbrigðis- og tryggingamálaráðuneytið
5. október 1982.