Þjóðviljinn - 27.11.1982, Blaðsíða 17

Helgin 27.-28. nóvember 1982 ÞJÓÐVILJINN — SIÐA 17
o -g>- .
Minning
Einar Gíslason
Vorsabæ, Skeiðum
Ó, Drottinn, lát þú Ijóma
þitt Ijós í hverri sál
og hjörtun enduróma
þitt unaðsríka mál,
svo glöð og sœl við sjáum
að svip þinn berum vér,
í dag svo fundið fáum
þinn frið á jörðu hér.
(Jón í Garði).
Nú er hann Einar vinur minn
látinn. Ekki mun búsmalinn í
Vorsabæ njóta gegninga hans
framar.
Einar Gíslason var fæddur í Dal-
bæ Gaulverjahreppi 14. júní árið
1900. Ungur að árum varð hann að
flytjast að heiman til að sjá sjálfum
sér farborða eins og algengt var í þá
daga. Gerðist hann vinnumaður að
Fjalli á Skeiðum, en það er næsti
bær við Vorsabæ.
Þegar afi minn sálugi, Eiríkur
Jónsson hóf búskap að Vorsabæ ár-
lið 1916, réði hann Einar í vinnu-
'mennsku til sín árið eftir. Störfuðu
þeir saman alla búskapartíð afa og
ömmu. Mæddi þá umhirða búsins
oft mikið á Einari í fjarveru afa, er
hafði ærinn starfa við félags- og
sveitarmálefni. Ber frá þeim tíma
að þakka hollustu og tryggð Einars
við Vorsabæjarheimilið. Tryggð
hans var sem bjarg, er heimilið bjó
að.
Árið 1966 er Kristrún amma mín
dó og Helga frænka tók við búi í
Vorsabæ, varð Einar hennar stoð
log stytta. Hjálpaði hann henni við
búskapinn allt til dauðadags.
Einar hef ég þekkt frá því er ég
fyrst man eftir mér, en ég hefi dval-
ist sumarlangt í Vorsabæ frá sjö ára
aldri, innan um fénaðinn sem var í
umsjá Einars, og voru kynni okkar
Einars afar góð. Ætíð mun ég
minnast með söknuði þeirra ára,
sem ég átti með Einari við búskap-
arstörf í Vorsabæ. Þó þessi ár hafi
ekki verið mörg miðað við þau ár,
sem Einar hafði lifað, voru þau
mér mjög kær því þetta voru upp-
vaxtar- og þroska ár mín. Miðlaði
hann mér af þeirri reynslu sinni er
hann hafði öðlast við áratuga bú-
skap, þeirrar þekkingar, sem hann
veitti mér mun ég minnast með
þakklæti og ávallt hafa gagn af á
ókomnum árum.
Áhugamál okkar Einars við bú-
skapinn voru þau sömu. Við
höfðum báðir mestan áhuga á
sauðfé og hestum. Þó Einar hafi
ekki farið mikið á hestbak síðustu
árin, hafði hann gaman af að hugsa
um þá og horfa á góða hesta. Ekki
fóru skoðanir okkar Einars alltaf
saman er við ræddum um það sem
við kom hestamennskunni, því
mikið hefur breyst í sambandi við
hestana, frá því hann var ungur. Þá
var ekki alltaf verið að sportast um
á hestunum. Þeir voru þá þarfasti
þjónninn.
Oft sagði Einar sögur af Grána
sínum, mesta töltara sem hann
eignaðist. Og vel ríðandi var hann
á þeim bleiku, Hálegg og Háfeta.
Fóru þeir margar fjallferðirnar
Ef þér er
kalt,
getur þú
sjálfum þér
um kennt!
STUrLOMGS
ullar-nærfötin halda á þér
hita.
STIL-LONGS
ullarnærfötin eru hlý oa
þægileg. Sterk dökkblá á lit
og fást á alla fjölskylduna.
Ananaustum
Sími 28855
saman. Yndi hafði hann af að
smala á haustin og fór hann á fjail í
áratugi. Fjallkóngur var hann í ár-
araðir.
Einar vakti áhuga minn á fjall-
ferðum, sveipaði þær þeim ævin-
týraljóma, sem mér finnst ætíð
vera við það að eltast við kindur í
óbyggðum íslands. Strax og ég
hafði tækifæri til, fór ég á fjall til
þess að fá að feta í fótspor Einars.
Margar voru sögurnar, sem Ein-
ar sagði af fjallferðum sínum, kuld-
anum og vosbúðinni þegar tjöld
fjallmannanna fuku ofan af þeim,
eða þegar hann og Bjarni á Brúna-
völlum þurftu að fara út í bylinn til
að leita að fjallmönnum sem höfðu
villst. Þá hefur Einar notið þeirrar
hörku og þrákelkni er hann bjó
yfir, því aldrei gafst hann upp fyrr
en ákveðnu takmarki var náð.
Sauðfé var hans líf og yndi og
hugsaði hann að mestu leyti um
kindurnar, þótt hann gegndi kún-
um líka. Man ég það, að á vorin
þegar kindurnar báru út um móa
og við Einar fórum ríðandi til
kinda. Ekki þurftum við að hafa
fyrir því að rýna í númerin á horn-
um kindanna, því allar þekkti Ein-
ar þær með nafni.
Einstaka sinnum þurftum við þó
að athuga númerin, en þá var nær
eingöngu um tvævetlur að ræða.
Erfitt fannst Einari að sætta sig við
það, þegar aldurinn færðist yfir, að
geta ekki hlaupið á eftir kindunum
út um móa og mýrar. Varð hann þá
að notast við okkur sem yngri vor-
um, en alltaf vildi hann vera með í
eltingarleiknum.
Snyrtimennska sat ávallt í fyrir-
rúmi, gekk hann ætíð einstaklega
vel um gripahúsin. Fóðurgangarnir
voru alltaf vel sópaðir og hver
tugga nýtt. Gaman var að sjá fal-
legt handbragð hans í hlöðunni.
Hver stallur var af ákveðinni stærð,
stálið vel stungið. Var því snyrti-
legt umhorfs í hlöðunum í Vorsa-
bæ.
Oft gáfum við Einar fénu saman
og finnst mér núna Einar vanta
þegar ég kem um helgar og gef á
fjárhúsin. Ekki mun Einar oftar
gefa með mér fénu. Hugsa ég þó,
að hann fylgist með því sem er að
gerast í Vorsabæ, þótt hann hafi
kvatt okkur að sinni.
Guð blessi minningu hans.
Eiríkur Þórkelsson
Myndlista-
sýning á
Hvolsvelli
Sunnudaginn 14. nóvember
var opnuð sýning 11 ungra rangæ-
skra myndlistarmanna í Hér-
aðsbókasafninu á Hvolsvelli.
Þeir sem þarna sýna eru Anna
María Grétarsdóttir, Ingigerður
Magnúsdóttir, Erling Magnússon
og Hans G. Magnússon frá Kir-
kjulækjarkoti, Katrín og Þórhild-
ur Jónsdætur frá Lambey, Guð-
rún Jóhannsdóttir og Kalman Jó-
hannsson frá Útgörðum, Dóra
Kristín Halldórsdóttir á Snjall-
steinshöfða, Kristrún Ágústs-
dóttir Stóra-Moshvoli og Örn
Guðnason á Hvolsvelli.
Á sýningunni eru 30 mynd-
verk; blýantsteikningar, olíu- og
vatnslitamyndir, tauþrykk, tex-
tilsamkiippur, leir- og gipslág-
myndir. Sýningin mun opin á af-
greiðslutímum safnsins á mánu-
dögum og fimmtudögum frá 15-
19 og standa fram undir jól.
RÍKISSPÍTALARNIR
lausar stöður
LANDSPITALINN
AÐSTOÐARLÆKNIR óskast viö handlækn-
ingadeild til eins árs frá 15. janúar 1983 að
telja. Umsóknir er greini menntun og fyrri
störf sendist Skrifstofu ríkisspítalanna fyrir
29. desember n.k.
Upplýsingar veita yfirlæknar handlækninga-
deildar í síma 29000.
YFIRSJÚKRAÞJÁLFARII óskast viö endur-
hæfingardeild Landspítalans til starfa við lyf-
lækningadeildir spítalans. Umsóknir er greini
menntun og fyrri störf sendist stjórnarnefnd
ríkisspítalanna fyrir 5. janúar n.k.
Upplýsingar veitir yfirsjúkraþjálfari endur-
hæfingardeildar í síma 29000.
FÉLAGSRÁÐGJAFI óskast viö Geödeild
Barnaspítala Hringsins viö Dalbraut frá 1.
mars n.k. Umsóknir er greini menntun og fyrri
störf sendist stjórnarnefnd ríkisspítalanna
fyrir 5. janúar n.k.
Upplýsingar veitir yfirfélagsráögjafi deildar-
innar í síma 84611.
HJÚKRUNARFRÆÐINGUR óskast viö
öldrunarlækningadeild Landspítalans aö Há-
túni 10B.
HJÚKRUNARFRÆÐINGUR óskast nú þeg-
ar á lyflækningadeild 4 (14G).
SJÚKRALIÐAR óskast til starfa við lyflækn-
ingadeild.
Upplýsingar um ofangreind störf veitir hjúkr-
unarforstjóri Landspítalans í síma 29000.
VÍFILSSTAÐASPÍTALI
HJÚKRUNARFRÆÐINGUR óskast við Víf-
ilsstaöaspítala frá 1. janúar n.k. Barnaheimili
á staðnum. Upplýsingar veitir hjúkrunarfram-
kvæmdastjóri spítalans í síma 42800.
KLEPPSSPÍT ALI
AÐSTOÐARHJÚKRUNARDEILDAR-
STJÓRI óskast við deild XI. Upplýsingar
veitir hjúkrunarforstjóri í síma 38160.
DEILDARRITARI óskast í fullt starf við geö-
deild Landspítalans 33C. Vélritunarkunnátta
nauösynleg. Upplýsingar veitir hjúkrunarfor-
stjóri Kleppsspítalans í síma 38160.
STARFSMAÐUR óskast í eldhús Klepps-
spítalans. Upplýsingar veitir yfirmatráöskona
í síma 38160.
KÓPAVOGSHÆLI
ÞROSKAÞJÁLFAR óskast við ýmsar deildir
Kópavogshælis sem fyrst eða eftir sam-
komulagi.
Upplýsingar veitir forstöðumaður Kópavogs-
hælis í síma 41500.
RIKISSPÍTALAR
Reykjavík, 28. nóvember 1982.
Jólabasar og
flóamarkaður
verður haldinn að Hallveigarstöðum við
Túngötu sunnudaginn 28. nóvember kl. 2.
Allt ódýrt.
Kvenfélag sósíalista