Þjóðviljinn - 18.12.1982, Blaðsíða 15

Helgin 18. - 19. desember 1982 ÞJÓÐVILJINN - SÍÐA 15
Viðtal
við Ninu
Björk
Árnadóttur
um nýtt leikrit
eftir hana
og nýútkomna
Ijóðabók
„Ef fólk spyr sig eftir að hafa séð
leiksyningu: hvererég,-hvað
er ég að gera og h vað er ég að
fara? eða bara einnar af þessum
spurningum, þá er sýningin gott
leikhús."
Súkkulaði
handa Silju
Nína Björn Árnadóttir lætur nú
skammt stórra högga milli.
Nýlega er komin út eftir hana
hjáMáliog menningu
Ijóðabókin Svartur hestur í
myrkrinu og 30. desember n.k.
verður frumsýnt á litla sviði
Þjóðleikhússins leikrit eftir
hana er nefnist Heitt súkkulaði
handa Silju. Það þótti því ærin
ástæða að fara og sækja Nínu
Björk heim og hafa við hana
ærlegt viðtal. Skáldkonan á
heimavesturíbæ, á
Sólvallagötunni, og tók hún
blaðamanni á sinn Ijúfa og
elskulega hátt. Nýja leikritið var
mjög ofarlega í huga hennar
eins og eðlilegt er, en hún hefur
fylgst gjörla með æfingum.
- Um livað fjallar leikritið,
Nína?
- Það fjallar um Önnu sem er 35
ára einstæð móðir og vinnur lág-
launavinnu í verksmiðju. Dóttir
hennar er Silja, 15 ára; og er jrunga-
miðja leikritsins átök milli þeirra
mæðgna. Silju finnst móðir sín hafa
gefist upp í lífsbaráttunni í stað þess
að gera eitthvað í sínum málum.
En þetta er lífsmynstur sem þjóðfé-
lagið hefur komið Önnu í. Þetta er
grimmt leikrit.
- Þekkirðu sjálf líf láglaunakon-
unnar?
- Já, svona fólk er mjög nálægt
mér.
- Ertu að flytja ákveðinn boð-
skap með verkinu?
- Já, ég er nt.a. að benda á
hvernig við búunr að láglaunafólk-
inu og einstæðum mæðrum og
hvernig mynstur karlmannsins
mótar Önnu.
- Er þetta þá sem sagt ádeila á
karlmenn?
- Nei, ekki frekar á þá en konur.
Ég held að það hljóti að vera mjög
erfitt að vera karlmaður og það er
erfitt að búa við það mynstur sem
við gefum okkur. Við gefum okkur
ákveðin mynstur, m.a. vegna þess,
hvað við erum hrædd við okkur
sjálf og við hvert annað. En svo vill
allt fara úr böndunum.
- Koma ekki fleiri við sögu en
þær mæðgur?
- Þráðurinn í leikritinu er þeirra
samband en það koma fleiri við
sögu, t.d. Dollý, vinkona Önnu.
Hún vinnur í fatapressu. Dollý er
kát og hress og hefur staðið með
Önnu í blíðu og stríðu. Anna er
ljóðrænni og viðkvæmari, en þann-
ig er konu í hennar stöðu bannað
að vera. Það erum bara við, for-
réttindafólkið sem eigurn einkarétt
á að gæla við tilfinningar og fegurð.
- Og svo ku vera söngvar í
verkinu.
Unglingarnir í Súkkulaðinu:
Bangsi, Örn og Silja (Ellert A.
Ingimundarson, Guðjón
Pedersen og Bára
Magnúsdóttir).
Súkkulaði handa Silju:
píanóleikarinn og Hin konan
(Egill Ólafsson og Inga
Bjarnason).
- Já, Egill Ólafsson hefur samið
tónlistina í verkinu og syngur
ásamt Ingu Bjarnason söngvara í
því.
- Geturðu sagt mér nánar um
Silju, dótturina,
- Hún er reiður unglingur en
ræður ekki við ástandið frekar en
Anna.
- Hvernigfinnstþérgóð leiksýn-
ing eigi að vera?
- Ef fólk spyr sig eftir að hafa
séð leiksýningu: hver er ég, - hvað
er ég að gera og hvað er ég að fara?
eða bara einnar af þessum spurn-
ingunt, þá er sýningin gott leikhús.
- Eða það finnst mér. Og ég sé ekki
betur en það ætli að takast núna.
- Hverjir leika?
- Þórunn Magnea leikur Önnu,
en Bára Magnúsdóttir leikur Silju.
Bára er sjálf unglingur og er í
Menntaskólanum við Hamrahlíð.
Anna Kristín Arngrímsdóttir
leikur Dollý og auk þess leika Þór-
hallur Sigurðsson, Sigurður Skúla-
son, Jón Gunnarsson, Guðjón Pe-
dersen og Ellert Ingimundarson,
tveir þeir síðastnefndu leika ung-
linga, vini Silju. Inga Bjarnason
leikur hina konuna. Messíana
Tómasdóttir gerir leikmynd og síð-
ast en ekki síst er María Kristjáns-
dóttir leikstjóri.
- Hvernig hefur þér fundist að
fylgjast með þróun sýningarinnar?
- Mikil upplifun. Hópurinn er
mjög góður og sýnir verkinu alúð.
Sköpunarstarf Maríu og leikar-
anna hafði mjög inspírerandi áhrif
á mig. Mér tókst, finnst mér, að
bæta leikritið - skerpa það og fylla.
- Og þá er það ljóðabókin.
Svartur hestur í myrkrinu. Er
ljóðagerðin að beytast hjá þér?
Úr Súkkulaði handa Silju.
Vinkonurnar Dollý og Anna
(Anna Kristín Arngrímsdóttir og
Þórunn Magnea)
- Ég veit það eiginlega ekki. Ég
hef breytt töluvert um lifnaðar-
hætti - og er minna hrædd við að tjá
mig en áður og finna hugsunum
mínum réttan farveg. Og ekki eins
hrædd við að vera meðvituð.
- Hvers konar ljóð eru þetta?
- Ljóð tjá sig sjálf.
Bókin skiptist í tvo kafla. í fyrri
kaflanum eru innhverfari ljóð. Síð-
asta ljóðið þar er Svartur hestur í
myrkrinu. I seinni kaflanum eru
opnari ljóð, bein orðræða frá fólki.
En svarti hesturinn kemur þar,
einnig við sögu.
- Geturðu helgað þig ritstörfum
eingöngu? j
- Já, ég hef gert það í mörg ár.
Að vísu hef ég gert pínulítið af þvt
áð kenna ljóðalestur, framsögn og
leikræna tjáningu í skólum og það
er mjög „inspírerandi." Svo á ég,
mann, 3 stráka, hund og kött. |
- Viltu leyfa lesendum Þjóðvilj-
ans að sjá eitthvað eftir þig?
- Já-já, t.d. ljóð Silju úr
leikritinu:
Tíminn lilær
og hann kastar okkur sífellt
til og frá
og ég geng
götu reiðinnar
sem e, grá og dimm
og Ijót
en það er ég
sem gœti annars
fundið farveg fyrir þig
því að innst
innst í allri minni reiði
œpir von
- GFr.