Þjóðviljinn - 11.03.1983, Blaðsíða 12

16 SÍÐA — ÞJÓÐVILJINN Föstudagur 11. mars 1983
ALÞYÐUBANDALAGIÐ
Landbúnaðarráðstefna á Akureyri
Alþýðubandalagið heldur landbúnaðarráðstefnu á Akureyri, dagana 18. -
20. mars.
Þátttakendur eru beðnir að láta vita af sér í síma 17500.
Blaðamennskunámskeið
í Keflavík
Alþýðubandalagið í Keflavík gengst fyrir blaðamennskunámskeiði fyrri
hluta marsmánaðar. Hefst það laugardaginn 12. mars kl. 10 árdegis og
seinni hluti þess verður fimmtudaginn 17. mars og hefst kl. 20.00. -
Leiðbeinendur verða Vilborg Harðardóttir og Jón Asgeir Sigurðsson. -
Þátttökugjald er kr. 200.-. - Námskeiðið er öllum opið en menn eru
beðnir um að tilkynna þátttöku sem fyrst því fjöldi þátttakenda verður
takmarkaður. - Skráning fer fram hjá Jóhanni Geirdal (s. 1054), Ásgeiri
Árnasyni (s. 2349).
Ritnefnd og stjórn .=?,
Alþýðubandalagið á Akranesi
í hvað fara útsvörin?
Almennur fundur í Rein, sunnudaginn 13. mars kl. 14.
Fundarefni: Fjárhagsáætlun Akraneskaupstaðar og stofnana hans fyrir
árið 1983.
Gestir fundarins: Daníel Árnason, bæjartæknifræðingur, Elís Þór Sig-
urðsson, æskulýðsfulltrúi, Guðbjartur Hannesson, skólastjóri, Guðgeir
Ingvarsson, félagsmálastjóri, Grímur Bjarndal, skólastjóri, Ingimundur
Sigurpálsson, bæjarstjóri og Oddgeir Þór Árnason, garðyrkjustjóri.
1. Framsögu hefur Ingimundur Sigurpálsson, bæjarstjó'ri.
2. Almennar umræður - gestir fundarins svara fyrirspurnum um starf-
semi og fjárhag stofnana bæjarins.
Fundarstjóri: Engilbert Guðmundsson, bæjarfulltrúi.
Bæjarbúar fjölmennið í Rein og komið skoðunum ykkar á starfsemi og
rekstri bæjarins á framfæri.
Kaffi og meðlæti á boðstólum. - Bæjarmálaráð Alþýðubandalagsins.
Alþýðubandalagið á Egilsstöðum
Fundur í hreppsmálaráði að Lagarási 8 kl. 20.30 mánudaginn 14. mars.
Dagskrá: 1. Húsnæðismál, Framsögu hefur Þorsteinn Gunnarsson. 2.
Umræður. 3. Önnur mál. Kaffi á könnunni. Allir velkomnir. - Stjórn
hreppsmálaráðs.
Kjördæmisráð AB á Vestfjörðum
Fundur verður haldinn í kjördæmaráði Alþýðubandalagsins á Vest-
fjörðum á ísafirði laugardaginn 12. mars nk. Fundurinn hefst kl. 10
árdegis. Dagskrá: 1. Skipan framboðslista til næstu alþingiskosnmga, 2.
Kjördæmamálið, 3. Önnur mál. Stjórnin.
Alþýðubandalagið Hafnarfírði
Bæjarmálaráðsfundur
Alþýðubandalagið í Hafnarfirði heldur bæjarmálaráðsfund, mánudaginn
14. mars ki. 20.30 í Skálanum (Strandgötu 41).
Félagar eru hvattir til að mæta á fundinum. - Stjórnin
Steingrímur Svanfríður Soffía Heimir
Alþýðubandalagið á Akureyri
Opið hús á laugardag
Opið húsverðurí Lárusarhúsi, Eiðsvallagötu 18 laugardaginn 12. marskl.
15- ,
1. Ávörp flytja: Steingrímur Sigfússon og Svanfríður Jónasdóttir, efstu
menn á lista AB í Norðurlandi-eystra.
2. Flokks- og félagsstarf Alþýðubandalagsins: Málshefjandi Soffía Guð-
mundsdóttir, formaður ÁBA.
3. Undirbúningur kosninga: Heimir Ingimarsson, kosningastjóri.
Kaffiveitingar.
Félagar, fjölmennið og takið með ykkur gesti. Nýir félagar eru sérstaklega
hvattir til að koma í opna húsið á laugardaginn kemur.
Stjórnin
Alþýðubandalag Keflavíkur
Félagsfundur verður haldinn í Stangveiðifélagshúsinu við Suðurgötu
föstudaginn 11. mars kl. 20.30.
Rætt verður um fyrirhugaðar kosningar o.fl.
Félagar fjölmennið! - Stjórnin
Alþýðubandalagið í Reykjavík -
Félagsfundur
Stjórn Alþýðubandalagsins í
Reykjavík boðar til félagsfundar,
þriðjudaginn 15. mars kl. 20.30 í
Hreyfilshúsinu á horni Grensás-
vegar og Miklubrautar.
Dagskrá:
1. Tillaga fulltrúaráðs um fram-
boðslista vegna komandi al-
þingiskosninga,
2. íslensk leið - ekki leiftursókn,
Svavar Gestsson formaður Al-
þýðubandalagsins
Stjórn ABR
Svavar
Félagar fjölmennið!
Meirihluti stjórnar
Blindrabókasaf nsins:
Mótmælir
afskiptum
Þjóðviljanum barst í gær eftir-
farandi bréf, frá meirihluta stjórn-
ar Blindrabókasafns íslands, vegna
ráðningar menntamálaráðherra í
stöðu deildarstjóra námsbóka-
deildar safnsins:
Menntamálaráðherra
Ingvar Gíslason
Menntamálaráðuneytinu
101 Reykjavík
Stjórninni hefur borist bréf yðar
dags. 9. mars um skipan starfs-
manna við Blindrabókasafn ís-
lands.
í bréfinu kemur fram að þér haf-
ið skipað í stöðu deildarstjóra við
námsbókadeild safnsins umsækj-
anda sem meiri hluti stjórnar hafði
hafnað.
Við undirritaðir stjórnarmenn
lítum svo á, eins og stjórnin öll
gerði, er hún gekk frá ráðningum,
að hún hefði fullt úrskurðarvald
um það hverjir væru ráðnir til
starfa að fenginni ákvörðun ráðu-
neytis um fjölda stöðugilda.
Af þessum ástæðum hljótum við
að mótmæla afskiptum ráðherra af
stöðuveitingum við safnið.
Virðingarfyllst,
Elfa-Björk Gunnarsdóttir,
gjaldkcri, Kristín H. Pétursdóttir,
varaformaður, Margrét Sigurðar-
dóttir, ritari, Ólafur Jensson,
meðstjórnandi.
Sérkennarar
með Amþóri
Stjórn félags íslenskra sérkenn-
ara hefur sent frá sér vfirlýsingu
þess efnis, að hún harmi þá ákvörð-
un meirihluta stjórnar Blindra-
bókasafns íslands að hafna umsókn
Arnþórs Helgasonar um starf
deildarstjóra við námsbókadeild
safnsins.
Ákvörðun þessi brýtur í bága við
grundvallarhugmyndir FÍS um
stöðu fatlaðra í samfélaginu og tel-
ur stjórnin því nauðsynlegt að
koma viðhorfum sínum til málsins
á framfæri opinberlega, segir enn-
fremur í yfirlýsingunni.
Stjórn sérkennarafélagsins færir
og rök að þeirri ályktun að blindur
maður geti vel rækt umrætt starf á
fullnægjandi hátt.
Reykjavjarðaráll:
Togveiðibann
framlengt
logveiðibann sjávarútvegsráðu-
neytisins í Reykjafjarðarál hefur
verið framlengt til aprílloka, segir í
frétt frá ráðuneytinu.
Það var í nóvember sl. sem sjáv-
arútvegsráðuneytið gaf út reglu-
gerð um sérstakt línusvæði í
Reykjafjarðarál sem gilda átti til
15. mars nk. Hefur nú verið á-
kveðið að framlengja gildistíma
þessa sérstaka línusvæðis til 30.
apríl og verða togveiðar bannaðar
þar til þess tíma.
Getraunlr
í 26. leikviku Getrauna komu
fram fjórir seðla með 12 réttum
Ieikjum og var vinningur fyrir
hverja röð kr. 77.310.00. Með 11
rétta voru 47 raðir og vinningur
fyrir hverja kr. 2.819.00.
Punkturinn endursýndur
Hin vinsæla kvikmynd „Punktur punktur komma strik“ eftir Þorstein
Jónsson verður endursýnd í nokkra daga í Regnboganum og hófust sýn-
ingar fimmtudaginn 10. mars. Kvikmyndin var frumsýnd fyrir 2 árum og
sáu hana þá um 80 þúsund manns.
„Punktur punktur komma strik“ hefur víða verið sýnd á kvikmyndahá-
tíðum erlendis, t.d. í Cannes, Lúbeck og Dublin. í desember sl. var hún
fulltrúi íslands á norrænni kvikmyndaviku í London og hefur nú verið
valin ein íslenskra mynda á Filmex-hátíðina í Los Angeles í apríl.
Þá hefur sýningarréttur á „Punktinum" verið seldur til fjölmargra
landa. Myndin hefur þegar verið sýnd í sjónvarpi í Hollandi og Noregi.
Auk þess hefur verið samið um sýningar í Danmörku, Svíþjóð, Finnlandi,
Þýskalandi, Austurríki og Sviss.
Myndin var framleidd af Kvikmyndafélaginu Óðni sem undirbýr nú
töku nýrrar myndar byggðri á skáldsögu Halldórs Laxness „Atóm-
stöðinni". Ráðgert er að „Atómstöðin“ verði tilbúin til sýningar um næstu
áramót.
Friðarmál, hvað koma þau mér við?
Á laugardaginn gangast Menningar- og friðarsamtök íslenskra kvenna
fyrir opnum fundi í Norræna húsinu kl. 14.00 e.h. Fundur þessi er haldinn
í tilefni af Alþjóðabaráttudegi kvenna, 8. mars. Fundurinn ber yfirskrift-
ina: „Friðarmál - hvað koma þau mér við?“
Ræðumenn á fundinum verða:
Sr. Agnes Sigurðardóttir, æskulýðsfulltrúi Þjóðkirkjunnar, og Arna
Kristín Einarsdóttir, 14 ára nemandi í Æfinga- og tilraunaskóla Kennara-
háskóla íslands. Munu þær fjalla um friðarmál frá sjónarhóli einstaklings-
ins og friðaruppeldi.
Jóhanna Þórhallsdóttir syngur nokkur lög, og leikur Einar Einarsson
undir á gítar. Lesin verða upp ljóð eftir Jóhannes úr Kötlum og Hjört
Pálsson.
Öllum er heimill aðgangur að fundinum meðan húsrúm leyfir.
Fjársöfnun fyrir flóttafólk í Ghana
Um þessar mundir stendur yfir söfnun á vegum Hjálparstofnunar kirkj-
unnar og Rauða krossins á íslandi til stuðnings flóttafólkinu frá Nígeríu til
Ghana. Neyðarástand hefur ríkt í Ghana vegna komu flóttafólksins.
Ghana er ein fátækasta þjóð í Afríku og því ekki f stakk búin til að veita
viðtöku miklum fjölda flóttamanna, en þeir eru taldir vera yfir eina
milljón talsins.
Fyrirhugað er að senda íslensk matvæli fyrir söfnunarfé, en helst er
skortur á mat og lyfjum í Ghana. Hjálparstofnun kirkjunnar og Rauði
krossinn á íslandi vilja skora á íslendinga til að taka þátt í söfnuninni og
rétta bágstöddu flóttafólki hjálparhönd.
Bankar, sparisjóðir og póstafgreiðslur taka við framlögum inn á gíró-
reikning 46000-1 ásamfskrifstofum Rauða kross og Hjálparstofnunar.
Kaupstefnan íslensk föt
Kaupstefnan íslensk föt 83 verður haldin í 27. sinn dagana 15.-17. rnars
nk. í Kristalssal Hótels Loftleiða.
Þriðjudaginn 15. mars kl. 20:30 mun formaður Félags íslenskra iðnrek-
enda, Víglundur Þorsteinsson, opna kaupstefnuna í ráðstefnusal (auditori-
um) hótelsins. Að því loknu mun fara fram tískusýning.
Kaupstefnan verður að öðru leyti opin frá kl. 10:00-18:00, miðvikudag-
inn 16. mars og fimmtudaginn 17. mars.
Tískusýningar verða báða dagana kl. 14:00.
Tilgangur kaupstefnunnar er, eins óg annarra vörusýninga, að
auðvelda framleiðendum og dreifehdum að stofna til viðskipta sín á milli.
Hér er um augljóst hagræði fyrir innkaupaaðila að ræða, þar sem saman
eru komnir helstu framleiðendur fatnaðar á einum stað og hægt að gera
kaup hjá mörgum, án þess að því fylgi nokkur ferðalög á milli staða. Sama
má segja, að gildi fyrir framleiðendurna, þar sem þeir fá til sín fjölda
innkaupaaðila og spara þannig söluferðir.
Alls kyns „hús“
Fyrsta tölublað „Húsa og hýbýla" á þessu ári er nýkomið út. Meðal
efnis er innlit í trúlega síðasta braggann sem búið er í hér á landi, og
frásögn og myndir af sviðmyndinni í hinu eina og sanna húsi, sem fer með
aðalhlutverkið í nýjustu íslensku kvikmyndinni „Húsið“.
Þá er einnig fjallað um kúluhúsin sem augu manna beinast að í æ ríkari
mæli, og ýmislegt annað efni er að finna í blaðinu.
Laxveiði í sjó verði bönnuð
Á aðalfundi Laxárfélagsins, sem haldinn var hinn 19. febrúar, 1983, en í
félaginu eru félög stangaveiðimanna á Akureyri, Húsavík og Reykjavík,
var samþykkt neðangreind ályktun, sem send hefir verið forsætisráð-
herra:
„Aðalfundur Laxárfélagsins (þ.e. Laxár í Þingeyjarsýslu) samþykkir að
skora á ríkisstjórnina að beita sér fyrir alþjóðasamþykkt um bann við
laxveiði í sjó. Fundurinn telur orðið augljóst, að laxveiði í sjó byggist nú
mest á ræktun fisksins, og því sé eðlilegt, að þeir, sem til slíkrar ræktunar
stofna, eigi að njóta ávaxta erfiðis síns og tilkostnaðar.
Sérstaklega viíl fundurinn vekja athygli á hinni stórfelldu minnkun á
laxveiði í ám á norð-austurhorni íslands, sem miklar líkur benda til að
stafi af mjög auknurn laxveiðum Færeyinga í hafinu milli íslands og
Færeyja. Skorar fundurinn því á stjórnvöld að fella niður allar veiðiheim-
ildir Færeyinga innan fiskveiðilögsögu íslands, þar til laxveiðum þessum
verður hætt.“
Þakkarkveðja
Hugheilar þakkir færum við ættingjum, vinum og öllum þeim
er sýndu okkur samúð og vinarhug við andlát og minningar-
athöfn eiginmanns míns, föður okkar, sonar, bróður,
tengdaföður og afa
Gunnars Guðjónssonar,
vélsmiðs,
Blikahólum 2, Reykjavík.
Sérstakar þakkir til Slysavarnafélags íslands, Hafsteins og
vinnufélaga, séra Sigurðar Hauks Guðjónssonar, félaga úr
Siglingaklúbbnum Ými, svo og allra þeirra er aðstoðuðu við
björgunarstörf og tóku þátt í leit að honum.
Guð blessi ykkur.
Borghildur Ásgeirsdóttir,
börn, móðir, bróðir, tengdabörn og barnabörn.