Þjóðviljinn - 16.06.1983, Side 2

2 SÍÐA - ÞJÓÐVILJINN; Fimmtudagur 16. júní 1983
síðan
Bridge
I tilefni af Evrópuför landsliös okkar í
næsta mánuöi, verða rifjuð upp nokkur
gullvæg spil frá fyrri árum úr Evrópumót-
um. Og fyrsta spiliö er frá EM I Aþenu
1971, einmitt úr leik viö nv. Evrópumeist-
ara, Pólverja:
Norður DG52 K Á3 KD10752
Vestur Austur
1098 K76
962 ÁG7543
10972 64
986 Suður Á43 D108 KDG84 Á4 G3
Þetta spil kom fyrir í seinni hálfleik, en
þann fyrri unnu Pólverjar meö hvorki meira
né minna meö 77-49...
Og eitthvað varö aö gerast í seinni hálf-
leik, til aö rétta hlut okkar manna. I lokaöa
salnum varð lokasögnin 5 lauf í Norður og
unnin sex, 620 til Pollands.
En I oþna salnum varö annaö uppi á
teningnum: Vestur Norður Austur Suður
Mankew Ásm. Polek Hjalti
Pass 1 sp. 1 gr. 2gr
3 gr. 4 lauf Pass 4 tíglar
Dobl Redobl 4 hj. Dobl
Pass Pass Pass
Eftir þessar furöulegu sagnir í opna saln-
um, varö Austur sagnhafi í fjórum hjörtum
dobluðum og fékk hann fjóra slagi, sem
gerði 1100 til íslands eöa 10 stig unnin á
spilinu. ísland vann svo seinni hálfleikinn
meö 78-13 og leikinn þvl 18-2. Einn besti
árangur okkar á EM gegnum tíðina, því
Pólverjar náðu 2. sæti árið á undan.
Skák
Karpwv að tafli - 154
Viktor Kupreitchik, sovéski skákmeistar-
inn sem tefldi hér og sigraði á alþjóölega
mótinu i Reykjavík 1980, afrekaði þaö aö
tefla þrisvar í úrslitum Sovétmeistaramóts-
ins og verða alltaf neðstur! Þegar hann
tefldi i mótinu i fjórða skiþtið var honum
tekiö aö leiðast þófiö enda vann hann fimm
fyrstu skákirnar í því móti. Hann er þaö sem
sumir vilja kalla, dæmigeröur „kaffihúsa-
skákmaður", býður hættunni birginn sjái
hann tveggja leikja kombínasjón í órafjar-
lægö. Nokkur hætta stafar af slíkum skák-
mönnum; þeir eiga það til aö vinna hvern
sem er. Á Sovétmeistaramótinu 1976 varð
Kupreitchik neöstur, hlaut 6 vinninga af 17
mögulegum. Hann vann fimm skákir,
(Smyslov, Geller og Taimanov m.a.) tap-
aði ellefu! og gerði tvö jafntefli. Hann tefldi
viö Karpov í 6. umferð og þá var Karpov
allur aö hressast fyrir næsta ævintýralega
björgun úr hartnær töpuðu hróksendatafli
gegn Petrosjan:
Karpov - Kupreitchik
Hvftur á rakinn vinning í þessari stöðu.
37. Bc7! Bxc7
38. He7+ Kf8
39. dxc7 Hc6
40. Hxh7 Ke8
41. h4!
- Kupreitcik gafst upp, því hvítur er
tempói á undan. T.d. 41. - gxh4 42. g5 b5
43. c8(D)+ Hxc8 44. Hh8+ Kd7 45. Hxc8
Kxc8 46. g6 og vinnur. Eftir 6 umferöir var
Karpov kominn meö 3'h vinning, en efstur
var óþekktur skákmaður Dorfmann með 4
v. Þeir tefldu í 7. umferð.
Þotan sem hrapaði suður af íslandi__
Tilgátur um dular-
fullt flugvélarhrap
Flugvélarhrapið fyrir hvíta-
sunnuna, þegar þota flaug þvert
yfir Evrópu og hrapaði um 300
km suður af Islandi, hefur orðið
tilefni til margs konar kenninga
blaða og sérfræðinga um raun-
verulega ástæðu 'þess að flug-
mennirnir létust og vélin hrapaði.
Eins og menn muna voru þrír
flugmenn um borð i flugvélinni
sem flaug frá Vín áleiðis til
Hamborgar í Vestur-Þýskalandi,
en í stað þess að komast þangað
flaug hún yfir Atlanshaf þartil
hún hrapaði af eldsneytisskorti.
Flugmenn á leitarflugvélum hafa
haldið því fram að flugmaður
týndu vélarinnar hafi verið látinn
þegar þeir sáu til hans. Og sú
skýring hefur verið algengust
meðal sérfræðinga að þeir hafi
allir látist af súrefnisskorti tiltölu-
lega fljótlega eftir að vélin fór í
háloftin.
Haft er eftir sérfræðingum að
aldrei verði hægt að skýra þetta
flugvélarhrap til fullnustu. Og
yfirmaður hjá bandaríska flug-
umferðareftirlitinu segir að ekk-
ert sé til að byggja á í þessu sam-
bandi.
Ýmsar ævintýralegar kenning-
ar hafa farið á loft í þýskum
blöðum um þetta mál. Þannig
hefur sú hugdetta komið fram, að
flugmennirnir um borð í vélinni
hafi ekki verið þrír heldur fjórir.
Og þessi leyndardómsfulli fjórði
maður hafi ekki átta að vera um
borð. Standi vera hans í sam-
bandi við það að hann hafi ætlað
að láta sig „hverfa“ til nýs og
betra lífs með að stökkva í fall-
hlíf. Enn eina kenningu hefursíð-
degisblaðið Bild-Zeitung sett
fram í sínum dálkum, um að loft-
steinn hafi skemmt súrefniskerfi
flugvélarinnar og flugmennirnir
kafnað. Spiegel hefur einnig eftir
„yfirmönnum á bandarísku Nató-
herstöðinni í Keflavík", að súr-
efnisskortur hafi valdið slysinu,
vegna bilunar í súrefniskerfinu.
Margir draga í efa að flugmenn
á Phantom flugvélum sem sendar
voru til leitar, hafi getað séð í
sólarbirtunni hvort nokkur var
við stýrið á flugvélinni eða ekki.
Flugvélin var í (ilraunaflugi þegar
slysið varð og flugmennirnir
höfðu allir mikla reynslu. Sú til-
gáta þykir einna líklegust að því
er tímaritið Spiegel hermir að
þrýstijafnvægisútbúnaður í flug-
vélinni hafi bilað og enn fremur
öryggisútbúnaður sem á að fara
af stað í því tilfelli. í umræddri
flugvélategund er einfalt öryggis-
kerfi við þess konar bilunum en í
flestum öðrum tvöfaldur öryggis-
útbúnaður.
Svar við þessari ráðgátu fæst
áreiðanlega seint því talið er að
flakið liggi á 1000 metra dýpi.
Yfirleitt ráða sérfræðingar í tætl-
ur og flök af flugvélum, þegar
þeir reyna að finna orsakir flug-
slysa. En í þessu sérstaka tilfelli
er engum slíkum leifum til að
dreifa.
-óg
Fjölbrautaskólanum á Sauðárk-
róki var slitið laugardaginn 21. maí
sl. í Sauðárkrókskirkju. Sr. Hjálm-
ar Jónsson prófastur fiutti ávarp og
Kirkjukór Sauðárkróks söng undir
stjórn Jóns Björnssonar frá Haf-
steinsstöðum. Einleik á orgel lék,
auk Jóns Björnssonar, Rögnvaldur
Valbergsson. Jón Hjartarson
skólameistari hélt skólaslitaræðu,
afhenti brottfararskírteini og verð-
iaun þeim nemendum, sem skarað
höfðu framúr.
Það kom fram í ræðu skóla-
meistara að í febr. sl. gerðu stærstu
sveitarfélög á Norðurlandi vestra
samning við mennta-og fjármála-
ráðuneyti um Fjölbrautaskólann.
Siglufjörður, Hofsós, Sauðárkrók-
ur, Blönduós og nokkur sveitarfé-
lög önnur eru aðilar að þessum
samningi. Samningurinn felur það
m.a. í sér að ríkissjóður tekur að
sér allan stofnkostnað við gerð
heimavistar, en hann bar Sauðár-
króksbær áður, ásamt ríkissjóði.
Þau sveitarfélag, sem að samning-
num standa, bera nú reksturskosj
naðinn að hálfu á móti ríkissjóði
Nýstúdentar. Mynd St. P.
Fjölbrautaskólinn á Sauðárkróki
Síaukinn nemendafjöldi
Síðastliðið haust flutti skólinn í
eigið húsnæöi þegar sex stofur í
hinu nýja verknámshúsi voru tekn-
ar í notkun til bóknáms. Er það
bráðabírgðaráðstöfun en þá fyrst
rætist úr kennsluaðstöðu þegar
bóknámshúsið rís af grunni í
brekkunni fyrir ofan verknámshús-
ið. Teikningar að því liggja fyrir og
sótt hefur verið um fé til að ljúka
sem fyrst hönnun þess.
Stefnt er að því að kennsla í raf-
iðn hefjist á hausti komanda. Er
þess og vænst að verklegt nám í
málmiðnum megi hefjast á næst-
unni. Skrifstofur skólans og kenn-
ararstofa voru fluttar í verknáms-
húsið úr húsnæði Gagnfræða-
skólans nú í vor.
Ný álma við heimavistina er í
byggingu og standa vonir til að
fyrsta hæð hennar verði tilbúin
næsta haust. Til að leysa bráðan
húsnæðisvanda heimavistar hefur
fengist leyfi fyrir því að presthúsið
við Kirkjutorg verði notað til
heimavistar næsta vetur.
Uppbygging Fjölbrautaskólans
á Sauðárkróki hefur gengið vonum
framar. Síaukinn nemendafjöldi
ber þess m.a. vitni. Síðastliðið
haust komu til leiks 206 nemendur
Um áramót hættu 38 og 47 bættust
við. Þannig sóttu 253 nemendur
skólann í vetur, auk 12 nemenda
meistaraskólanámi. Eru þá ótaldir
nemendur kvöldskóla, en þar voru
á annað hundrað manns í venju-
iegu öldungadeildarnámi eða á
námskeiðum, sem skólinn stóð
fyrir.
Við skólaslit gat Jón Hjartarson
um hlýjan hug nemenda og
aðstandenda þeirra til skólans og
þakkaði gjöf, sem skólanum barst
frá Sigurði Jónssyni, lyfsala á
Sauðárkróki.
bh/mhg
JWiuTC
Learjet 25 B, samskonar og flugvélin sem hrapaði 330 km suður af íslandi.