Þjóðviljinn - 20.09.1983, Blaðsíða 3

ÞJÓÐVILJINN - SÍÐA 3
Banaslys
við
Laugarvatn
Ungur Reykvíkingur lét lífið í
uniferðarslysi á veginum skammt .
frá Laugarvatni á sunnu-
dagsmorguninn. Hann hét Sigurð-
ur S. Hilmarsson, 18 ára gamall.
Tildrög slyssins voru þau aö öku-
maðurinn missti vald á bifreið sinni
með þeim afleiðingum að hún kast-
aðist út af veginum og valt nokkrar
veltur. Ökumaðurinn lést sam-
stundis en tveir farþegar slösuðust
allnokkuð. Þeir voru lagðir inná
sjúkrahúsið á Selfossi.
Forseti íslands, frú Vigdís Finnbogadóttir heimsótti Flugleiðir á sunnudaginn. Forstjóri Flugleiða, Sigurður
Helgason, heilsar forsetanum við það tækifæri. Ljósm.: -eik.
Flugleiðir 10 ára
Vel heppnuð
afmælisdagskrá
Flugleiðir stóðu fyrir umfangs-
mikilli kynningu á starfsemi félags-
ins um helgina auk annarrar til-
breytingar í tilefni þess að þessa
dagana eru 10 ár liðin frá því að
stóru flugfélögin Flugleiðir og Loft-
leiðir sameinuðust í eitt - Flugleið-
ir.
Að Hótel Loftleiðum var alla
helgina haldið úti skemmtiat-
riðum. Hornaflokkar héldu uppi
hálfgerðri karnivalstemmningu,
Stuðmenn léku við hvern sinn fing-
ur báða daga hátíðarinnar og að
auki komu fram skemmtikraftar á
borð við Karl Guðmundsson,
leikara, Úllen dúllen doff -
leikflokkurinn skemmti svo og
barnaleikhúsið Tinna. Forseti ís-
lands, frú Vigdís Finnbogadóttir
heimsótti félagið á sunnudeginum,
snæddi hádegisverð og heilsaði
uppá börn sem lagt höfðu leið sína
á hátíðina.
Af sýningargripum sem voru á
Flugleiðahótelinu vakti einna
mesta athygli þotuhreyfill sém
komið var fyrir í anddyri hótelsins.
Sérfróður starfsmaður Flugleiða
skýrði gang hreyfilsins fyrir fólki.
Þá voru kynntir gamlir flugfreyju-
búningar frá bernskudögum fíug-
félaganna.
Mjög vel viðraði fyrri dag hátíð-
arinnar og þá renndu sér nokkrar
vélar Flugleiða yfir Reykjavíkur-
flugvöll. Magnús Norðdahl flug-
stjóri hjá Flugleiðum brá sér í list-
flugvél sína og sýndi kúnstir í lofti
með slíkum tilþrifum að 1700
manns sem komu til að horfa á leik
Vals og ÍBV á Valsvellinum að
viðbættum þeim sem tímdu ekki að
borga sig inn og voru ofar í Öskju-
hlíðinni, varð ekki um sel. Magn-
ús, sem er á sextugsaldri, hefur um
nokkurt skeið verið einn atkvæða-
mesti listflugmaður hér á landi og
hann á einu sérsmíðuðu listflugvé-
lina sem hér er að finna.
Flugleiðir efndu til hugmynda-
samkeppni um nöfn á vélar Flug-
leiða. Hjónin Eygló Magnúsdóttir
og Jón S. Gunnarsson urðu hlut-
skörpust í þeirri samkeppni og
skírðu þau tvær af vélum félagsins á
sunnudeginum. Boeing-727 þota
hlaut nafnið Frónfari og Fokker-
vél hlaut nafnið Vorfari. Vélar fé-
lagsins í innanlandsflugi fengu
nafnið Árfari, Dagfari, Náttfari og
Hjónin Jón S. Gunnarsson og Eygló
Magnúsdóttir urðu hlutskörpust í
hugmyndasamkcppni þeirri sem
Flugleiðir efndu til um nöfn á nýj-
ustu vélar félagsins. Við hátíðlega
athöfn á sunnudaginn voru tvær
vélar félagsins skírðar og sáu þau
hjón um þá hlið mála. Á meðfylgj-
andi mynd -eik skírir Eygló Magn-
úsdóttir nafnið á Boeing-727 vél
Flugleiða. Frónfari er nafn hennar.
svo Vorfari. Millilandaflugvélarfé-
lagsins hlutu nöfnin Heimfari,
Langfari og svo Frónfari eins og
áður gat um.
Að sögn Sæmundar Guðvins-
sonar blaðafulltrúa Flúgleiða tók-
ust hátíðahöldin vegna afmælisins í
alla staði vel og taldi hann að um 10
þúsund manns hafi heimsótt höf-
uðstöðvar félagsins í Loftleiðahót-
elinu en þar eru einnig aðalskrif-
stofur félagsins.
-hól.
Hálfur miljarður í vanskilum við Fiskveiðasjóð
Ástandið verra en
um síðustu áramót
segir Már Elísson framkvstj. Fiskveiðasjóðs
„Við erum ekki komnir með
neina togara undir hamarinn. Þessi
mál eru ennþá til umræðu í stjórn
sjóðsins“, sagði Már Elísson fram-
kvæmastjóri Fiskveiðasjóðs í sam-
tali við Þjóðviljann í gær.
Forsætisráðherra lýsti því yfir á
fundi á Patreksfirði um helgina að
fyrir lægi hjá Fiskveiðasjóði upp-
boð á nokkrum togurum. Már Elís-
son vildi ekki kannast við að nokk-
ur ákvörðun hefði enn verið tekin
um slíkt, vandi útgerðar væri enn
til skoðunar hjá stjórn sjóðsins en
vænta mætti einhverrar niðurstöðu
á næstu vikum.
„Staðan er verri nú en hún var
um síðustu áramót“, sagði Már.
Vanskil við Fiskveiðasjóð nema nú
um 800 miljónum króna, en þegar
búið verður að deila út styrkjum til
útgerðar úr gengismunasjóði mun
um hálfur miljarður standa eftir í
vanskilum.
„Þáð er verið að reikna út skipt-
inguna á gengismunagreiðslum
núna. Þeir sem hafa verið í skilum
við sjóðinn fá sitt útborgað og þeir
eru margir en vanskilin eru mikil
þar sem þau eru á annað borð“,
sagði Már. Aðspurður um hvaða
útgerðir stæðu í mestu vanskilum
við sjóðinn, sagðist hann ekki geta
svarað því til að svo stöddu. Málin
myndu skýrast á næstu vikum.-lg.
Bjargast skákeinvígið?
Líkur eru á því að einvígi Kasp-
arovs og Kortsnojs sem samkvæmt
ákvörðun Campomanesar forseta
FIDE átti að fara fram í Pasadema í
Bandaríkjunum verði haldið eftir
allt saman. Eins og fram hefur
komið f fréttum ákvað sovéska
skáksambandið að senda Kasparov
ekki til leiks þar sem aðstæður í
Pasadena þóttu ekki fullnægja
þeim kröfum sem Sovétmenn gera
þegar slíkir skákviðburðir fara
23,4% hækknn
á smjörlíki
Gífurlegar hækkanir hafa orðið
á smjörlíki að undanförnu. í gær-
morgun tók gildi 23.4% hækkun og
var hún samþykkt á fundi Verð-
lagsráðs fyrir helgi.
Við spurðum talsmann Verð-
lagsstofnunar hverju þetta sætti og
kvað hann ástæðuna vera miklar
hækkanir á hráefni á alþjóðamark-
aði. Borðsmjörlíki hækkaði síðast
12. júlí um 5.1% og þar áður um
22% 7. júní í sumar. - v.
fram. Kortsnoj mætti sjálfur á
staðinn, lék drottningarpeði í
fyrstu skákinni og var dæmdur
sigur að Kasparov fjarverandi.
Lengi var talið að aðalfundur
FIDE sem haldinn verður í Manila
á Filippseyjum ætti möguleika á að
hnekkja ákvörðun Campomanesar
en fylgismönnum einvígisins
bættist óvæntur liðsmaður þegar
Kortsnoj lýsti sig fúsan til að tefla
einvígið eftir fund sem hann átti
með Kasparov í Júgóslavíu. í sam-
eiginlegri yfirlýsingu frá skák-
mönnunum tveimur segir, að þeir
vilji að allt verði gert til þess að af
einvíginu verði, þannig að alþjóða-
skáksambandinu, FIDE, verði
bjargað úr þeirri sjálfheldu sem
það virðist komið í.
Kortsnoj hefur áður sagt að sér
væri það þvert um geð að vinna
einvígið án keppni og í viðtali sem
hann átti við bandarískan blaða-
mann nýlega sagði hann að það
væri að undirlagi Karpovs
heimsmeistara að Kasparov hefði
ekki teflt í Pasadena. Hann sagði
ennfremur að þetta atriði yki lík-
urnar á því, að Kasparov „taki
stökkið yfir í vestrið“, eins og hann
orðaði það.
Eins og fram hefur komið telja
margir Campomanes hafa brotið
lög þegar hann ákvað að einvígið
skyldi haldið í Pasadena. Þess má
geta að aðilar í Pasadena voru
löngu byrjaðir að undirbúa þetta
einvígi áður en tilboð í það bárust
FIDE.
Líkur eru á því að einnig takist
að halda einvígi Riblis og Smyslovs
en ungverska skáksambandið hef-
ur haft milligöngu um það mál. All-
ir málavextir þykja hafa rýrt álit
manna á Campomanes og er ekki
talið ólíklegt að hann hrökklist úr
embætti áður en kjörtímabil hans
rennur út.
- hól.
Ráðstefna Sambands
Alþýðuflokkskvenna
Launamál
kvenna
Launamál kvenna á vinnumark-
aði verða til umræðu á ráðstefnu
Sambands Alþýðuflokkskvenna
sem haldin verður nk. laugardag í
Félagsheimilinu á Seltjarnarncsi.
Meðal þess sem rætt verður á
ráðstefnunni eru Launamisrétti
kynjanna í ljósi félagsfræði, niður-
stöður vinnumarkaðskönnunar
Framkvæmdastofnunar, bónus-
kerfinu og- áhrif þeirra, viðhorf
vinnuveitenda til launamisréttis
kynjanna, vinna og kjör í frysti-
húsi, hvernig hægt er að lifa af
lægstu launum, launamismunur í
ljósi kyngreindra stéttarfélaga,
hlutur verkalýðsfélaga í launa-
jafnrétti, og áhrif fjölmiðla.
Fyrirlesarar eru Kristinn Karls-
son félagsfræðingur, Hannes G.
Sigurðsson hagfræðingur, Björn
Björnsson hagfræðingur ASÍ, Vil-
hjálmur Egilsson hagfræðingur
VSÍ, Aðalheiður Fransdóttir
verkakona, BÚR, Ragnhildur Vil-
hjálmsdóttir Verslunarmannafé-
lagi Reykjavíkur, Ragna Berg-
mann formaður Verkakvennafé-
lagsins Framsóknar, Sigþrúður
Ingimarsdóttir formaður Hjúkrun-
arfélags íslands, Sigrún D. Elías-
dóttir formaður Alþýðusambands
Vesturlands, Ester Guðmunds-
dóttir formaður Kvenréttindafé-
lags íslands, og Erna Indriðadóttir
í fréttamaður. Jóhanna Sigurðar-
| dóttir stýrir pallborðsumræðum og
| fyrirspurnum um viðhorf og stöð-
| una í launamálum kvenna, og eru
i þátttakendur Aðalheiður Bjarn-
j freðsdóttir formaður Starfsmann-
I afélagsins Sóknar, Ásmundur Stef-
j ánsson forseti ASÍ, Einar Árnason
i lögfræðingur VSÍ, Guðríður Þor-
j steinsdóttir formaður Jafnréttis-
| ráðs, Hrafnhildur Sigurðardóttir
j varaformaður Sambands ísl.
bankamanna, Kristján Thorlacius
formaður BSRB og Þorsteinn
Geirsson formaður Samninga-
nefndar ríkisins. Formaður Sam-
bands Alþýðuflokkskvenna, Krist-
ín Guðmundsdóttir, setur ráð-
stefnuna sem hefst kl. 9 en ráð-
stefnustjóri er Kristín H. Tryggva-
dóttir.
- e.k.h.
Iðnþróunarverkefni á Suðurlandi:
Steikarapönnur úr áli
Nú á næstunni verður haíln
framleiðsla á steikarapönnum úr
áli til útflutnings á Bandaríkja-
markað. Eru það Samtöksveitarfé-
laga á Suðurlandi sem fyrir þessari
framleiðslu standa.
Þetta kom fram á fundi, sem
Hjörtur Þórarinsson, fram-
kvæmdastjóri Samtakanna og Þor-
steinn Garðarsson, iðnráðgjafi
þeirra, héldu með fréttamönnum í
gær.
Arðsemiskönnun er lokið. Hef-
ur hún sýnt, að verð væntanlegrar
framleiðslu, gæði og viðskiptasam-
bönd tryggja örugga sölu. Útflutn-
ingsverðmæti yurði 30-75 milj. kr.
Rekstrarkostnaður er hagstæður.
Stofnkostnaður 45-50 milj. kr. Af
honum næmi hlutafé einum þriðja,
hinn hlutinn yrði tekinn að láni.
Gert er ráð fyrir 23 starfsmönnum í
byrjun en 43 eftir 4 ár.
Niðurstöður könnunarinnar
verða kynntar á fundinum sem hér
segir: í Vík í Mýrdal fimmtudaginn
22. sept. kl. 20.00. Á Hellu föstu-
daginn 23. sept. kl. 20.00. Á Sel-
fossi laugardaginn 24. sept. kl.
14.00. Stefnt er að stofnfundi fyrir-
tækisins í nóv. nk.
Fleiri iðnþróunarverkefni eru í
athugun hjá Sunnlendingum og
mun nánar sagt frá þeim.
-mhg