Þjóðviljinn - 18.11.1983, Page 2

2 SÍÐA — ÞJÓÐVILJINN Föstudagur 18. nóvember 1983
Hátíðarstemmning á opnunardag:
Ortröð í
Miklagarði
Þaö var eins og Reykvík-
ingar hefðu tekið sér frí í gær
í tilefni af opnun Miklagarðs,
hins nýja stórmarkaðar Kron
og Sambandsins í Holta-
görðum. Þegar opnað var
klukkan tíu hafði myndast
löng biðröð viðskiptavina
framan við húsið og fór fjöldi
þeirra vaxandi eftir því sem á
daginn leið. Viðskiptavinirnir
voru ánægðir, það voru
starfsnjenn Miklagarðs líka
og reyndar rikti eins konar
hátíðarstemmning í hinum
miklu salarkynnum verslun-
arinnar. Boðið var upp á
ókeypis kaffi í tilefni dagsins,
þar sat fullorðna fólkið en
börnin horfðu á vídeó og
léku með Legó-kubba í barn-
akróknum á meðan.
Eins og skýrt var frá í Þjóðviljan-
um í gær ríkir mikil spenna hjá öðr-
um stórmörkuðum vegna tilkomu
Miklagarðs. Strax í gærmorgun
voru starfsmenn þeirra mættir í
Miklagarð með skrifblokkir til að
kanna verð og vöruúrval og ræddi
Þjóðviljinn við þá nokkra þar í gær.
„Það sem mér finnst ótrúlegast er
að allt skuli vera tilbúið og frá-
gengið á opnunardegi, - það er
einsog þetta sé gamalróin verslun”,
sagði einn. „Það er enginn vafi, -
þeirra verð er lægra en hjá okkur á
flestum hlutum og vöruúrvalið er
gott. Sérstaklega er grænmetis-
borðið og kjötborðið vandað”,
sagði annar. „Ef þetta er eins og
mér sýnist, þá er ekki um annað að
gera en lækka verðið. Við látum
ekki hirða alla jólasölu af okkur án
þess að streitast á móti”, sagði einn
til.
Nýjabrumið átti auðvitað sinn
þátt í því að aðrir stórmarkaðir
voru hálftómir í gær og bjuggust
forsvarsmenn þeirra við að þess
myndi gæta langt fram í næstu viku.
Eftir það má búast við að harka
færist í samkeppnina enda styttist
þá til aðalvertíðarinnar, jóla-
innkaupanna.
Mikligarður var opinn til klukk-
an 22 í gærkvöldi og hið sama verð-
ur uppi á teningnum í dag. Á morg-
un, laugardag verður opið fram til
klukkan 16. -ÁI
Á annars dauðum tíma eftír hádegi í gær voru biðraðir við kassana í Miklagarði.
Ljósm. -Magnús.
Bðrnin horfðu á vídeó meðan mamma
og pabbi versluðu.
Það var mikið velt fyrir sér mismun-
andi verðfagi í Miklagarði í gær.
Ösp og Einar
frá Akranesi
kom-
u ni
aftur”
„Okkur líkar þetta vel. Við áttum leið
í bæinn og þá notar maður tækifærið
og versfar. Þetta er ekki verra en í
þeim stórmarkaði sem við höfum
verslað áður, sumt er ódýrara og
vöruvalið er mikið meira”, sögðu þau
Ósp Þorvaldsdóttír og Einar Brands-
son frá Akranesi. Þau voru ekki aðeins
að kaupa matvöru, heldur einnig ým-
iss konar sérvöru, sem er á boðstólum í
Miklagarði. „Við komum aftur”,
sögðu þau. Ljósm. -Magnús.
Ekki færri en tíu starfsmenn frá hverjum hinna stórmarkaðanna voru á ferðinni í
Mikfagarði í gær. Þeir skáru sig úr fjöldanum • enda voru þeir ekki með
innkaupakörfu heldur litla skrifblokk og venjulega tveir og tveir saman. Ljósm.
-Magnús.
Finnsk-íslenskir
menningar-
styrkir
17 styrkir voru nýlega veittir úr
menningarsjóði íslands og Finnlands,
en 124 umsóknir bárust, 88 frá Finn-
landi og 36 frá íslandi. fslensku styrk-
þegamir eru 7 og fengu þeir 5000
finnsk mörk hver. Gallerí Langbrók,
til að halda sýningu á grafík myndum
eftir Outi Heiskanen. Guðrún Magn-
úsdóttir, bókavörður í Norræna hús-
inu til að sækja námskeið um finnskar
bókmenntir síðari tíma við Háskólann
í Tammerfors. Jónína Guðnadóttir,
leirlistarmaður til að kynna sér finnska
leirlist. Söngflokkurinn Hrím, til
hljómleikafarar til Finnlands. Njörður
P. Njarðvík, dósent til Finnlandsfarar
til að kynna sér finnskar bókmenntir.
Ófeigur Bjömsson, gullsmiður, til að
halda sýningu á verkum sínum í Hels-
ingfors og Sigurður M. Magnússon,
forstöðumaður Geislavama ríkisins til
að heimsækja Geislavamir ríkisins í
Fínnlandi.
Stuttar fréttir
Útför Tómasar
Útför Tómasár Guðmundssonar skálds fer
fram fimmtudaginn 24. nóvember n.k., kl.
13.30 frá Dómkirkjunni í Reykjavík.
Reykjavíkurborg mun kosta útförina í virð-
ingarskyni við hinn látna.
Séra Karl Sigurbjörnsson jarðsyngur.
Líf og land með ráðstefnu
Næstkomandi laugardag efna samtökin Líf
og land til ráðstefnu í þvf skyni að hrinda af
stað þjóðfélagsumræðu um-þann alvarlega
vanda sem íslen'dingar eiga við að glíma á
mörgum sviði m, ekki aðeins á sviði efnahags-
mála heldur og á félagssviði, kirkjumálum o.fl.
segir í frétt frá samtökunum.
A ráðstefnunni, sem hefst kl. 9.30 á laugar-
dagsmorguninn á Hótel Borg, verður blandað
saman erindaflutningi og yfirheyrslum. Meðal
annars mun forsetisráðherra flytja ávarp svo
og fjármálaráðherra.
Safnað fyrir hjartasónar
Landssamtök hjartasjúklinga hafa nú form-
lega hafið söfnuð fjár til kaupa á hjartasónar-
tæki fyrir Landspítalann, en tækið er nú í tíma-
bundnu láni þar frá Bandaríkjunum. Kostnað-
ur er áætlaður um fjórar miljónir króna með
öllum aðflutningsgjöldum. Á næstu dögum
munu sendiboðar samtakanna heimsækja fyr-
irtæki víða um Iand í þessu tilefni en framlög
má leggja á Gíró-reikning nr. 23700-0.
Ný vinnufataverslun
Að Síðumúia 29 í Reykjavík hefur verið
opnuð sérverslun með vinnufatnað og heitir
hún Verslunin Vinnan.
Verslunin mun leggja áherslu á að hafa á
boðstólum allan vinnufatnað, hlífðarföt, skó-
fatnað, öryggisskó, hlífðargleraugu, andlits-
grímur, hjálma og annað sem þörf er fyrir í
flestum greinum iðnaðar, þjónustu og al-
mennrar vinnu, ásamt sportfatnaði ýmiss kon-
ar. Af fötum fyrir sérstakar atvinnugreinar sem
verslunin mun hafa á boðstólum má t.d. nefna
rafsuðugalla, málaragalla og kokkaföt. Versl-
unin getur einnig séð um merkingu á vinnuföt-
um sé þess óskað.
Eldavélaútköll
hjá slökkviliðinu
Tvívegis í gær var Slökkviliðið í Reykjavík
kallað út vegna þess að húsráðendur höfðu
gleymt sér við eldavélarnar. í fyrra skiptið var
slökkt í feitispotti að Furugrund í Kópavogi, og
urðu smávægilegar skemmdir á eldhúsi en eng-
in slys á mönnum. Síðdegis í gær var síðan
tilkynnt að mikill reykur væri í timburhúsi í
Mosfellssveit og var stór hluti slökkviliðsins
kallaður út. Sem betur fer var enginn eldur laus
í íbúðinni heldur hafði matur gleymst í eldavél-
inni. Einn maður var sofandi í íbúðinni þegar
slökkviliðið bar að garði en honum var ekki
meint af reyknum úr eldhúsinu. Engar
skemmdir urðu á íbúðinni.