Þjóðviljinn - 01.12.1983, Blaðsíða 2

2 SÍÐA — ÞJÓÐVILJINN Fimmtudagur 1. desember 1983
Húsnœðissamvinnufélag á Akureyri?
Hvar eiga unglingarnir að skemmta sér?
Betri staðir eru til
fyrir yngri krakka
segir Haraldur Finnsson skólastjóri Réttarholtsskóla
„Það er ekki nokkur vafí á því að
13-15 ára krakkar hafa sótt
unglingaskemmtistaðinn Best all-
mikið að undanförnu og raunar
staðfesta myndir Þjóðviljans í gær
þau tíðindi því krakkar sem þar
sáust skemmta sér eru mörg hver á
þeim aldri“, sagði Haraidur Finns-
son skólastjóri Réttarholtsskóla í
Reykjavík, en þar stunda nám ung-
lingar í 7., 8. og 9. bekk grunn-
skóla.
„Ég er því algjörlega ósammála
að krakkar innan við 16 ára vanti
samastað til að skemmta sér. Hér í
þessu hverfi er það svo að félags-
miðstöðin í Bústöðum er með böll
á föstudögum og við höfum
skemmtanir tvisvar í mánuði hér í
skólanum fyrir þann aldurshóp.
Það eru hins vegar 16 ára ungling-
arnir sem hvergi hafa samastað og
ég er því mjög fylgjandi að þeim sé
veitt aðstaða. En ég er á móti því
að yngri krakkarnir sæki þessa
skemmtistaði vegna þess að það
gerir það að verkum að krakkarnir
serfi eru orðnir 16 ára fælast þaðan í
burtu þar sem þá langar ekki að
skemmta sér með miklu yngri
krökkum. Fyrir nú utan að þessi
skemmtistaður í Fáksheimilinu er
iðulega opinn til kl. 3 að nóttu og
auðvitað hafa slíkar vökur ekki góð
áhrif á 13-15 ára börn“, sagði Har-
aldur Finnsson. _v-
Hallærisplanið tómt
segir faðir 14 og 15 ára stelpna
„Aðalatriðið í þessu máli fínnst
mér vera að með tilkomu
skemmtistaðanna Best og D-14 í
Kópavogi hefur Hallærisplanið
tæmst og krakkarnir fengið
skemmtistað sem þá langar til að
sækja. Ef krakkarnir þurfa endi-
lega að vera að sulla í víni er þó
skömminni skárra að vita af þeim
gera það innandyra þar sem full-
orðnir eru nærstaddir frekar en
niður á Plani í misjöfnum veðr-
um“, sagði Þröstur Haraldsson, en
hann er faðir tveggja stelpna, 14 og
15 ára, sem mikið hafa sótt ungling-
askemmtistaðina tvo sem um er
rætt.
„Mér finnst þessi beiðni Æsku-
lýðsráðs borgarinnar um athugun á
rekstri Best stafa af ólund vegna
þess hve unglingarnir sækja lítið
félagsmiðstöðvar sem það rekur.
Það þýðir ekkert að vera að ein-
blína á einhverja draumamynd um
það hvernig unglingarnir eiga að
vera heldur væri nær að viður-
kenna að þeir eru eins og þeir eru!
Hvernig vorum við sjálf? Krökk-
unum þykir spennandi að komast
inn á staði sem eru ætlaðir þeim
eldra fólki, þannig er það og þann-
ig hefur það alltaf verið“, sagði
Þröstur að lokum. -v.
Félagar nálgast
1000 í Reykjavík
Tímamót í húsnæðismálum,
segir Jón Ásgeir Sigurðsson
Félagsmiðstöðvarnar fímm í Reykjavík ætla að kynna starfsemi sína á sýningu á Kjarvalsstöðum dagana
3.-11. desember. Þessi mynd var tekin í Fellahelli í Breiðholti.
Kynning á starfi Æskulýðsráðs
„Við unga fólkiði(
- Tilurð húsnæðissamvinn-
ufélagsins Búseta markar tíma-
mót í sögu húsnæðismála hér á
landi, ekki bara það heldur
fyrir stóran hóp fólks, segir Jón
Asgeir Sigurðsson talsmaður
samvinnufélagsins í viðtali við
Þjóðviljann í gær. Félagar í Bú-
seta nálgast nú 1000 og tugir
bætast við á hverjum degi.
- Á fundinum á Hótel Borg um
sl. helgi voru um tvö hundruð
manns. Þar gerðist það, að
Eysteinn Jónsson fyrrverandi ráð-
herra ávarpaði fundinn, en hann
vareinn stofnenda fyrsta húsnæðis-
samvinnufélagsins hér á landi fyrir
hálfri öld.
Konur fjölmennar
Eysteinn staldraði við í ræðu
sinni og spurði fundarmenn hvort
þeir vissu um það sem stingi strax í
augu þegar samanburður væri
gerður á félaginu fyrir hálfri öld og
þessu framtaki nú. Um helmingur
fundarmanna á þessum stofnfundi
væru konur en þær hefðu varla sést
fyrir 50 árúm.
Jón Ásgeir upplýsti að helming-
ur félagsmanna væru konur og þær
væru einnig helmingur stjórnar-
manna.
Þeir sem láta skrá sig fyrir 15.
desember og greiða félagagjald
fyrir 1. febrúar teljast stofnfélagar í
Búseta. Þá verður dregið um núm-
er og síðan gengið á röðina þegar
húsnæðið verður tilbúið. Hægt er
að Iáta skrá sig í símum 21994
(Reyni Ingibjarts) eða hjá
Leigjendasamtökunum í síma
27609.
Næsta deild
á Akureyri?
- Fólk úr öllum landshlutum
hefur hringt til okkar og lýst áhuga
sínum á að vera með. Starfsmenn
sambandsins og KEA á Akureyri
hafa boðað til kynningarfundar á
laugardaginn nyrðra og munu full-
trúar Búseta mæta á staðinn.
- Stjórnvöld hafa sýnt málinu
nokkurn áhuga sem og ýmis félaga-
samtök. Sama verður því ekki enn-
þá sagt um ýmiss verkalýðsfélög.
En ég vænti þess að þegar menn
fara almennt að gera sér grein fyrir
hve skynsamlegur þessi kostur er í
húsnæðismálum, muni stéttarfé-
lögin veita okkur sinn mikilvæga
stuðning, sagði Jón Ásgeir Sigurðs-
son talsmaður Búseta að lokum.
Æskulýðsráð Reykjavíkur mun
dagana 3.-11. desember efna til
kynningar á starfsemi sinni að
Kjarvalsstöðum. Mun þar verða
sett upp sýning sem ber heitið „Við
unga fólkið“ og er markmið hennar
að lýsa því starfi sem Æskulýðsráð
vinnur með börnum og unglingum í
borginni. Þá mun menningarmið-
stöðin Gerðuberg í Breiðholti einn-
ig kynnt.
í anddyri Kjarvalsstaða verður
sýning úr tómstundastarfi í skólun-
um, fréttabréf verður gefið út dag-
lega þann tíma sem sýningin stend-
ur yfir og kynnt verður meðferð
tölva.
Félagsmiðstöðvar Æskulýðsráðs
eru nú fimm í Reykjavík og munu
þær hafa sérstaka bása í vestursal
Kjarvalsstaða en auk þess verður
komið fyrir leiksviði þar sem verða
skemmtiatriði sem unglingarnir
hafa sjálfir undirbúið.
-og
Stuttar ffréttir
Iðja krefst
úrbóta strax
„Almennur fundur í Iðju, félagi verksmiðju-
fólks, haldinn 28. nóvember fagnar þeim mikil-
væga sigri, sem unnist hefur í baráttunni um
samningsréttinn. Nú ríður á, að verkafólk
treysti enn samtök sín og samheldni og fylgi
þessum sigri eftir í komandi kjarasamningum
við atvinnurekendur.“
Þannig hljóðar upphaf ályktunar sem Iðja
hefur sent frá sér. Segir að ástand það sem hafi
skapast hjá launafólki í kjölfar kjaraskerðingar
ríkisstjórnarinnar sé með öllu óviðunandi. Þá
segir að Ijóst sé að kjaraskerðingin hafi lagst af
mestum þunga á þá tekjulægstu og sé nú svo
komið að laun þeirra dugi engan veginn fyrir
brýnustu nauðsynjum. Fjöldi alþýðuheimila
rambi á barmi gjaldþrots og neyðarástand blasi
við fáist ekki leiðrétting á kjörum fólks án
tafar. Telur fundurinn, að brýnasta verkefni
við næstu samningagerð sé að tryggja kjara-
bætur til handa þeim lægst launuðu. Það þoli
enga bið.
v.
Kjarasamningar ógiltir, Árbókin 1983
Félagsfundur í Trésmiðafélagi Reykjavíkur
hefur ítrekað fyrri mótmæli vegna setningar
bráðabirgðalaganna s.I. vor og fyrirhugaðri
staðfestingu þessara laga á Alþingi, þó að
samningsrétturinn fáist að nokkru aftur.
„Þá mótmælir fundurinn sérstaklega þeirri
breytingu laganna, sem fyrirhugað er í með-
ferð Alþingis, þar sem allir „kjarasamningar
eru felldir úr gildi“, en þessari breytingu er
fyrst og fremst beint gegn Kjarasamningi bygg-
ingamanna, en gildistími hans er til 1. maí
1985.
Hér er í sömu lagasetningunni og fyrirhugað
er að launafólk fái samningsréttinn að nokkru
aftur, ógiltir kjarasamningar, sem er í raun
hliðstæð aðgerð og afnám samningsréttarins.
Einnig vill fundurinn benda á þann grund-
vallarmun á fyrirhugaðri lagasetningu Alþingis
og bráðabirgðalögunum frá s.l. vori, en þar var
samningsákvæðum kjarasamninga frestað til 1.
febrúar 1984, en nú er fyrirhugað að fella
samningana úr giidi og kjarasamningar þannig
ógiltir með lagaboði frá Alþingi.
Fundurinn skorar því á Aiþingi að sam-
þykkja ekki þessa fyrirhuguðu lagasetningu.'1
Út er komin í ellefta sinn Árbók Reykjavík-
ur og nú fyrir árið 1983. í Árbókinni er að finna
tölulegar upplýsingar m.a. um mannfjölda,
aldurs- og kynskiptingu eftir hverfum, en upp-
lýsingarnar eru að stórum hluta einnig miðaðar
við höfuðborgarsvæðið í heild. Efnið er að
öðru leyti hið fjöibreytilegasta eins og eftirfar-
andi dæmi sýna: Ferðafjöldi í skíðalyftum
Bláfjallanefndar, Lög um málefni fatlaðra, Út-
köll og eldsvoðar hjá Slökkviliðinu 1977-1982,
Fjöldi hrossa í Reykjavík og á Reykjanesi
1970-1982, Vikuleg athugun á atvinnuieysis-
skráningu 1982-1983, Orkusala Rafmagns-
veitunnar, Bókaútlán Borgarbókasafns 1975-
1982, Samanburður á kostnaði við hitun húsa
með hitaveitu og gasolíu o.fl. o.fl.
I Árbókinni 1983 er einnig grein eftir Bald-
vin Baldvinsson verkfræðing um umferð í
Reykjavík, önnur eftir Unni Ólafsdóttur veð-
urfræðing um veðurfar í Reykjavík, Halldór
Torfason jarðfræðingur ritar um hagnýt jarð-
efni í nágrenni ReykjavíkurogJónH. Magnús-
son verkfræðingur ritar um eflingu háþróaðs
tækniiðnaðar. Þá birtist einnig skrá yfir helstu
rit á vegum Reykjavíkur og stofnana hennar.