Þjóðviljinn

Dagsetning
  • fyrri mánuðurdesember 1983næsti mánuður
    SuÞrMiFiLa
    27282930123
    45678910
    11121314151617
    18192021222324
    25262728293031
    1234567

Þjóðviljinn - 01.12.1983, Blaðsíða 9

Þjóðviljinn - 01.12.1983, Blaðsíða 9
Fimmtudagur 1. desember 1983 ÞJOÐVILJINN - SÍÐA 9 , J>að er öfugsnúið að ekki skuli gert ráð fyrir sérstakri færni og iðnmenntun í undirstöðugreinum eins og fiskiðnaði og framleiðsluiðnaði.“ „Mikið vantar enn á að almennt grunn- og framhaldsnám gefi öllum uppvaxandi þegnum tækifæri til alhliða þroska og undirbúnings fyrir fullgilda þátttöku í þjóðfélaginu.“ Landsfundur Alþýðubandalagsins sendi f rá sér ýtarlega ályktun um uppeldis- og fræðslumál og er þar greintfrá stefnumiðumflokksins í þeim mikilvæga málaf lokki. Ekki er rúm til að birta ályktunina í heild en hér verður tæpt á því helsta sem þar kom fram. Ávinningarnir Landsfundurinn vekur athygli á marg- háttuðum ávinningum í uppeldis- og ,fræðslumálum sem náðst hafa undanfarin 10-15 ár. Dagvistarmálin hafa verið endur- skipulögð, almennum forskóla 6 ára barna verið komið á, samræmdur grunnskóli komist á laggirnar, sálfræðiþjónusta stór- aukist, námsefnið verið endurskoðað svo og menntun til uppeldis- og kennslustarfa. Margar skólabyggingar hafa risið, tónlist- arfræðsla aukist og leið unglinga í fram- haldsnám verið gerð greiðari. Nemendum á framhaldsskólastigi hefur því fjölgað gífur- lega. Alþýðubandalagið hefur átt hlut að þess- ari þróun með öðrum framsæknum öflum. Leggur landsfundurinn áherslu á að staðinn verði vörður um þessa ávinninga sem marg- ir eru í hættu vegna gagnsóknar afturhalds- afla og stefnu núverandi ríkisstjórnar. Margt ógert Fundurinn leggur hins vegar áherslu á að þrátt fyrir þetta uppbyggingarstarf sé langt frá að uppeldis- og skólamál skipi þann sess sem skyldi í þjóðmálaumræðunni. Hlut- verk sósíalískrar hreyfingar er að efla um- ræðuna enda séu uppeldis- og skólamál meðal mikilvægustu verkefna í íslenskum stjórnmálum. í nútímaþjóðfélagi, segir í ályktuninni, starfa báðir foreldrar jafnan utan heimilis og því sé meginforsenda fyrir jafnrétti kynja til starfa að næg og góð dagvistar- heimili séu til staðar svo og samfelldur skóli sem veitir nemendum gott athvarf og mötu- neyti. „Mikið vantar enn á að almennt grunn- og framhaldsnám gefi öllum uppvaxandi þegnum tækifæri til alhliða þroska og undir- búnings fyrir fullgilda þátttöku í þjóðfé- laginu“, segir m.a. í ályktuninni. List- og verknámsgreinar séu hornreka og nemend- ur búi við ójafna aðstöðu til náms eftir bú- setu. Brýnt hagsmunamál Landsfundurinn ályktar að áframhald- andi endurbætur í uppeldis- og fræðslumál- um sé eitt brýnasta hagsmunamál alþýðu- stéttar og lágtekjuhópa í þjóðfélaginu. All- Frá Landsfundi Alþýðubandalagsins 1983 Skapa þarf jafna aðstöðu til náms ir þurfi að eiga greiða Ieið til framhalds- menntunar, samræmd próf í lok grunnskóla þurfi að taka til endurskoðunar, koma þarf á fræðslu um jafnréttismál á öllum fræðslu- stigum og gæta verður þess að námsgögn ali ekki á fordómum um hlutverk og getu kynj- anna til starfa. Þá er minnt á að starfs- fræðsla og skólaráðgjöf skipti miklu máli og að báða þessa þætti þurfi að efla innan skólans. Starfsmenntunin úreldist „Um leið og stefna ber að eflingu náms í framhalds- og sérskólum ber að hafa hug- fast að starfsmenntun úreldist fljótt í tækni- þróunarþjóðfélagi nútímans“, segir enn- fremur. Þar segir og að skólarnir þurfi að geta veitt fólki á öllum aldri aðgang að aukinni þekkingu og þroska og að endur- menntunin eigi að geta auðveldað fólki að- gang að nýjum störfum og koma þannig í veg fyrir að menn staðnæmist við ýmis ein- hæf viðfangsefni sem tækniþróunin á að geta rutt úr vegi. Hætta á atvinnuleysi af því tagi sé sérstaklega mikil hjá þeim lágtekju- hópum þar sem konur eru margar. Áhersluatriði Landsfundur Alþýðubandalagsins 1983 lagði sérstaka áherslu á eftirfarandi þætti í fræðslu- og uppeldismálum: Forskólastig - dagvistarheimili. Fram- kvæma þarf þá 10 ára áætlun sem mótuð hefur verið um uppbyggingu dagvistar- heimila með samvinnu ríkis og sveitarfé- laga. Þá þarf að setja rammalög um for- skólastig frá um eins árs aldri til grunn- skóla. Verkmennt og listgreinar. Verkmennt þarf að fá mjög aukið rúm í starfi skólanna og tímabundinn forgang í fjárveitingum. Þá þarf og að gera list- og verkgreinar jafnréttháar bóknámsgreinum. Málefni fatlaðra. Fötluðum þarf að tryggja aðgang að dagvistun, grunnskólum og framhaldsskólum og veita þeim nauðsynlega þjálfun og stuðning í námi. Skólastig og skólaskylda. Taka þarf ákvörðun um lengd skólaskyldu og tryggja örugg tengsl á milli forskóla, skyldunáms og framhaldsskóla. Nú hætta um 30% í hverjum árgangi við lok skyldu og hafna flestir þeirra í láglaunastörfum. Bent er á að öfugsnúið sé að ekki skuli gert ráð fyrir sérstakri færni og iðnmenntun í undirstöðu- greinum eins og fisk- og framleiðsluiðnað. Framhaldsskólastig. Setja þarf strax lög- gjöf um framhaldsskóla um leið og auka verður framboð á stuttum námsbrautum vegna starfsmenntunar. Háskólastig. Athuga þarf sérstaklega tengsl á milli framhaldsskóla og háskóla- stigs og verði það undirbúningur að nýrri löggjöf um framhaldsskóla. Auka þarf námsframboð á háskólastigi með hliðsjón af þróun atvinnulífs í landinu. Bæta þarf rannsóknaraðstöðu við HÍ. Fullorðinsfræðsla. Hana þarf að auka til mikilla muna og setja um hana rammalög er m.a. kveði á um fjárstuðning opinberra að- ila við frjálsa fræðslustarfsemi og hlutdeild skólakerfisins í endurmenntun. Sérstaklega þurfi að gefa fullorðinsfræðslu aukinn gaum til að rétta hlut kvenna. Grunnskóla- nám og framhaldsnám fullorðinna í kvöld- skólum og öldungadeildum verði ókeypis. Rétt fólks til starfsþjálfunar á óskertum launum þarf að tryggja og viðurkenna ber starfsreynslu kvenna sem koma út á vinnu- markaðinn eftir langt starf við heimilis- rekstur. Uppeldis- og kennaramenntun. Menntun kennara og annarra uppeldisstétta þarf að efla og samræma með tilliti til lykilaðstöðu þeirra í skólastarfi. Auka þarf tengsl Kenn- Glefsur úr ályktun um uppeldis- og fræðslumál. araháskólans við HÍ og sérgreinda skóla á sviði kennaramenntunar. Hlutdeild nemenda og foreldra. Þátt þeirra í starfi skólanna þarf að efla og bæta möguleika þeirra til að fylgjast með skóla- starfinu og hafa áhrif á það. Nemendum verði gert kleift að ljúka skyldunámi í heimabyggð sinni, einnig fötluðum, og hlúð að skólaselum fyrir yngstu nemendurna í sveitum. Námskostnaður og námslán. Ríkið standi undir kostnaðarauka nemenda sem dvelja fjarri heimilum efsta hluta grunnskólans og í framhaldsskóla. Staðið verði að fullu við lögboðin námslán og Lánasjóði íslenskra námsmanna tryggt fjármagn í því skyni. Þjónustustofnanir skóla. Námsgagna- stofnun verði tryggðar tekjur til að standa undir lögboðinni þjónustu við grunnskóla. Sama máli gegnir um Kennslugagnamið- stöð, skólarannsóknir, fræðsluskrifstofur og ráðgjafa- og sálfræðiþjónustu skóla. Söfn, fjölmiðlar og ný tækni. Skólasöfn þarf að efla og bæta tengsl annarra safna við skólana. Taka þarf hlut ríkisfjölmiðla í fræðslustarfi til sérstakrar athugunar. Tækniþróun og örar samfélagsbreytingar leggja sérstakar kvaðir á skóla og uppal- endur. Skólarnir þurfa að geta hagnýtt sér nýja tækni í störfum svo sem tölvur og myndbönd og veita ber grunnfræðslu um tölvunotkun. Framundan eru að margra mati ennþá örari tækniframfarir en verið hafa. Mikið liggur við fyrir íslensku þjóðina að halda áttum í þeim ólgusjó. Þar reynir mjög á skólana. í þjóðfélagi komandi ára þarf maðurinn að ráða yfir tækninni, mannúð að reynast sterkari en köld auðhyggja og harð- stjórn. Aðeins virkt lýðræðisþjóðfélag með sósíalisma að leiðarljósi getur varðveitt slíkt gildi. Svigrúmið stórlega skert í lok ályktunar landsfundar Alþýðu- bandalagsins 1983 um uppeldis og fræðslu- mál segir: „Landsfundur Alþýðubandalagsins 1983 leggur áherslu á að flokkurinn styðji ötul- lega skóla- og uppeldisstarf í landinu og leiti víðtæks samstarfs við önnur stjórnmálaöfl og fjöldahreyfingar um úrbætur. Búa þarf dagvistarheimilum og skólum aðstæður til að hlúa að þroska einstaklingsins og um leið að þróunarmöguleikum samfélagsins. Stefna núverandi ríkisstjórnar skerðir stórlega svigrúm á sviði fræðslu- og uppeld- ismála sem í öðrum þáttum samneyslu og félagslegrar þjónustu. Því þurfa framsækin öfl að taka höndum saman til að náð verði þeim markmiðum, sem vikið er að í þessari ályktun.“ „Verkmennt þarf að fá mjög aukið rúm í starfi skólanna og tímabundinn forgang í fjárveitingum.“

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað: 275. tölublað (01.12.1983)
https://timarit.is/issue/223927

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.

275. tölublað (01.12.1983)

Aðgerðir: