Þjóðviljinn - 22.02.1984, Side 3

MiðVíkudagur 22.'febrúár tjÓÐN/’Il'jINIv'— SÍÐA 3
samkomulagið - samkomulagið - samkotnulagið - samkomulagið - samkomulagið - samkomulagið
Guðmundur J. Guðmundsson:
Mér líst illa á
þessa samninga
„Þessir samningar koma Dags-
brún illa. Með þeim er verið að
ncgla niður kjaraskerðinguna frá
síðasta ári. Það er ekkert endur-
heimt af henni,” sagði Guðmundur
J. Guðmundsson formaður Dags-
brúnar í viðtali við Þjóðviljann í
gærkvöldi. „Þeir duga ekki til að
halda kaupmættinum eins og hann
var í árslok 1983. Það verður
óhugnanlega erfitt að ná aftur því
sem tekið er af eftirvinnu- og næt-
urvinnu með þessum samningum.
Ef niðurgreiðslur verða lækkaðar
til að afla fjár innan fjárlaga í bæt-
ur til lágtekjufólks er einfaldlega
verið að láta launamenn borga
þetta sjálfa með hækkun á vöru-
verði.“
„Mér líst illa á þessa samninga.
Það var nauðsynlegt fyrir Dags-
brún að fá verulegar tilfærslur á
töxtum vegna þess að sams konar
störf eru mun betur launuð hjá öðr-
um félögum. Það var því brýn
nauðsyn fyrir Dagsbrún að fá
leiðréttingu til jafns við aðra.
Þótt láglaunahækkunin vegna
dagvinnunnar sé af hinu góða dreg
ég mjög í efa að kaupið muni halda
í við verðbólguna á þessu ári. Auk
þess er mjög alvarlegt að eftirvinn-
an lækkar úr 40% í 17% og nætur-
vinnan úr 80% í 50%. Þetta er stórt
skref aftur á bak“.
Guðmundur J. Guðmundsson
sagði að á félagsfundi í Dagsbrún
annað kvöld yrði fjallað nánar um
afstöðu félagsins. „Við höfum
haldið fjölmarga vinnustaðafundi
og fundi með kjörnum samninga-
nefndum frá einstökum vinnustöð-
um. Ósamræmi í kjörum er svo
mikið að Dagsbrúnarmaður getur
stórhækkað við að fara yfir í annað
félag. Ég sé ekki að slíkt hafi með
verðbólguna að gera. Það er bara
verið að einangra eitt félag“.
Guðmundur sagði að lokum:
„Yfirlýsing framkvæmdastjóra
VSÍ í sjónvarpinu var afar ein-
kennileg. Við báðum hvað eftir
annað um viðræður um einstök at-
riði samninganna og taldi VSÍ að
eðlilegt væri að um það yrði rætt
þegar búið væri að gera heildar-
samninga. Samt sem áður segir
framkvæmdastjóri VSÍ nú að ekki
verði frekari samningaviðræður.
Þetta er furðuleg ósvffni. Ég trúi
ekki að þetta standi.“
-óg
Þeir Guðmundur J. Guðmundsson og Þröstur Ólafsson bera saman ráð sín í upphafi formannafundar ASI í
húsi sáttasemjara í gær. - Ljósm. ólg.
Ólafur Jónasson formaður kjaranefndar INSÍ:
„Þetta er blekking
Ungt fólk á aldrinum 16 til 18 ára ekki viðurkennt
sem fullgildir launamenn ífyrsta skiptifrá 1937
u
„Ég er mjög óhress með þetta
samkomulag, þetta er blekking ein
saman“, sagði Ólafur Jónasson for-
maður kjaranefndar Iðnnemasam-
bands íslands.
„Það er blekking að lágmarks-
laun í landinu séu 12.660 krónur.
Samkvæmt 3. grein þessa samnings
á ungt fólk á aldrinum 16 til 18 ára
að fá 11.509 kr. á mánuði og þar
með taldir iðnnemar á þessum
aldri. Hér er verið að brjóta blað í
verkalýðssögunni og hverfa marga
áratugi aftur í tímann. Það þarf að
leita allt til ársins 1937, til að finna
svona kerfi, en þá varð viðurkennt
að fólk hefði fullgild laun frá 16 ára
aldri.“
„Svo eru þessir herramenn
gja vegna borðsins, bæði frá
ASlog VSÍ, að halda því fram að
með samkomulaginu sé verið að
gera einhverjar sérstakar umfram-
bætur fyrir þá verst settu á launa-
markaði. Alla vega hafa þær þús-
undir ungs fólks, sem nú er sett á
þrep neðan við lágmarkslaunin
12.660 kr. þurrkast út úr huga þess-
ara manna þegar þeir voru að segja
frá samkomulaginu í fjölmiðlum í
gær. Frá 1981 hafa iðnnemar verið
á lágmarkslaunum samkvæmt al-
mennum kjarasamningum, en nú
hefur því verið breytt í þetta óþol-
andi forneskjulega horf“.
„Ég tel að ASÍ sem fer með
samningsréttinn fyrir Iðnnema-
sambandið hafi gleymt bágum
kjörum iðnnema í þessu samkomu-
lagi þeirra við Vinnuveitendasam-
bandið. Mér finnst persónulega að
Ólafur Jónasson iðnnemi
þetta samkomulag sé niðurlægj-
andi fyrir launafólk - og sérstak-
lega ungt fólk“, sagði Ólafur Jón-
asson að lokum. - óg
Steingrímur Hermannsson:
Mikill sigur
fyrir ríkisstjórnina
„Ég tel að með þessum samning-
um hafi unnist mikill sigur fyrir
ríkisstjórnina og íslenskt þjóðlíf í
heild“, sagði Steingrímur Her-
mannsson, forsætisráðherra í gær.
Ráðherrann sagðist fagna því
Bárður Jensson:
Óánægjuraddir
ósanngjamar
„Formannafundurinn á sunnudaginn
gaf ekki tilefni til annars en þess sem nú
hefur verið frágengið því hljóðið var
þannig í mönnum þá að ekki væri staða
til að fara út í neina baráttu", sagði
Bárður Jensson formaður Verkalýðsfé-
lagsins Jökuls í Ólafsvík í gær.
„Mér fannst líka koma fram þá að
þessi 3ja manna samninganefnd Al-
þýðsambandsins hefði ekki ýkja mikinn
bakstuðning til að treysta á. Ég held því
að árangur nefndarinnar sé góður og að
hún hafi gert eins og hægt var að gera.
Þær óánægjuraddir með nýja samning-
inn sem heyrðust á fundinum í gær
fannst mér ósanngjarnar því þær hefðu
þá átt að heyrast áður en gengið var til
samkomulags við atvinnurekendur",
sagði Bárður Jensson úr Ólafsvík.
mjög ef heildarsamningar næðust
nú. Þeir yrðu vonandi til 15 mán-
aða, sem væri ákaflega mikilvægt
því þá skapaðist svigrúm til nýrrar
sóknar tii bættra lífskjara.
„Þessir samningar eru nokkru
hærri en við höfðum talið skynsam-
legt“, sagði Steingrímur, „og það
er ljóst að þeir munu setja veru-
legan þrýsting á þann efnahags-
grundvöll sem við viljum halda.
Það er alltaf spurning um hvað er
sprungið og hvað ekki, - við mun-
um ekki breyta genginu og um ára-
mótin höfðum við náð betri árangri
í baráttunni við verðbólguna sem
hefur skapað dálítið meira svigrúm
en ætlað var“. Steingrímursagði að
þessi þrýstingur myndi hugsanlega
koma fram í 1,5% viðskiptahalla á
árinu í stað 1% og því að verðbólga
yrði um 10%, en ekki undir 10% í
árslok eins og ætlað hefði verið.
„Það á eftir að athuga hvaðan
framlag ríkissjóðs, allt að 330 milj-
ónum króna, verður tekið“, sagði
Steingrímur ennfremur. „Það er
ekki ákveðið en það verður gert að
höfðu samráði við aðila vinnu-
markaðarins. Niðurgreiðslurnar
hafa verið nefndar og það kann að
þurfa að draga nokkuð úr þeim“.
-ÁI
Albert situr áfram
segir Þorsteinn Pálsson
- Þjóðviljinn spurði Þorstein
Páisson formann Sjálfstæðisflokks-
ins hvað Albert myndi gera í kjölfar
þessara samninga. „Hann situr
áfram. Ég sé ekki neina ástæðu til
annars. Það eru engar breytingar í
bígerð innan ríkisstjórnarinnar.
Hún mun halda áfram á sömu
braut“.
Albert Guðmundsson fjármála-
ráðherra var staddur í London
meðan lokalotan hjá ASÍ og VSÍ
fór fram. Mun hann ekki hafa frétt
um niðurstöðu samninganna fyrr
en síðdegis í gær. Albert Guð-
mundsson hefur hvað eftir annað
lýst því yfir að hann muni segja af
sér ef kjarasamningar fara yfir 4%
markið. Síðast endurtók hann þá
yfirlýsingu í umræðum á Alþingisl.
miðvikudagskvöld - einum sólar-
hring áður en hann hélt utan.
Þjóðviljanum tókst ekki að ná í
Albert Guðmundsson í gærkvöldi
en samkvæmt yfirlýsingum fjár-
málaráðuneytisins kemur hann til
landsins í dag.
-ÁI
Verkamannafélagið
DAGSBRÚN
Áríðandi fundur um samningamálin
verður haldinn í
Austurbæjarbíói fimmtudaginn 23. febrúar kl. 17.
Á fundinum verður skýrð
staðan í samningamalunum og
tekin ákvörðun um afstöðu Dagsbrúnar.
Stjórnin skorar á alla félaga
að koma beint af vinnustað
á fundinn.
STJÓRN DAGSBRÚNAR