Þjóðviljinn - 07.06.1984, Síða 2

2 SÍÐA J-‘ ÞJÓÐVILJINN Fimmtudagur 7. júní 1984
Bændaskólinn
á Hólum
Sex stúlkur
búfræð-
ingar
af 20 sem út-
skrifuðust í vor
„Aðsókn að bændaskólanum
síðustu árín sýnir að vaxandi
hópur ungs fólks trúir því að
þar sé verk að vinna, þar séu
möguleikar“, sagði Jón Bjarna-
son skólastjórí Bændaskólans á
Hólum m.a. í skólaslitaræðu
sinni í Hóladómkirkju. Þriðj-
ungur þeirra sem útskrifuðust
sem búfræðingar að þessu sinni
eru konur.
Fjöldi gesta var viðstaddur
skólaslitin 11. maí sl. í dóm-
kirkjunni þarsem prófasturinn í
Skagafirði, séra Hjálmar Jóns-
son flutti prédikun.
í vetur stunduðu 39 nemend-
ur nám við skólann. Þar af út-
skrifuðust 20 búfræðingar, 6
stúlkur og 14 piltar. Af þessum
20 búfræðingum hlutu 2 ágætis-
einkunn og 71. einkunn. Hæstu
einkunn hlaut Heiða Lára Egg-
ertsdóttir frá Ingveldarstöðum í
Hjaltadal, 9,1, og fékk fyrir það
viðurkenningu frá Búnaðarfé-
lagi íslands. Hún fékk einnig
viðurkenningu frá Stéttarsam-
bandi bænda fyrir hæstu ein-
kunn á bústjórnarsviði. Þá
hlaut hún viðurkenningu frá
Landssambandi veiðifélaga
fyrir hæstu einkunn í fiskirækt
og, ásamt Jakob Jóhannssyni
Garðabæ, viðurkenningu frá
Hólalaxi hf. fyrir góðan árang-
ur í fiskeldi. Loks hlaut Heiða
Lára viðurkenningu skólans
fyrir hæstu einkunnir í jarðrækt
og verknámi. - Jón Gíslason
Hofi í Vatnsdal hlaut einnig
ágætiseinkunn, 9.0. Jón fékk
viðurkenningu frá Sambandi ís-
lenskra loðdýraræktenda fyrir
hæstu einkunn í loðdýrarækt og
viðurkenningu frá skólanum
fyrir hæstu einkunn í bútækni
og búfjárrækt. - Hrossarækt-
arsamband Skagafjarðar veitti
Höskuldi Jónssyni á Akureyri
verðlaun fyrir bestan árangur í
hrossarækt. Viðurkenningu
skólans fyrir góða umgengni
hlutu Helga Svanhvít Þrastar-
dóttir, Ásgerður Jónasdóttir og
Bjamey Vala Steingrímsdóttir.
Þann 7. apríl fór fram hin ár-
lega skeifukeppni og veiting
Morgunblaðsskeifunnar fyrir
bestan árangur í tamningum.
Hreppti hana að þessu sinni
Grímur Guðmundsson frá
Lindarbrekku í Biskupstung-
um. Höskuldur Jónsson á Ak-
ureyri hlaut viðurkenningu frá
Félagi tamningamanna fyrir
besta ásetu og Guðni Þór Guð-
mundsson Reykjavík Eiðfaxa-
bikarinn fyrir góða umhirðu á
hesti sínum.
Að lokinni skólaslitaathöfn-
inni þáðu gestir veitingar í boði
skólans.
- mhg.
Útgerðarmenn á Austfjörðum
Lýsum yfír fullri
ábyrgð stjórnvalda
Þarfmiljarð vegna vanskilaskulda, hœrri afurðalán og lœgri vexti
„Það erljóstað fyrirtæki ísjáv-
arútvegi hafa haldið áfram
rekstri, mun lengur en
skynsamlegtvirðist. Þettahef-
ur verið gert í von um að
stjórnvöld tækju á málum sjáv-
arútvegsins af skynsemi og í
þeirri vissu að allsherjar stöðv-
un í sjávarútvegi valdi þjóðfé-
laginu stórtjóni. Við lýsum því
hér með yf ir vonbrigðum okkar
með að þessi ábyrga afstaða
hefur ekki orðið til annars en að
sífellt er aukið á erfiðleika sjáv-
arútvegsfyrirtækja. Þvíerekki
hjá því komist að lýsa yfirfullri
ábyrgð stjórnvalda á þeim erf-
iðleikum sem sjávarútvegurinn
á nú við að stríða og væntan-
legum rekstrarstöðvunum fyrir-
tækja af þeim sökurn".
Svo segir m.a. í bréfi sem for-
ráðamenn allra togaraútgerðar-
fyrirtækja á Austurlandi hafa sent
stjórnvöldum þar sem tilkynnt er
að vegna rekstrarstöðu útgerðar-
innar verði allri togaraútgerð hætt
frá og með 24. júní n.k. Sú ákvörð-
un mun þýða að nærri 20 skuttog-
urum verður lagt og hátt á annað
þúsund manns mun missa atvinnu
sína.
Forráðamenn útgerðarfyrirtækj-
anna leggja til í bréfi sínu að eftir-
farandi ráðstafanir verði gerðar nú
þegar til að koma í veg fyrir stöðv-
un fyrirtækjanna.
1. Endurkaupalán Seðlabanka ís-
lands hækki í 60% af afurða-
verðmæti. Viðskiptabankarnir
láni síðan 24% til viðbótar,
þannig að heildarlán nemi 84%
af afurðaverðmæti.
2. Útvegað verði innlent lán og ef
það tekst ekki þá erlent lán að
upphæð 1000 milljónir króna, til
greiðslu á hluta vanskila útgerð-
ar og fiskvinnslu. Þannig verði
greiðslubyrði vegna vanskila
dreift á 8-10 ár. Ríkisábyrgðar-
sjóður ábyrgist lán þetta. Til
þess að sýna fram á nauðsyn
þessa, er nóg að fram komi að
aðeins tap útgerðar 1982 og 1983
nam um 2,4 miljörðum króna.
3. Fiskverð verði hvorki nú né síð-
ar ákveðið þannig, að tap sé á
meðalútgerðar- eða fiskvinnslu-
fyrirtæki.
4. Vextir á afurðalánum verði
lækkaðir.
Sjávarútvegsráðherra sem nú
dvelst í Færeyjum hefur lýst því yfir
að vel komi til greina að afurðalán-
in færist í auknum mæli yfir til við-
skiptabanka og þeir taki þá erlend
lán til að fjármagna þau. Á þriðju-
dag í næstu viku hefur verið boðað-
ur fundur ráðherra og útgerðar-
manna á Austurlandi.
Teiknimynda-
samkeppni
hjá Tékkum
í fyrradag, 5. júní, fór fram í tékk-
neska sendiráðinu við Smáragötu í
j Reykjavík, verðlaunaafhending í
j teiknimyndasamkeppni Tékk-
i nesk-íslenska félagsins, auglýsinga-
stofunnar Rapid í Tékkóslóvakíu
og tékkneska sendiráðsins í
Reykjavík. Keppnin var haldin í
byrjun maí í Æfinga- og tilrauna-
skóla KHÍ í sambandi við tékk-
neska daga á Hótel Loftleiðum 24.-
30. maí. Bestu myndirnar voru til
sýnis í anddyri Hótels Loftleiða
meðan á tékknesku dögunum stóð.
Þrjú börn fengu reiðhjól í verð-
laun: í flokki 5-7 ára: Oddgeir Ein-
arsson, í flokki 8-11 ára: Sólveig
Edda Vilhjáimsdóttir og í flokki 12-
15 ára: Valdís Björk Friðbjörns-
dóttir.
Eftir verðlaunaafhendinguna
var börnunum sýnd kvikmynd og
að skilnaði fengu allir viðurkenn-
Frá verðlaunaafhendingu í gær. (Loftur). ingu fyrir þátttökuna.
Amnesty International:
Fangar júnímánaðar
um er talið að grunurinn sé ein-
MEXIKO
Gustavo Raúl ZARATE Varg-
as, 29 ára hagfræðikennari við
Autonomus háskólann í Chiapas í
suðurhluta Mexíkó. Þann 24. júlí
1983 réðst öryggislögregla ríkisins
fyrirvaralaust inn á heimili hans og
tók hann fastan. Lögreglan gerði
hjá honum húsleit og fjarlægði
margar bækur og pólitísk skjöl sem
voru í hans eigu.
í mars sl. gat starfsmaður Amn-
esty samtakanna haft tal af Gusta-
vo í fangelsinu, og þá skýrði hann
frá því að hann hafi verið pyntaður
við yfirheyrslur. Var hann m.a.
barinn, honum gefinn rafstraumur
á viðkvæma líkamshluta, auk þess
sem honum var hótað lífláti skrif-
aði hann ekki undir ákæruskjal á
sjálfan sig. Gustavo R. Zarate
Vargas styður samtök indíána í
sínu héraði og er einnig fylgjandi
sjálfstæði smábænda.
Amnesty samtökin telja að
ákærur þær sem á hann eru bornar
séu ekki á rökum reistar. Þær séu
byggðar á fölskum gögnum lög-
reglunnar, og á játningu sem feng-
in var fram undir þvingunarað-
gerðum. Samtökin vita með vissu
að slíkar aðgerðir eru viðhafðar í
þó nokkrum mæli gegn pólitískum
föngum í Mexíkó. Að mati samtak-
anna er Gustavo ZARATE haldið
föngnum vegna sinna stjórnmála-
legu skoðana og afskipta, allt lög-
legra og friðsamlegra athafna.
EÞÍÓPÍA
ZEGEYE Asfaw fyrrverandi
dómsmála- og landbúnaðarráð-
herra í Eþíópíu. Hann er einn af
nokkur hundruð meðlimum
stærsta kynflokksins í Eþíópíu -
Oromo, sem voru handteknir í
febrúar 1980 í Addis Ababa. Þeim
var öllum haldið föngnum við
slæman aðbúnað, úr tengslum við
umheiminn og þurftu að þola pynt-
ingar. Flest er fólkið enn í haldi, án
þess að vera ákært fyrir nokkuð, né
að mál þess hafi komið fyrir rétt.
Yfirvöld í landinu hafa ekkert
gefið upp um ástæðuna fyrir þess-
um handtökum, eða á hvaða laga-
legum forsendum fólkinu er haldið
í fangelsi. Talið er þó að ein aðalá-
stæðan sé grunur um tengsl við
Frelsishreyfingu Oroma - Oromo
Liberation Front. í mörgum tilfell-
göngu byggður á því að hér er um
sama kynflokkinn að ræða. Hand-
tökurnar áttu sér stað eftir að
Frelsishreyfingin gerði vopnaða
árás á Hararghe hérað í austur-
hluta Eþíópíu. ZEGEYE Asfaw
hefur ekki hlotið neinn dóm né ver-
ið ákærður. Að mati Amnesty sam-
takanna er honum haldið af pólit-
ískum ástæðum.
MALASÍA
WONG Yong Huat, verkamað-
ur á gúmmíplantekru, var handtek-
inn í borginni Yong Peng í Johore
ríki þann 24. aprfl 1972. Hann hef-
ur því nú verið í haldi í 12 ár, án
dóms eða ákæru, og hefur hann
þurft að líða endurteknar pynting-
ar við yfirheyrslur. Varðhaldi hans
er viðhaldið skv. svonefndu Inter-
nal Security Act - en þar er kveðið
svo á um að á tveggja ára fresti sé
leyfilegt að endurnýja varðhald
yfir því fólki sem talið er ógna ör-
yggi þjóðarinnar, án þess að málið
þurfi að koma fyrir rétt eða borin
fram ákæra. Frá því í mars 1983
hefur WONG verið haldið í Taip-
ing Detention Camp í Perak. Þar er
aðbúnaður sagður slæmur. Fang-
arnir eru hafðir í þröngum, heitum
klefum með lélegri loftræstingu og
þeir hafa sjaldnast tækifæri á að
hreyfa sig. Læknishjálp mun vera
lítil og ónóg.
Þeir sem vilja leggja máli þessara
fanga lið, og þá um leið
mannréttindabaráttu almennt, eru
beðnir vinsamlega að hafa sam-
band við skrifstofu Islandsdcildar
Amnesty, Hafnarstræti 15, R, sími
16940. Þar er hægt að fá heimilis-
föng þeirra aðila sem skrifa á til,
auk annarra upplýsinga s.s. varð-
andi slíkar bréfaskriftir. Skrifstof-
an er opin alla virka daga frá kl.
16:30 til 18:00.