Þjóðviljinn - 13.06.1984, Qupperneq 4

4 SÍÐA — ÞJÓÐyiLJINN Miðvikudagur 13. júní 1984
MOBVIUINN
Málgagn sósfalisma, verkalýðs-
hreyfingar og þjóðfrelsis
Útgefandi: Útgáfufélag Þjóðviljans.
Framkvæmdastjóri: Guðrún Guðmundsdóttir.
Ritstjórar: Árni Bergmann, Einar Karl Haraldsson.
Umsjónarmaður Sunnudagsblaös: Guðjón Friðriksson
Skrifstofustjóri: Jóhannes Harðarson.
Auglýsingastjóri: ólafur Þ. Jónsson.
Afgreiðslustjóri: Baldur Jónasson.
Afgreiðsla: Bára Sigurðardóttir, Kristín Pétursdóttir.
Blaðamenn: Auður Stvrkársdóttir, Álfheiður Ingadóttir.Lúðvik Geirsson, Magnús H. Gísla-
son, Ólafur Gíslason, Oskar Guðmundsson, Sigurdór Sigurdórsson, Valþór Hlöðversson.
íþróttafréttaritari: Víðir Sigurðsson.
Útlit og hönnun: Haukur Már Haraldsson, Þröstur Haraldsson.
Ljósmyndir: Atli Arason, Einar Karlsson.
Handrita- og prófarkalestur: Andrea Jónsdóttir, Elías Mar.
Auglysingar: Margrét Guðmundsdóttir, Ragnheiður Óladóttir, Anna Guðjónsdóttir
Skrifstofa: Guðrún Guðvarðardóttir.
Símavarsla:tSigríður Kristjánsdóttir og Aðalbjörg Óskarsdóttir.
Húsmóðir: Bergljót Guðjónsdóttir.
Bílstjóri: ólöf Sigurðardóttir
Innheimtum.: Brynjólfur Vilrnálmsson
Pökkun: Anney B. Sveinsdóttir, Halla Pálsdóttir, Karen Jónsdóttir.
Útkeyrsla, afgreiðsla og auglýsingar:
Síðumúla 6, Reykjavík, sími 81333.
Umbrot og setning: Prent.
Prentun: Blaðaprent hf.
NT
og Framsóknar-
spillingin
Þegar Guðmundur H. Garðarsson formaður Fulltrú-
aráðs Sjálfstæðisflokksins í Reykjavík skrifaði grein í
Morgunblaðið um spillingareðli Framsóknarflokksins
var greinilega komið við auman blett á hinu nýja gervi
Tímans, blaðinu sem nú ber heitið NT. Guðmundur H.
Garðarsson hafði rökkstutt ýtarlega að „fyrir íslenskt
þjóðfélag, siðferði og heiðarleik væri það lífsspursmál
að Framsóknarflokkurinn væri settur til hliðar í íslensk-
um stjórnmálum um ófyrirsjáanlega framtíð“. Einnig
áréttaði þessi forystumaður Sjálfstæðisflokksins að
flokkur hans ætti ekki að vera í stjórnarsamstarfi við
Framsóknarflokkinn þar eð Framsóknarflokkurinn
væri „skjól þeirrar spillingar sem við viljum uppræta og
teljum okkur vera að berjast gegn“.
Þessar yfirlýsingar sköpuðu mikla reiði á ritstjórn
NT. Skrifaður var leiðari þar sem þess var krafist að
Sjálfstæðisflokkurinn afneitaði þessum yfirlýsingum
Guðmundar. Hjarta NT-gervisins sló sVo ótt og títt í
takt við velferð og álit gömlu Framsóknarmaddömunn-
ar að í engum leiðara hefur eftir breytingarnar gætt slíks
hita. Þegar sú von brást að þingmenn og ráðherrar
Sjálfstæðisflokksins færu að hirta formann Fulltrúar-
áðsins í Reykjavík tók NT til sinna ráða. Blaðið leitaði
dag eftir dag til þekktra manna úr þjóðlífinu og bað þá
að afneita kenningum Guðmundar H. Garðarssonar.
Þessi efnisöflun varð þó frekar til að bæta gráu ofaná
svart.
Friðrik Sophusson varaformaður Sjálfstæðisflokks-
ins sagðist velja annað orðalag á spillingar-lýsingunni
en Guðmundur og gaf rækilega í skyn að efnislega væri
hann alveg sammála formanni Fulltrúaráðsins. Eyjólf-
ur Konráð Jónsson alþingismaður kvaðst ekki trúa því
að spillingarmerkið ætti við um Framsóknarflokkinn í
heild. Það kynni að vera einn og einn saklaus innan um
hina svörtu sauði. Vilhjálmur Þ. Vilhjálmsson varafor-
maður Fulltrúáráðsins stóð eindregið með Guðmundi
og gaf skrifunum um spillinguna í Framsóknarflokkn-
um þá einkunn að þau væru bæði greinargóð og mark-
viss.
Þegar orðræður NT við þessa heiðursmenn urðu til
þess að staðfesta frekar kenningar Guðmundar greip
hin nýja ritstjórn til þess ráðs að láta Steingrím Her-
mannsson vitna um spillinguna í Framsóknarflokkn-
um. í NT á laugardaginn lýsti formaður Framsóknar-
flokksins því yfir að hann væri algerlega ósammála
einkunnagjöf Guðmundar H. Garðarssonar. Kom
Steingrímur Hermannsson með þá sönnu Framsóknar-
skýringu á atferli Guðmundar „að maðurinn væri að
reyna að skapa sér einhverja stöðu innan Sjálfstæðis-
flokksins í Reykjavík, reyna að koma sér þar á fram-
færi, honum hefur gengið heldur illa í því upp á síðkast-
ið“.
Þessi svör forsætisráðherra landsins og formanns
Framsóknarflokksins sýna hins vegar vel hugarheim
sem vel kemur heim og saman við lýsingar Guðmundar
H. Garðarssonar á orsökum spillingarinnar í Fram-
sóknarflokknum. Framsóknarsiðferðið gengur allt út á
að koma sér og flokknum áfram og vel fyrir í heimi
aðstöðu og ítaka. Auðvitað dettur Steingrími Her-
mannssyni fyrst í hug að útskýra skrif Guðmundar H.
Garðarssonar með hugsunarhætti og framkomu sem
algengust eru í herbúðum Framsóknarflokksins.
Ritstjórnin á NT þarf hins vegar ekki að leita langt til
að finna skýr dæmi um siðleysið og spillingaratferlið
sem tröllríður Framsóknarflokknum. Stofnun Nútím-
ans og breytingin í NT báru sterk svipmót þessa Fram-
sóknareinkennis. Brottrekstur Elíasar Snæland Jóns-
sonar og ráðningin á Magnúsi Ólafssyni sýndu vel hin
siðlausu og spilltu Framsóknarvinnubrögð. NT ætti að
leita betur í eigin garði.
klippt
Frá undirrritun samnings um „ísfilm hf“.
Almenna bókafélagið
Almenna bókafélagiö hefur
nýlega haldið aðalfund sinn.
Fram kom að nokkurt tap hefur
orðið á bókaútgáfu félagsins á sl.
ári vegna samdráttar í bókasölu. í
fréttatilkynningu frá Almenna
bókafélaginu kemur fram að frá-
farandi framkvæmdastjóri er nú
tekinn við forstjórn hjá BÚR.
Það er Brynjólfur Bjarnason sem
vindur sig þannig frá bókinni yfirí
þorskinn.
Matthías Johannessen vakti at-
hygli á því hve illa væri búið að
bókum og höfundum þeirra hér á
landi. Þetta leiðir hugann að
þeirri tilgátu bókaútgefanda um
jólin, að sennilega hefði aldrei
verið gerð jafn harkaleg árás á
bókina en einmitt nú, þarsem rík-
isstjórn skerðir kjör launafólks,
hins almenna bókakaupanda,
meir en áður þekktist. Þannig
þurfa vinir bókarinnar að sam-
einast í andstöðu við núverandi
ríkisstjórn, ef þeir vilja reisa bók-
ina við
Sama og Isfilm?
Athygli vekur og, að meðal
stjórnarmanna í Almenna bóka-
félaginu eru fulltrúar voldugra
aðilja sem standa að ísfilm, fjöl-
miðlarisanum, stóra bróður, sem
nú er mulið undir.
í stjórninni eru Davíð Oddsson
borgarstjóri, Erlendur Einarsson
forstjóri SÍS, Jón Skaftason borg-
arfógeti og fyrrverandi alþingis-
maður Framsóknarflokksins,
Davíð Ólafsson Seðlabankastjóri
og fyrrverandi alþingismaður
Sjálfstæðisflokksins, Eyjólfur
Konráð Jónsson alþingismaður
Sjálfstæðisflokksins og fyrrver-
andi ritstjóri Morgunblaðsins.
Sólrún Jensdóttir næst æðsti yfir-
maður skólamála í landinu, Þrá-
inn Eggertsson prófessor, Gylfi
Þ. Gíslason prófessor og fyrrver-
andi formaður Alþýðuflokksins,
Baldvin Tryggvason sparisjóðs-
stjóri og Halldór Halldórsson
prófessor.
Brynjólfur Bjarnason fráfar-
andi framkvæmdastjóri bókafé-
lagsins er einnig stjórnarmaður í
Arvakri, útgáfufélagi Morgun-
blaðsins.
í þessari nafnaþulu má sjá
venslin í peningamálunum milli
fyrirtækja einsog SÍS (Framsókn-
arflokksins), Árvakurs, Reykja-
víkurborgar Sjálfstæðisflokksins
og menntamálaráðuneytis Sjálf-
stæðisflokksins. En þá er heldur
ekki rakið hvað hefur gerst á að-
alfundi huldufélags Almenna
bókafélagsins, Stuðlum, þarsem
Geir Hallgrímsson er meðal vold-
ugri peningamanna.
Át'ók á aðalfundi SÍS
í rauninni er dálítið óþægilegt
fyrir Erlend Einarsson forstjóra
SÍS, að fréttir um aðalfund Al-
menna bókafélagsins, þar sem
nafn hans trónir á blaði í við-
reisnarstjórnarselskap, skuli birt-
ast einmitt nú í upphafi aðalfund-
ar SÍS.
Reiknað er með, að hörð átök
verði á aðalfundi SÍS um þátt-
töku miðstjórnarvalds SÍS í
Reykjavík í fjölmiðlarisanum
með Mogganum, DV, Davíð
Oddssyni og Indriða G. Þor-
steinssyni.
Fjölmörg kaupfélög og
kaupfélagsdeildir hafa ályktað
gegn Ísfílm-ævintýrí Erlendar
Einarssonar og félaga og mikill
meirihluti félaganna er á móti
þessari tegund „samvinnustarf-
semi“ auðvaldsins. Hins vegar
hafa Erlendur og félagar tögl og
hagldir í fundarstjórn og
-sköpum á aðalfundum, þannig
að margir reikna með að með for-
mlegum brögðum muni Erlendi
takast að komast hjá ályktun með
beinni andstöðu við ísfilm-
þátttökuna. Víst er að reynt verð-
ur að komast hjá því að hlusta á
grasrótina á aðalfundi SÍS nú eins
og endranær.
Sama og ríkis-
stjórnin?
Munstrið í stjórnum Almenna
bókafélagsins og ísfilm hefur
stundum verið kallað hið eigin-
lega stjórnarmynstur ríkisstjórn-
ar fslands. Og þegar grannt er
skoðað þykjast menn sjá, að sam-
vinna einokunarkapítalsins á
vegum Sj álfstæðisflokksins og
hins sjálfhverfa miðstjórnarvalds
SÍS í Reykjavík, hafi fætt hvortt-
veggja af sér, ríkisstjórn Stein-
gríms og ísfilm Indriða G. Þor-
steinssonar. Eða vill einhver ann-
ar gangast við króunum?
-óg
Margradda kór
„Ríkisstjórnin mun engum
tökum ná á efnahagsmálum þjóð-
arinnar ef hún lætur sitja við það
eitt að afnema kaupgjaldsvísitö-
luna“. Þetta skrifar Morgunblað-
ið í Reykjavíkurbréfi um helgina
og bætist þannig í hóp þeirra sem
telja ríkisstjórnina ekkert hafa
gert annað í efnahagsmálum,
heldur en ráðast á kjör launa-
fólks.
*
Fyrirmenn Islands
Á Listahátíð hefur margt furð-
ulegt gerst fyrir utan það hversu
dýrt er inn á mörg atriði hátíðar-
innar. Þannig mun Garðar Cort-
es hafa kynnt á opnunarballi í
Laugardalshöll nýtt atriði: Nú
verður nýtt skemmtiatriði í þjóð-
legum stíl. Hinn íslenski dans-
flokkur ætlar að bjóða fyrir-
mönnum íslands uppí dans.
Primadonna dansflokksins
Ásdís Magnúsdóttir sveif frammí
salinn, framhjá Steingrími for-
sætisráðherra, og bauð Brement
sendiherra Bandaríkjanna upp í
dans.
Miklar virðingar hefur Bre-
ment sendiherra þegið af íslensk-
um valdsmönnum síðustu mán-
uði og ár. En trúlega hefur hann
aldrei áður verið nefndur einn af
„fyrirmönnum íslands" á opin-
berri skemmtan.
Þess má geta, að Steingrímur
_ forsætisráðherra gleymdist ekki
alveg, þótt svona færi. Hann fékk
að dansa við íslenska dansflokk-
inn líka. Og meira að segja Ragn-
hildur...
~óg.